Matthew 22:42 in Macushi

42 —‍Î' kai'ma see eesenumenkakon mîrîrî mîîkîrî Paapa nîmenka'pî pî'? Anî' paarî'pî pe awanî mîrîrî? —‍ta'pîiya. —‍Davi nurî'tî paarî'pî mîîkîrî —‍ta'pî to'ya ipî'. Moropai inî'rî to' ekaranmapo'pî Jesusya:

Other Translations

King James Version (KJV)

Saying, What think ye of Christ? whose son is he? They say unto him, The son of David.

American Standard Version (ASV)

saying, What think ye of the Christ? whose son is he? They say unto him, `The son' of David.

Bible in Basic English (BBE)

What is your opinion of the Christ? whose son is he? They say to him, The Son of David.

Darby English Bible (DBY)

saying, What think ye concerning the Christ? whose son is he? They say to him, David's.

World English Bible (WEB)

saying, "What do you think of the Christ? Whose son is he?" They said to him, "Of David."

Young's Literal Translation (YLT)

saying, `What do ye think concerning the Christ? of whom is he son?' They say to him, `Of David.'

Cross Reference

Matthew 1:1 in Macushi

1 Sîrîrî wanî penaronkon Jesus Cristo rawîronkon pî' teeseurîmasen pe. Jesus Cristo wanî Abraão nurî'tî pa'rî pe moropai Davi nurî'tî pa'rî pe ekareme'nen pe awanî.

Matthew 2:4 in Macushi

4 Taatasi'sirunpai tîwanî ye'nen, mîîkîrîya teepîremasanon esanon muurukuntî'pî. Moropai Moisés nurî'tîya yenupanto' pî' yenupatonkon eperepî'pî. Moropai inkamoro ekaranmapo'pîiya o'non pata mîîkîrî Cristo, Paapa nîmenka'pî esenpo e'painon kai'ma.

Matthew 9:27 in Macushi

27 Moropai Jesus wîtî'pî mîrîrî pata poi. Attî tanne, e'ma taawîrî asakî'nankon warayo'kon enkaru'nankon iipî'pî ite'ma'pî pî', tîwentaimepîtîkon ye'ka pe. Ta'pî to'ya ipî': —‍Amîrî Davi paarî'pî, pemonkonyamî' pîika'tîton, anna era'makî a'noko'pî pe sa'ne —‍ta'pî to'ya ipî'.

Matthew 14:33 in Macushi

33 Moropai inenupa'sanya Jesus yapurî'pî. Yapurî ye'ka pe inkamoroya ta'pî: —‍Innape see, Paapa munmu pe amîrî wanî sîrîrî —‍ta'pî to'ya.

Matthew 16:13 in Macushi

13 Moropai Jesus wîtî'pî tiaron pata poro, itese' Cesaréia Filipe. Miarî teerepansa'kon pe tînenupa'san ekaranmapo'pîiya: —‍Anî' kai'ma uurî, ka' poi iipî'pî pî' pemonkonyamî' wanî? —‍ta'pîiya.

Matthew 21:9 in Macushi

9 Yarakkîrî tuutîsanon entaimepîtî'pî irawîrî si'ma, moropai ite'ma'pî pî' si'ma mararî pra: —‍Yapurîpai'nîkon man Davi parî'pî pe tîwe'sen. Morî pe pu'kuru man, aaipî'pî manni' Uyepotorîkon maimu pe —‍ta'pî to'ya tîwentaimepî'se. —‍Paapa ka' pon manni' yapurîpai'nîkon man —‍taa pî' to' ko'mamî'pî.

Luke 1:69 in Macushi

69 Paapaya upîika'tînenkon ton esenpo emapu'tî'pî tîpoitîrî Davi nurî'tî paarî'pî yai.

John 1:49 in Macushi

49 Mîrîrî pî' Natanaelya ta'pî: —‍Uyenupanen, amîrî Paapa munmu. Amîrî anna Israelyamî' yepotorî.

John 6:68 in Macushi

68 Tîîse Simão Pedroya ta'pî ipî': —‍Uyepotorî, anî' pia anna wîtî? Amîrî neken ipatîkarî enen anna ko'manto' yekare esa'.

John 7:41 in Macushi

41 Tiaronkonya ta'pî: —‍Mîîkîrî man pîika'tîton Paapa nîmenka'pî pe. Tîîse mîrîrî pî' tiaronkonya ta'pî: —‍Paapa nîmenka'pî pe pra man. Maasa pra Cristo iipî pepîn Galiléia poi.

John 20:28 in Macushi

28 Mîrîrîya Toméya yuuku'pî: —‍Uyepotorî, Paapa unapurîton —‍ta'pîiya.

Acts 13:22 in Macushi

22 Mîrîrî tîpo Paapaya imo'ka'pî. Moropai tiaron pata esa' ton menka'pîiya, Davi. Mîîkîrî pî' Paapa eseurîma'pî. “Mîîkîrî Davi wanî Jessé munmu pe. Mîîkîrî wanî uwakîri pe pu'kuru maasa pra tamî'nawîrî iku'kî tauya ikupîiya” ta'pîiya.

Philippians 2:9 in Macushi

9 Mîrîrî ye'nen Jesus pîmî'sa'ka tîuya yai, ipîkku pe Paapaya ikupî'pî, tamî'nawîronkon yentai. Moropai tamî'nawîronkon ipîkkukon ese' yentai itese' ton tîrî'pî Paapaya, uyepotorîkon pe.

Philippians 3:7 in Macushi

7 Tîîse Cristo eporî'pîuya pata pai, epu'tî'pîuya manni' uyeserurî'pî wanî î' pe pra rî. Morî pe Cristo wanî epu'tî'pîuya, maasa pra imîrî pe enasa' ye'nen. Tamî'nawîrî uyeserurî'pî yentai awanî'pî.

Colossians 3:11 in Macushi

11 Mîrîrî warantî amenan pe awanîkon ye'nen Judeu pe awanîkon ya, moropai Judeu pe pra awanîkon ya î' wani' awanî pepîn Paapa pia. Moropai amerekon pi'pîkon ya'tîsa' to'ya ya, ya'tîsa' to'ya pra awanî ya, î' wani' awanî pepîn Paapa pia. Moropai pakko pe awanîkon ya, moropai eranne' pe awanîkon ya, moropai to' poitîrîtonon pe awanîkon ya, moropai to' poitîrî pe pra awanîkon ya, î' wani' awanî pepîn Paapa pia. Tîîse Cristo ko'mamî ya, ayewankon ya' mîrîrî neken wanî ipîkku pe. Maasa pra tamî'nawîronkon uurî'nîkon yewan ya' Cristo ko'mamî.

1 Peter 2:4 in Macushi

4 Erepantî Uyepotorîkon pia, mîîkîrî to' newanma'pî, itu'se pra to' wanî'pî tîîse Paapa pia imenkasa' pe awanî'pî, ipîkku pe awanî'pî.

Revelation 5:12 in Macushi

12 Moropai inkamoro eserenka ko'mannîpî'pî meruntî ke to' maimu wanî'pî. Ta'pî to'ya: Manni' carneiro iwî'pî wanî morî pe pu'kuru, î' pe pra rî awanî pepîn. Mîrîrî ye'nen meruntî ke tîwe'to' pî', moropai ipîkku pe tîwe'to' pî', moropai epu'nen pe tîwe'to' pî', moropai kure'nan morî pe tîwe'to' pî' atausinpanpai'nîkon. Mararî pra yapurîpai'nîkon man ta'pî to'ya.