Psalm 95 in Maale

1 ሃኒ ሙኩዋቴ፤ ዎዛና ኑ ናንጊና ናንጋ ጎዳም ዓይናዾም! ኑኡኮ ዻቂንቶ ላላሢም ኑ ዒላሾም!

2 ዒዛም ማዓ ጋላታ ዓይኑሞ ዔኪ ኑ ዒዛ ቤርቶ ሺኢኮም! ዓይኑሞና ኑ ዒዛ ሄርሾም፤

3 ናንጊና ናንጋ ጎዳ ዼኤፒ ፆኦሲታሢሮ ሜሌ ፆኦዛፓ ዑሣ ዒ ዼኤፒ ካኣቲታሢሮ።

4 ሳዖ ዴማኣ ቢያ ዒዛ ኩጮ ጋራኬ፤ ዹኮኮ ቶኦካኣ ዒዛሲኬ።

5 ዒዚ ማዤሢሮ ባዛ ዒዛሮኬ፤ ኩጫ ዒዛኮ ሳዖ ኮሼኔ።

6 ሃኒ ሙኩዋቴ፤ ኑ ዒዛ ካኣሽኪ ዚጎም! ኑና ማዤ ናንጊና ናንጋ ጎዳ ቤርታ ኑ ጉምዓቶም።

7 ዒዚ ኑኡኮ ፆኦዛሢኬ፤ ኑ ዒዛ ኩጮ ካፒፆ ዴማ ዓኣ ማራቶ ኑና ዒ ሄንቃ ዒዛኮ ዴሮኬ፤ ዬያሮ ዒዚ ሃኖ ሂዚ ጌዒ ኬኤዛሢ ዋይዙዋቴ፦

8 «ዬያ ዓሳ ናንጉዋ ዳውላ ሜሪባና ማሳ ጌይንታ ቤዛ ዒንሢኮ ቤርታኣ ዓዶንሢ ማዼሢጉዲ ዒንሢያ ዋይዚ ዒፃያ ማዒፖቴ።

9 ዔያታ ማዾ ታኣሲ ዛጌያ ማዔያታቴያ ‹ታ ዎይታቴያ› ጌዒ ታና ዔያታ ዛጌኔ፤ ማሂ ማሂ ታና ዔያታ ዎይታቴያ ዛጌኔ።

10 ዬኖ ሾይንቶ ዖይዲታሚ ሌዔ ጉቤ ታኣኒ ሻኣኪንቴኔ፤ ዒማና ታኣኒያ፦ ‹ዒና ዔያቶኮ ታና ሃሼ ዴሬኬ፤ ጎይፆዋ ታኣሲ ዔያታ ዔሩዋሴ› ጌዔኔ።

11 ዬያሮ፦ ‹ፔቴታዖ ታኣኮ ሃውሾይዳ ዔያታ ጌላዓኬ› ጌዒ ታኣኮ ዻጎና ታ ጫኣቄኔ።»