Psalm 76 in Maale

1 ፆኦሲ ባሻያ ማዔሢ ፆኦሲ ዪሁዳ ዓጫ ዔርቴኔ፤ ሱንፃ ዒዛኮ ዒስራዔኤሌይዳ ዼኤፒኬ።

2 ጌኤዦ ማኣራ ዒዛኮ ዬሩሳላሜይዳ (ሳሌሜይዳ) ዒዚ ዎርቃ ቤዛኣ ፂዮኔይዳ።

3 ዒኢካ ዱኪንታ ሂኢዦንታ ጊቲሞንታ ዎርፆዋ ዒ ሜንሤኔ።

4 ፆኦሲዮ! ኔኤኒ ዒጊቻያኬ፤ ኔኤኮ ዲቃሢ ሄርሺሲፃ ዼኤፖ ዹካፓ ባሼኬ።

5 ዖሎና ዔርቴ ፖኦሊሳ ዲዒ ዔኬ ባካ ጊንሣ ቡሪንቲ ዔውቴኔ፤ ኩጮ ዔያታ ዔቂሶ ባሺንቲ ጋፒ ጊንዖ ጊንዔኔ።

6 ያይቆኦቤ ፆኦዛሢዮ! ኔኤኒ ዔያቶ ጎሬ ዎዶና ፓራሢ ቶጌ ዓሳ ፓራሢና ዎላ ሃይቄኔ።

7 ዒጊጮንዶያ ኮይሳሢ ኔና ሌሊኬ፤ ኔኤኒ ዻጋዼ ዎዶና ኔ ቤርታ ዖኦኒ ዔቃኒ ዳንዳዓንዳይ?

8 ኔኤኒ ጫሪንጫፓ ዎጎ ኬኤዜም ሳዔላ ዋይዚ ዒጊቹሞና ዚቲዮ ጌዔኔ።

9 ፆኦሲዮ! ዬይ ያዺ ማዔሢ ኔኤኒ ሳዖይዳ ሜታዼ ዓሶ ዓውሳኒ ዎጎሮ ዔቄ ዎዶናኬ።

10 ዓሲ ሜቶ ዓጊ ኔኤኒ ጎሬቴያ ኔ ቦንቾም ማዓኔ፤ ዬያ ጎሪንቶፓ ቶሌዞንሢያ ሪኢራኔ።

11 ናንጊና ናንጋ ጎዳ ማዔ ዒንሢ ፆኦዛሢም ናኣቡዋቴ፤ ዒንሢ ናኣቤ ናኣቦዋ ኩንሡዋቴ፤ ዒዛኮ ዑኬ ዓኣ ዓሳ ቢያ ዒጊቻያ ማዔሢም ዒንጎ ባኣዚ ሺኢሾንጎ።

12 ዒዚ ዖቶርቃ ሱኡጎ ዻውሲሳኔ፤ ዼኤፖ ዼኤፖ ካኣቶዋ ጎቃይሳኔ።