Psalm 7 in Maale

1 ፒዚ ዎጌ ዎጊንታንዳጉዲ ሺኢቂንቴ ሺኢጲሢ ናንጊና ናንጋ ጎዳ ማዔ ታ ፆኦዛሢዮ! ኔኤኒ ታኣኮ ዓኣሺንቲ ቶሎ ካያሢኬ፤ ታና ዳውሳ ዓሶ ቢያሢፓ ማኣዲ ዓውሴ።

2 ኔኤኒ ዬያይዲባኣያ ማዔቴ ዔያታ ታና ዓዳ ዞቢጉዲ ሾኦላንዳኔ፤ ዓውሳ ዓሲባኣ ቤስካ ዳርዚ ታና ዔያታ ላኣላንዳኔ።

3 ናንጊና ናንጋ ጎዳ ማዔ ታ ፆኦዛሢዮ! ፔቴ ዓሲምታዎ ፑርታ ባኣዚ ታ ማዼቴ ታ ላጋሢ ታኣም ማዼ ኮዦ ባኮ ዛሎ ፑርታ ማዺ ታ ማሄቴ ታ ሞርካሢ ዚቲ ጋዓዖ ታኣኒ ቡሬያ ማዔቴ ዬያ ባኮ ቢያይዳፓ ፔቴማታዎ ታ ማዼያታቴ፥

5 ታ ሞርካሢ ዳውሲ ታና ዓርቆንጎ! ሲላሎይዳ ኮላሲ ቦንቾ ታኣኮ ባይዞንጎ፤ ዒዚ ታና ዎዎዾንጎ።

6 ናንጊና ናንጋ ጎዳሢዮ! ኔ ዻጎና ዔቄ፤ ታ ሞርኮኮ ዻጎ ኔኤኒ ባይዜ፤ ዎጋ ፒዜ ማዓንዳጉዲ ኔኤኒ ዓይሤ ጎይፆና ታና ማኣዳኒ ዔቄ።

7 ሜሌ ዴሮ ኔ ባንሢ ቡኩሲ ዑፃ ዔያቶኮ ካኣቲ ማዒ ዎይሤ።

8 ናንጊና ናንጋ ጎዳ ሜሌ ዴሮ ዑፃ ዎጋኔ፤ ናንጊና ናንጋ ጎዳሢዮ! ታ ፂሉሞጉዴያ ታኣም ዎጌ፤ ዼኤፖ ፆኦዛሢዮ! ታ ፒዙሞጉዴያ ታኣም ዒንጌ።

9 ዓሲኮ ዒኔና ማሊሢና ዛጋ ፂሎ ፆኦዛሢዮ! ፑርቶ ዓሶኮ ዋይዞ ዒፂፆ ባይዜ፤ ፂሎ ዓሶ ጋዓንቴ ኔኤኒ ካፔ።

10 ታኣኮ ጊቲማሢ፥ ዼኤፖ ፆኦዛሢኬ፤ ዒኖ ፒዜ ዓሶ ዒዚ ዓውሳኔ።

11 ፆኦሲ ፂሎ ዎጌ ዎጋያኬ፤ ዻጎዋ ፔኤሲ ኬላ ኬላ ፔጋሲ ዻዋያኬ።

12 ዓሲ ፔኤኮ ጎሞ ቡኡፂ ሃሹዋያ ማዔቴ ዒዚ ጬንቾ ዓፓሮ ፔኤሲ ዋርቃኔ፤ ሂኢዦዋ ፔኤኮ ዓኣሣኔ።

13 ዒዚ ፔኤኮ ዎዻ ዖሎ ዓንጋሞ ኮሻኔ፤ ታሚጉዲ ዔኤታ ሂኢዦዋ ጊኢጊሻኔ።

14 ፑርቱሞ ማሊ ማሊ ዓኣ ዓሲ ጌኔ ማዾ ጎጳዺ፥ ሉኡዙሞ ሾዓኔ።

15 ሜሌ ዓሲም ኬሴ ዔቴ ቦኦካ ዓሲ ዬያ ዒ ቦኦኬ ዔታ ፔኤሮ ጌላኔ።

16 ዒዚ ማዼ ጌኖ ማዻ ዒዛም ማዓኔ፤ ዒ ማዼ ፑርቶ ባካ ዒዛ ቶኦካ ኬዳኔ።

17 ናንጊና ናንጋ ጎዳኮ ፂሉሞሮ ታ ዒዛ ጋላታንዳኔ፤ ዼኤፖ ፆኦዛሢ ሱንፆ ቦንቺ ጋላታ ዓይኑሞ ታ ዓይናዻንዳኔ።