Psalm 46 in Maale

1 ፆኦሲኮ ኑኡና ዎላ ማዒፆ ፆኦሲ ኑኡኮ ፑኖ ካያሢና ዎልቃሢናኬ፤ ኑና ሄላ ሜታሢና ቢያ ኑኡኮ ዑኬ ማዒ ማኣዳሢኬ።

2 ዬያሮ ሳዓ ዓጊፄቴታዖ ዹካኣ ዔቶ ባዛ ዔኤዺንቴቴያ ኑ ዒጊጩዋሴ።

3 ባዞ ዋኣፃ ጉኡሚ ዓጊፄቴያ ዹካ ዬያ ዋኣፆ ኩሚፃፓ ዔቄያና ዓጊፄቴያ ኑኡኒ ዲቃታዓኬ።

4 ፆኦሲኮ ካታሞ ዼኤፖ ፆኦዛሢኮ ዱማዼ ማኣሮ ዎዛሳያ ማዔ ዎታ ዋኣሢ ዓኣኔ።

5 ፆኦሲ ዬኖ ካታሜሎ ባኣካኬ፤ ዒዛ ዓጊፂያ ዓጊፃዓኬ፤ ጉቶ ዓማ ዒዞ ዒ ማኣዳንዳኔ።

6 ዴሬ ዎኦቶንዶ ካራ ባይዜኔ፤ ካኣታኣ ሎኦሜኔ፤ ናንጊና ናንጋ ጎዳ ዑኡዞ ፔኤሲ ዋይዚሴ ዎዶና ሳዓ ዓልቃኔ።

7 ቢያ ባኮ ዎይሣ ጎዳ ኑኡና ዎላኬ፤ ያይቆኦቤ ፆኦዛሢ ኑኡኮ ፑኖ ካያሢኬ።

8 ናንጊና ናንጋ ጎዳኮ ማዾ ሳዖይዳኣ ዒ ማዼ ዓኮ ባኮ ዛጋኒ ሃኒ ሙኩዋቴ።

9 ዓይፃፓ ዴንዲ ጋፖ ሄላንዳኣና ሳዓፓ ዖልዚ ዒ ባይዛንዳኔ፤ ሂኢዦ ሜንሣንዳኔ፤ ዎርፆዋ ጋኣጫንዳኔ፤ ጊቲሞዋ ታሚና ሚቻንዳኔ።

10 ሃውሹዋቴ፥ ታኣኒ ፆኦሲ ማዔሢያ ዔሩዋቴ፤ ታኣኒ ዴሮ ቢያ ባኣካ ዼግ ዼጊ ጋዓንዳኔ፤ ሳዖ ዑፃኣ ታኣኒ ፑኡፒ ጴዻንዳኔ።

11 ቢያ ባኮ ዎይሣ ጎዳሢ ኑኡና ዎላኬ፤ ያይቆኦቤኮ ፆኦዛሢ ኑኡኮ ፑኖ ካያሢኬ።