Psalm 43 in Maale
1 ፆኦሲዮ! ታኣም ዎጌ፤ ኔና ጉሙርቁዋ ሜሌ ዴሮና ዎላ ታ ዛሎ ሞኦቲንቴ፤ ፑርቶ ማዻ ዓሶና ጌሻ ዓሶናይዳፓ ታና ዓውሴ።
2 ታ ፆኦዛሢዮ! ኔኤኒ ታኣኮ ዶዶ ዋርዲያሢኬ፤ ኔኤኒ ታና ዓይጋ ሃሻይ? ሞርካ ታና ዓይጋ ሮኦጋሲ ዖዪሳይ?
3 ኔኤኮ ፖዖና ጎኑሞና ታኣም ዳኬ፤ ዔያታ ታና ዔኪ ኔኤኮ ዱማዼ ዹኮ ኔኤኮ ዎርቆ ማኣሮዋ ታና ሄሊሶንጎ።
4 ታኣኒ ፆኦሲም ዒንጎ ባኮ ሺኢሾ ቤዞ ዓኣዻንዳኔ፤ ሃይማ ፓጬኔ ጌይሱዖ ዎዛሳ ፆኦዛሢ ባንሢ ታ ዴንዳንዳኔ፤ ናንጊና ናንጋ ጎዳ ማዔ ታ ፆኦዛሢዮ! ሚርጌ ሻዦ ዴንሦ ጎኦሎ ዋርቂ ዋርቂ ታ ኔና ጋላታንዳኔ።
5 ታኣኮ ሼምፔሌ ዓይጋ ኔ ዖያይ? ዓይጋ ኔኤኒ ሻሊንታይ? ጉሙርቂፆ ዎዞ ኔኤኮ ፆኦዛሢዳ ማሄ፤ ታና ዓውሳሢ ማዔ ፆኦዛሢ ሃጊ ታ ጋላታንዳኔ።