Psalm 146 in Maale

1 ናንጊና ናንጋ ጎዳም ጋላታ! ታ ሼምፔሌ! ናንጊና ናንጋ ጎዳ ጋላቴ።

2 ሼምፔና ዓኣ ዎዶ ቢያይዳ ናንጊና ናንጋ ጎዳ ታ ጋላታንዳኔ፤ ናንጋ ዎዶ ቢያይዳ ታ ፆኦዛሢ ታኣኒ ቦንቺ ዓይናዻንዳኔ።

3 ዻቂሻኒ ዳንዳዑዋ፥ ዓሲ ማዢንቲ ማዔ ዓሶና ሱኡጎ ማዒ ዎይሣ ዼኤፖ ዓሶ ጉሙርቂፖቴ።

4 ዔያታ ሃይቃዖ ሳኣ ዴሚ ጌላኔ፤ ዒማ ኬሎይዳ ዔያታ ማዻኒ ማሌ ባካ ቢያ ጉሪ ባይቃኔ።

5 ያይቆኦቤ ፆኦሲ ዒዛ ማኣዳያ ማዔ ዓሢ ናንጊና ናንጋ ጎዳ ማዔ ፔ ፆኦዛሢዳ ጌኤቂንቴሢ ዎዛዾንጎ።

6 ናንጊና ናንጋ ጎዳ ጫሪንጮንታ ሳዖንታ ዼኤፖ ባዞንታ ጊዳ ዓኣ ባኮ ቢያ ማዤሢኬ፤ ናንጊና ጉሙርቂንቴ ጎይሣ ናንጋያኬ።

7 ሄርቂንቲ ዎርቃ ዓሶም ፒዜ ዎጌ ዎጋኔ፤ ናይዺንቴዞንሢም ሙኡዚ ዒንጋኔ፤ ናንጊና ናንጋ ጎዳ ቱኡቴ ዓሶዋ ቱኡዛፓ ዒ ቡላኔ።

8 ናንጊና ናንጋ ጎዳ ዓኣፓ ባይቄ ዓሶኮ ዓኣፖ ቡላኔ፤ ሎኦሚ ዓኣ ዓሶ ሳዓፓ ዔቂሳኔ፤ ፂሎ ማዔ ዓሶዋ ዒዚ ናሽካኔ።

9 ናንጊና ናንጋ ጎዳ ሜሌ ዓጪፓ ሙኬ ዓሲ ማዒ ናንጋ ዓሶ ካፓኔ፤ ዜኤሪንዶ ማዔ ላኣሎንታ ዜኤሮ ናኣቶዋ ማኣዳኔ፤ ፑርቶ ዓሶኮ ጌኖ ማሊፆ ጉሪ ማሃኔ።

10 ናንጊና ናንጋ ጎዳ ካኣቲ ማዒ ናንጋያኬ፤ ፂዮኔ! ኔ ፆኦዛሢ ኬስካ ዎዶ ቢያይዳ ካኣታዺ ናንጋኔ። ናንጊና ናንጋ ጎዳም ጋላታ!