Psalm 136 in Maale

1 ዒዚ ኮሺ ማዔሢሮ ናንጊና ናንጋ ጎዳ ጋላቱዋቴ፤ ዒዛኮ ሚጪንቲፃ ናንጊና ናንጋያኬ።

2 ፆኦዞኬ ጌይ ካኣሽኮ ባኮይዳፓ ቢያ ባሼ ማዔ ፆኦዛሢ ጋላቱዋቴ፤ ዒዛኮ ሚጪንቲፃ ናንጊና ናንጋያኬ።

3 ጎዳቶኮ ቢያ ጎዳ ማዔ ፆኦዛሢ ጋላቱዋቴ፤ ዒዛኮ ሚጪንቲፃ ናንጊና ናንጋያኬ።

4 ዒዚ ፔኤሮ ሌሊ ዼኤፒ ዲቃሢ ሄርሺሳ ባኣዚ ማዻኔ፤ ዒዛኮ ሚጪንቲፃ ናንጊና ናንጋያኬ።

5 ዒ ፔ ዔራቶና ጫሪንጮ ማዤኔ፤ ሚጪንቲፃ ዒዛኮ ናንጊና ናንጋያኬ።

6 ዼኤፖ ዋኣፆይዳ ሳዖ ቦኦኮልቂ ዒዚ ዾቄኔ፤ ሚጪንቲፃ ዒዛኮ ናንጊና ናንጋያኬ።

7 ዼኤፖ ዼኤፖ ጫሪንጮ ፖዖ ዒ ማዤኔ፤ ሚጪንቲፃ ዒዛኮ ናንጊና ናንጋያኬ።

8 ዓቢ ሮኦራ ፖዓንዳጉዲ ዓይሤኔ፤ ሚጪንቲፃ ዒዛኮ ናንጊና ናንጋያኬ።

9 ዓጊኖንታ ዦኦጋሢንታ ዹማ ፖዓንዳጉዲ ዓይሤኔ፤ ሚጪንቲፃ ዒዛኮ ናንጊና ናንጋያኬ።

10 ጊብፄ ዓጮ ዓሶኮ ቶይዶ ናኣቶ ዒ ዎዼኔ፤ ሚጪንቲፃ ዒዛኮ ናንጊና ናንጋያኬ።

11 ዒስራዔኤሌ ዴሮ ጊብፄ ዓጫፓ ዒዚ ዔኪ ኬሴኔ፤ ሚጪንቲፃ ዒዛኮ ናንጊና ናንጋያኬ።

12 ዒዛኮ ዎልቄ ዓኣያ፥ ሃሣ ቢታንቶ ዓኣያ ማዒፆና ዬያይዴኔ፤ ሚጪንቲፃ ዒዛኮ ናንጊና ናንጋያኬ።

13 ዞቄ ባዞ ዒዚ ፓቄኔ፤ ሚጪንቲፃ ዒዛኮ ናንጊና ናንጋያኬ።

14 ዒስራዔኤሌ ዓሶ ባዞኮ ባኣኪና ዳኬኔ፤ ሚጪንቲፃ ዒዛኮ ናንጊና ናንጋያኬ።

15 ጊብፄ ካኣቲንታ ዖሎ ዓሶንታ ዞቄ ባዛ ዱኡኬኔ፤ ሚጪንቲፃ ዒዛኮ ናንጊና ናንጋያኬ።

16 ፔኤኮ ዴሮ ዓሲ ናንጉዋ ዳውላ ዔኪ ሃንቴኔ፤ ሚጪንቲፃ ዒዛኮ ናንጊና ናንጋያኬ።

17 ዼኤፖ ዼኤፖ ካኣቶ ዒ ዎዼኔ፤ ሚጪንቲፃ ዒዛኮ ናንጊና ናንጋያኬ።

18 ዎልቆና ዓኣ ካኣቶ ዲርካቺ ባይዜኔ፤ ሚጪንቲፃ ዒዛኮ ናንጊና ናንጋያኬ።

19 ዓሞራ ዓሶ ካኣቲ፥ ሲሆኔ ዒዚ ዎዼኔ፤ ሚጪንቲፃ ዒዛኮ ናንጊና ናንጋያኬ።

20 ባኣሳኔ ዓሶ ካኣቲ፥ ዖኦጌ ዒ ዎዼኔ፤ ሚጪንቲፃ ዒዛኮ ናንጊና ናንጋያኬ።

21 ዬያ ዓሶኮ ሳዖ ቢያ ፔ ዴሮም ዴኔ ማሂ ዒንጌኔ፤ ሚጪንቲፃ ዒዛኮ ናንጊና ናንጋያኬ።

22 ፔ ዓይላሢ ዒስራዔኤሌ ዒዚ ዻካልሴኔ፤ ሚጪንቲፃ ዒዛኮ ናንጊና ናንጋያኬ።

23 ዖሎና ኑ ባሺንቴያና ኑና ዒ ዋሊ ሃሺባኣሴ፤ ሚጪንቲፃ ዒዛኮ ናንጊና ናንጋያኬ።

24 ኑ ሞርኮ ኩጫፓ ቶሊሲ ኑና ዒዚ ዓውሴኔ፤ ሚጪንቲፃ ዒዛኮ ናንጊና ናንጋያኬ።

25 ማዢንቲም ቢያ ሙኡዚ ዒዚ ዒንጋኔ፤ ሚጪንቲፃ ዒዛኮ ናንጊና ናንጋያኬ።

26 ጫሪንጮ ፆኦዛሢ ጋላቱዋቴ፤ ሚጪንቲፃ ዒዛኮ ናንጊና ናንጋያኬ።