Psalm 126 in Maale

1 ዲዒንቲፓ ማዓዖ ዎዛና ዓይናዺንቴ ዓይኑሞ ናንጊና ናንጋ ጎዳ ኑና ፂዮኔ ዔኪ ማሄያና ዓውቲ ኑኡም ማሌኔ፥ ጎኔ ባኣዚኬ ኑ ጌይባኣሴ።

2 ዻንጋ ኑኡኮ ሚኢቺ ሌሊ ሚኢጫያ ዎዛና ዓይኑሞ ሌሊ ዓይናዻያ ማዔኔ፤ ዬያሮ ሜሌ ዴራ፦ «ናንጊና ናንጋ ጎዳ ዼኤፒ ባኣዚ ዔያቶም ማዼኔ» ጌዔኔ።

3 ጎኔና ናንጊና ናንጋ ጎዳ ሚርጌ ዼኤፒ ባኣዚ ኑኡም ማዼኔ፤ ዬያሮ ሚርጌና ኑኡኒ ዎዛዻኔ።

4 ናንጊና ናንጋ ጎዳሢዮ! ዒራ ዋርቃዛ ዾኦሎ ዛሎይዳ ዓኣ ዓሲ ናንጉዋ ዳውሎም ዲጶ ዋኣፆ ዔኪ ሙካ ዎሮጉዲ ኑ ባኮ ኑኡም ማሂ ዒንጊ ዎንዴ ኑ ዓኣ ጎይፆ ማሄ።

5 ዬኤኪ ዬኤኪ ዜርቄ ዓሳ ዎዛና ዒላሺ ዒላሺ ማኣሎ ቡራንዳኔ።

6 ዜርፆ ዔኪ ዴንዳኣና ዬኤኬ ዓሳ ናኣሮ ኬዲ ዎዛና ማዒ ሙካንዳኔ።