Psalm 124 in Maale

1 ፆኦሲ ፔ ዓሶ ካፓያ ማዒፆ ናንጊና ናንጋ ጎዳ ኑኡና ዎላ ማዒባኣቴ ኑ ዎዎይታንዳዖ ዓቴይ? ዒስራዔኤሌ ሂዚ ጎዖንጎ፦

2 «ዎንዴ ናንጊና ናንጋ ጎዳሢ ኑኡና ማዒባኣቴ ኑኡኮ ሞርካ ኑና ባይዛኒ ሙኬያና፥

3 ዼኤፖ ዻጎና ኑጊዳ ዔያታ ዔቄያና ሼምፔና ዔቂ ዓኣንቴ ኑና ዔያታ ዔዔኤዼዖ ዓቴኔ፤

4 ዲጳ ኑና ዔኤዺ ጋፔያታንቴ ዬይ ሴኤሊንቲ ዴንዳ ዋኣፃ ኑና ሙይ ጋፔያታንቴኬ፤

5 ሩኡሪና ዴንዳ ዲጳ ፒፂ ኑና ዔኪ ዴንዴናንዳንቴኬ።»

6 ኑኡኮ ሞርካ ዓጮና ኑና ዻይ ሾኦሉዋጉዲ ካፔ ናንጊና ናንጋ ጎዳሢ ጋላቲንቶም።

7 ኑኡኒ ካፒጉዲ ኑኡም ፒሮና ፒራስካፓ ቶሌኔ፤ ዬይ ፒራሢ ሜቄም፥ ኑኡኒ ዓዺንቱዋዖ ዓቴኔ።

8 ዬያይዲ ኑና ማኣዴሢ ጫሪንጮና ሳዖና ማዤ ናንጊና ናንጋ ጎዳ ሱንፆኬ።