Psalm 122 in Maale

1 ዬሩሳላሜ ሄርሺ ዓይናዺንቴ ዓይኑሞ «ናንጊና ናንጋ ጎዳሢ ማኣሪ ኑ ዓኣዾም!» ዔያታ ጋዓኣና ሚርጌና ታና ዎዛሴኔ።

2 ዬሩሳላሜ! ካሮና ኔኤኮ ኑኡኒ ጌሊ ጋራ ዔቄኔ።

3 ዬሩሳላሜ ካታማ ዎላ ካንሢ ጋጋሦናጉዲ ዶዲሺ ማዢንቴ ካታማኬ።

4 ዒስራዔኤሌም ዒንጊንቴ ዳምቦ ጎይፆጉዲ ናንጊና ናንጋ ጎዳሢም ጋላታ ሺኢሻኒ ፆኦሲ ፃጳ ቢያ ቡካሢ ሃኖ ካታሜሎይዳኬ።

5 ዳውቴ ፃጳፓ ካኣታዼ ካኣታ ቢያ ፔኤኮ ዴሮም ዎጎ ዎጋኒ ሃኖ ካታሜሎይዳ ዴዓኔ።

6 ዬሩሳላሜ ካታሞይዳ ኮሹሞ ዓኣያ ማዓንዳጉዲ ሂዚ ጌይ ፆኦሲ ሺኢቁዋቴ፦ «ኔና ናሽካ ዓሳ ቢያ ጊኢጎንጎ፤

7 ኔኤኮ ኬኤሎ ዲፃ ቢያ ኮሺ ማዒ ዴዖንጎ፤ ኔኤኮ ካኣቶ ማኣራ ሜታ ባኣያ ኮሺ ናንጎንጎ።»

8 ታኣኮ ዒጊኖንታ ታ ላጎንታሮ «ዬሩሳላሜ! ኮሹሞ ኔኤም ማዖንጎ!» ታኣኒ ጋዓንዳኔ።

9 ዬሩሳላሜ! ናንጊና ናንጋ ጎዳ ማዔ ኑ ፆኦዛሢ ማኣሮ ዛሎሮ ኔኤም ኮሺ ሙካንዳጉዲ ታ ኮዓኔ።