Psalm 11 in Maale

1 ፆኦሲ ጉሙርቂሢ ናንጊና ናንጋ ጎዳ ታኣኮ ፑኖ ካያሢኬ፤ ዓካሪ ዒንሢ ታኣኮ ሼምፔሎ «ካፒጉዲ ዹኮ ባንሢ ባራኒ ዓኣሺንቴ» ዓይጎሮ ጋዓዖ?

2 ፑርቶ ማዻ ዓሳ ሃይሾ ቆኦዞ ፔኤኮ ዴንሤኔ፤ ዒና ፒዜ ማዔዞንሢ ዹሞና ዔያታ ዱካኒ ሂኢዦ ዔያታ ዓኣሤኔ።

3 ፃጲ ማዔ ባካ ዶዓዛ ፂሎ ዓሲ ዓይጎ ዎኦታኒ ዳንዳዓይ?

4 ናንጊና ናንጋ ጎዳ ፔኤኮ ዱማዼ ማኣራ ዓኣኔ፤ ካኣቱሞ ዖይታ ዒዛኮ ጫሪንጮይዳኬ፤ ዒዚ ዓሶ ቢያ ዛጋኔ፤ ጊዥ ጌይ ዛጊፆና ዓሳ ዓይጎ ማዻቴያ ዓኣፓ ዒዛኮ ዴንቃኔ።

5 ናንጊና ናንጋ ጎዳ ፂሎ ዓሶንታ ጎሞ ዓሶዋ ዎይታቴያ ዛጋኔ፤ ፑርቱሞ ናሽካ ዓሶ ጋዓንቴ ዒዚ ዒዒፃኔ።

6 ዒዚ ፑርቶ ማዻ ዓሶ ዑፃ ታሚ ቄንሢና ሙርቁንሢና ኬይሳኔ፤ ዔያቶም ዓጊንቴ ባካ ታሚጉዲ ሼሼኤላ ዢባሬኬ።

7 ናንጊና ናንጋ ጎዳ ፂሎ ማዔሢሮ ፂሉሞ ማዾ ዒ ናሽካኔ፤ ፒዜ ማዾ ማዻ ዓሲ ቢያ ዒዛኮ ዓኣፖ ካሮ ዛጋንዳኔ።