Genesis 1:1 in Maale 1 ቤርታዺ ፆኦሲ ጫሪንቺና ሳዓና ዔኤቢ ባኣያይዳፓ ማዤኔ።
Other Translations King James Version (KJV) In the beginning God created the heaven and the earth.
American Standard Version (ASV) In the beginning God created the heavens and the earth.
Bible in Basic English (BBE) At the first God made the heaven and the earth.
Darby English Bible (DBY) In the beginning God created the heavens and the earth.
Webster's Bible (WBT) In the beginning God created the heaven and the earth.
World English Bible (WEB) In the beginning God{After "God," the Hebrew has the two letters "Aleph Tav" (the first and last letters of the Hebrew alphabet) as a grammatical marker.} created the heavens and the earth.
Young's Literal Translation (YLT) In the beginning of God's preparing the heavens and the earth --
Cross Reference Exodus 20:11 in Maale 11 ናንጊና ናንጋ ጎዳ ጫሪንጮንታ ሳዖንታ ዼኤፖ ባዞንታ ዬያይዳ ዓኣ ባኮ ቢያ ላሆ ኬሊዳ ማዤኔ፤ ላንካሳ ኬሎና ጋዓንቴ ሃውሼኔ፤ ናንጊና ናንጋ ጎዳ ሃውሼ ኬሎ ዓንጄሢና ዱማሴሢ ዬያሮኬ።
1 Chronicles 16:26 in Maale 26 ሃንጎ ዴራ ዚጊ ካኣሽካሢ ሜሌ ፆኦዞኬ፤ ናንጊና ናንጋ ጎዳ ጋዓንቴ ጫሪንጮ ማዤ ፆኦሲኬ።
Nehemiah 9:6 in Maale 6 ዬካፓ ዒስራዔኤሌ ዴራ ሂዚ ጌይ ሺኢቄኔ፦ «ናንጊና ናንጋ ጎዳሢዮ! ኔኤኒ ሌሊ ፆኦሲኬ፤ ጫሪንጮንታ ጫሪንጮኮ ጫሪንጮ ዦኦጋሢንታ ሳዖና ዒኢካ ዓኣ ባኮ ቢያ ባዞንታ ዬያቶይዳ ዓኣ ባኮ ቢያ ኔ ማዤኔ፤ ቢያሢም ሼምፔ ኔ ዒንጌኔ፤ ጫሪንጮ ማዢንታ ኔኤም ዚጋኔ።
Job 26:13 in Maale 13 ፔኤኮ ዑኡዞና ዒ ጫሪንጮ ጌኤሻኔ፤ ፔ ኩጮና ዶርቢንታ ሾኦዣሢያ ጫርጋኔ።
Job 38:4 in Maale 4 ጎዖንቴ ታኣኒ ሳዖ ማዣኣና ኔኤኒ ዒኢካ ዓኣ? ኔኤኒ ዔራያ ሃሣ ጶቂሣያ ማዔቴ ሂንዳ ታኣም ኬኤዜ።
Psalm 8:3 in Maale 3 ኔ ማዤ ጫሪንጮ ታ ዛጋኣና ፔ ቤዛ ቤዛ ኔኤኒ ጌሤ ዓጊኖንታ ዦኦጋሢንታ ታ ዛጋኣና
Psalm 33:6 in Maale 6 ናንጊና ናንጋ ጎዳሢ ቃኣሎና ጫሪንጫ ማዢንቴኔ፤ ዒዛኮ ዑኡዞና ዓቦንታ ዓጊኖንታ ዦኦጋሢያ ማዢንቴኔ።
Psalm 33:9 in Maale 9 ዒዚ «ማዖም» ጋጋዓዛ ሳዓ ማዢንቴኔ፤ ዒዛኮ ዓይሢፆና ቢያ ባካ ዶዲ ዔቄኔ።
Psalm 89:11 in Maale 11 ጫሪንጮንታ ሳዖንታ ኔኤሮኬ፤ ዓጮንታ ዒኢካ ዓኣ ባኮ ኔኤኒ ማዤኔ።
Psalm 90:2 in Maale 2 ዹኮ ማዻንዳሢና ዓጮዋ ኔ ማዣንዳሢኮ ቤርታ ኔኤኒ ናኣናና ናናንጋ ፆኦሲኬ።
Psalm 96:5 in Maale 5 ሜሌ ዴሮ ፆኦዛ ቢያ ፃላሄሮኬ፤ ናንጊና ናንጋ ጎዳ ጋዓንቴ ጫሪንጮ ማዤኔ።
Psalm 102:25 in Maale 25 ኔኤኒ ሚና ቤርታ ሳዖ ማዤኔ፤ ጫሪንጫኣ ኔ ማዤሢኬ።
Psalm 104:24 in Maale 24 ናንጊና ናንጋ ጎዳሢዮ! ማዻ ኔኤኮ ዎዚ ሚርጋይ! ዬያ ቢያ ኔኤኒ ኔ ቢታንቶና ኮሼኔ፤ ሳዓ ኔኤኒ ማዤ ማዢንቶና ኩሜኔ።
Psalm 104:30 in Maale 30 ኔኤኮ ዓያኖ ኔ ዳካዛ ዔያታ ማማዢንታኔ፤ ሳዖዋ ኔኤኒ ዓኪ ማሃኔ።
Psalm 115:15 in Maale 15 ጫሪንጮንታ ሳዖንታ ማዤ፥ ናንጊና ናንጋ ጎዳ ዒንሢ ዓንጆንጎ!
Psalm 121:2 in Maale 2 ማኣዳ ታኣም ሙካሢ ጫሪንጮና ሳዖና ማዤ ናንጊና ናንጋ ጎዳፓኬ።
Psalm 124:8 in Maale 8 ዬያይዲ ኑና ማኣዴሢ ጫሪንጮና ሳዖና ማዤ ናንጊና ናንጋ ጎዳ ሱንፆኬ።
Psalm 134:3 in Maale 3 ጫሪንጮና ሳዖና ማዤ፥ ናንጊና ናንጋ ጎዳሢ ፂዮኔፓ ዒንሢ ዓንጆንጎ!
Psalm 136:5 in Maale 5 ዒ ፔ ዔራቶና ጫሪንጮ ማዤኔ፤ ሚጪንቲፃ ዒዛኮ ናንጊና ናንጋያኬ።
Psalm 146:6 in Maale 6 ናንጊና ናንጋ ጎዳ ጫሪንጮንታ ሳዖንታ ዼኤፖ ባዞንታ ጊዳ ዓኣ ባኮ ቢያ ማዤሢኬ፤ ናንጊና ጉሙርቂንቴ ጎይሣ ናንጋያኬ።
Psalm 148:4 in Maale 4 ሌካ ዼግ ጌይ ዓኣ ጫሪንጫ ዒዛ ጋላቱዋቴ፤ ዼጌ ቤዞኮ ዑፃ ዓኣ ዋኣፃኣ ጋላቱዋቴ።
Proverbs 3:19 in Maale 19 ናንጊና ናንጋ ጎዳ ዔራቶና ሳዖ ማዤኔ፤ ማሊ ጶቂሥሢና ጫሪንጮ ዶዲሺ ዔቂሴኔ።
Proverbs 8:22 in Maale 22 «ናንጊና ናንጋ ጎዳ ቢያ ባኣዚኮ ቤርታ ታና ማዤኔ፤ ሚና ዓዓርቃዖ ዒዛ ማዾኮ ታና ቤርቲ ማሄኔ።
Proverbs 16:4 in Maale 4 ናንጊና ናንጋ ጎዳ ማዤ ባኮ ቢያ ጉሪ ማዢባኣሴ፤ ፑርቶ ዓሶታዖ ዒዚ ባይዛኒ ኬሊ ጌሤኔ።
Ecclesiastes 12:1 in Maale 1 ሜታሳ ዎዴ ሄሊባኣንቴ፥ «ታና ዎዛሱዋሴ» ኔ ጋዓ ሌዓ ሙኩዋንቴ፥ ዼጋቶ ዎዶና ኔና ማዤሢ ማሌ።
Isaiah 37:16 in Maale 16 «ቢያ ባኮ ዎይሣ ጎዳ ማዔ ዒስራዔኤሌ ፆኦዛሢዮ! ኔኤኮ ካኣቱሞ ሻኣሎ ቦንቺንቴ ኪሩቤኤሎ ዑፃ ጌሤ ፆኦሲ ኔና ሌሊኬ፤ ዓጮ ካኣቶኮዋ ቢያ ፆኦሲ ኔና ሌሊኬ፤ ጫሪንጮና ሳዖና ማዤሢያ ኔናኬ።
Isaiah 40:26 in Maale 26 ዼጊ ጌዒ ጫሪንጮ ሌካ ዛጉዋቴ፤ ዒንሢ ዛጋ ዦኦጋሢ ማዤሢ ዖናዳይ? ዒዚ ዖልዚ ዖላ ዓሲጉዲ ዔያቶ ዔኪ ዓኣዻኔ፤ ዎማዼታቴያ ፓይዶ ዔያቶኮ ዒዚ ዔራኔ፤ ፔቴ ፔቴሢ ፔ ሱንሢና ዔያቶ ዔኤላኔ፤ ዒዛኮ ቢታንቶንታ ዎልቆንታ ሚርጌና ዼኤፒኬ፤ ዬያሮ ዔያቶይዳፓ ፔቴታዖ ባይቃዓኬ።
Isaiah 40:28 in Maale 28 ፔቴታዖ ኔኤኒ ዔሩዋዓዳ? ዋይዚያ ኔኤኒ ዋይዚባኣዓዳ? ፆኦሲ ናንጊና ናንጋ ጎዳኬ፤ ዓጮ ቢያ ማዤሢ ዒዛኬ፤ ዒዚ ፔቴታዖ ላቢንቱዋሴ፥ ማሊፆዋ ፔኤኮ ሺርሹዋሴ።
Isaiah 42:5 in Maale 5 ጫሪንጮ ማዤሢና ሳዖኮ ጋፓፓ ጋፖ ሄላንዳኣና ዔቂሴሢ፤ ሳዖና ዒዞይዳ ናንጋ ባኮ ቢያ ኮሼሢ ሼምፔና ዑኡሲና ዔያቶም ዒንጌሢ ናንጊና ናንጋ ጎዳ ሂዚ ጋዓኔ፦
Isaiah 44:24 in Maale 24 ኔኤኮ ዒንዶ ጎጳ ኔና ማዤ ዓውሳሢ ናንጊና ናንጋ ጎዳ ሂዚ ጋዓኔ፦ «ታኣኒ ቢያ ባኮ ማዤ፥ ጫሪንጮዋ ታኣሮ ሌሊ ሚጬሢ ሳዖዋ ታኣሮ ሌሊ ሂኢሤሢ ታኣኒ ናንጊና ናንጋ ጎዳኬ።
Isaiah 45:18 in Maale 18 ጫሪንጮ ማዤ፥ ናንጊና ናንጋ ጎዳሢ ሳዖ ማዤሢንታ ዶዲሼሢ ዓሲ ናንጋ ቤሲ ማዓንዳኣፓዓቴም ኮሽኩዋያና ጉሪ ማዓንዳጉዲ ማዢባኣሢ ናንጊና ናንጋ ጎዳ ሂዚ ጋዓኔ፦ «ታኣኒ ናንጊና ናንጋ ጎዳኬ፤ ታ ጊዳፓ ዓታዛ ሜሌ ባኣሴ።»
Isaiah 51:13 in Maale 13 ሳዖ ቦኦኮልቄሢና ጫሪንጮ ዳሬ ዒንሢ ማዤ ናንጊና ናንጋ ጎዳ ዒንሢ ዋሌኔ፤ ዒንሢ ባይዛኒ ጊኢጌ፥ ሄርቂ ዎይሣ ዓሶኮ ጎሪንቶሮ ቢያ ዎዴ ዒንሢ ዒጊቹሞና ናንጋኔ፤ ሃሢ ዔያቶኮ ጎሪንታ ዬይ ዓንካዳይ?
Isaiah 51:16 in Maale 16 ታኣኒ ታኣኮ ቃኣሎ ዻንጋ ኔኤኮ ጩታንዳኔ፤ ኔና ታኣኮ ኩጮ ሺቦና ታ ሺባንዳኔ፤ ጫሪንጮ ዳሬሢ፥ ሳዖዋ ቦኦኮልቄሢ ታናኬ፤ ፂዮኔም፦ ‹ኔኤኒ ታ ዴሬኬ› ታ ጋዓንዳኔ።»
Isaiah 65:17 in Maale 17 «ታኣኒ ዓኪ ጫሪንቺና ዓኪ ሳዓና ማዣንዳኔ፤ ሃያኮ ቤርታ ዓኣሢ ቢያ ዋሊንታንዳኔ፤ ማሊንቲያ ማሊንታዓኬ።
Jeremiah 10:12 in Maale 12 ፆኦሲ ፔ ዎልቆና ሳዖ ማዤኔ፤ ፔ ዔራቶና ዓጮ ቢያ ማዤኔ፤ ዒዛኮ ማሊ ጶቂሣ ዒኖናኣ ጫሪንጮ ዼጊዲ ዒ ዳሬኔ፤
Jeremiah 32:17 in Maale 17 «ናንጊና ናንጋ ጎዳ ማዔ ፆኦዛሢዮ! ኔኤኮ ዼኤፖ ቢታንቶና ዎልቆና ኔኤኒ ጫሪንጮንታ ሳዖንታ ማዤኔ፤ ፔቴታዖ ኔና ባሻ ባኣዚ ባኣሴ፤
Jeremiah 51:15 in Maale 15 ናንጊና ናንጋ ጎዳ ፔ ዎልቆና ሳዖ፤ ፔ ዔራቶና ሃሣ ዓጮ ማዔ ካራና ቢያ ማዤኔ፤ ዒዛኮ ማሊ ጶቂሣ ዒኖናኣ ጫሪንጮ ዼጊዲ ዒ ዳሬኔ፤
Zechariah 12:1 in Maale 1 ጫሪንጮ ዼጊዲ ዳሬሢ፥ ሳዖ ቦኦኮልቂ ማዤሢ፥ ዓሲማኣ ሼምፖ ዑኡሲ ዒንጌ ናንጊና ናንጋ ጎዳሢ ሂዚ ጋዓኔ፦
Matthew 11:25 in Maale 25 ዒማና ዬሱሴ፦ «ጫሪንጮና ሳዖናኮ ጎዳ ማዔ፥ ታ ዓዳሢዮ! ሃያ ባኮ ዔሮ ዓሶይዳፓ ዓኣቺ ዔኤቢ ዔሩዋ ዓሶም ኔ ፔጋሲ ዔርዜሢሮ ታ ኔና ጋላታኔ፤
Mark 13:19 in Maale 19 ዬኖ ዎዶና ፆኦሲ ሳዖ ማዤማፓ ዓርቃዖ ሙኪ ዬኖ ኬሎ ሄላንዳኣና ዛጊቤቂቦ ሜቶና ዋኣዮና ማዓንዳኔ፤ ሴካ ቤርቲም ማዔቶዋ ዬያጉዴ ሜቶና ዋኣዮና ማሊ ሄላዓኬ።
John 1:1 in Maale 1 ቢያ ማዢንቴ ባኮኮ ቤርታ ቃኣላ ዓኣኔ፤ ዬይ ቃኣላ ፆኦሲና ዎላ ፔቴኬ፤ ዬይ ቃኣላኣ ፆኦሲኬ።
Acts 4:24 in Maale 24 ዔያቶኮ ላጎንሢያ ዬያ ዋይዛዖ ዑኡዞ ፔኤሲ ዼጊዲ ፆኦሲ ሂዚ ጌዒ ሺኢቄኔ፦ «ጫሪንጮንታ ሳዖንታ ባዞንታ ሃሣ ዬያ ባኮ ቢያይዳ ዓኣ ባኮ ቢያ ዎይሣሢና ማዤ ጎዳሢዮ!
Acts 14:15 in Maale 15 «ዒንሢ ሃይ ዓሳ፥ ዓይጎሮ ሃያይዳይ? ኑኡኒያ ዒንሢጉዲ ዓሲኬ፤ ኑኡኒ ሃይካ ሙኬሢ ዒንሢ ሃያ ጉሪ ማዔ ካኣዦ ሃሺ፥ ሳዖንታ ዼኤፖ ዋኣፆ ባዞንታ ዬያቶኮ ጊዳ ዓኣ ባኮ ቢያ ማዤ ናንጊና ናንጋ ፆኦዛሢ ባንሢ ማዓንዳጉዲ ኮዦ ሃይሶ ኑ ዒንሢም ኬኤዛኒኬ፤
Acts 17:24 in Maale 24 ዒዚ ዓጮንታ ዓጮይዳ ዓኣ ባኮ ቢያ ማዤሢኬ፤ ሳዖና ጫሪንጮናኮዋ ጎዳኬ፤ ዒዚ ዓሲ ኩቺና ማዢንቴ ካኣሺ ማኣሪዳ ናንጉዋሴ።
Romans 1:19 in Maale 19 ፆኦሲ ዔያቶ ሜቶና ጎራሢ ፆኦሲ ዛሎ ዔያታ ዔራኒ ኮይሳ ባኮ ዒ ዔያቶ ፔኤሮ ዔርዜም ዔያታ ዔራያታሢሮኬ።
Romans 11:36 in Maale 36 ዎይቲ ጌዔቴ ቢያ ባኮ ማዤሢ ዒዛኬ፤ ቢያ ባኮ ናንጊሻሢያ ዒዛኬ፥ ዒዛም ናንጋያኬ፤ ናንጊና ቦንቾ ዒዛም ማዖንጎ፤ ዓኣሜን።
1 Corinthians 8:6 in Maale 6 ኑኡኮ ጋዓንቴ ቢያ ባኣዚ ዒዛይዳፓ ማዢንቴያ፥ ኑኡኒያ ዒዛም ማዢንቴያ ፔቴ ፆኦሲ ማዔ ዓዴ ዓኣኔ፤ ዬያጉዲ ሃሣ ቢያ ባኣዚ ዒዛ ዛሎና ማዢንቴያ ኑኡኒያ ዒዛ ዛሎና ማዢንቴ፥ ፔቴ ጎዳ ዬሱስ ኪሪስቶሴ ኑኡኮ ዓኣኔ።
Ephesians 3:9 in Maale 9 ዬያጉዲ ሃሣ ቢያ ባኮ ማዤ ፆኦዛሢ ሃያኮ ቤርታኣ ዎዶይዳ ዓኣቺ ጌሢ ዓኣ ዒዛኮ ማሊፃ ዓይጎ ማዔቴያ ቢያሢም ታ ዔርዛንዳጉዲ ሃይ ኮሹሞ ዒንጊፆ ማዻ ታኣም ዒንጊንቴኔ።
Colossians 1:16 in Maale 16 ዎይቲ ጌዔቴ ጫሪንጮና ሳዖናይዳ ዓኣ ባካ፥ ዓኣፒዳ ጴዻሢንታ ጴዹዋ ባካ፥ ጫሪንጫ ዼኤፖ ማዢንቶና ዎይሣዞንሢ፥ ሱኡጎንታ ቢታንታ ዓኣዞንሢያ ቢያ ማዢንቴሢ ዒዛናኬ። ፆኦሲ ቢያ ባኮ ማዤሢ ዒዛና ሃሣ ዒዛምኬ።
Hebrews 1:2 in Maale 2 ሃሢ ጋዓንቴ ሃኖ ጋፒንፆ ዎዶና ቢያ ባኮ ዒዛም ዒ ማሄ፥ ፔ ናዓሢ ዛሎና ኑም ኬኤዜኔ፤ ዓጫ ቢያ ማዢንቴሢ ዒዛናኬ።
Hebrews 1:10 in Maale 10 ዬያጉዲ ሃሣ፦ «ጎዳሢዮ! ኔኤኒ ቤርታ ሳዖ ማዤኔ፤ ጫሪንጮዋ ኔ ኩቻ ኔ ማዤያኬ።
Hebrews 3:4 in Maale 4 ጎኔኬ ፔቴ ፔቴ ማኣሮ ማዤ ዓሲ ዓሲ ዓኣኔ፤ ጋዓንቴ ቢያ ባኮ ማዤሢ ፆኦሲኬ።
Hebrews 11:3 in Maale 3 ሳዖንታ ጫሪንጮንታ ጊዳ ዓኣ ባካ ቢያ ፆኦሲ «ማዖንጎ» ጌዔሢና ማዢንቴያ ማዔሢ ኑ ዔራሢ ጉሙርቂሢናኬ፤ ዬያሮ ኑም ሃሢ ጴዻ ባካ ቢያ ጴዹዋ ባኣዚዳፓ ማዢንቴሢ ዬያና ኑ ዔራኔ።
2 Peter 3:5 in Maale 5 ዬያታ ዓሳ ሚርጌ ዎዴኮ ቤርታ ሳዖንታ ጫሪንጮንታ ፆኦሲ ቃኣሎና ማዢንቴሢ ሳዚ «ኑ ዔሩዋሴ» ጋዓንዳኔ፤ ሳዓ ማዢንቴሢ ዋኣሢ ባኣካፓ፤ ሃሣ ዋኣሢና ማዢንቴሢ «ዔሩዋሴ» ጋዓንዳኔ።
1 John 1:1 in Maale 1 ቤርታፓ ዓርቃዖ ዓኣ ናንጎ ቃኣሎ ዛሎ ኑ ዒንሢም ፃኣፔኔ፤ ዬይ ናንጎ ቃኣላ ኑኡኒ ዋይዜሢ፥ ኑ ዓኣፖና ኑ ዛጌሢና ኑ ዴንቄሢ ሃሣ ኑ ኩጮናኣ ኑ ዓርቄሢ ዛሎኬ።
Revelation 3:14 in Maale 14 ሃሣ ዒ ኬኤዛዖ፦ ሎዶቂያ ሺኢጲፆ ማኣሮ ኪኢታንቻሢም ሂዚ ጌዒ ፃኣፔ፤ «ሃይ ጎኔ ማዔያ፥ ጉሙርቂንታያ፥ ጎኔ ማርካ ማዔያ፤ ሃሣ ፆኦሲ ማዢንታ ቢያ ዒዛ ዛሎና ማዔሢ ኬኤዜያኬ፤
Revelation 4:11 in Maale 11 «ኑ ጎዳ ማዔ ኑ ፆኦዛሢዮ! ቢያ ባኣዚ ኔ ማዤሢሮ ቢያ ባካ ማዢንቴሢና ማዔሢ፥ ኔ ማሊፆና ማዔሢሮ ቦንቾና ሄርሺሢና ዎልቄያ ኔኤም ኮይሳያኬ» ዔያታ ጋዓኔ።
Revelation 10:6 in Maale 6 ዒዚ ናንጊና ናንጋሢ፥ ጫሪንጮና ሳዖና ባዞና ዬያቶይዳ ዓኣ ባኮ ቢያ ማዤ ፆኦዛሢ ሱንፆና ጫኣቄኔ፤ ዒ ጫኣቄሢ፦ «ዓካሪ ማይ ኔጋዓኬ!
Revelation 14:7 in Maale 7 ዬይ ዼኤፒ ዑኡሲና፦ «ፆኦሲ ዒጊጩዋቴ፤ ሃሣ ቦንቹዋቴ፤ ዓይጎሮ ጌዔቴ ዒዛኮ ዎጎ ዎጎ ዎዳ ሄሌኔ፤ ጫሪንጮና ሳዖና ባዞና ዓልቃ ዋኣፆና ማዤ ፆኦዛሢም ዚጉዋቴ!» ጌዔኔ።
Revelation 21:6 in Maale 6 ሃሣ ዒዚ፦ «ዓካሪ ቢያ ባካ ጋፔኔ! ዔኤቢኮ ቢያ ዓርቃሢና ጋፒሳሢና ታናኬ፤ ዼኤቢንቴሢም ናንጎ ዋኣፆይዳፓ ጪጎ ባኣዚ ባኣንቴ፥ ጉሪ ታ ዒንጋንዳኔ፤
Revelation 22:13 in Maale 13 ቤርታሳሢና ጋፒንፃሢና፥ ዔኤቢ ቢያ ዓርቃሢና ጋፒሳሢያ ታናኬ።»