Titus 2:12 in Limbu 12 खे़न् कुलुङ्गुम्लाम्बा कन् इक्सादिङ् खाम्बेःक्मो लायोबा हिङ्मन् नु इक्सादिङ्बा ये़म्निङ्वाॽ तादाबा पाःन्हाॽ ले़प्मादेःमा पोःङ् फाॽआङ् आहुॽसिङ्ङाङ् कन् हिङ्मन्नो निङ्वाॽ हाङ्गे़म्सिङ्मा, कुदोःप्मा नु साम्योनिबा हिङ्मन्नो हिङ्मा फाॽआङ् ओःन्धाक् आजोःक्लो॥
Other Translations King James Version (KJV) Teaching us that, denying ungodliness and worldly lusts, we should live soberly, righteously, and godly, in this present world;
American Standard Version (ASV) instructing us, to the intent that, denying ungodliness and worldly lusts, we should live soberly and righteously and godly in this present world;
Bible in Basic English (BBE) Training us so that, turning away from evil and the desires of this world, we may be living wisely and uprightly in the knowledge of God in this present life;
Darby English Bible (DBY) teaching us that, having denied impiety and worldly lusts, we should live soberly, and justly, and piously in the present course of things,
World English Bible (WEB) instructing us to the intent that, denying ungodliness and worldly lusts, we would live soberly, righteously, and godly in this present world;
Young's Literal Translation (YLT) teaching us, that denying the impiety and the worldly desires, soberly and righteously and piously we may live in the present age,
Cross Reference Matthew 3:8 in Limbu 8 लायोलाम् के़हिन्दिबा पाःन्निन् ओसेःन्दाङ् चोःक्से़ नुःबा याःम्बक् चोगे़म्मे़ॽओ॥
Matthew 5:19 in Limbu 19 हाःत्ले़ कन् इङ्जाःङ्हाॽओबा चुक्सा पाःन्धिक् फेःन्दुआङ् वेहाॽ बा हे़क्के चोःक्मा हुॽरुसिॽ साङ्ग्राम्पेदाङ्बा हाङ्जुम्मो खे़न् चुक्सा पोःङ्लो, कर हाःत्ले़ कन् इङ्जाःङ्हाॽ इःत्तु-नाःत्तुआङ् वेॽहाॽ हे़क्के चोःक्मा हुॽरुसिॽ साङ्ग्राम्पेदाङ्बा हाङ्जुम्मो खे़न् पयम् यम्बा पोःङ्लो॥
Matthew 16:24 in Limbu 24 हे़क्क्याङ् ये़सुरे़ कुहुॽसाम्बाहाॽ मे़त्तुसि, “आत्तिल्ले़ इङ्गाॽ तिम्मा निङ्वाॽ चोगुॽ, हाराॽ खे़ल्ले़ इङ्गाॽरक् चाङ्थुङुङ् के़लॽबा कुनिङ्वाॽइन्से़रुआङ् कुसिलाम्साक्मा सिङ्ङिन् पक्खुआङ् इङ्गाॽ तिम्माररो॥
Matthew 28:20 in Limbu 20 इङ्गाॽ इङ्जाःङ् पिनिङ्बा के़रे़क् पाःन्हाॽ इःप्मा नाःप्मा हुॽरे़म्सिम्मे़ॽओ॥ ओमे़त्ते़म्मे़ॽओ, इङ्गाॽग इक्सादिङ् खाम्बेःक्माल्ले़ कुनुप्मो थारिक्के खिनिॽनु सदादिङ् वाॽआरो॥”
Luke 1:6 in Limbu 6 खे़ङ्हाॽ ने़प्माङ् निङ्वाॽफुमाङ्ङिल्ले़ कुनिःमाओ साम्योनिबा वये़त्छिआङ् नुःरिक्काङ् साम्योथिम् के़इःप्पा के़नाःप्पा नु यहवे दाङ्बाल्ले़ के़रे़क् कुइङ्जाःङ् के़घे़म्बा वये़त्छिरो॥
Luke 3:9 in Limbu 9 आल्लोसा निङ्वाॽफुमाङ्ङिल्ले़ कुघासे़न्निल्ले़ तःन्दिङ्ग सिङ्बुङ्मो खा चुक्मा इःत्ते़आङ् वाॽ॥ नुःबा सिङ्सेॽ मे़न्धोःक्मनाबा सिङ्बुङ्हाॽ के़रे़क् ताङ्माआङ् मिओ लाप्फुमा पोःङ्लो॥”
John 6:25 in Limbu 25 खे़ङ्हाॽ वरक्किल्ले़ नाधाःम्बि मे़गे़रे़ल्ले़ ये़सुःन् मे़दुमुआङ् सेःन्मे़दोसु “सिक्साम्बे, खे़ने़ॽ आप्फाल्ले़ कप्मो के़भे़रे़बे?”
John 14:30 in Limbu 30 आल्ल खिनिॽनु यरिक् मे़बाःत्तान्, थेआङ्भे़ल्ले़ इक्सादिङ् खाम्बेःक्मोबा हाङ्युक् के़जोःक्पान् फे़न्ल पत्लो॥ आसम्दाङ् खे़ल्ले़ थेआङ् मुक्साम् मे़गत्तुन्लो,
John 17:14 in Limbu 14 खे़ङ्हाॽ पेलिगे़न् के़बाःन्जाक्हाॽ पिरुङ्सिङ्ङाङ् मे़वाॽरो॥ इङ्गाॽ कुइसिःक्के खे़ङ्हाॽआङ् इक्सादिङ् खाम्बेःक्मोबा मे़ःन्छिबाल्ले़ चोगुल्ले़ इक्सादिङ् खाम्बेःक्मोबाहाॽरे़ खे़ङ्हाॽ मे़जिःत्तुसिरो॥
Acts 24:16 in Limbu 16 हे़क्केलॽरिक् इङ्गाॽग सदादिङ् निङ्वाॽफुमाङ्ङो नु मे़न्छाम्गे़न् याप्मिरे़ खुनिॽ तगि सेसे खासिङ् कप्मा तम्सिन् चोःक्कारो॥
Acts 24:25 in Limbu 25 पावलरे़ ताॽधक्तुर तेॽरुल्ले़ साम्योनिबा, निङ्वाॽ हाङ्गे़म्सिङ्मा नु ताःन्दि के़दाःबार के़बप्पा पयम् खुम्दिङ्ङिल्ले़ कुयाःम्बेओआङ् पोधक् चोगुरो॥ कर फे़लिक्से़न् किःसे़आङ् मे़त्तु, “आल्ल खे़ने़ॽ पेगे़ॽ, इङ्गाॽ याःन्दिक् ताआल्ले़ याम्मो उःत्ने़आङ् के़बाःन्निन् खे़प्सुङ्लो॥”
Romans 6:4 in Limbu 4 खे़ल्ले़ चोगुल्ले़ आनिॽग बप्तिस्मालाम् सिःमे़न्नो खुने़ॽनु आहुम्सिङ्, हे़क्केःल्ले़ ख्रिस्ते़न्पानुदिङ् पाः निङ्वाॽफुमाङ्ङिल्ले़ मिमिदिङ्गे़न् कुमुक्साम्मिल्ले़ सिःमे़न्लाम्बा कुहिङ्वे़त् चोगुबा कुइसिःक् आनिॽआङ् कुसङ् हिङ्मन्नो आहिङ्लो॥
Romans 6:12 in Limbu 12 खे़ल्ले़ चोगुल्ले़ लायोःल्ले़ खिनिॽ नासिङ्गे़न् थक्किन् युक्मा मे़बाङ्घे़म्मिन्ने़ॽओ, मे़ःन्ने़ फाॽग्र फे़न् निङ्वाॽइल्ले़ कुबाःन्निन् ते़न्दिङ् के़जोगुम्लो॥
Romans 6:19 in Limbu 19 खिनिॽ कुसिङ् निःप्मा के़सुक्तुम्ल फाॽआङ् हिम्दाङ्बान् नु योःक्किल्ले़ कुबिःन् ओगप् चोगुङ्ल पत्तारो॥ खिनिॽ आबाङे याम्लक्किन् तगि याप्मि के़जिःम्बा नु फे़न् याःम्बक्किल्ले़ कुयोःक्पा पोःङ्से़ के़दोःन्दुम्माङ् के़वयिबा कुइसिःक्, आल्ल सेसेगे़न् सुत्थो पोःङ्मारे़ लागि साम्योनिबाल्ले़ कुयोःक्पा पोःङ्से़ खिनिॽ याम्लक्किन् तोःन्दे़म्मे़ॽओ॥
Romans 8:13 in Limbu 13 खिनिॽ लायोबा सुत्नाःल्ले़ निङ्वाॽ चोगुबा कुइसिःक् के़वयिॽने़ फाॽग्र खिनिॽ के़स्ये़ॽइरो, कर सेसेमाङ्ङिल्ले़ कुमुक्साम्लाम् लायोबा याःम्बक्हाॽ के़ले़रुम्ने़ फाॽग्र के़हिङिॽरो॥
Romans 12:2 in Limbu 2 इक्सादिङ् खाम्बेःक्मोबा थिम्मिन्नु मे़दङ्ङासिम्मे़न्ने़ॽओ कर खिनिॽ निङ्वाॽबान् ले़क्खे़म्मे़ॽर कुसङ् पोःक्खे़म्मे़ॽर पेगे़म्मे़ॽओ॥ हे़क्केलॽरिक् निङ्वाॽफुमाङ्ङिल्ले़ नुःबा, कुनिङ्वाॽ के़दाःबा नु कुलिङ्धो के़गे़प्पा कुनिङ्वाॽइन्थे वाॽ खे़न् निङ्वाॽ खोःमा के़सुक्तुम्लो॥
Romans 13:12 in Limbu 12 से़न्दिक्किन् ले़क्ल पत्लो, हे़क्क्याङ् खाओःप्मान् निःत्ताङ् तार पत्लो॥ खे़ल्ले़ चोगुल्ले़ मनाहाॽरे़ खादाम्मो मे़जोगुबा ताप्फे़ःम्बा याःम्बक्हाॽ ले़रुम् हे़क्क्याङ् ओःत्तिःल्ले़न् थक्सुबाहाॽ यारिप् मे़बोःङ्बा हे़क्के यारिप् पोःक्खिआङ् नुःबा याःम्बक् चोगुम्लो॥
1 Corinthians 6:9 in Limbu 9 ताप्फे़ःम्बा याःम्बक् के़जोःक्पाहाॽरे़ निङ्वाॽफुहाङ्जुम्मिल्ले़न् लाघो मे़ङ्घोःसुन् के़लॽबा पाःन्निन् निङ्वाॽ मे़ङ्घोए के़वयिॽबि? इङ्ले़क्को मे़ध्ये़म्मिन्ने़ॽओ॥ फे़न् याःम्बक् के़जोःक्पाहाॽ, नावाइत्ला माङ्गे़घःबाहाॽ, चाराम्मा याःम्बक् के़जोःक्पा के़जोःक्माहाॽ, के़त्निबा के़त्निमाहाॽ, मे़न्छुमाॽ मे़न्छुमाॽइन्नु हे़क्क्याङ् ये़म्बित्छाॽ ये़म्बित्छाॽइन्नु चागे़राम्बाहाॽ,
2 Corinthians 1:12 in Limbu 12 कन् इक्सा खाम्बेःक्मोरक् मे़ःन्, कर खिनिॽ तगिआङ् निङ्वाॽफुमाङ्ङिल्ले़ कुनिङ्वाॽ कुइसिःक् आनिगे़ ये़प्ले़क्किन् सेसे नु कुदोःप्मा कत्तुम्बे़ के़लॽबा पाःन्निन् मुरा मे़न्याए पाःप्मा सुक्तुम्बे़रो॥ कङ्ग मे़न्छाम् याप्मि सिक्कुम् निङ्वाॽरे़ कत्तुम्बे़बा मे़ःन्, कर निङ्वाॽफुमाङ्ङिल्ले़ कुलुङ्गुम्लाम्बा कत्तुम्बे़बारो॥
2 Corinthians 7:1 in Limbu 1 आमिःम् आन्जुम्से, आनिॽग कन् माङ्हे़क्हाॽ आघोःसुम्माङ् आवाॽबाल्ले़ चोगुल्ले़ आनिॽ नासिङ्गे़न् थक् नु याम्साम् के़जिःम्बा पाःन्हाॽलाम् सेसे चोःक्कासिरो॥ हे़क्क्याङ् निङ्वाॽफुमाङ्ङिल्ले़ मिङ्सो इङ्धाःङ् खोःसुर फाॽआङ् आनिॽ सेसे पोःक्खिर पिगिरो॥
Galatians 1:4 in Limbu 4 आनिॽ पानुदिङ् पाः निङ्वाॽफुमाङ्ङिल्ले़ कुनिङ्वाॽ हे़क्के ये़सुरे़ कन् ये़म्मोबा ताप्फे़ःम्बा इक्सादिङ् खाम्बेःक्मोलाम् ताङ्से़ःप्मा आसुक्ल फाॽआङ् आनिॽ लायो आजोगुम्बाल्ले़ चोगुल्ले़ आनिॽ ले़क्वा स्ये़रो॥
Galatians 5:24 in Limbu 24 ख्रिस्त ये़सुःन् नसाःन् के़जोःक्पाहाॽरे़ग लायोबा निङ्वाॽ नु खे़ल्ले़ कुभे़न् याःम्बक्किल्ले़ कुयुक्किन् सिलाम्साक्मा सिङ्सम्दाङ् मे़भोःन्दुआङ् वाॽरो॥
Ephesians 1:4 in Limbu 4 खुने़ॽ कुनिःमाओ सेसे नु आप्तिक् मे़ःन्नेबा आबोःङ्ल फाॽआङ् ख्रिस्ते़ल्ले़ चोगुल्ले़ इक्सा खाम्बेःक् पोःङ्मानुःल्ले़ तगिसा आसेगे़आङ् वये़॥ खुने़ॽ लुङ्माॽ आदुक्ते़बाल्ले़ चोगुल्ले़
Ephesians 2:2 in Limbu 2 खे़न् ये़म्मो खिनिॽआङ् कन् खाम्बेःक्मोबा थिम्मिन् नु फे़न्साम्हाॽरे़ खुनिॽ हाङ्जुम्मो हाङ् के़जोःक्पा माफे़न्साम्मिल्ले़ कुबाःन्निन् के़घे़प्सुम्माङ् के़वयि॥ खे़न् साम्मिन्ने निङ्वाॽफुमाङ् इङ्जाःङ् मे़ङ्घे़म्मनाबाहाॽरे़ खुनिॽ सिक्लुङ्मो याःम्बक् चोःक्ल वाॽरो॥
Ephesians 4:22 in Limbu 22 खे़ल्ले़ चोगुल्ले़ ख्रिस्ते़न्नसाःन् मे़न्जोःक्के के़वयिल्ले़ इङ्ले़क्के फे़न् निङ्वाॽइल्ले़ फे़त्लाःन्दुबा खिनिॽ तगिबा ये़प्ले़क्किन् लाप्फुसे़म्मे़ॽआङ्
Colossians 1:22 in Limbu 22 कर आल्लोग निङ्वाॽफुमाङ्ङिल्ले़ आबाङे कुदगि सेसेसाङ्साङ् नु आप्तिक्मे़ःन्नेबा चोःक्मासि फाॽआङ् ये़सु ख्रिस्तरे़ कुसिलाम्साक्मा सिङ्सम्दाङ्बा कुसिःमे़न्लाम्बा नादङ्ङो के़दाःरिआङ् वाॽरो॥
Colossians 3:5 in Limbu 5 खे़ल्ले़ चोगुल्ले़ मे़न्छुमाॽ नु ये़म्बित्छाॽहाॽ चाराम्मा पाःन्निन्, चिःन्जिन्बा के़जोःक्पा याःम्बक्, चाराम्मा निङ्वाॽ चोःक्मान्, फे़न् याःम्बक् चोःक्मान् नु खिःम्यक् चोःक्मान् हे़क्तङ्बा नासिङ्गे़न् थक्कोबा नोस्रङ्गे़न् ये़प्ले़क्हाॽग नावाइत्लाःन् माङ्घःमनाबारो॥ खिनिॽ खे़न् काक् युक्ते़म्मे़ॽओ॥
1 Thessalonians 4:7 in Limbu 7 थेआङ्भे़ल्ले़ निङ्वाॽफुमाङ्ङिल्ले़ आनिॽग चिःन्जिःम्बा हिङ्मन्नो मे़ःन्, कर सेसे साङ्साङ्ङाङ् हिङ्मा लॽरिक् आउःत्ते़बारो॥
1 Thessalonians 4:9 in Limbu 9 आल्ल नसानिबा फुॽनुसाॽ नु ने़ॽनुसाॽहाॽ लुम्मो आक्खेलॽरिक् लुङ्माॽ तुक्सिङ्मा पोःङ् के़लॽबान् साप्मार ने़मा चाहाबा मे़जोःक्ने़न्लो॥ थेआङ्भे़ल्ले़ निङ्वाॽफुमाङ्ङिल्ले़ आबाङे खिनिॽ अक्खेलॽरिक् लुङ्माॽ तुक्सिङ्मा पोःङ् फाॽआङ् के़हुॽरिआङ् के़वयिॽरो॥
1 Timothy 4:12 in Limbu 12 खे़ने़ॽ नालिङ्गे़न् थाङ्बे़न् के़वाॽबाल्ले़ आत्तिल्ले़आङ् खे़ने़ॽ कुनामे़न्छाॽ के़म्मे़त्ने़न्लरो, कर नसानिबाहाॽरे़ खुनिॽ तगि के़बाःन् सुत्लाओ, ये़प्ले़क्को, मिःम्जिओ, नसाःन्नो, हे़क्क्याङ् सेसेबा हिङ्मन्नो कुबि पोःक्खे़ॽओ॥
1 Timothy 6:17 in Limbu 17 कन् इक्सादिङ् खाम्बेःक्मोबा याङ्साकुन्धेसाबाहाॽ अक्खेलॽरिक् इङ्जाःङ् पिरे़से़ॽ–खे़ङ्हाॽ आङ्दिङ् मे़न्लॽने़न्लरो, हे़क्क्याङ् खुनिॽ निङ्साङ्ङिन् चप्ले़क्वा याङ्साकुन्धेओ मे़ःन्, कर निङ्वाॽफुमाङ्ङो मे़युक्खुररो॥ खुने़ॽए आनिॽ निङ्वाॽ तार फाॽआङ् कुनिङ्वाॽ हन्दुआङ् काक् आबिॽरो॥
2 Timothy 3:12 in Limbu 12 ख्रिस्त ये़सुओ साम्योनिबा हिङ्मन्नो हिङ्मा निङ्वाॽ के़जोःक्पाङ्ग तुक्खे चाएरो॥
2 Timothy 4:10 in Limbu 10 थेआङ्भे़ल्ले़ देमासरे़ कन् इक्सादिङ् खाम्बेःक्मोबा पाःन्हाॽ मिःम्जि मे़त्तु हे़क्क्याङ् इङ्गाॽ ले़राङ्ङाङ् थिस्सलोनिका पेआङ् वाॽरो॥ क्रेसेन्से़न् गलातिया थुम्मो पेआङ् वाॽ हे़क्क्याङ् तितसे़न् दाल्मातिया थुम्मो पेरो॥
Titus 3:3 in Limbu 3 थेआङ्भे़ल्ले़ आनिॽआङ् थिक्ले़ङ् अदङ् नु इङ्जाःङ् इःप्मा नाःप्मा मे़न्दे़म्मनाबा, इङ्ले़क्के, याम्निङ्वाॽ तादा नु याम् तादारे़ आयुक्ते़आङ् आवये़रो॥ हे़क्केलॽरिक् सिक् पोःक्मा नु नाहे़म्माओ आवये़, हे़क्क्याङ् मनाहाॽ आजिःत्तुम्सिम्माङ्आवये़रो॥
Hebrews 8:11 in Limbu 11 आत्तिन् मनाःल्ले़आङ् कुलाजेॽबा मनाःन् हुॽमा चाहाबा मे़जोःक्ने़न्लो हे़क्क्याङ् आत्तिन् मनाःल्ले़आङ् कुम्भुॽ कुन्साॽसि दाङ्बान् कुसिङ् निःत्ते़म्मे़ॽ लॽरिक् मे़प्मासि मे़बोःङ्ने़ल्लो, थेआङ्भे़ल्ले़ यम्बा चुक्पा के़रे़क्ले़ इङ्गाॽ कुसिङ् मे़निःत्तारो॥
James 4:8 in Limbu 8 निङ्वाॽफुमाङ्ङिल्ले़ कुबेसाङ् त्ये़म्मे़ॽ, हे़क्क्याङ् खुने़ॽआङ् खिनिॽ पेसाङ् ताःरो॥ खिनिॽ लायोबासे, लायो चोःक्मा ले़रे़म्मे़ॽओ, हे़क्क्याङ् हिल्लिक्लिक्पा निङ्वाॽ के़गप्पासे, खिनिॽ सिक्लुङ्मान् सेसे चोगे़म्मे़ॽओ
1 Peter 1:14 in Limbu 14 निङ्वाॽफुमाङ्ङिल्ले़ इङ्जाःङ् के़इःप्पा के़नाःप्पा कुस्साः के़बोःक्खिबाल्ले़ चोगुल्ले़ तगि मे़न्निए मे़ल्ले़ए के़वयिल्ले़ के़जोगुम्बा फे़न् याःम्बक् चोःक्मा निङ्वाॽओ याम्मो मे़बत्छे़म्मिन्ने़ॽओ॥
1 Peter 2:11 in Limbu 11 आमिःम् फुॽनुसाॽ नु ने़ॽनुसाॽसे, खिनिॽग कप्मो वे़प्मिबा नु माःङ्घा लाजेॽबा कुइसिःक् के़वयिबाल्ले़ चोगुल्ले़ लायोबा फे़न् निङ्वाॽलाम् लाःत्लाःत् वये़म्मे़ॽ फाॽआङ् पेलि फाक्निङ्लो॥ खे़न् लायोबा फे़न् निङ्वाॽइङ्ग खिनिॽ याम्साम्मिल्ले़ कुदक्ले़ङ्वाओ पोःक्लो॥
1 Peter 4:2 in Limbu 2 हे़क्केःल्ले़ खे़न् हिङ्ल थारिक् मनाहाॽरे़ मे़इःत्तुबा फे़न् निङ्वाॽ कुइसिःक् मे़ःन्, कर निङ्वाॽफुमाङ्ङिल्ले़ कुनिङ्वाॽ कुइसिःक् हिङ्लो॥
2 Peter 1:4 in Limbu 4 बा खे़न् कुमिमिदिङ् नु कुनो-कुदाओलाम् आनिॽ यम्बा नु इमे़ल्लुङ्बा माङ्हे़क्हाॽ आघोःसुम्माङ् आवाॽ॥ खुने़ॽ फे़न् निङ्वाॽलाम् के़दाःबा फे़न् पाःन्हाॽलाम् ताङ्से़ःप्मा नु निङ्वाॽफु नोस्रङ् खोःमा माङ्हे़क् आजोगे़आङ् आवाॽरो॥
2 Peter 2:9 in Limbu 9 हे़क्केलॽरिक् दाङ्बाल्ले़ साम्योनिबा मनाहाॽ इनोगे़न् तुक्खेहाॽलाम् से़ःप्मासिआङ्ले़स्सुॽरो॥ हे़क्क्याङ् लायोबा मनाहाॽ खुम्दिङ् पिरुसिर खासे़न् ये़न्नो थारिक् कप्मासिआङ्ले़स्सुरो॥
2 Peter 2:20 in Limbu 20 कर खे़ङ्हाॽरे़ दाङ्बा नु से़न्लप्दाङ्बा ये़सु ख्रिस्ते़न्कुसिङ् मे़निःत्तुआङ् इक्सादिङ् खाम्बेःक्मोबा आजिःन्जिःम्बा पाःन्लाम् मे़लःन् हे़क्क्याङ् याम्मो मे़नुःङ् मे़बेःक्ने़ फाॽग्र खे़ङ्हाॽरे़ लागि तगिनुःल्ले़आङ् कुनुप्मोग साॽरिक् ताप्फे़ःम्बा पोःङ्लो॥
2 Peter 3:11 in Limbu 11 हे़क्केलॽरिक् काक् पाःन्हाॽ मे़क्पाल्ले़ चोगुल्ले़ खिनिॽग सेसेबा नु साम्योनिबा हिङ्मन्नो वाॽमा पोःङ्लो॥
1 John 2:6 in Limbu 6 निङ्वाॽफुमाङ्ङो वाॽआ लॽरिक् के़बाःप्पाल्ले़ ये़सुरे़ चोगुबा कुइसिःक् चोगुर वाॽर पोःङ्लो॥
1 John 2:15 in Limbu 15 इक्सादिङ् खाम्बेःक्मान् नु खे़प्मो के़वाॽबा चिगःक्वाहाॽ मिःम्जि मे़मे़त्ते़म्मिन्ने़ॽओ॥ आत्तिल्ले़ इक्सादिङ् खाम्बेःक्मान् मिःम्जि मे़त्तुॽ, खे़ल्ले़ पानुदिङ् पाः निङ्वाॽफुमाङ्ङिन् मिःम्जि मे़प्मा मे़सुक्तुन्लो॥
1 John 2:27 in Limbu 27 कर खिनिॽओग ख्रिस्तरे़ के़बिरिबा सेसेमाङ्ङिल्ले़न् माङ्धुक्नाःन् वाॽ याःक्लो॥ हे़क्क्याङ् खिनिॽ के़हुॽबा हाःत्ताङ् चाहाबा के़न्जोगिन्, कर सेसेमाङ्ङिल्ले़ के़रे़क् पाःन्निल्ले़ कुयाःम्बेओ के़हुॽरिॽ॥ खे़न् के़हुॽरिबा पाःन्निङ्ग इङ्ले़क् मे़ःन्लो, कर से़क्खाएरो॥ हे़क्केःल्ले़ सेसेमाङ्ङिल्ले़ के़हुॽरिबा निसाम्मिन् इःत्ते़म् नाःत्ते़म्मे़ॽआङ् ख्रिस्ते़न्मे़ल्ले़त्ते वये़म्मे़ॽओ॥
1 John 5:19 in Limbu 19 आनिॽग निङ्वाॽफुमाङ्ङिल्ले़ कुस्साःसिरो, हे़क्क्याङ् कन् इक्सादिङ् खाम्बेःक्मान् माफे़न्साम्मिल्ले़ कुहुक्को थ्ये़आङ् वाॽ के़लॽबा पाःन्निन् आनिःसुम्लो॥
Jude 1:18 in Limbu 18 खे़ङ्हाॽरे़ग अक्खेलॽरिक् मे़बाःत्तुआङ् मे़वये़, “कुनुप्मा ये़म्मो किनाःन्दि के़जोःक्पाहाॽ मे़दाआङ् आबाङे फे़न् निङ्वाॽइल्ले़ निङ्वाॽतादा मे़जोगुरो॥”
Revelation 14:12 in Limbu 12 खे़ल्ले़ चोगुल्ले़ निङ्वाॽफुमाङ्ङिल्ले़ कुइङ्जाःङ् के़घे़म्बाहाॽ नु ये़सुःन् नसाःन् के़जोःक्पा निङ्वाॽफुमाङ्ङिल्ले़ सेसे कुमनाहाॽरे़ नासि थःप्माए पोःङ्लो॥