Romans 9:30 in Limbu 30 हे़क्केःल्ले़ आल्ल आनिॽ थे पाःप्माबे? थिम्मे़न्दङ् सुवाङ्हाॽरे़ग साम्योनिबा पोःङ्मा मे़ङ्गोःत्तुन्छाङ् नसाःन् मे़जोगुबालाम्बा साम्योनिबा मे़बोःक्खे़॥
Other Translations King James Version (KJV) What shall we say then? That the Gentiles, which followed not after righteousness, have attained to righteousness, even the righteousness which is of faith.
American Standard Version (ASV) What shall we say then? That the Gentiles, who followed not after righteousness, attained to righteousness, even the righteousness which is of faith:
Bible in Basic English (BBE) What then may we say? That the nations who did not go after righteousness have got righteousness, even the righteousness which is of faith:
Darby English Bible (DBY) What then shall we say? That [they of the] nations, who did not follow after righteousness, have attained righteousness, but [the] righteousness that is on the principle of faith.
World English Bible (WEB) What shall we say then? That the Gentiles, who didn't follow after righteousness, attained to righteousness, even the righteousness which is of faith;
Young's Literal Translation (YLT) What, then, shall we say? that nations who are not pursuing righteousness did attain to righteousness, and righteousness that `is' of faith,
Cross Reference Romans 1:17 in Limbu 17 थेआङ्भे़ल्ले़ निङ्वाॽफुमाङ्ङिल्ले़ कुनिःमाओ आक्खेलॽरिक् आप्तिक् मे़ःन्नेबा आजोःक् फाॽआङ् कन् सुनाइङ्ङिल्ले़ ओसेःन्आधाक्लो, हे़क्क्याङ् कङ्ग नसाःन्लाम् हेःक्सिङ्ङाङ् नसाःन्लाम्बाए कुलिङ्धो के़त्लो॥ साम्योसाप्लाओ अक्खेलॽरिक् साप्ते़आङ् पत्, “साम्योनिबाङ्ग नसाःम्लाम्बाए हिङ्लो॥”
Romans 3:5 in Limbu 5 कर कुभारे़ अक्खे मे़बाःत्तुॽ, आनिॽ लायो आजोगुम्मिल्ले़ निङ्वाॽफुमाङ्ङिल्ले़ कुसाम्योनिमान् नुःरिक्काङ् कुसिङ्निःत्ते़त्ने़ फाॽग्र निङ्वाॽफुमाङ्ङिल्ले़ आनिॽ खुम्दिङ् आबिःल्ले़ खुने़ॽ फे़न् याःम्बक् चोगुबा पोःङ्बि? (इङ्गाॽ कुभा मे़न्छाम् याप्मि कुइसिःक् पाःत्ताबारो॥)
Romans 3:21 in Limbu 21 कर आल्ल साम्योथिम् मे़ःन्नेसाङ्निङ्वाॽफुमाङ्ङिल्ले़ मनाहाॽ आप्तिक् मे़ःन्नेबा चोगुसिआङ् वाॽ के़लॽबा लाम्मिन् खोदे़त्ते़आङ् वाॽरो॥ हे़क्क्याङ् खे़न् पाःन्निल्ले़ कुयाःम्बेओ साम्योथिम् नु माङ्निङ्वाॽपाःन् के़बाःप्पाहाॽरे़ मे़बाःत्तुआङ् वाॽरो॥
Romans 4:9 in Limbu 9 कन् मुॽइसाम्मिङ्ग हर्दो के़हे़क्पा यहुदिहाॽरे़ लागिरक् मे़ःन्, कर हर्दो मे़न्हे़क्मनाबा थिम्मे़न्दङ् सुवाहाॽरे़ लागिआङ्लो॥ अब्राहामरे़ चोगुबा नसाःन्लाम्बाए निङ्वाॽफुमाङ्ङिल्ले़ खुने़ॽ साम्योनिबा लेःत्तुआङ् वये़ लॽरिक् आनिगे़ग पाःत्तुम्बे़र वयिगे़रो॥
Romans 4:11 in Limbu 11 अब्राहामरे़ खोःसुबा कन् हर्दो हे़क्मा थिम्मिङ्ग निङ्वाॽफुमाङ्ङिन् नसाःन् चोगुआङ् वये़ल्ले़ हर्दो मे़न्हे़क्केए निङ्वाॽफुमाङ्ङिल्ले़ खुने़ॽ साम्योनिबा लेःत्तुबा पाःन्निल्ले़न् मिक्सेःन्लो॥ हे़क्केलॽरिक् अब्राहाम्मिन् हर्दो मे़न्हे़क्केसाङ् निङ्वाॽफुमाङ्ङिन् नसाःन् के़जोःक्पाहाॽरे़ खुनिॽ पाःरो॥ खे़ङ्हाॽरे़ नसाःन् मे़जोगुबाल्ले़ चोगुल्ले़ निङ्वाॽफुमाङ्ङिल्ले़ खे़ङ्हाॽ साम्योनिबा लेःत्तुसिॽरो॥
Romans 4:13 in Limbu 13 अब्राहाम्मिल्ले़ साम्योथिम्मिन् इःत्तु नाःत्तुआङ्ग मे़ःन्, कर निङ्वाॽफुमाङ्ङिन् नसाःन् चोगुबालाम् आप्तिक् मे़ःन्नेबा पोःक्खे़बाल्ले़ए निङ्वाॽफुमाङ्ङिल्ले़ खुने़ॽ नु कुमुॽइदाङ्साहाॽरे़ इक्सादिङ् खाम्बेःक्माल्ले़न् लक् के़घोःसुम् के़लॽबा माङ्हे़क्किन्अब्राहाम्मिन्नु चोगुबारो॥
Romans 4:22 in Limbu 22 खे़ल्ले़ चोगुल्ले़ए अब्राहामरे़ कुनसाःन्निल्ले़ चोगुल्ले़ “निङ्वाॽफुमाङ्ङिल्ले़ खुने़ॽ साम्योनिबा लेःत्तुरो॥”
Romans 5:1 in Limbu 1 खे़ल्ले़ चोगुल्ले़ नसाःन् आजोगुम्बाल्ले़ आप्तिक् मे़ःन्नेबा आबोःक्खे़आङ् आनिॽ दाङ्बा ये़सु ख्रिस्तलाम्बा निङ्वाॽफुमाङ्ङिन्नु आनिॽ नादङ् पोःक्खे़आङ् वाॽरो॥
Romans 9:14 in Limbu 14 हे़क्केःल्ले़ आनिॽ थे पाःप्माबे? निङ्वाॽफुमाङ्ङिन् नुःरिक्काङ् खासे़न् मे़लोःन्ने़न्बि? से़क्खासाङ् मे़ःन्लो!
Romans 9:31 in Limbu 31 कर इस्राइलिहाॽरे़ साम्योथिम्मिन् इःप्मा नाःप्माआङ् साम्योनिबा पोःङ्मा तम्सिन् मे़जोगुसाङ् साम्योनिबा मे़न्बोःक्खे़न्लो॥
Romans 10:6 in Limbu 6 कर नसाःन् चोःक्माआङ् के़दाःबा साम्योनिबाल्ले़ अक्खे पाःत्तुॽ, “‘हाःत् थो साङ्ग्राम्पेदाङ्ङो पेःक्पाबे?’ फाॽआङ् के़निङ्वाॽओ मे़इःत्ते़न्ने़ॽ” (खे़न् फाॽइन् से़न्लप्पिल्ले़न्सुनाइङ् आनिॽओ युःत्छे़ ख्रिस्ते़न्यो इक्सादिङ् खाम्बेःक्मो युःप्मा पोःङ्),
Romans 10:10 in Limbu 10 थेआङ्भे़ल्ले़ खे़ने़ॽ के़सिक्लुङ्मोलाम् नसाःन् के़जोगुबाल्ले़ आप्तिक् मे़ःन्नेबा के़बोःङ्, हे़क्क्याङ् के़मुराःल्ले़ ते़न्दिङ् के़जोगुबाल्ले़ से़न्लप् के़घोःसुॽरो॥
Romans 10:20 in Limbu 20 हे़क्क्याङ् माङ्निङ्वाॽपाःन् के़बाःप्पा यसैयाःल्ले़ निङ्वाॽफुमाङ्ङिल्ले़ कुबाःन्हाॽ आःन्छिङ्ङाङ् अक्खेलॽरिक् पाःत्तुरो, “इङ्गाॽ याप्मि मे़ङ्गोःप्मनाबाहाॽरे़ मे़घोःसाङ्लो, आत्तिन्हाॽरे़ इङ्गाॽ सेःन्मे़न्दोःसाङ्ङिन् खे़ङ्हाॽओ इङ्गाॽ आबाङे थाःन्छिङ्ङाआङ् वाॽआरो॥”
1 Corinthians 6:9 in Limbu 9 ताप्फे़ःम्बा याःम्बक् के़जोःक्पाहाॽरे़ निङ्वाॽफुहाङ्जुम्मिल्ले़न् लाघो मे़ङ्घोःसुन् के़लॽबा पाःन्निन् निङ्वाॽ मे़ङ्घोए के़वयिॽबि? इङ्ले़क्को मे़ध्ये़म्मिन्ने़ॽओ॥ फे़न् याःम्बक् के़जोःक्पाहाॽ, नावाइत्ला माङ्गे़घःबाहाॽ, चाराम्मा याःम्बक् के़जोःक्पा के़जोःक्माहाॽ, के़त्निबा के़त्निमाहाॽ, मे़न्छुमाॽ मे़न्छुमाॽइन्नु हे़क्क्याङ् ये़म्बित्छाॽ ये़म्बित्छाॽइन्नु चागे़राम्बाहाॽ,
Galatians 2:16 in Limbu 16 आत्तिन् मनाःन्नाङ् मोसारे़ साप्तुबा साम्योथिम्मिन् इःत्तु नाःत्तुआङ् आप्तिक् मे़ःन्नेबा पोःङ्मा मे़सुक्ने़न्लो, कर ये़सु ख्रिस्ते़न्नसाःन् चोगुआङ्लक् आप्तिक् मे़ःन्नेबा पोःङ्मा सुक् के़लॽबा पाःन्निन् आनिॽ कुसिङ्निःप्मा पोःङ्लो॥ खे़ल्ले़ चोगुल्ले़ आनिॽआङ् ख्रिस्तओबा नसाःन्लाम् आप्तिक् मे़ःन्ने आबोःङ्ल फाॽआङ् ये़सु ख्रिस्ते़न्नसाःन् आजोगुम्लो, कर साम्योथिम् इङ्जाःङ्ङिन् आइःत्तुम् आनाःत्तुम्बालाम् मे़ःन्लो, थेआङ्भे़ल्ले़ साम्योथिम् इङ्जाःङ्ङिन् इःत्तु नाःत्तुआङ् आत्तिन्नाङ् आप्तिक् मे़ःन्नेबा मे़बोःङ्ने़ल्लो॥
Galatians 3:8 in Limbu 8 निङ्वाॽफुमाङ्ङिल्ले़ थिम्मे़न्दङ् सुवाङ्हाॽ खुनिॽ नसाःन्लाम् आप्तिक् मे़ःन्नेबा चोगुसिॽ के़लॽबा ताःन्दिबा पाःन्निन् साम्योसाप्लाओ साप्ते़आङ् पत्, हे़क्क्याङ् अब्राहाम्मिन् तगिसा अक्खेलॽरिक् सुनाइङ्ङिन् इङ्भन् चोगु, “काक् मे़न्छाम् सुवाङ्हाॽरे़ खे़ने़ॽलाम्बाए मुॽइसाम् मे़घोःसुॽरो॥”
Galatians 3:24 in Limbu 24 खे़ल्ले़ चोगुल्ले़ साम्योथिम्मिन् आनिॽ नसाःन्लाम् निङ्वाॽफुमाङ्ङिल्ले़ कुनिःमाओ आप्तिक् मे़ःन्नेबा आबोःङ्ल फाॽआङ् ख्रिस्तओ थारिक् लाम्लोःसे़ आनिॽ ओगे़मे़प्पा पोःक्खे़आङ् वये़रो॥
Galatians 5:5 in Limbu 5 कर आनिॽ नसाःन्लाम् निङ्वाॽफुमाङ्ङिल्ले़ कुनिःमाओ आप्तिक् मे़ःन्नेबा आबोःङ् के़लॽबा निङ्साङ्ङिन् सेसेमाङ्ङिल्ले़ हाङ्मा आभाॽरो॥
Ephesians 2:12 in Limbu 12 खे़न् ये़म्मो खिनिॽ ख्रिस्त मे़ःन्ने, इस्राइलबा यक्युङ्बा के़न्वयिन्, निङ्वाॽफुमाङ्ङिल्ले़ पिनिङ् फाॽआङ् माङ्हे़क् चोगुबा माङ्हुप्हाॽ मे़ङ्घोःमनाबा, निङ्साङ् के़होःप्पा नु कन् इक्सादिङ् खाम्बेःक्माओ निङ्वाॽफुमाङ् मे़ःन्ने के़वयिबान् निङ्वाॽ इःत्ते़म्मे़ॽओ॥
Ephesians 4:17 in Limbu 17 खे़ल्ले़ चोगुल्ले़ इङ्गाॽ दाङ्बाल्ले़ कुयुक्किल्ले़ अक्खे मे़त्निङ्, खिनिॽ निङ्वाॽफुमाङ् कुसिङ् मे़न्निःप्मनाबाहाॽ मे़वाॽबा कुइसिःक् मे़वये़म्मिन्ने़ॽओ, थेआङ्भे़ल्ले़ खे़ङ्हाॽरे़ खुनिॽ निङ्वाॽइन्कुसुम्मे़न्दम्मनाबा चोःक्लो॥
Philippians 3:9 in Limbu 9 हे़क्केलॽरिक् इङ्गाॽ खुने़ॽइन् पोःङ्ङानि फाॽआङ् हे़क्के इःत्तुङ्लो॥ इङ्गाॽ साम्योथिम्मिन् इःत्तुङ् नाःत्तुङ्ङाङ् इङ्गाॽ निङ्वाॽफुमाङ्ङिल्ले़ कुनिःमाओ साम्योनिबा पोःङ्मा मे़न्छुक्पे़न्लो, कर ख्रिस्ते़न्नसाःन् चोगुङ्बाल्ले़ए निङ्वाॽफुमाङ्ङिल्ले़ साम्योनिबा चोःक्कारो॥
1 Timothy 6:11 in Limbu 11 कर खे़ने़ॽ, निङ्वाॽफुमाङ्ङिल्ले़ कुमनाए, कन् पाःन्हाॽलाम् लाःत्लाःत् वये़ॽओ, हे़क्क्याङ् साम्योनिबा, साप्चुवाबा, नसाःन्साबा, मिःम्जिसाबा, नासि के़धःप्पा, हे़क्क्याङ् चुङ्जिगे़न् नःम्माल्ले़ कुधिम् पोःङ्मा तम्सिन् चोगे़ॽओ॥
Hebrews 11:7 in Limbu 7 नसाःन्लाम्बाए नुहारे़ कुहिम्सयङ्हाॽ ताङ्से़ःप्से़ वालाधा चोगुरो॥ तगि आप्फाल्ले़आङ् मे़म्बोःङ्ङे के़वाॽबा पाःन्हाॽ आल्ल पोःङ्लो लॽरिक् साम्दिङ् के़बिबा निङ्वाॽफुमाङ्ङिल्ले़ कुइङ्जाःङ्ङिन् खे़प्सुआङ् हे़क्के चोगुरो॥ खुने़ॽ कुनसाःन्लाम्बाए खे़न् ये़म्मोबा इक्सादिङ् खाम्बेःक्मोबा मनाहाॽ आप्तिक्को मे़ध्ये़ हे़क्क्याङ् नसाःन्लाम् के़दाःबा साम्योनिबा लक् के़घोःबा पोःक्खे़रो॥
1 Peter 4:3 in Limbu 3 थेआङ्भे़ल्ले़ के़बेःक्पा ये़म्मो नसाःन् मे़न्जोःक्मनाबाहाॽ हे़क्के याम्बोःप्मा याःम्बक् चोःक्मा, फे़न् निङ्वाॽ चोःक्मा, थिःल्ले़ मःसिङ्मा, यरिक् चामा थुङ्माआङ् याम्बोःत्छे़ चुम्मा, याम्दादाबा चामुक् थिमुक् चोःक्मा नु सिक्के़ले़ःङ्बा नावाइत्लाहाॽ सेवा चोःक्माओ यरिक् ये़म् के़देःसुम्लो॥