Romans 16:18 in Limbu 18 थेआङ्भे़ल्ले़ कङ्हाॽरे़ग दाङ्बा ख्रिस्तरे़ कुसेवा मे़न्जोगुन्, कर आबाङे खुनिॽ साप्पोःक्किल्ले़ लागिरक् सेवा मे़जोगुॽरो॥ खे़ङ्हाॽरे़ मना के़जम्बा नु मुर्ले़ःम्बा पाःन्हाॽरे़ कुदोःप्मा मनाहाॽ इङ्मे़ले़क्तुसिॽरो॥
Other Translations King James Version (KJV) For they that are such serve not our Lord Jesus Christ, but their own belly; and by good words and fair speeches deceive the hearts of the simple.
American Standard Version (ASV) For they that are such serve not our Lord Christ, but their own belly; and by their smooth and fair speech they beguile the hearts of the innocent.
Bible in Basic English (BBE) For such people are not servants of the Lord Christ, but of their stomachs; and by their smooth and well-said words the hearts of those who have no knowledge of evil are tricked.
Darby English Bible (DBY) For such serve not our Lord Christ, but their own belly, and by good words and fair speeches deceive the hearts of the unsuspecting.
World English Bible (WEB) For those who are such don't serve our Lord, Jesus Christ, but their own belly; and by their smooth and flattering speech, they deceive the hearts of the innocent.
Young's Literal Translation (YLT) for such our Lord Jesus Christ do not serve, but their own belly; and through the good word and fair speech they deceive the hearts of the harmless,
Cross Reference Matthew 6:24 in Limbu 24 आत्तिल्ले़आङ् ने़प्फु दाङ्बाहाॽ सेवा चोःक्मासि मे़सुक्तुन्सिन्लो॥ खे़ल्ले़ थिक्किन् नुःरिक् मे़त्तुॽआङ् वेॽस्मान् चिःत्तुॽरो, मे़ःङ्ग्र थिक्किन् इङ्धाःङ् पिरुआङ् वेॽस्मान् इङ्धाःङ् मे़बिरुन्लो॥ खे़ने़ॽ निङ्वाॽफुमाङ्ङिन् नु याङ्साकुन्धेःन् सोसोरिक् सेवा चोःक्मा के़न्छुक्तुन्लो॥”
Matthew 7:15 in Limbu 15 “इङ्ले़क्पा माङ्निङ्वाॽपाःन् के़बाःप्पाहाॽनु सिङ्सिङ् ये़क्ये़क् लॽरे़म्मे़ॽओ, खे़ङ्हाॽग लाःक्कात्लाम् मे़ल्लुक् कुइसिःक् मे़ले़ङ्सिङ्ङाङ् खिनिॽओ मे़दारो, कर सिगाङ्ग खे़ङ्हाॽ किप्मा के़घुःबा पराबासिरो॥
Matthew 24:11 in Limbu 11 हे़क्केलॽरिक् इङ्ले़क्पा माङ्निङ्वाॽपाःन् के़बाःप्पाहाॽ मे़लःन् मे़दाआङ् यरिक् मनाहाॽ इङ्मे़ले़क्तुसिॽरो॥
Matthew 24:24 in Limbu 24 थेआङ्भे़ल्ले़ इङ्ले़क्पा ख्रिस्तहाॽ नु इङ्ले़क्पा माङ्निङ्वाॽपाःन् के़बाःप्पाहाॽ मे़लःन् मे़दाआङ् पयम् यम्बा मिक्सेःन् नु निङ्वाॽ के़माबा पाःन्हाॽ मे़जोगुआङ् निङ्वाॽफुमाङ्ङिल्ले़ सेगुसिबा मनाहाॽआङ् खुनिॽ सुक्सुक् इङ्मे़ले़क्तुसिॽरो॥
Matthew 24:48 in Limbu 48 कर खे़न् ताक्के़भे़ॽबा सेवारोबाल्ले़ कुनिङ्वाॽबो आन्दाङ्बान् माःङ्घा पेआङ् वाॽ,
John 12:26 in Limbu 26 आत्तिल्ले़ इङ्गाॽ सेवा चोःक्का खे़ल्ले़ इङ्गाॽ तिम्माए पोःङ्, हे़क्केःल्ले़ इङ्गाॽ आत्तो वाॽआ, इङ्गाॽ आसेवारोबान्नाङ् खे़प्मोए वाॽरो॥ आत्तिल्ले़ सेवा चोःक्का खे़ङ्ग पानुदिङ् आम्बारे़ मिङ्सो इङ्धाःङ् पिरुरो॥”
Romans 16:19 in Limbu 19 कर खिनिॽ इङ्जाःङ्गे़म्बा के़जोगिबा पाःन्निङ्ग के़रे़क् पिसाङ् मनाहाॽरे़ मे़घे़प्सुआङ् मे़वाॽ, हे़क्केःल्ले़ खिनिॽ के़जोगुम्मिल्ले़ इङ्गाॽग साॽरिक् सःत्तारो॥ खिनिॽग नुःबा पाःन्निल्ले़ कुयाःम्बेओ सिक्कुम्साबा पोःक्खे़म्मे़ॽ हे़क्क्याङ् फे़न् पाःन्निल्ले़ कुयाःम्बेओ फोत्या मे़ःन्नेबा पोःक्खे़म्मे़ॽ के़लॽबा निङ्वाॽ कत्तुङ्लो॥
2 Corinthians 2:17 in Limbu 17 आनिगे़ग वेॽहाॽ कुइसिःक् निङ्वाॽफु पाःन्जाक् ले़ङ्हङ् के़जोःक्पासिगे़ग मे़ःन्लो॥ खे़ल्ले़ कुले़क्वाग निङ्वाॽफुमाङ्ङिल्ले़ पाङ्घुसिबा कुदोःप्मा मनाहाॽ कुइसिःक् ख्रिस्तरे़ कुयुक्किल्ले़ पारिगे़ॽरो, थेआङ्भे़ल्ले़ निङ्वाॽफुमाङ्ङिल्ले़ ओमत्तिगे़र वाॽ के़लॽबान् निःसुम्बे़रो॥
2 Corinthians 4:2 in Limbu 2 खे़ल्ले़ कुले़क्वा आनिगे़ग मनारे़ मे़न्निए चोःक्मनाबा सिरिङ्मःमा याःम्बक्हाॽ नाॽरुम्बे़आङ् वयिगे़रो॥ आनिगे़ इङ्ले़क् मे़जोगुम्बे़न्लो हे़क्क्याङ् निङ्वाॽफु पाःन्जाक्किन् योधो मे़जोगुम्बे़न्लो॥ आनिगे़ग निङ्वाॽफुमाङ्ङिल्ले़ ओमत्तिगे़र वाॽ फाॽआङ् निःसुम्बे़आङ् मनाहाॽ से़क्खा पाःन्लक् मे़त्तुम्सिम्बे़ॽ, हे़क्क्याङ् काक् नसाःन्साबाहाॽरे़ खे़न् कुसिङ्मे़निःत्तुॽरो॥
2 Corinthians 11:3 in Limbu 3 कर माफे़न्साम्मिल्ले़ कुइस्वामाओलाम् हवाःन् इङ्ले़क्ते़बा कुइसिःक्के खिनिॽ ख्रिस्तओ के़दोःन्दुम्बा मिःम्जिन् नु तोःन्दोःम्बा निङ्वाॽइन्लाम्भोःत्तुॽ फाॽआङ् इङ्गाॽ किःआरो॥
2 Corinthians 11:13 in Limbu 13 थेआङ्भे़ल्ले़ हे़क्तङ्बा मनाहाॽग फोत्याबा सेःक्युक्मिबासि नु इङ्ले़क् याःम्बक् के़जोःक्पासिरो, हे़क्क्याङ् खे़ङ्हाॽ ख्रिस्तरे़ कुसेःक्युक्मिबा मे़ले़ङ्सिङ्लो॥
Galatians 1:10 in Limbu 10 आल्ल इङ्गाॽ मनाहाॽरे़ खुनिॽ निङ्वाॽ ताःमा मे़ःन्, कर इङ्गाॽग निङ्वाॽफुमाङ्ङिल्ले़ कुनिङ्वाॽ ताःमा पिमा कोःत्तुङ्लो॥ आल्लसाङ् इङ्गाॽ मनाहाॽरे़ खुनिॽ निङ्वाॽ ताःमा पिमासिरक् कोःत्तुङ्ने़ फाॽग्र इङ्गाॽग ख्रिस्तरे़ कुसेवारोबा मे़ःन्नाॽरो॥
Philippians 2:21 in Limbu 21 थेआङ्भे़ल्ले़ के़रे़क्ले़ ये़सु ख्रिस्तरे़ कुबाःन्निङ्ग मे़ःन्, कर आबाङे पाःन्लक् मे़गोःत्तुॽरो॥
Philippians 3:19 in Limbu 19 कुनुप्मो खे़ङ्हाॽ मे़मे़क्लो, खे़ङ्हाॽरे़ याम्दादा नु निङ्वाॽ पाःप्पाःत् चोःक्मान्ने खुनिॽ माङ्लो, खुनिॽ सिरिङ्मःमा पाःन्हाॽओ खे़ङ्हाॽ आङ्दिङ् मे़लॽरो॥ खे़ङ्हाॽरे़ग इक्सादिङ् खाम्बेःक्मोबा पाःन्हाॽओरक् खुनिॽ निङ्वाॽ मे़बिरुआङ् वाॽरो॥
Colossians 2:4 in Limbu 4 आत्तिन्हाॽरे़आङ् कुघे़म्गे़नुॽबा पाःन्हाॽलाम् इङ्गे़मे़ल्ले़क्तिन्ल फाॽआङ् अक्खे मे़त्निङ्बारो॥
Colossians 3:24 in Limbu 24 थेआङ्भे़ल्ले़ हाङ्से़म् कुइसिःक् दाङ्बाल्ले़ पिनिङ् के़मे़त्तिबा लक्किन् खोःसुम्बे़ॽ के़लॽबान् के़निःसुम्माङ् के़वयिॽरो॥ खिनिॽ दाङ्बा ख्रिस्ते़न्सेवा के़जोगुम्ल के़वयिॽरो॥
2 Thessalonians 2:10 in Limbu 10 खे़ल्ले़ मे़म्भै के़बोःङ्बाहाॽ काक् परिक्ले़न् फे़न् याःम्बक्हाॽरे़ इङ्ले़क् मे़त्तुसिॽ, थेआङ्भे़ल्ले़ खे़ङ्हाॽरे़ से़क्खाःन् मिःम्जि मे़प्मार ताङ्से़ःप्सिङ्मा मे़नाॽरुआङ् मे़वाॽरो॥
1 Timothy 6:5 in Limbu 5 खे़ल्ले़ फे़न् निङ्वाॽ के़गप्पाहाॽ नु से़क्खा पाःन्नो मे़म्बप्मनाबाहाॽरे़ खुनिॽ लुम्मो खे़माॽ फोःक्खुॽरो॥ खे़ङ्हाॽरे़ग साम्यो इःप्मा नाःप्मा फाॽइन् याङ्साकुन्धे थक्मा लाम् फाॽआङ् मे़इःत्तुॽरो॥
2 Timothy 2:16 in Limbu 16 कर खे़ने़ॽग कुबुङ्ना कुसम्बा अदङ् पाःन्धङ्ङोलाम् एःक् वये़ॽओ॥ हे़क्तङ्बा पाःन्धङ्ङिल्ले़ नसानिबाहाॽ निङ्वाॽफुमाङ्लाम् माःङ्घा तेॽरुसिरो॥
2 Timothy 3:2 in Limbu 2 खे़न् ये़म्मोबा मनाहाॽग आप्फेःक्लक् मिःम्जि के़मे़त्छिङ्बा, याङ्साकुन्धेरक् मिःम्जि के़मे़प्पा नु आप्फेःक्लक् यम्बासिगे़ फाॽआङ् निङ्वाॽ के़इःप्पा, आङ्दिङ् के़लॽबा हे़क्क्याङ् मना चाःत्थि के़देःबा मे़बोःङ्लो॥ खे़ङ्हाॽग पा माहाॽरे़ खुनिॽ पाःन्नो मे़म्बप्मनाबा, ओबे़ के़जोगु के़बिराङ्बे़ फाॽआङ् निङ्वाॽ मे़न्इःप्मनाबा, हे़क्क्याङ् साम्यो मे़न्इःप्मनाबा आजिःन्जिःम्बा मे़बोःङ्लो॥
Titus 1:10 in Limbu 10 थेआङ्भे़ल्ले़ खे़प्मो यरिक् युक्को मे़न्युङ्मनाबा नु पाःन्फात्रे़हाॽ, वेॽ इङ्ले़क् के़मे़प्पाहाॽ मे़वाॽरो॥ खे़ङ्हाॽओ यरिक्तङ्बाग यहुदि हर्दो हे़क्मा थिम् नाःप्माए पोःङ् लॽरिक् के़बाःप्पासिरो॥
James 1:1 in Limbu 1 के़रे़क् लाजेॽओ के़से़बाआङ् के़वाॽबा ख्रिस्ते़न्नसाःन् के़जोःक्पा यहुदिसे, निङ्वाॽफुमाङ् नु दाङ्बा ये़सु ख्रिस्तरे़ कुसेवारोबा इङ्गाॽ याकुबरे़ कन्सक्इङ्घङ्ङिन् हाक्निङ्बारो॥
2 Peter 2:3 in Limbu 3 खुनिॽ खिःम्ब्राक्मो कन् इङ्ले़क्के सिक्साम्बाहाॽरे़ खुनिॽ निङ्वाॽ तादाबा इङ्ले़क्पा पाःन्हाॽ मे़जोगुआङ् खिनिॽ इङ्गे़म्ले़क्तिआङ् इन्धाःक् मे़धगु॥ निङ्वाॽफुमाङ्ङिल्ले़ खे़ङ्हाॽरे़ खुनिॽ खुम्दिङ्ङिन् तगिसा खासे़न् चोगुआङ् वाॽ, हे़क्क्याङ् खुनिॽ मे़क्मे़न् निःन्धो पोःक्खे़आङ् वाॽरो॥
2 Peter 2:10 in Limbu 10 अक्तङ्बाहाॽग आबाङे फे़न् निङ्वाॽ कुइसिःक् याम्दादाओ के़वाॽबा नु दाङ्बाल्ले़ कुयुक्किन् के़नाॽबा मनासिरो॥ खे़न् आधिङ्गानि नु आङ्दिङ् के़लॽबा मनाहाॽरे़ग साङ्ग्राम्पेदाङ्ङो के़वाॽबाहाॽ हिनाःम् मे़प्मासि मे़ङ्गिःने़न्लो॥
2 Peter 2:18 in Limbu 18 खे़ङ्हाॽग कुसुम् मे़न्दम्मना आङ्दिङ् इसेःङ्बा पाःन् मे़बाःत्, हे़क्क्याङ् खारक् फे़न् याःम्बक् चोःक्मा के़ले़प्पाआङ् दाङ्बाओ के़दाःबाहाॽ फे़न् याःम्बक् चोःक्माल्ले़ थेआङ् मे़लॽने़न् लॽरिक् मे़हुसुसिर याम्मो लायोओ मे़धासुसिरो॥
1 John 4:1 in Limbu 1 आमिःम् आन्जुम्से, यरिक् इङ्ले़क्पा माङ्निङ्वाॽपाःन् के़बाःप्पाहाॽ इक्सादिङ् खाम्बेःक्मो के़रे़क् पिसाङ् मे़लःन्दे़आङ् मे़वाॽरो॥ खे़ल्ले़ चोगुल्ले़ इङ्गाॽ सेसेमाङ्लाम् पाःत्ता के़लॽबाहाॽ काक् नसाःन् मे़जोगे़म्सिम्मिन्ने़ॽओ, कर खे़ङ्हाॽ निङ्वाॽफुमाङ्लाम् के़दाःबासिबि मे़ःम्बि फाॽआङ् साॽरे़म्सिम्मे़ॽओ॥
Jude 1:1 in Limbu 1 ये़सु ख्रिस्तरे़ कुसेवारोबा नु याकुबरे़ कुन्साॽ इङ्गाॽ यहुदालाम्, पानुदिङ् पाः निङ्वाॽफुमाङ्ङिल्ले़ उःत्तुसिबा, लुङ्माॽ तुक्तुसिबा नु ये़सु ख्रिस्तलाम्बा कम्ब्राङ् मे़त्तुसिबाहाॽ, कन् सक्इङ्घङ्ङिन् हाक्निङ्लो॥
Jude 1:12 in Limbu 12 खे़ङ्हाॽग खिनिॽ सेसेहुप्लक्को सोरिक् चुम्माआङ् चाःमनाबा साभाङ्जा के़जिःम्बासिरो, थेआङ्भे़ल्ले़ खे़ङ्हाॽरे़ वेॽहाॽ ओमे़म्मे़त्छिङ्ङे आबाङेरक् मे़ज मे़धुङ्ङुॽरो॥ खे़ङ्हाॽग सुरित् केजङ्ङिल्ले़ पक्खु तेॽरुबा च्वाःत् मे़ःन्नेबा खाम्दःम्बा नु सिङ्सेॽ मे़न्धोःक्मनाबा सिङ्बुङ् कुइसिःक् मे़जोःक्॥ खे़ङ्हाॽ के़सिःबा सिङ्बुङ् हे़क्केरक् मे़ःन् कर के़आःक्पाआङ् के़हेबा के़सिःबा सिङ्बुङ् कुइसिःक् मे़जोःक्लो॥
Jude 1:16 in Limbu 16 कङ्हाॽग कानाक्नाक् के़लॽबाहाॽ, कुनिङ्वाॽ मे़न्दाःमना लुङ्गे़हाःप्पाहाॽ हे़क्क्याङ् आबाङे निङ्वाॽ थाप्थाप् फे़न् याःम्बक् के़जोःक्पाहाॽ, आङ्दिङ् के़लॽबाहाॽ नु आबाङे इन्धाःक्ले़ लागि वेॽहाॽ के़ले़म्बासिरो॥
Revelation 1:1 in Limbu 1 कन् साप्पन्नो ये़सु ख्रिस्तरे़ ओसेःन्दाङ् चोगुबा पाःन्हाॽरे़ कुयाःम्बेओ पत्लो॥ खे़न् ओसेःन्दाङ्ङिन् निङ्वाॽफुमाङ्ङिल्ले़ आल्ल हाराए के़बोःङ्बा पाःन्हाॽ निङ्वाॽफु सेवारोबाहाॽ ओसेःन्धाक्मासि फाॽआङ् ये़सु ख्रिस्ते़न्पिरुरो॥ कन् पाःन्हाॽ कुसेवारोबा युहुन्नाःल्ले़ कुसिङ् निःत्तुर फाॽआङ् ये़सु ख्रिस्तरे़ कुमाङ्लाइङ्बान् पाङ्घुरो॥