Romans 1:1 in Limbu

1 निङ्‌वाॽफुमाङ्‌ङिल्‍ले़ सेःक्‌युक्‍मिबा पोःङ्‌से़ सेगाङ्‌ङाङ् कुसुनाइङ् इङ्‌भोःसे़ उःत्ताङ्‌बा ये़सु ख्रिस्‍तरे़ कुसेवारोबा इङ्‌गाॽ पावलरे़ कन् सक्‍इङ्‌घङ्‌ङिन् हाक्‍निङ्‌बारो॥

Other Translations

King James Version (KJV)

Paul, a servant of Jesus Christ, called to be an apostle, separated unto the gospel of God,

American Standard Version (ASV)

Paul, a servant of Jesus Christ, called `to be' an apostle, separated unto the gospel of God,

Bible in Basic English (BBE)

Paul, a servant of Jesus Christ, an Apostle by the selection of God, given authority as a preacher of the good news,

Darby English Bible (DBY)

Paul, bondman of Jesus Christ, [a] called apostle, separated to God's glad tidings,

World English Bible (WEB)

Paul, a servant of Jesus Christ, called to be an apostle, set apart for the Gospel of God,

Young's Literal Translation (YLT)

Paul, a servant of Jesus Christ, a called apostle, having been separated to the good news of God --

Cross Reference

Mark 16:15 in Limbu

15 ये़सुरे़ खे़ङ्‌हाॽ मे़त्तुसि, “आल्‍ल खिनिॽ काक् इक्‍सादिङ् खाम्‍बेःक्‍मो पेगे़म्‍मे़ॽआङ् के़रे़क् मे़न्‍छाम्‍गे़न् याप्‍मिहाॽ कन् सुनाइङ्‌ङिन् इङ्‌भोःसे़म्‍सिम्‍मे़ॽओ!

Luke 2:10 in Limbu

10 कर माङ्‌लाइङ्‌बाल्‍ले़ खे़ङ्‌हाॽ मे़त्तुसि, “खिनिॽ मे़गिसे़म्‍मिन्‍ने़ॽओ! काक् मनाहाॽ साॽरिक् मे़सःत्‍ल फाॽआङ् इङ्‌गाॽ खिनिॽ लागि सुनाइङ् तारुङ्‌ङाङ् वाॽआरो॥

John 12:26 in Limbu

26 आत्तिल्‍ले़ इङ्‌गाॽ सेवा चोःक्‍का खे़ल्‍ले़ इङ्‌गाॽ तिम्‍माए पोःङ्, हे़क्‍केःल्‍ले़ इङ्‌गाॽ आत्तो वाॽआ, इङ्‌गाॽ आसेवारोबान्‍नाङ् खे़प्‍मोए वाॽरो॥ आत्तिल्‍ले़ सेवा चोःक्‍का खे़ङ्‌ग पानुदिङ् आम्‍बारे़ मिङ्‌सो इङ्‌धाःङ् पिरुरो॥”

John 13:14 in Limbu

14 आल्‍ल इङ्‌गाॽ खिनिॽ दाङ्‌बा नु सिक्‍साम्‍बाआसाङ् खिनिॽ लाङ्‌हाॽ वाहप्‍तुङ् पिनिङ्, खे़ल्‍ले़ चोगुल्‍ले़ खिनिॽआङ् सेवारोबा कुइसिःक् लाङ् वाहप्‍मा पिसिङ्‌मा पोःङ्‌लो॥

John 15:15 in Limbu

15 आल्‍लाङ्धो इङ्‌गाॽ सेवारोबा मे़मे़त्‍निङ्‌ङिन्‍लो, थेआङ्‌भे़ल्‍ले़ कुन्‍दाङ्‌बाल्‍ले़ चोःक्‍मा इःत्तुबा पाःन्‍हाॽ सेवारोबाल्‍ले़ मे़निःसुन्‍लो॥ कर खिनिॽग आन्‍जुम्‍निङ् फाॽआङ् मे़त्‍निङ्‌ङाङ् वाॽआरो, थेआङ्‌भे़ल्‍ले़ पानुदिङ् आम्‍बारे़ मे़त्ताङ्‌बा काक् पाःन्‍हाॽ खिनिॽ मे़त्‍निङ्‌ङाङ् वाॽरो॥

John 15:20 in Limbu

20 इङ्‌गाॽ मे़त्‍निङ्‌बा आबाःन्‍हाॽ निङ्‌वाॽ इःत्ते़म्‍मे़ॽओ ‘सेवारोबान् कुन्‍दाङ्‌बान्‍नुःल्‍ले़ यम्‍बा मे़ःन्‍लो॥’ खे़ङ्‌हाॽरे़ इङ्‌गाॽए तुक्‍खे मे़जाःत्ताङ्‌ङिल्‍ले़ खिनिॽआङ् तुक्‍खे के़म्‍जाःत्तिॽरो॥ खे़ङ्‌हाॽरे़ इङ्‌गाॽ आनिसाम्‍मिन् मे़इःत्तु मे़नाःत्तुआङ् वये़ल्‍ले़ग खिनिॽ निसाम्‍मिन्‍नाङ् मे़इःत्तु मे़नाःत्तुॽरो॥

Acts 9:15 in Limbu

15 कर दाङ्‌बाल्‍ले़ हननियाःन् मे़त्तु, “खे़ने़ॽ पेगे़ॽ! थेआङ्‌भे़ल्‍ले़ खे़न् मनाःन् इङ्‌गाॽ आसेवा चोगुनि फाॽआङ् सेगुङ्‌ङाङ् वाॽआरो॥ खे़ल्‍ले़ग थिम्‍मे़न्‍दङ् सुवाङ्‌हाॽ, हाङ्‌हाॽ, नु इस्राइलिहाॽ आमिङ् इङ्‌भन् चोगुसिॽरो॥

Acts 13:2 in Limbu

2 थिक्‌ये़न् खे़ङ्‌हाॽरे़ चाःने़त्तो मे़युङे़र दाङ्‌बाल्‍ले़न् सेवा मे़जोगुर मे़वये़ल्‍ले़ सेसेमाङ्‌ङिन् खे़ङ्‌हाॽओ अक्‍खेलॽरिक् पारे़, “बरनाबास नु सावले़न् इङ्‌गाॽ आलागि से़न्‍दे़म्‍सिम्‍मे़ॽओ, खे़ङ्‌हाॽग इङ्‌गाॽ आयाःम्‍बक् चोःक्‍से़ उःत्तुङ्‌सिङ्‌ङाङ् वाॽसिरो॥”

Acts 13:9 in Limbu

9 हे़क्‍क्‍याङ् सेसेमाङ्‌ङिल्‍ले़ थुक्‍तुआङ् सावलरे़ (खे़ल्‍ले़ कुमिङ् पावलआङ् वये़रो) खे़न् इलुमासे़न् अदक्‍तक्‍काङ् ओमे़त्तुर मे़त्तु,

Acts 20:24 in Limbu

24 कर आहिङ्‌मन्‍नो दाङ्‌बा ये़सुरे़ पिराङ्‌बा याःम्‍बक्‍किन् चोःक्‍मा सुःप्‍मा हे़क्‍क्‍याङ् निङ्‌वाॽफुमाङ्‌ङिल्‍ले़ कुलुङ्‌गुम्‍मिल्‍ले़ कुयाःम्‍बेओ सुनाइङ्‌घङ् इङ्‌भोःमाआङ्‌धो वेॽ थेआङ् मे़इःत्तुङ्‌ङिन्‍लो॥

Acts 21:40 in Limbu

40 थक्‍तुम्‍बे़ल्‍ले़आङ् पाःप्‍मा ते़न्‍दिङ् पिरु॥ हे़क्‍क्‍याङ् पावले़न् थरेॽले़ नाङ्‌सेःक्‍को ये़म्‍सिङ्‌ङाङ् मनाहाॽ हुक्‍चाःल्‍कि पिरुसिरो॥ हे़क्‍केःल्‍ले़ खे़न् मनाहाॽ स्‍वाःत् मे़बोःक्‍खे़आङ् खे़न् मनाहाॽनु पावले़न् हिब्रु पाःन्‍नो पाःप्‍मा हेःक्‍ते़रो॥

Acts 22:7 in Limbu

7 इङ्‌गाॽ खे़प्‍मो हर्गुप् चोःन्‍दाङ्‌ङिल्‍ले़ अक्‍तङ्‌बा इक्‍लाधिक् खे़प्‍सुङ्, ‘सावलए, सावलए, इङ्‌गाॽ थेआङ् तुक्‍खे के़जाःत्ताबाबे?’

Acts 22:13 in Limbu

13 खुने़ॽ इङ्‌गाॽ वयाङ्‌बा ते़न्‍नो त्‍ये़आङ् अक्‍खे मे़त्ताङ्, ‘नुसाॽ सावलए, आल्‍लो खे़ने़ॽ याम्‍मो निःमा के़सुक्‍पा पोःक्‍खे़ॽओ,’ हे़क्‍क्‍याङ् इङ्‌गाॽ खिमो खुने़ॽ निःमा सुक्‍तुङ्‌लो॥

Acts 22:21 in Limbu

21 कर दाङ्‌बाल्‍ले़ इङ्‌गाॽ मे़त्ताङ्, पेगे़ॽ, ‘थेआङ्‌भे़ल्‍ले़ खे़ने़ॽ माःङ्‌घा माःङ्‌घा थारिक् थिम्‍मे़न्‍दङ् सुवाङ्‌हाॽरो आयाःम्‍बेओ इङ्‌भन् चोःक्‍से़ पाङ्‌ने़ॽरो॥’”

Acts 26:1 in Limbu

1 अग्रिपा हाङ्‌ङिल्‍ले़ पावले़न् मे़त्तु, “खे़ने़ॽ के़नाङ्‌सिङ्‌मा पाःन्‍निन् युङ्‌मा के़घोःसुॽरो॥” पावलरे़आङ् कुहुक्‍हाॽ सन्‍छुर कुनाङ्‌सिङ्‌मा पाःन्‍निन् अक्‍खेलॽरिक् युक्‍खु–

Acts 26:14 in Limbu

14 आनिगे़ काक् लाम्‍दिःक् के़जोःक्‍पाहाॽ लाम्‍मो हर्गुप्सा चोःन्‍दिगे़रो॥ हे़क्‍क्‍याङ् हिब्रु पाःन्‍नो अक्‍तङ्‌बा इक्‍लाधिक् खे़म्‍मना, ‘सावलए, सावलए, इङ्‌गाॽ थेआङ् तुक्‍खे के़जाःत्ताबाबे? इङ्‌गाॽनु थङ् के़जोःक्‍ने़ फाॽग्र आबाङेरक् के़घुम्‍लो॥’

Acts 26:16 in Limbu

16 आल्‍ल पोगे़ॽ, आइन् खे़ने़ॽनु ओसेःन्‍धाक्‍सिङाङ्‌ङाङ् आसेवारोबा नु आदोःन्‍दि के़बिबा चोःक्‍ने़आङ् वाॽआरो॥ खे़ने़ॽ आइन् के़निःसुबा पाःन्‍निन् नु ताःन्‍दि ताये़म्‍मो ओसेःन्‍धाक्‍ने़बा पाःन्‍हाॽ वेॽ मनाहाॽ इङ्‌गे़भोःसुसिर पोःङ्‌लो॥

Acts 27:23 in Limbu

23 इङ्‌गाॽ सेवा चोगुङ्‌बा निङ्‌वाॽफुमाङ्‌ङिल्‍ले़ कुमाङ्‌लाइङ्‌बे़न् आन्‍दे़ःन् से़न्‍दिक् इङ्‌गाॽनु ओसेःन्‍धाक्‍सिङ्‌ङाङ्‌

Romans 1:5 in Limbu

5 खुने़ॽलाम् नु कुमिङ्‌सो इङ्‌धाःङ्‌ले़ लागि के़रे़क् लाजेॽबा थिम्‍मे़न्‍दङ् सुवाङ्‌हाॽरे़ नसाःन् मे़जोगुर हे़क्‍क्‍याङ् इङ्‌जाःङ् के़इःप्‍पा के़नाःप्‍पा मे़बोःङ्‌ल फाॽआङ् निङ्‌वाॽफुमाङ्‌ङिल्‍ले़ सेःक्‌युक्‍मिबा पोःङ्‌मा सुये़म् पिरिगे़आङ् वाॽरो॥

Romans 1:9 in Limbu

9 खुने़ॽ कुस्‍साःल्‍ले़ कुयाःम्‍बेओ सुनाइङ् इङ्‌भोःसुङ्‌ल के़रे़क् आनिङ्‌वाॽलाम्‍बा निङ्‌वाॽफुमाङ्‌ङिन् सेवा चोगुङ्‌लो, हे़क्‍क्‍याङ् खुने़ॽए खिनिॽ लागि ए़त्‍ले़ङ् तुवा चोगुङ्‌बान् निःसुआङ् वाॽरो॥

Romans 1:16 in Limbu

16 कन् ख्रिस्‍तरे़ कुसुनाइङ्‌ङिन् इङ्‌भोःमा मे़नुःन्‍नान्‍लो, थेआङ्‌भे़ल्‍ले़ कन् सुनाइङ्‌ङिन् नसाःन् के़जोःक्‍पा काक् मनाहाॽ, तगि यहुदिहाॽ हे़क्‍क्‍याङ् याङ्‌सि थिम्‍मे़न्‍दङ् सुवाङ्‌हाॽ ताङ्‌से़ःप्‍मासि निङ्‌वाॽफुमाङ्‌ङिल्‍ले़ कुमुक्‍साम्‍लो॥

Romans 11:13 in Limbu

13 इङ्‌गाॽ से़क्‍खाए खिनिॽ थिम्‍मे़न्‍दङ् सुवाङ्‌हाॽ कन् पाःन्‍निन् मे़त्‍निङ्‌ल पत्तारो॥ इङ्‌गाॽ थिम्‍मे़न्‍दङ् सुवाङ्‌हाॽरो सेःक्‌युक्‍मिबा पोःक्‍खाङ्‌बाल्‍ले़ चोगुल्‍ले़ कन् माङ्‌सेवा चोःक्‍मा याःम्‍बक्‍को से़क्‍खाए आसुक्‍सुक् तम्‍सिन् चोगुङ्‌लो॥

Romans 15:16 in Limbu

16 थिम्‍मे़न्‍दङ् सुवाङ्‌हाॽओ ख्रिस्‍त ये़सुरे़ कुसेवारोबा पोःक्‍खाङ्‌ङाङ् वाॽआरो॥ हे़क्‍क्‍याङ् थिम्‍मे़न्‍दङ् सुवाङ्‌हाॽ सेसेमाङ्‌लाम् सेसे मे़बोःङ्‌ङाङ् निङ्‌वाॽफुमाङ्‌ङिल्‍ले़ ते़न्‍दिङ् चोगुसिबा चोभाॽ कुइसिःक् मे़बोःङ्‌ल फाॽआङ् निङ्‌वाॽफुसाम्‍बाल्‍ले़ याःम्‍बक् चोगुबा हे़क्‍के इङ्‌गाॽ निङ्‌वाॽफुमाङ्‌ङिल्‍ले़ कुसुनाइङ्‌ङिन् खे़ङ्‌हाॽ इङ्‌भोःसुङ्‌सिङ्‌लो॥

Romans 15:29 in Limbu

29 इङ्‌गाॽ खिनिॽओ ताआल्‍ले़ ख्रिस्‍तरे़ मुल्‍लुक् कुमुॽइसाम्‍मिन्‍नु ताःआ के़लॽबान् निःसुङ्‌लो॥

Romans 16:18 in Limbu

18 थेआङ्‌भे़ल्‍ले़ कङ्‌हाॽरे़ग दाङ्‌बा ख्रिस्‍तरे़ कुसेवा मे़न्‍जोगुन्, कर आबाङे खुनिॽ साप्‍पोःक्‍किल्‍ले़ लागिरक् सेवा मे़जोगुॽरो॥ खे़ङ्‌हाॽरे़ मना के़जम्‍बा नु मुर्ले़ःम्‍बा पाःन्‍हाॽरे़ कुदोःप्‍मा मनाहाॽ इङ्‌मे़ले़क्‍तुसिॽरो॥

Romans 16:25 in Limbu

25 इङ्‌गाॽ इङ्‌भोःसुङ्‌बा सुनाइङ्‌ङिन् नु ये़सु ख्रिस्‍तरे़ कुयाःम्‍बेओबा इङ्‌घङ्‌लाम् निङ्‌वाॽफुमाङ्‌ङिल्‍ले़ खिनिॽ याम्‍साम्‍मो के़धुम्‍बा चोःक्‍मा के़सुक्‍तिॽरो॥ कन् इङ्‌घङ्‌ङिङ्‌ग तोलिङ्‌सोमुआङ्धोए चिक्‍खे़आङ् वये़, कर आल्‍लो ओसेःन्‍दाङ् पोःक्‍खे़आङ् वाॽरो॥

1 Corinthians 1:1 in Limbu

1 निङ्‌वाॽफुमाङ्‌ङिल्‍ले़ कुनिङ्‌वाॽलाम्‍बा ख्रिस्‍त ये़सुरे़ कुसेःक्‌युक्‍मिबा पोःङ्‌से़ सेगाङ्‌बा इङ्‌गाॽ पावल नु आनिॽ नुसाॽ सोस्‍थे़नेसलाम्‍बा

1 Corinthians 9:1 in Limbu

1 वेॽहाॽ कुइसिःक् इङ्‌गाॽ चोःक्‌युम्‍भो मे़गत्तान्बि? इङ्‌गाॽ सेःक्‌युक्‍मिबा मे़ःन्‍नाबि? आनिॽ दाङ्‌बा ये़सुःन् इङ्‌गाॽ आबाङे आमिक्‍किल्‍ले़ मे़न्‍निःबे़न्बि? दाङ्‌बाओ याम्‍बुधिक्‍पा आयाःम्‍बक्‍किन् खिनिॽनिङ्‌ङे मे़ःम्‍बि?

1 Corinthians 9:16 in Limbu

16 हे़क्‍केसाङ् सुनाइङ् इङ्‌भोःसुङ्‌ङिल्‍ले़ इङ्‌गाॽ आङ्‌दिङ् मे़जोःक्‍कान्‍लो॥ थेआङ्‌भे़ल्‍ले़ इङ्‌गाॽ सुनाइङ्‌ङिन् इङ्‌भन् चोःक्‍माए के़बोःङ्‌बा पोःक्‍खे़आङ् वाॽरो॥ इङ्‌गाॽ सुनाइङ् इङ्‌मे़भोःआन्‍ने़ फाॽग्र चिःत्ताङ् स्‍याङ्‌लो!

1 Corinthians 15:8 in Limbu

8 हे़क्‍क्‍याङ् के़रे़क्‍नुःल्‍ले़ एगाङ् कुये़म् मे़ङ्‌गे़त्ते सागे़वाःन्‍छिङ्‌बाल्‍लो कुइसिःक् इङ्‌गाॽओआङ् थाःम्‍सिङ्‌लो॥

2 Corinthians 1:1 in Limbu

1 निङ्‌वाॽफुमाङ्‌ङिल्‍ले़ कुनिङ्‌वाॽलाम्‍बा ख्रिस्‍त ये़सुरे़ कुसेःक्‌युक्‍मिबा पोःङ्‌से़ सेगाङ्‌बा इङ्‌गाॽ पावल नु आनिॽ नुसाॽ तिमोथिरे़ कोरन्‍थि ये़क्‌यक्‍कोबा निङ्‌वाॽफुमाङ्‌ङिल्‍ले़ कुसेसेहुप्‍लक् नु अक्‍खैया ते़ङ्‌गप् खाराक् के़युङ्‌बा काक् ख्रिस्‍ते़न्‌नसाःन् के़जोःक्‍पाहाॽ कन् सक्‍इङ्‌घङ्‌ङिन् हाक्‍कासिगे़बारो॥

2 Corinthians 4:5 in Limbu

5 थेआङ्‌भे़ल्‍ले़ आनिगे़ग आबाङे याःम्‍बेओ इङ्‌भन् मे़जोगुम्‍बे़न्, कर आनिगे़ग ये़सुरे़ कुलागि खिनिॽ सेवारोबा पोःक्‍खिगे़बा पाःन्‍निन् नु ये़सु ख्रिस्‍ते़न्‍ने दाङ्‌बारो फाॽआङ् इङ्‌भोःसुम्‍बे़रो॥

2 Corinthians 11:5 in Limbu

5 कर यम्‍बा फाॽआङ् मे़इःत्तुसिबा सेःक्‌युक्‍मिबाहाॽनुःल्‍ले़ इङ्‌गाॽग चुःक्‍काबिला फाॽआङ् मे़इःत्तुङ्‌ङिन्‍लो॥

2 Corinthians 12:11 in Limbu

11 इङ्‌गाॽग अदङ् कुइसिःक् पोःक्‍खाङ्‌लो, कर खिनिॽए इङ्‌गाॽ हे़क्‍के चोःक्‍मा याप्‍मि के़बाङ्‌घिरो॥ से़क्‍खाःल्‍ले़ खिनिॽ इङ्‌गाॽ आयाःम्‍बेओ नुःबा पाःन् पाःप्‍मा के़बोःङ्‌बा वये़, थेआङ्‌भे़ल्‍ले़ इङ्‌गाॽग थेआङ् मे़ःन्‍नाॽसाङ् यम्‍बा फाॽआङ् मे़इःत्तुसिबा सेःक्‌युक्‍मिबाहाॽनुःल्‍ले़ चुक्‍सा मे़जोःक्‍कान्‍लो॥

Galatians 1:1 in Limbu

1 इङ्‌गाॽ सेःक्‌युक्‍मिबा पावलरे़ कन् सक्‍इङ्‌घङ्‌ङिन् हाक्‍निङ्‌बारो॥ मनाहाॽलाम् नु मना युक्‍लाम् सेःक्‌युक्‍मिबा पोःक्‍खाङ्‌बा मे़ःन्, कर ये़सु ख्रिस्‍त नु खुने़ॽ सिःमे़न्‍लाम् कुहिङ्‌वे़त् के़जोःक्‍पा पानुदिङ् पाः निङ्‌वाॽफुमाङ्‌ङिल्‍ले़ इङ्‌गाॽ सेःक्‌युक्‍मिबा पोःङ्‌से़ याप्‍मि सेगे़सिबारो॥

Galatians 1:10 in Limbu

10 आल्‍ल इङ्‌गाॽ मनाहाॽरे़ खुनिॽ निङ्‌वाॽ ताःमा मे़ःन्, कर इङ्‌गाॽग निङ्‌वाॽफुमाङ्‌ङिल्‍ले़ कुनिङ्‌वाॽ ताःमा पिमा कोःत्तुङ्‌लो॥ आल्‍लसाङ् इङ्‌गाॽ मनाहाॽरे़ खुनिॽ निङ्‌वाॽ ताःमा पिमासिरक् कोःत्तुङ्‌ने़ फाॽग्र इङ्‌गाॽग ख्रिस्‍तरे़ कुसेवारोबा मे़ःन्‍नाॽरो॥

Ephesians 1:1 in Limbu

1 एफिसस ये़क्‌यक्‍को के़वाॽबा ख्रिस्‍त ये़सुःन् के़दिम्‍बा नसाःन्‍साबा निङ्‌वाॽफुमाङ्‌ङिल्‍ले़ कुसेसे मनासे, ख्रिस्‍त ये़सुरे़ कुसेःक्‌युक्‍मिबा पोःङ्‌से़ निङ्‌वाॽफुमाङ्‌ङिल्‍ले़ सेगाङ्‌बा इङ्‌गाॽ पावलरे़ कन् सक्‍इङ्‌घङ्‌ङिन् हाक्‍निङ्‌बारो॥

Ephesians 1:13 in Limbu

13 आल्‍ल खिनिॽआङ् से़क्‍खाबा पाःन्‍जाक् से़न्‍लप्‌रे़न्‌सुनाइङ् के़घे़प्‍सुम्‍लो, हे़क्‍क्‍याङ् ख्रिस्‍ते़न्‌नसाःन् के़जोगुम्‍बा ये़म्‍मो खिनिॽग आमनानिङ् फाॽआङ् ओसेःन्‍दाङ् चोःक्‍से़ निङ्‌वाॽफुमाङ्‌ङिल्‍ले़ माङ्‌हे़क् चोगुबा सेसेमाङ्‌ङिन् के़बिरिआङ् वाॽरो॥

Ephesians 3:5 in Limbu

5 खे़न् पाःन्‍निन् के़बेःक्‍पा ये़म्‍मोबा मनाहाॽओ ओसेःन्‍दाङ् मे़म्‍बोःङ्‌ङे वये़, कर कन् ये़म्‍मो सेसेमाङ्‌लाम् निङ्‌वाॽफुमाङ्‌ङिल्‍ले़ सेसे कुसेःक्‌युक्‍मिबाहाॽ नु माङ्‌निङ्‌वाॽपाःन् के़बाःप्‍पाहाॽओ ओसेःन्‍दाङ् पोःक्‍खे़आङ् वाॽरो॥

Ephesians 4:11 in Limbu

11 खुने़ॽए कुभा सेःक्‌युक्‍मिबा, माङ्‌निङ्‌वाॽपाःन् के़बाःप्‍पा, सुनाइङ् के़से़बा हे़क्‍क्‍याङ् नसानिबाहाॽ कम्‍ब्राङ् के़मे़प्‍पा नु सिक्‍साम्‍बा पोःङ्‌से़ पर्धाःम्‍हाॽ पिरुसिरो॥

Philippians 1:1 in Limbu

1 फिलिप्‍पि ये़क्‌यक्‍को के़वाॽबा ख्रिस्‍त ये़सुःन्‌नसाःन् के़जोःक्‍पा निङ्‌वाॽफुमाङ्‌ङिल्‍ले़ के़रे़क् सेसे कुमनाहाॽ हे़क्‍क्‍याङ् सेसेहुप्‍लक्‍कोबा लाम्‍लोःबाहाॽ नु माङ्‌सेवारोबासे ख्रिस्‍त ये़सुरे़ कुसेवारोबा इङ्‌गाॽ पावल नु तिमोथिरे़ कन् सक्‍इङ्‌घङ्‌ङिन् हाक्‍कासिगे़रो॥

Philippians 2:11 in Limbu

11 ये़सु ख्रिस्‍ते़न्‍ने दाङ्‌बा लॽरिक् के़रे़क्‍ले़ मे़बाःत्तुॽरो॥ हे़क्‍केलॽरिक् पानुदिङ् पाः निङ्‌वाॽफुमाङ्‌ङिल्‍ले़ मिङ्‌सो इङ्‌धाःङ् खोःसुॽरो॥

Philippians 3:6 in Limbu

6 साम्‌योथिम्‍मिन् इःप्‍मा नाःप्‍माओ सिक्‍के़सम्‍बा वयाङ्, हे़क्‍क्‍याङ् इङ्‌गाॽ सेसेहुप्‍लक्‍किन् तुक्‍खे चाःत्तुङ्‌लो॥ निङ्‌वाॽफुमाङ्‌ङिल्‍ले़ कुनिङ्‌वाॽ तार फाॽआङ् काक् साम्‌योथिम् इङ्‌जाःङ्‌ङिङ्‌ग नुःरिक्‍काङ् इःत्तुङ् नाःत्तुङ्‌॥

Colossians 1:1 in Limbu

1 निङ्‌वाॽफुमाङ्‌ङिल्‍ले़ सेगुसिबा कलस्‍सि ये़क्‌यक्‍को के़वाॽबा ख्रिस्‍ते़न्‌नसाःन् के़जोःक्‍पा नसानिबासे निङ्‌वाॽफुमाङ्‌ङिल्‍ले़ ख्रिस्‍त ये़सुरे़ कुसेःक्‌युक्‍मिबा पोःङ्‌से़ सेगाङ्‌बा इङ्‌गाॽ पावल नु आनिॽ नुसाॽ तिमोथिरे़ कन् सक्‍इङ्‌घङ्‌ङिन् हाक्‍कासिगे़बारो॥ आनिॽ पानुदिङ् पाः निङ्‌वाॽफुमाङ्‌ङिल्‍ले़ सनारुङ् नु लुङ्‌गुम् के़बिरिररो॥

Colossians 1:25 in Limbu

25 इङ्‌गाॽ सेसेहुप्‍लक्‍ले़न् सेवारोबा पोःक्‍खाङ्‌लो, थेआङ्‌भे़ल्‍ले़ निङ्‌वाॽफु पाःन्‍जाक्‍किन् काक् कुधिम्‍मो खिनिॽओ इङ्‌भोःसे़ निङ्‌वाॽफुमाङ्‌ङिल्‍ले़ इङ्‌गाॽ सेःक्‌युक् चोगाङ्‌ङाङ् वाॽआरो

1 Thessalonians 2:2 in Limbu

2 कर खिनिॽओ तामानुःल्‍ले़ तगिए फिलिप्‍पि ये़क्‌यक्‍को आनिगे़ नामे़धाःसु मे़बिरिगे़आङ् ताप्‍फे़ःल्‍लिक् मे़मे़त्तिगे़बाङ्‌ग खिनिॽ के़निःसुम् के़ले़स्‍सुम्‍माङ्‌ङे के़वयिॽरो॥ मनाहाॽरे़ आनिगे़ साॽरिक्‌मे़अत्तिगे़साङ् खिनिॽ लुम्‍मो निङ्‌वाॽफुमाङ्‌ङिल्‍ले़ कुसुनाइङ् इङ्‌भन् चोःक्‍से़ आनिॽ निङ्‌वाॽफुमाङ्‌ङिल्‍ले़ आःन्‍छिङ्‌मा पिरिगे़रो॥

2 Thessalonians 2:13 in Limbu

13 दाङ्‌बाल्‍ले़ लुङ्‌माॽ के़दुक्‍तिबा फुॽनुसाॽ नु ने़ॽनुसाॽसे, खिनिॽ याःम्‍बेओ निङ्‌वाॽफुमाङ्‌ङिन् आनिगे़ सदादिङ् नोगे़न् पिमाए पोःङ्‌लो, थेआङ्‌भे़ल्‍ले़ तोलिङ्‌सोमुआङ्धोए सेसेमाङ्‌ङिल्‍ले़ सेसेगे़न् सुत्‍थो चोगुबा कुयाःम्‍बक्‍लाम् नु से़क्‍खाओ नसाःन् चोःक्‍मालाम् निङ्‌वाॽफुमाङ्‌ङिल्‍ले़ खिनिॽ ताङ्‌से़ःप्‍सिङ्‌मा फाॽआङ् के़सेगिरो॥

1 Timothy 1:1 in Limbu

1 नसाःन्‍नो से़क्‍खाए आमिःम् आस्‍साः तिमोथिए, आनिॽ से़न्‍लप्‍दाङ्‌बा निङ्‌वाॽफुमाङ् नु आनिॽ निङ्‌साङ् आजोगुम्‍बा ख्रिस्‍त ये़सुरे़ कुइङ्‌जाःङ्‌लाम् इङ्‌गाॽ कुसेःक्‌युक्‍मिबा पावललाम्‍बा आनिॽ पानुदिङ् पाः निङ्‌वाॽफुमाङ्‌ङिन् नु आनिॽ दाङ्‌बा ख्रिस्‍त ये़सुरे़ खे़ने़ॽग लुङ्‌गुम्, लुङ्‌माॽ तुक्‍मा नु सनारुङ् ओसेःन्‍गे़धाक्‍ल फाॽआङ् कन् सक्‍इङ्‌घङ्‌ङिन् हाक्‍ने़ॽरो॥

1 Timothy 1:11 in Limbu

11 कन् निसाम्‍हाॽग मुॽइसाम् दाङ्‌बा निङ्‌वाॽफुमाङ्‌ङिल्‍ले़ कुमिमिदिङ्‌गे़न् सुनाइङ्‌ङो खोःदे़त्‍लो॥ हे़क्‍क्‍याङ् खे़न् सुनाइङ्‌ङिन् निङ्‌वाॽफुमाङ्‌ङिल्‍ले़ इङ्‌गाॽ इङ्‌भोःमा लक्‍पे़न्‌पिराङ्‌ङाङ् वाॽआरो॥

1 Timothy 1:15 in Limbu

15 ख्रिस्‍त ये़सुःन् लायोबाहाॽ ताङ्‌से़ःप्‍से़ कन् इक्‍सादिङ् खाम्‍बेःक्‍मो त्‍ये़ के़लॽबा पाःन्‍निङ्‌ग से़क्‍खासाङ् ते़न्‍दिङ् नु नसाःन् चोःक्‍मा सुक्‍ते़त्‍लो॥ खे़न् लायोबाहाॽओ इङ्‌गाॽ साॽरिक् लायोबा चोगाङ्‌लो,

1 Timothy 2:7 in Limbu

7 खे़ल्‍ले़ चोगुल्‍ले़ नसाःन् नु से़क्‍खाबा सुनाइङ् इङ्‌भोःसे़ इङ्‌गाॽ थिम्‍मे़न्‍दङ् सुवाङ्‌हाॽरो सेःक्‌युक्‍मिबा नु सिक्‍साम्‍बा फाॽआङ् दाङ्‌बाल्‍ले़ सेःक्‌युक् चोगाङ्‌लो॥ इङ्‌गाॽ इङ्‌ले़क् मे़बाःत्तान्‍लो, से़क्‍खाबा पाःन्‍ने पाःत्तुङ्‌लो॥

2 Timothy 1:11 in Limbu

11 कन् सुनाइङ्‌ङिल्‍ले़ लागि इङ्‌गाॽ सेसे सेःक्‌युक्‍मिबा, सिक्‍साम्‍बा, हे़क्‍क्‍याङ् इङ्‌गे़भोःबा पोःङ्‌से़ निङ्‌वाॽफुमाङ्‌ङिल्‍ले़ सेःक्‌युक् चोगाङ्‌लो॥

Titus 1:1 in Limbu

1 निङ्‌वाॽफुमाङ्‌ङिल्‍ले़ कुसेवारोबा नु ये़सु ख्रिस्‍तरे़ कुसेःक्‌युक्‍मिबा इङ्‌गाॽ पावललाम्‍बा कन् सक्इङ्‌घङ्‌ङिन् हाक्‍ने़ॽरो॥ निङ्‌वाॽफुमाङ्‌ङिल्‍ले़ सेगुसिबा कुमनाहाॽ खुनिॽ नसाःन्‍नो कुभाॽ पिमासि हे़क्‍क्‍याङ् आनिॽ साम्‌योरे़ आहुॽरे़बा से़क्‍खाओ लाम्‍लोःमासि फाॽआङ् निङ्‌वाॽफुमाङ्‌ङिल्‍ले़ इङ्‌गाॽ सेगाङ्‌लो॥

Hebrews 5:4 in Limbu

4 आत्तिल्‍ले़आङ् आबाङे कन् मिङ्‌सो इङ्‌धाःङ्‌ङिन् ताःक्‍मा मे़सुक्‍तुन्‍लो, कर मानिङ्‌वाॽफुसाम्‍बा हारुने़न्‌ निङ्‌वाॽफुमाङ्‌ङिल्‍ले़ उःत्तुबा कुइसिःक् निङ्‌वाॽफुमाङ्‌ङिल्‍ले़ खुने़ॽ उःप्‍माए पोःङ्‌लो॥

Hebrews 7:26 in Limbu

26 खुने़ॽग आनिॽ चाहाबा के़जोःक्‍पा मानिङ्‌वाॽफुसाम्‍बारो, थेआङ्‌भे़ल्‍ले़ खुने़ॽग सेसे नु फोत्‍या मे़ःन्‍ने, लायोःल्‍ले़ मे़दे़त्तुम्‍बा चोःक्‍लो॥ खुने़ॽग लायोबाहाॽलाम् से़न्‍दे़आङ् वाॽ हे़क्‍क्‍याङ् साङ्‌ग्राम्‍पेदाङ्‌ङो काक्‍नुःल्‍ले़ यम्‍बा मिङ्‌सो इङ्‌धाःङ्‌ले़ युक्‍नाःन् खोःसुआङ् वाॽरो॥

James 1:1 in Limbu

1 के़रे़क् लाजेॽओ के़से़बाआङ् के़वाॽबा ख्रिस्‍ते़न्‌नसाःन् के़जोःक्‍पा यहुदिसे, निङ्‌वाॽफुमाङ् नु दाङ्‌बा ये़सु ख्रिस्‍तरे़ कुसेवारोबा इङ्‌गाॽ याकुबरे़ कन्‌सक्‍इङ्‌घङ्‌ङिन् हाक्‍निङ्‌बारो॥

2 Peter 1:1 in Limbu

1 ये़सु ख्रिस्‍तरे़ कुसेवारोबा नु कुसेःक्‌युक्‍मिबा इङ्‌गाॽ सिमोन पत्रुसलाम् कन् सक्‍इङ्‌घङ्‌ङिन् साप्‍तुङ्‌ङाङ् आनिगे़ कुइसिःक् इमे़ल्‍लुङ्‌बा नसाःन् के़घोःबा खिनिॽ के़रे़क् हाक्‍निङ्‌लो॥ खे़न् नसाःन्‍निन् आनिॽ साम्‌योनिबा निङ्‌वाॽफुमाङ् नु से़न्‍लप्‍दाङ्‌बा ये़सु ख्रिस्‍तरे़ आबिरे़आङ् आवाॽरो॥

Jude 1:1 in Limbu

1 ये़सु ख्रिस्‍तरे़ कुसेवारोबा नु याकुबरे़ कुन्‍साॽ इङ्‌गाॽ यहुदालाम्, पानुदिङ् पाः निङ्‌वाॽफुमाङ्‌ङिल्‍ले़ उःत्तुसिबा, लुङ्‌माॽ तुक्‍तुसिबा नु ये़सु ख्रिस्‍तलाम्‍बा कम्‍ब्राङ् मे़त्तुसिबाहाॽ, कन् सक्‍इङ्‌घङ्‌ङिन् हाक्‍निङ्‌लो॥

Revelation 1:1 in Limbu

1 कन् साप्‍पन्‍नो ये़सु ख्रिस्‍तरे़ ओसेःन्‍दाङ् चोगुबा पाःन्‍हाॽरे़ कुयाःम्‍बेओ पत्‍लो॥ खे़न् ओसेःन्‍दाङ्‌ङिन् निङ्‌वाॽफुमाङ्‌ङिल्‍ले़ आल्‍ल हाराए के़बोःङ्‌बा पाःन्‍हाॽ निङ्‌वाॽफु सेवारोबाहाॽ ओसेःन्‍धाक्‍मासि फाॽआङ् ये़सु ख्रिस्‍ते़न्‌पिरुरो॥ कन् पाःन्‍हाॽ कुसेवारोबा युहुन्‍नाःल्‍ले़ कुसिङ् निःत्तुर फाॽआङ् ये़सु ख्रिस्‍तरे़ कुमाङ्‌लाइङ्‌बान् पाङ्‌घुरो॥

Revelation 22:6 in Limbu

6 खे़न् माङ्‌लाइङ्‌बाल्‍ले़ इङ्‌गाॽ मे़त्ताङ्, “कन् पाःन्‍जाक्‍हाॽ ताःक्‍पो चोःक्‍मा सुक्‍के़दे़प्‍पा नु से़क्‍खाबा चोःक्‍लो॥ माङ्‌निङ्‌वाॽपाःन् के़बाःप्‍पाहाॽ सेसेमाङ् के़बिबा यहवे दाङ्‌बा निङ्‌वाॽफुमाङ्‌ङिल्‍ले़ कुसेवारोबाहाॽ आल्‍ल हाराए पोःङ्‌मा के़बोःङ्‌बा पाःन्‍हाॽ ओसेःन्‍धाक्‍मासि फाॽआङ् कुमाङ्‌लाइङ्‌बे़न् पाङ्‌घु युःसुरो॥”

Revelation 22:9 in Limbu

9 कर खे़ल्‍ले़ इङ्‌गाॽ अक्‍खे मे़त्ताङ्‌लो, “इङ्‌गाॽ सेवा मे़जोगाङ्‌ङिन्‍ने़ॽ! इङ्‌गाॽग खे़ने़ॽ कुइसिःक् हे़क्‍क्‍याङ् माङ्‌निङ्‌वाॽपाःन् के़बाःप्‍पा के़म्‍भुॽ के़न्‍साॽसि नु कन् साप्‍पन्‍नो के़बप्‍पा पाःन्‍हाॽ के़इःप्‍पा के़नाःप्‍पाहाॽ हे़क्‍तङ्‌बा निङ्‌वाॽफुमाङ्‌ङिल्‍ले़ कुसेवारोबाआरो॥ निङ्‌वाॽफुमाङ्‌ङिन्‍लक् सेवा चोगे़ॽओ!”