Revelation 12:9 in Limbu 9 कन् पयम् यम्बा हन्दगेःक्गे़न् वासेरिःङ्ग उन्छोःन्बा असेःक्पे़न्लो, खे़ङ्ग इक्सादिङ् खाम्बेःक्मोबाहाॽ इङ्ले़क् के़मे़प्पा माफे़न्साम् इग्र सैतान मे़मे़त्तुरो॥ खे़ङ्ग कुमाङ्लाइङ्बाहाॽनु यो इक्सादिङ् खाम्बेःक्मो लाप्फुसे़रो॥
Other Translations King James Version (KJV) And the great dragon was cast out, that old serpent, called the Devil, and Satan, which deceiveth the whole world: he was cast out into the earth, and his angels were cast out with him.
American Standard Version (ASV) And the great dragon was cast down, the old serpent, he that is called the Devil and Satan, the deceiver of the whole world; he was cast down to the earth, and his angels were cast down with him.
Bible in Basic English (BBE) And the great dragon was forced down, the old snake, who is named the Evil One and Satan, by whom all the earth is turned from the right way; he was forced down to the earth, and his angels were forced down with him.
Darby English Bible (DBY) And the great dragon was cast out, the ancient serpent, he who is called Devil and Satan, he who deceives the whole habitable world, he was cast out into the earth, and his angels were cast out with him.
World English Bible (WEB) The great dragon was thrown down, the old serpent, he who is called the devil and Satan, the deceiver of the whole world. He was thrown down to the earth, and his angels were thrown down with him.
Young's Literal Translation (YLT) and the great dragon was cast forth -- the old serpent, who is called `Devil,' and `the Adversary,' who is leading astray the whole world -- he was cast forth to the earth, and his messengers were cast forth with him.
Cross Reference Matthew 4:1 in Limbu 1 हे़क्क्याङ् सेसेमाङ्ङिल्ले़ ये़सुःन् माफे़न्साम्लाम् कुनिङ्वाॽ साॽसे़ एःक्सादे़न्नो तेॽरुरो॥
Matthew 4:5 in Limbu 5 हे़क्क्याङ् माफे़न्साम्मिल्ले़ खुने़ॽ यरुसले़म्मो तेॽरुआङ् माङ्हिम्मोबा के़रे़क्नुःल्ले़ केःम्बा चम्जम्बा ते़न्नो ये़प्सुआङ् मे़त्तु
Matthew 4:8 in Limbu 8 हे़क्क्याङ् माफे़न्साम्मिल्ले़ खुने़ॽ साॽरिक् चम्जम्बा कोःक्माओ तेॽरुआङ् इक्सादिङ् खाम्बेःक्मोबा के़रे़क् हाङ्जुम्हाॽ हे़क्क्याङ् खे़प्मोबा पयम्यम्बा नु नुःब्नुःबा पाःन्हाॽ ओसेःन्धाक्तुआङ्
Matthew 4:10 in Limbu 10 ये़सुरे़ खे़न् मे़त्तु, “सैताने, कप्मोलाम् पेगे़ॽ, थेआङ्भे़ल्ले़ साम्योसाप्लाओ अक्खेलॽरिक् साप्ते़आङ् पत्, ‘खे़ने़ॽ दाङ्बा के़निङ्वाॽफुमाङ्ङिन्लक् सेवा मे़त्ते़ॽ हे़क्क्याङ् खुने़ॽइन्लक् कुसेवा चोगे़ॽओ॥’”
Matthew 13:39 in Limbu 39 हे़क्क्याङ् माले़ःन्दो याॽरिःम्बा के़ले़प्पा निङ्मिःङ्ग माफे़न्साम्मिन्लो॥ चासुम्मा ये़म्मिङ्ग कन् इक्सादिङ् खाम्बेःक्माल्ले़ कुनुप्मान्लो, हे़क्क्याङ् चागे़सुम्बाहाॽग माङ्लाइङ्बासिरो॥”
Matthew 24:24 in Limbu 24 थेआङ्भे़ल्ले़ इङ्ले़क्पा ख्रिस्तहाॽ नु इङ्ले़क्पा माङ्निङ्वाॽपाःन् के़बाःप्पाहाॽ मे़लःन् मे़दाआङ् पयम् यम्बा मिक्सेःन् नु निङ्वाॽ के़माबा पाःन्हाॽ मे़जोगुआङ् निङ्वाॽफुमाङ्ङिल्ले़ सेगुसिबा मनाहाॽआङ् खुनिॽ सुक्सुक् इङ्मे़ले़क्तुसिॽरो॥
Matthew 25:41 in Limbu 41 हे़क्क्याङ् हाङ्ङिल्ले़ कुभे़न्छाङ् ले़प्माङ्बाहाॽ मे़त्तुसि, ‘खिनिॽ निङ्वाॽफु साक्मुराःल्ले़ के़दे़त्तिबासे, खिनिॽ इङ्गाॽओलाम् पेगे़म्मे़ॽओ॥ खिनिॽग माफे़न्साम्मिन् नु खुने़ॽ कुमाङ्लाइङ्बाहाॽ केःप्मासि फाॽआङ् यारिप् चोगुबा आप्फाल्ले़आङ् मे़न्छिःमना मि के़दिःप्पा खे़मायङ्सङ्ङो पेगे़म्मे़ॽओ॥
Luke 8:12 in Limbu 12 हे़क्क्याङ् लाम्मो मक्के़धाःबा याॽरिःम्बाहाॽ पाःन्जाक् के़घे़म्बा मनासिरो॥ माफे़न्साम्मिन् ताआङ् खे़ङ्हाॽरे़ खुनिॽ निङ्वाॽओलाम् पाःन्जाक्किन् लःत्तु तेॽरु॥ हे़क्केःल्ले़ खे़ङ्हाॽरे़ नसाःन् चोःक्मा मे़ङ्घोःसुन्नाङ् से़न्लप् खोःमा मे़न्छुक्तुन्लो॥
Luke 10:18 in Limbu 18 ये़सुरे़ खे़ङ्हाॽ नोगप् पिरुसि, “माफे़न्साम्मिन् साःम्भे ले़क्ते़बा कुइसिःक् साङ्ग्राम्पेदाङ्लाम् मक्थ्ये़र पत्छे़बा इङ्गाॽ निःसुङ्॥
Luke 13:16 in Limbu 16 कन् अब्राहामरे़ कुहिम्सयङ्बा मे़न्छुमाॽइन् तङ्बे थिक्-ये़त्ताङ्धो (१८) माफे़न्साम्मिल्ले़ थुःन्दुआङ् वये़॥ कन् नाःम्सिङ्ये़न्नो खे़न् माफे़न्साम्मिल्ले़ कुइघेःङ्ङोलाम् ले़प्मा नुःबाबि मे़ःम्बि?”
Luke 22:3 in Limbu 3 हे़क्क्याङ् माफे़न्साम्मिन् थिक्-ने़त् (१२) हुॽसाम्बाहाॽओ यहुदा इस्करियोत मे़प्मनाबाल्ले़ कुनिङ्वाॽओ लाःसे़॥
Luke 22:31 in Limbu 31 ये़सुरे़ मे़त्तु, “सिमोने, सिमोने, खे़प्से़ॽओ! इक्मसाबाल्ले़ चाःन्नु कुहःक्किन् से़म्मारे़ लागि ए़प्तुआङ् से़न्दुबा कुइसिःक् माफे़न्साम्मिल्ले़आङ् खिनिॽ नसाःन्निन् ले़ङ्मा फाॽआङ् इङ्जाःङ् नाःक्तुआङ् वाॽरो॥
John 8:44 in Limbu 44 खिनिॽ पाःङ्ग माफे़न्साम्लो हे़क्क्याङ् खुने़ॽ हे़क्केए चोःक्मा खिनिॽ सिराॽ थाङ्लो॥ खे़ङ्ग तोलिङ्सोमुआङ्धोए मे़न्छाम् याप्मि के़से़प्पा वये़॥ खे़ल्ले़ से़क्खाःन् चिःत्तुॽरो, थेआङ्भे़ल्ले़ से़क्खाःन् खुने़ॽओ होःप्लो॥ खुने़ॽ ताप्फे़ःम्बा कुसुत्नाःन् कुइसिःक्के इङ्ले़क् पाःत्लो, थेआङ्भे़ल्ले़ खुने़ॽग इङ्ले़क् के़बाःप्पा हे़क्क्याङ् इङ्ले़क्के पाःन्हाॽरे़ कुम्बारो॥
John 12:31 in Limbu 31 आल्ल कन् इक्सादिङ् खाम्बेःक्माल्ले़ कुघासे़न् पोःङ्मा ये़म् त्ये़आङ् वाॽरो, आल्ल इक्सादिङ् खाम्बेःक्मो हाङ्युक् के़जोःक्पाङ्ग लाःक्कात् लाप्फुरो॥
John 14:30 in Limbu 30 आल्ल खिनिॽनु यरिक् मे़बाःत्तान्, थेआङ्भे़ल्ले़ इक्सादिङ् खाम्बेःक्मोबा हाङ्युक् के़जोःक्पान् फे़न्ल पत्लो॥ आसम्दाङ् खे़ल्ले़ थेआङ् मुक्साम् मे़गत्तुन्लो,
John 16:11 in Limbu 11 हे़क्क्याङ् कन् इक्सादिङ् खाम्बेःक्मोबा हाङ्युक् के़जोःक्पाल्ले़ कुघासे़न् पोःक्खे़आङ् वाॽ॥
Acts 5:3 in Limbu 3 कर पत्रुसरे़ सेःन्दोसु, “हननियाए, खे़ने़ॽ अक्खेलॽरिक् सेसेमाङ्ङिन् इङ्ले़क्मा फाॽआङ् के़निङ्वाॽइन्थेआङ्ने़ माफे़न्साम्मिन् थिम्मा के़बाङ्घुबाबे? थेआङ् खे़ने़ॽ कुभा याङ्ङिन् के़लारुआङ् काक् याङ् के़बिबा के़लाम्सिङ्बाबे?
Romans 16:18 in Limbu 18 थेआङ्भे़ल्ले़ कङ्हाॽरे़ग दाङ्बा ख्रिस्तरे़ कुसेवा मे़न्जोगुन्, कर आबाङे खुनिॽ साप्पोःक्किल्ले़ लागिरक् सेवा मे़जोगुॽरो॥ खे़ङ्हाॽरे़ मना के़जम्बा नु मुर्ले़ःम्बा पाःन्हाॽरे़ कुदोःप्मा मनाहाॽ इङ्मे़ले़क्तुसिॽरो॥
Romans 16:20 in Limbu 20 सनारुङ् याप्मि के़बिबा निङ्वाॽफुमाङ्ङिल्ले़ हाराए माफे़न्साम्मिन् खिनिॽ लाङ्भो सिगाङ् थाःसुआङ् तोॽरुॽरो॥ आल्ल आनिॽ दाङ्बा ये़सु ख्रिस्तरे़ कुलुङ्गुम्मिन् खिनिॽनु वाॽर॥
2 Corinthians 2:11 in Limbu 11 माफे़न्साम्मिल्ले़ आनिॽ इङ्आन्ले़क्ने़ल्ल फाॽआङ् हे़क्के चोगुङ्बारो, थेआङ्भे़ल्ले़ इङ्ले़क्के कुयाःम्बक्किन् आनिॽ कुसिङ्आनिःत्तुम्माङ् वाॽरो॥
2 Corinthians 4:4 in Limbu 4 कन् इक्सादिङ् खाम्बेःक्मोबा माङ् माफे़न्साम्मिल्ले़ए नसाःन् मे़न्जोःक्मनाबाहाॽरे़ खुनिॽ निङ्वाॽइन्फे़त्लाःन्दु पिरुसिबाल्ले़ चोगुल्ले़ खे़ङ्हाॽरे़ ख्रिस्तरे़ कुमिमिदिङ्गे़न् सुनाइङ्ङिल्ले़न् ओःत्तिःन् निःमा मे़न्छुक्तुन्॥ ख्रिस्ते़ङ्ग निङ्वाॽफुमाङ्ङिल्ले़ कुइःत्लो॥
2 Corinthians 11:3 in Limbu 3 कर माफे़न्साम्मिल्ले़ कुइस्वामाओलाम् हवाःन् इङ्ले़क्ते़बा कुइसिःक्के खिनिॽ ख्रिस्तओ के़दोःन्दुम्बा मिःम्जिन् नु तोःन्दोःम्बा निङ्वाॽइन्लाम्भोःत्तुॽ फाॽआङ् इङ्गाॽ किःआरो॥
2 Corinthians 11:14 in Limbu 14 माफे़न्साम्मिन्नाङ् ओःत्तिःल्ले़न् माङ्लाइङ्बा ले़ङ्सिङ्लो, खे़ल्ले़ चोगुल्ले़ निङ्वाॽ के़माबा पाःन् थेआङ् होःप्लो॥
2 Corinthians 12:7 in Limbu 7 कन् पयम्यम्बा ओसेःन्दाङ्हाॽ खोःसुङ्बाल्ले़ आङ्दिङ् मे़लॽआन्ल फाॽआङ् नासिङ्गे़न् आधक्को तिङ् कुइसिःक् आघघबा पाःन्धिक् खोःसुङ्ङाङ् वाॽआरो॥ खे़ङ्ग माफे़न्साम्मिल्ले़ कुइङ्साबारो, खे़ल्ले़ इङ्गाॽ तुक्खे चाःत्तार वाॽरो॥
Ephesians 4:14 in Limbu 14 हे़क्केःल्ले़ आनिॽ अङे़ःक्वाहाॽ कुइसिःक् कुनिङ्वाॽ के़बाःक्पा आम्बोःङ्ने़न्॥ हे़क्क्याङ् वाभे़ल्ले़ङ्ङिल्ले़ हिप्तुआङ् वाःन्दुबा खःङ्बेन् कुइसिःक् इङ्ले़क्के मनाहाॽरे़ खुनिॽ मुजाःप्पा फे़न् निसाम्मिल्ले़ आनिॽ ना-कत्ना आन्वाःन्ने़न्लो॥
2 Thessalonians 2:3 in Limbu 3 कर अक्खेलॽरिक् आत्तिन्हाॽरे़आङ् इङ्ले़क् के़मे़म्मे़त्तिन्ल, थेआङ्भे़ल्ले़ खे़न् ये़म्मिन् मे़न्दाए वाॽरो॥ खे़न् ये़म्मिन् तामानुःल्ले़ तगिग कुनुप्माओ निङ्वाॽफुमाङ्ङिल्ले़ कुदक्ले़ङ्वाओ पयम् बिफ्युङ् पोःङ्, हे़क्क्याङ् पयम् लायो के़जोःक्पा पाक्कुम्भिओ के़बेःक्पा मनाःन् थाःम्सिङ्लो॥
2 Thessalonians 2:9 in Limbu 9 पयम् लायो के़जोःक्पे़ल्ले़ माफे़न्साम्मिल्ले़ कुमुक्साम्लाम् यरिक् परिक्ले़न् फोत्याबा मिक्सेःन् नु निङ्वाॽ के़माबा याःम्बक् चोगुर ताःरो॥
1 Timothy 2:14 in Limbu 14 हे़क्क्याङ् आदम्मिन् इङ्ले़क्को थ्ये़बा मे़ःन्, कर मे़न्छुमाॽइन् माफे़न्साम्मिल्ले़ इङ्ले़क्तुआङ् खे़ल्ले़ निङ्वाॽफुमाङ्ङिल्ले़ कुइङ्जाःङ्ङिन् फेःन्दुआङ् लायो चोगुरो॥
1 Timothy 3:6 in Limbu 6 खुने़ॽग कुसङ् नसानिबा पोःङ्मा मे़नुॽने़न्लो, मे़ःन्ने़ फाॽग्र आङ्दिङ् लॽआङ् माफे़न्साम्मिल्ले़ खुम्दिङ् खोःसुबा कुइसिःक् खे़ल्ले़आङ् खुम्दिङ् खोःसुॽरो॥
2 Timothy 3:13 in Limbu 13 कर फे़न् याःम्बक् के़जोःक्पा मना नु इङ्गे़ले़क्पा मनाहाॽग वेॽ मनाहाॽ इङ्ले़क्तुम्सिम्बा, ताप्फे़ःल्लिक्मे़त्तुम्सिम्बा लॽरिक् मे़इःत्तुर मे़बेःक्किल्ले़ आप्फेःक् इङ्मे़ले़क्सिङ्ल साॽरिक्काङ् ताप्फे़ःम्बा मे़बोःङ्ल मे़बेःक्लो॥
Hebrews 2:14 in Limbu 14 खे़न् मनाहाॽरे़ग नासिङ्गे़न् थक् मे़गत्तुबाल्ले़ चोगुल्ले़ ये़सुःन्नाङ् खे़ङ्हाॽ हे़क्केए पोःक्खे़रो॥ हे़क्केलॽरिक् आबाङे कुसिःमे़न्लाम्बा सिःमे़ल्ले़न् मुक्साम् के़गप्पा माफे़न्साम्मिन् मे़म्भै चोगु॥
1 Peter 5:8 in Limbu 8 खिनिॽ सिङ्सिङ् ये़क्ये़क् नु चाङ्जाङ् लॽरे़म्मे़ॽ! खिनिॽ निङ्मि माफे़न्साम्मिन् के़हुःक्पा थे़रिङ्बान् कुइसिःक् आत्तिन् खोःसुङ्ङाङ् लरुङ्देःसुङ् लॽरिक् कोःत्तुर ताक्कन्लो॥
1 John 3:8 in Limbu 8 लायो के़जोःक्पार के़वाॽबा मनाःङ्ग माफे़न्साम्मिल्ले़ कुमनारो, थेआङ्भे़ल्ले़ माफे़न्साम्मिल्ले़ तोलिङ्सोमुआङ्धोए लायो चोगुर वाॽरो॥ खे़ल्ले़ चोगुल्ले़ निङ्वाॽफुसाःन् माफे़न्साम्मिल्ले़ कुयाःम्बक्किन् मे़ङ्से़ ये़बारो॥
1 John 5:19 in Limbu 19 आनिॽग निङ्वाॽफुमाङ्ङिल्ले़ कुस्साःसिरो, हे़क्क्याङ् कन् इक्सादिङ् खाम्बेःक्मान् माफे़न्साम्मिल्ले़ कुहुक्को थ्ये़आङ् वाॽ के़लॽबा पाःन्निन् आनिःसुम्लो॥
Jude 1:9 in Limbu 9 कर तुम्माङ्लाइङ्बा मिखाए़लरे़आङ् मोसारे़ के़सिःबा कुधक्किल्ले़ कुयाःम्बेओ माफे़न्साम्मिन्नु पाःन्धक्ते़ल्ले़ माफे़न्साम्मिन् पाःन्धिक्मा मे़आःन्छिङ्ङिन्लो, कर दाङ्बाल्ले़ खे़ने़ॽ के़भे़ःक्ल! रक् मे़त्तुरो॥
Revelation 2:9 in Limbu 9 ‘के़दुमुबा निङ्घुम्हाॽ नु के़याङ्साॽमान् इङ्गाॽ निःसुङ्लो, कर से़क्खाःल्ले़ निङ्वाॽफुमाङ्ङिल्ले़ कुनिःमाओ खे़ने़ॽ याङ्साकुन्धेसाबा के़जोःक्लो॥ आनिगे़ यहुदिसिगे़ के़लॽबाहाॽरे़ खे़ने़ॽ के़दक्ले़ङ्वाओ चे़ॽया के़मे़प्पे़न्इङ्गाॽ निःसुङ्ङाङ् वाॽआरो॥ खे़ङ्हाॽग यहुदिसि मे़ःन्, कर माफे़न्साम्मिल्ले़ कुमनासिरो॥
Revelation 2:13 in Limbu 13 ‘खे़ने़ॽ माफे़न्साम्मिल्ले़ हाङ् चोगुबा ते़न्नो के़वाॽ फाॽआङ् इङ्गाॽ निःसुङ्लो॥ करसाङ् खे़ने़ॽग चक्मे़ल्लॽए इङ्गाॽ नसाःन् के़जोःक्कार के़वाॽ॥ नसाःन्साबा आदोःन्दि के़बाःप्पा एन्तिपासे़न् माफे़न्साम्मिन् के़वाॽबा खिनिॽ ये़क्यक्को मे़से़रुसाङ् खे़ने़ॽग के़नसाःन्निन् के़न्ले़रुन्लो॥
Revelation 2:24 in Limbu 24 कर फे़न् निसाम्मिन् मे़न्नाःप्मनाबाहाॽ नु माफे़न्साम्मिल्ले़ कुसिबिॽ पाःन् मे़बाःत्तुबा निसाम्मिन्नाङ् मे़न्हुॽसिङ्मनाबाहाॽ खिनिॽ थियातिराओबा वेॽ मनाहाॽ वेॽ कक् मे़गुःत्निङ्ङिन्के़लॽबा पाःन्निन् मे़त्निङ्लो॥
Revelation 3:9 in Limbu 9 कुभारे़ आनिगे़ यहुदिसिगे़ मे़लॽ कर खे़ङ्हाॽ मे़ःन्छिरो, खे़ङ्हाॽग माफे़न्साम्मिल्ले़ कुमना इङ्ले़क् के़बाःप्पासिरो॥ खे़प्से़ॽओ, खे़ङ्हाॽ के़लाङ्जक्पो मे़नःम्सिङ्ङाङ् मे़दार चोगुङ्सिङ्ङाङ् खे़ङ्हाॽरे़ खे़ने़ॽए लुङ्माॽ तुक्ने़ॽ के़लॽबान् कुसिङ् मे़निःत्तुॽरो॥
Revelation 9:1 in Limbu 1 हे़क्क्याङ् ङासिगेःक्पा माङ्लाइङ्बाल्ले़ कुधुत्थुरिःप्पे़न्मुःत्तुल्ले़ ताङ्साक्पोलाम् इक्सादिङ् खाम्बेःक्मो मक्के़धाःबा खेःम्सिक्पाधिक् निःसुङ्लो॥ खे़न् खेःम्सिक्पे़न्कुद्रोःम् मे़ःन्नेबा लुम्बाःत्तोबा तिमिक्किन् मे़बिरु॥
Revelation 9:20 in Limbu 20 हे़क्क्याङ् कन् मिन्देॽलाम् मे़न्छिःमना वेॽ मनाहाॽ आबाङे मे़जोगुबा फे़न् याःम्बक्कोलाम् मे़न्हिन्दे़न्लो॥ आल्लसाङ् खे़ङ्हाॽरे़ फे़न्साम्हाॽ नु मे़म्बाःप्मना, मे़न्निःमना हे़क्क्याङ् लाङ्मे़ङ्घेःक्मना साम्म्याङ्, युप्पा, थथनाबा, लुङ् नु सिङ्ङिल्ले़न्नावाइत्लाहाॽ सेवा चोःक्मा मे़ल्ले़रुन्लो॥
Revelation 12:3 in Limbu 3 हे़क्क्याङ् तरःङ्दिङ्ताङ्साक्पो याम्मो इङ्गाॽ वेॽस्मा निङ्वाॽ के़माबा मिक्सेःन्धिक्काङ् निःसुङ्लो–खे़प्मो हे़ःत्के़लॽबा नुसि कुधे़गेःक् के़बप्पा पयम् यम्बा किप्मा के़घुःबा हन्दगेःक्गे़न् वासेरिःन् वये़रो॥ खे़ल्ले़ नुसि कुधे़गेःक्हाॽओ नुसि तिचःहाॽ खुःक्खुआङ् पत्छे़॥ खे़ल्ले़ थिबोःङ् कुदाङ्हाॽ युङे़रो॥
Revelation 12:7 in Limbu 7 हे़क्क्याङ् साङ्ग्राम्पेदाङ्ङो पयम् यम्बा ते़न्धङ् पोःक्खे़रो॥ मिखाएलहे़क्क्याङ्खे़ल्ले़ कुमाङ्लाइङ्बाहाॽरे़ खे़न् हन्दगेःक्गे़न् वासेरिःन् हे़क्क्याङ् खे़ल्ले़ कुमाङ्लाइङ्बाहाॽनु थङ् मे़जोगुरो॥
Revelation 12:14 in Limbu 14 कर खे़न् मे़न्छुमाॽइन् हन्दगेःक्गे़न् वासेरिःल्ले़ मे़याङ्घुन्ल फाॽआङ् एःक्सादे़न्नो यारिप् चोःक्मनाबा चिङ्सिङ्मादे़न्नो खे़त्छिङ्मा पेःक्मा सुक्ल फाॽआङ् पयम् यम्बा ने़त्छि मुया लाप्हाॽ मे़बिरुरो॥ खे़प्मो तङ्बे सुम्सिआङ् कुभ्रे़ःङ् थारिक् खुने़ॽ चा मे़मे़त्तुॽरो॥
Revelation 13:14 in Limbu 14 थिक्सिगेःक्पा किप्मा के़घुःबा थक्साःल्ले़ कुले़क्वा खे़न् किप्मा के़घुःबा थक्साःल्ले़ निङ्वाॽ के़माबा याःम्बक्हाॽ चोःक्मा खोःसुआङ् इक्सादिङ् खाम्बेःक्मोबा मे़न्छाम् याप्मिहाॽ इङ्ले़क्तुसिरो॥ खे़ल्ले़ खे़न् सिःमालिङ्धोओ थारिक् ताभेःल्ले़ के़गाःम्बाआङ् याम्मो के़हिङ्बा थिक्सिगेःक्पा किप्मा के़घुःबा थक्साःल्ले़ कुमिङ्सो कुधाःङ्सोओ नावाइत्ला चोःक् पाङ्घुसिरो॥
Revelation 16:14 in Limbu 14 खे़ङ्हाॽग निङ्वाॽ के़माबा याःम्बक् के़जोःक्पा फे़न्साम्सिरो॥ खे़ङ्हाॽ इक्सादिङ् खाम्बेःक्मोबा काक् हाङ्हाॽओ मे़बेःक्काङ् मुक्साम्दाङ्बा निङ्वाॽफुमाङ्ङिल्ले़ पयम् यम्बा कुये़न्नो थङ् चोःक्से़ खे़ङ्हाॽ मे़सुप्सु मे़दारुसिॽ॥
Revelation 18:2 in Limbu 2 हे़क्क्याङ् खे़ल्ले़ पयम् यम्बा इक्लाओ अक्खेलॽरिक् पाःत्तुर अःक्ते़रो, “बे़बिलोनिन् मे़गे़रो, पयम् यम्बा ये़क्यक्किन् मे़गे़रो! खे़न् आल्ल लेःत्छाम् फुङ्साम् नु फे़न्साम्हाॽरे़ खुनिॽ वाॽमा ते़न् पोःक्खे़आङ् वाॽ॥ खे़प्मोग काक् परिक्ले़न् सिक्के़ले़ःङ्बा नु आसुत्थो पुहाॽ याङ्मे़धोःक्लो॥
Revelation 18:23 in Limbu 23 खे़ने़ॽओ याम्मो आप्फाल्ले़आङ् सेमि मे़ओःत्ने़न्लो, हे़क्क्याङ् सिसामेःत् नु नालिसाङ्ङिल्ले़ खुन्छिॽ इक्लाःन्नाङ् खे़ने़ॽओ याम्मो आप्फाल्ले़आङ् खे़म् मे़दे़त्ने़न्लो॥ खे़ने़ॽ के़ले़ङ्हङ्बाहाॽग इक्सादिङ् खाम्बेःक्मो मुक्साम्साबा नु के़इङ्बा के़धुम्बाहाॽ मे़वये़, हे़क्क्याङ् खे़ने़ॽ फे़न्साम् मुन्धुम्लाम् इक्सादिङ् खाम्बेःक्मोबा काक् मे़न्छाम् सुवाङ्हाॽ इङ्गे़ले़क्तुसिरो॥
Revelation 19:20 in Limbu 20 हे़क्क्याङ् खे़न् किप्मा के़घुःबा थक्साःन् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपाःन् के़बाःप्पे़न्मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुःबा थक्साःल्ले़ इबुगे़न् कुमिक्सेःन् के़लक्पा नु कुनावाइत्लाःन् सेवा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक्लुम्बाःत्तो लाप्मे़भुसुसिरो॥
Revelation 20:2 in Limbu 2 खे़न् माङ्लाइङ्बाल्ले़ हन्दगेःक्गे़न् वासेरिःन् ते़म्सुआङ् तङ्बे हे़न्छिङ् (१०००) थारिक् खे़न्निन् इघेःक्खुरो॥ खे़न् हन्दगेःक्गे़न् वासेरिःङ्ग उन्छोःन्बा असेःक्, माफे़न्साम् इग्र सैताःन्नाङ् मे़मे़त्तुरो॥
Revelation 20:8 in Limbu 8 हे़क्क्याङ् खे़न् इक्सादिङ् खाम्बेःक्मो लःन् थाङ्ङाङ् काक् पिसाङ्बा के़रे़क् मे़न्छाम् सुवाङ्हाॽ–“गोग” नु “मागोग” मे़प्मनाबा मे़न्छाम् सुवाङ्हाॽ–इङ्ले़क्तुसिआङ् निङ्वाॽफुमाङ्ङिल्ले़ सेसे कुमनाहाॽरे़ खुनिॽ तक्ले़ङ्वाओ थङ् चोःक्मारे़ लागि सुप्सुसिरो॥ खे़ङ्हाॽग आत्तात्तान्ने ये़ःङ्घा कुइसिःक् निःप्मा सुक्मे़न्दे़प्मनाबा मे़जोःक्लो॥
Revelation 20:10 in Limbu 10 हे़क्क्याङ् खुनिॽ इङ्ले़क् के़मे़प्पा माफे़न्साम्मिन् मिराःक् नु कान्धाक् के़दिःप्पा लुम्बाःत्तो लाप्फुसुरो॥ खे़प्मोग किप्मा के़घुःबा थक्साःन् नु इङ्ले़क्पा माङ्निङ्वाॽपाःन् के़बाःप्पे़न्नाङ् तगिसा लाप्मे़भुसुसिआङ् यागे़त्छिरो॥ हे़क्क्याङ् खे़ङ्हाॽग से़न्दिक् ले़न्दिक् सदादिङ् खे़प्मो तुक्खे मे़जारो॥