Revelation 12:17 in Limbu 17 हे़क्क्याङ् खे़न् हन्दगेःक्गे़न् वासेरिःल्ले़ मे़न्छुमाॽइन्नु साॽरिक् कुसिक् पोगे़आङ् निङ्वाॽफुमाङ्ङिल्ले़ कुइङ्जाःङ् के़नाःप्पा के़इःप्पा नु ये़सुरे़ कुनिसाम् नसाःन् के़जोःक्पा खे़न् मे़न्छुमाॽइल्ले़ वेॽ कुमुॽइदाङ्साहाॽनु थङ् चोगुरो॥
Other Translations King James Version (KJV) And the dragon was wroth with the woman, and went to make war with the remnant of her seed, which keep the commandments of God, and have the testimony of Jesus Christ.
American Standard Version (ASV) And the dragon waxed wroth with the woman, and went away to make war with the rest of her seed, that keep the commandments of God, and hold the testimony of Jesus:
Bible in Basic English (BBE) And the dragon was angry with the woman and went away to make war on the rest of her seed, who keep the orders of God, and the witness of Jesus:
Darby English Bible (DBY) And the dragon was angry with the woman, and went to make war with the remnant of her seed, who keep the commandments of God, and have the testimony of Jesus.
World English Bible (WEB) The dragon grew angry with the woman, and went away to make war with the rest of her seed, who keep God's commandments and hold Jesus' testimony.
Young's Literal Translation (YLT) and the dragon was angry against the woman, and went away to make war with the rest of her seed, those keeping the commands of God, and having the testimony of Jesus Christ.
Cross Reference Matthew 28:20 in Limbu 20 इङ्गाॽ इङ्जाःङ् पिनिङ्बा के़रे़क् पाःन्हाॽ इःप्मा नाःप्मा हुॽरे़म्सिम्मे़ॽओ॥ ओमे़त्ते़म्मे़ॽओ, इङ्गाॽग इक्सादिङ् खाम्बेःक्माल्ले़ कुनुप्मो थारिक्के खिनिॽनु सदादिङ् वाॽआरो॥”
John 8:44 in Limbu 44 खिनिॽ पाःङ्ग माफे़न्साम्लो हे़क्क्याङ् खुने़ॽ हे़क्केए चोःक्मा खिनिॽ सिराॽ थाङ्लो॥ खे़ङ्ग तोलिङ्सोमुआङ्धोए मे़न्छाम् याप्मि के़से़प्पा वये़॥ खे़ल्ले़ से़क्खाःन् चिःत्तुॽरो, थेआङ्भे़ल्ले़ से़क्खाःन् खुने़ॽओ होःप्लो॥ खुने़ॽ ताप्फे़ःम्बा कुसुत्नाःन् कुइसिःक्के इङ्ले़क् पाःत्लो, थेआङ्भे़ल्ले़ खुने़ॽग इङ्ले़क् के़बाःप्पा हे़क्क्याङ् इङ्ले़क्के पाःन्हाॽरे़ कुम्बारो॥
1 Corinthians 2:1 in Limbu 1 आमिःम् फुॽनुसाॽ नु ने़ॽनुसाॽसे, तगि खिनिॽओ इङ्गाॽ निङ्वाॽफुमाङ्ङिल्ले़ से़क्खाबा कुसिबिॽ पाःन् इङ्भोःसे़ त्याङ्ङिल्ले़ मना के़ले़म्बा पाःन् हे़क्क्याङ् सिक्कुम् निङ्वाॽरे़ कुधिम् पाःन्हाॽ पाःत्तुङ्ल इङ्गाॽ मे़न्दाबे़न्लो॥
1 Peter 5:8 in Limbu 8 खिनिॽ सिङ्सिङ् ये़क्ये़क् नु चाङ्जाङ् लॽरे़म्मे़ॽ! खिनिॽ निङ्मि माफे़न्साम्मिन् के़हुःक्पा थे़रिङ्बान् कुइसिःक् आत्तिन् खोःसुङ्ङाङ् लरुङ्देःसुङ् लॽरिक् कोःत्तुर ताक्कन्लो॥
1 John 2:3 in Limbu 3 आनिॽ निङ्वाॽफुमाङ्ङिल्ले़ कुइङ्जाःङ्ङिन् आइःत्तुम् आनाःत्तुम्ने़ फाॽग्र खुने़ॽ नुःरिक्काङ् कुसिङ् आनिःत्तुम् के़लॽबान् से़क्खा आनिःसुम्लो॥
1 John 5:2 in Limbu 2 निङ्वाॽफुमाङ्ङिन् मिःम्जि आमे़त्तुम्माङ् कुइङ्जाःङ्हाॽ आइःत्तुम् आनाःत्तुम्ने़ फाॽग्र आनिॽ निङ्वाॽफुमाङ्ङिल्ले़ कुस्साःहाॽ लुङ्माॽ आदुक्तुम्सिम् के़लॽबान्नाङ्कुसिङ् आनिःत्तुम्लो॥
1 John 5:10 in Limbu 10 हे़क्केलॽरिक् हाःत्ले़ निङ्वाॽफुसाःन् नसाःन् चोगुॽ, खे़ल्ले़ कुसिक्लुङ्माओ कन् तोःन्दिन् युङ्लो॥ कर हाःत्ले़ निङ्वाॽफुमाङ्ङिन् नसाःन् मे़जोगुन्, खे़ल्ले़ खुने़ॽ इङ्ले़क्पा चोगुॽ, थेआङ्भे़ल्ले़ निङ्वाॽफुसाःल्ले़ कुयाःम्बेओ पिरुबा तोःन्दिओ खे़ल्ले़ नसाःन् मे़न्जोःक्के वाॽरो॥
Revelation 1:2 in Limbu 2 युहुन्नारे़ग खुने़ॽ खे़प्सुबा निङ्वाॽफु पाःन्जाक्किन् नु ये़सु ख्रिस्तरे़ खुने़ॽ ओसेःन्धाक्तुबा काक् से़क्खा पाःन्हाॽ पाःत्तुॽरो॥
Revelation 1:9 in Limbu 9 इङ्गाॽ युहुन्नाःन् नसाःन्नो खिनिॽ फुॽआरो॥ ख्रिस्त ये़सुःन्नसाःन् चोःक्मे़ल्ले़ खुने़ॽ कुहाङ्जुम्मो के़वाॽबाहाॽरे़ मे़घोःसुबा निङ्घुम्मिन् खिनिॽनु सोसोरिक् नासि थःत्तुङ्ल थरुङ्ङाङ् वाॽआरो॥ निङ्वाॽफु पाःन्जाक्किन् नु ये़सुरे़ पाःत्तुबा नु चोगुबा पाःन्हाॽ इङ्भन् चोगुङ्बाल्ले़ चोगुल्ले़ इङ्गाॽ पत्मोस वागप्लाजेॽओ साक्पा के़धाःबा मे़जोगाङ्मे़देॽराङ्ङाङ् वयाङ्॥
Revelation 6:9 in Limbu 9 हे़क्क्याङ् मे़ल्लुक्साःल्ले़ ङासिगेःक्पा एःप्साप्पिन् फाःक्खुल्ले़ निङ्वाॽफु पाःन्जाक्किन् नु ये़सुरे़ कुयाःम्बेओ मे़बाःत्तुबा पाःन्नो नसाःन्साबा मे़जोगे़बाल्ले़ चोगुल्ले़ मे़से़रुसिबा मे़न्छाम् याप्मिहाॽरे़ खुनिॽ याम्साम्हाॽ इङ्गाॽ ले़त्तिङ्तोःम्मादे़न्निल्ले़ कुसिगाङ् निःसुङ्सिङ्लो॥
Revelation 11:7 in Limbu 7 खुन्छिॽ तोःन्दि पिमा सुःत्छुआङ् खे़न् कुद्रोःम् मे़ःन्नेबा लुम्बाःत्लाम् के़लःम्बा खे़न् थक्साःल्ले़ खुन्छिॽनु थङ् चोगुॽ, हे़क्क्याङ् खे़ल्ले़ ने़प्मजाङ् नाःन्दुसिॽआङ् से़रुसिॽरो॥
Revelation 12:11 in Limbu 11 आनिॽ नसानिबा फुॽनुसाॽ ने़ॽनुसाॽहाॽरे़ग मे़ल्लुक्साःल्ले़ कुमाक्खिॽ नु खे़ङ्हाॽरे़ इङ्मे़भोःसुबा से़क्खाःल्ले़ खे़न्माफे़न्साम्मिन् मे़नाःन्दुआङ् मे़वाॽरो॥ हे़क्क्याङ् खे़ङ्हाॽग सिःमाआङ् मे़ङ्गिसे़न्लो॥
Revelation 13:7 in Limbu 7 हे़क्क्याङ् खे़न् थक्साःल्ले़ निङ्वाॽफुमाङ्ङिल्ले़ सेसे कुमनाहाॽरे़ खुनिॽ तक्ले़ङ्वाओ थङ् चोःक्माआङ् नाःम्मासि युक् खोःसुरो॥ हे़क्क्याङ् याम्मो खे़न् थक्साःल्ले़ इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेॽहाॽ सम्दाङ् युक् चोःक्मा खोःसुरो॥
Revelation 14:12 in Limbu 12 खे़ल्ले़ चोगुल्ले़ निङ्वाॽफुमाङ्ङिल्ले़ कुइङ्जाःङ् के़घे़म्बाहाॽ नु ये़सुःन् नसाःन् के़जोःक्पा निङ्वाॽफुमाङ्ङिल्ले़ सेसे कुमनाहाॽरे़ नासि थःप्माए पोःङ्लो॥
Revelation 17:6 in Limbu 6 हे़क्क्याङ् इङ्गाॽ खे़न् मे़न्छुमाॽइन् ओमे़त्तुङ्ङिल्ले़ निङ्वाॽफुमाङ्ङिल्ले़ कुसेसे मनाहाॽ नु ये़सु ख्रिस्तरे़ कुरुमेहाॽरे़ खुनिॽ माक्खिॽइल्ले़ मयुआङ् वये़बा निःसुङ्ङाङ् साॽरिक् आनिङ्वाॽ मये़रो॥
Revelation 17:14 in Limbu 14 हे़क्क्याङ् खे़ङ्हाॽरे़ मे़ल्लुक्साःल्ले़ कुदक्ले़ङ्वाओ थङ् मे़जोगुॽ, कर मे़ल्लुक्साःल्ले़, खुने़ॽ उःत्तुसिबा सेगुसिबा नसाःन्साबाहाॽनु सोरिक्, खे़ङ्हाॽ नाःन्दुसिॽरो, थेआङ्भे़ल्ले़ मे़ल्लुक्साःङ्ग दाङ्बाहाॽरे़ खुनिॽ दाङ्बा नु हाङ्हाॽरे़ खुनिॽ हाङ्लो॥”
Revelation 18:20 in Limbu 20 साङ्ग्राम्पेदाङ्ङो के़वाॽबासे, खे़न् मे़गे़बाओ सःत्ते़म्मे़ॽओ! निङ्वाॽफुमाङ्ङिल्ले़ सेसे कुमनाहाॽ, सेःक्युक्मिबाहाॽ हे़क्क्याङ् माङ्निङ्वाॽपाःन् के़बाःप्पासे, सःत्ते़म्मे़ॽओ! थेआङ्भे़ल्ले़ खिनिॽ निङ्घुम् के़मे़त्तिबाल्ले़ चोगुल्ले़ निङ्वाॽफुमाङ्ङिल्ले़ खे़न् खुम्दिङ् पिरुआङ् वाॽरो॥”
Revelation 19:10 in Limbu 10 हे़क्क्याङ् इङ्गाॽग खुने़ॽ सेवा चोःक्मा फाॽआङ् कुलाङ्ङो साम्बोःन् फन्छिङाङ्, कर खे़ल्ले़ इङ्गाॽ अक्खे मे़त्ताङ्, “हे़क्के चोःक्मा मे़नुॽने़न्! इङ्गाॽग खे़ने़ॽ नु के़म्भुॽ के़न्साॽसि हे़क्तङ्बा निङ्वाॽफुमाङ्ङिल्ले़ कुसेवारोबा नु ये़सुःन्तोःन्दि के़बिबाआरक्लो॥ निङ्वाॽफुमाङ्ङिन्ने सेवा चोगे़ॽ!” थेआङ्भे़ल्ले़ ये़सुरे़ चोगुबा पाःत्तुबा से़क्खा पाःन्हाॽरे़ माङ्निङ्वाॽपाःन् के़बाःप्पाहाॽ हाङ्हाङ् मे़त्तुसिॽरो॥
Revelation 19:19 in Limbu 19 हे़क्क्याङ् खे़न् किप्मा के़घुःबा थक्साःन् नु इक्सादिङ् खाम्बेःक्मोबा हाङ्हाॽ हे़क्क्याङ् खुनिॽ थक्सुबाहाॽ थङ् चोःक्से़ अन् के़युक्पे़न्नु खुने़ॽ कुधक्सुबाहाॽरे़ कुदक्ले़ङ्वाओ मे़जुप्से़बा निःसुङ्सिङ्लो॥
Revelation 20:4 in Limbu 4 हे़क्क्याङ् इङ्गाॽ हाङ्युक्नाहाॽ निःसुङ्सिङ्॥ खे़प्मो खासे़न् लोःम्मा युक् के़घोःबाहाॽ मे़युङे़॥ हे़क्क्याङ् ये़सु ख्रिस्तरे़ ओसेःन्दाङ् चोगुबा से़क्खाःन् नु निङ्वाॽफु पाःन्जाक्किन् इङ्भन् मे़जोगुबाल्ले़ चोगुल्ले़ खुनिॽ थे़गेःक्पा मे़घक्तु मे़से़रुसिबाहाॽरे़ खुनिॽ याम्साम्हाॽ निःसुसिङ्लो॥ खे़ङ्हाॽरे़ग खे़न् किप्मा के़घुःबा थक्साःन् नु कुनावाइत्लाःन् सेवा मे़न्जोगुन् हे़क्क्याङ् इबुगे़न् कुमिक्सेःन्निन्नाङ् खुनिॽ तोवाबो इग्र हुक्को मे़न्दाःक्तुन्नाङ् वये़रो॥ खे़ङ्हाॽग सिःमे़न्लाम् याम्मो मे़हिङे़आङ् ख्रिस्ते़न्नु तङ्बे हे़न्छिङ् थारिक् हाङ् मे़जोगुरो॥
Revelation 20:8 in Limbu 8 हे़क्क्याङ् खे़न् इक्सादिङ् खाम्बेःक्मो लःन् थाङ्ङाङ् काक् पिसाङ्बा के़रे़क् मे़न्छाम् सुवाङ्हाॽ–“गोग” नु “मागोग” मे़प्मनाबा मे़न्छाम् सुवाङ्हाॽ–इङ्ले़क्तुसिआङ् निङ्वाॽफुमाङ्ङिल्ले़ सेसे कुमनाहाॽरे़ खुनिॽ तक्ले़ङ्वाओ थङ् चोःक्मारे़ लागि सुप्सुसिरो॥ खे़ङ्हाॽग आत्तात्तान्ने ये़ःङ्घा कुइसिःक् निःप्मा सुक्मे़न्दे़प्मनाबा मे़जोःक्लो॥
Revelation 22:14 in Limbu 14 हे़क्क्याङ् खुनिॽ तेःत्हाॽ सेसे लॽरिक् वागे़हप्पाहाॽग मुॽइसाबासिरो, थेआङ्भे़ल्ले़ खे़ङ्हाॽरे़ग ताःक्हन्हाॽओलाम् ये़क्यक्को लाःप्मा नु मे़न्नुप्मनाबा हिङ्मन् के़बिबा सिङ्बुङ्ङोलाम् चामा युक् मे़घोःसुॽरो॥