Revelation 12:11 in Limbu 11 आनिॽ नसानिबा फुॽनुसाॽ ने़ॽनुसाॽहाॽरे़ग मे़ल्लुक्साःल्ले़ कुमाक्खिॽ नु खे़ङ्हाॽरे़ इङ्मे़भोःसुबा से़क्खाःल्ले़ खे़न्माफे़न्साम्मिन् मे़नाःन्दुआङ् मे़वाॽरो॥ हे़क्क्याङ् खे़ङ्हाॽग सिःमाआङ् मे़ङ्गिसे़न्लो॥
Other Translations King James Version (KJV) And they overcame him by the blood of the Lamb, and by the word of their testimony; and they loved not their lives unto the death.
American Standard Version (ASV) And they overcame him because of the blood of the Lamb, and because of the word of their testimony; and they loved not their life even unto death.
Bible in Basic English (BBE) And they overcame him through the blood of the Lamb and the word of their witness; and loving not their lives they freely gave themselves up to death.
Darby English Bible (DBY) and *they* have overcome him by reason of the blood of the Lamb, and by reason of the word of their testimony, and have not loved their life even unto death.
World English Bible (WEB) They overcame him because of the Lamb's blood, and because of the word of their testimony. They didn't love their life, even to death.
Young's Literal Translation (YLT) and they did overcome him because of the blood of the Lamb, and because of the word of their testimony, and they did not love their life -- unto death;
Cross Reference Luke 14:26 in Limbu 26 “इङ्गाॽ याप्मि के़दिम्बाल्ले़ कुम्मा-कुम्बासि, कुमेःत्-कुस्साःहाॽ, कुम्भुॽ कुन्साॽसि, कुन्ने़ॽ कुन्साॽसि, हे़क्क्याङ् कुहिङ्मन्निन् इङ्गाॽनुःल्ले़आङ् साॽरिक् मिःम्जि मे़त्तुने़ फाॽग्र खे़ङ्ग इङ्गाॽ आहुॽसाम्बा पोःङ्मा मे़सुक्ने़न्लो॥
John 16:33 in Limbu 33 इङ्गाॽओ खिनिॽ सनारुङ् के़घोःसुम्लरो फाॽआङ् कन् के़रे़क् पाःन्हाॽ मे़त्निङ्ङाङ् वाॽआरो॥ कन् इक्सादिङ् खाम्बेःक्मो यरिक् इनोगे़न् तुक्खेहाॽ के़दुमुम्लो॥ कर हाङ्हाङ् लॽरे़म्मे़ॽओ, थेआङ्भे़ल्ले़ इङ्गाॽ कन् इक्सादिङ् खाम्बेःक्मान् नाःन्दुङ्ङाङ् वाॽआरो॥”
Acts 20:24 in Limbu 24 कर आहिङ्मन्नो दाङ्बा ये़सुरे़ पिराङ्बा याःम्बक्किन् चोःक्मा सुःप्मा हे़क्क्याङ् निङ्वाॽफुमाङ्ङिल्ले़ कुलुङ्गुम्मिल्ले़ कुयाःम्बेओ सुनाइङ्घङ् इङ्भोःमाआङ्धो वेॽ थेआङ् मे़इःत्तुङ्ङिन्लो॥
Acts 21:13 in Limbu 13 कर पावलरे़ आनिगे़ अक्खे मे़त्तिगे़, “खिनिॽ थेआङ् के़हाबिआङ्आसाॽइ यक्ल के़याःन्दुम्बाबे? इङ्गाॽग यरुसले़म्मो दाङ्बा ये़सुरे़ कुलागि साक्सिङ्मारक् मे़ःन्, कर सिःमा पोःङ्साङ् यारिप् वाॽआरो॥”
Romans 8:33 in Limbu 33 निङ्वाॽफुमाङ्ङिल्ले़ सेगुसिबाहाॽ हाःत्ले़ आप्तिक् कुःप्मा सुक्तुसिॽबे? हाःत्ले़आङ् मे़सुक्तुन्छिन्, थेआङ्भे़ल्ले़ आप्तिक् मे़ःन्नेबा के़जोःक्पाङ्ग निङ्वाॽफुमाङ्ङिन्नेरो॥
Romans 16:20 in Limbu 20 सनारुङ् याप्मि के़बिबा निङ्वाॽफुमाङ्ङिल्ले़ हाराए माफे़न्साम्मिन् खिनिॽ लाङ्भो सिगाङ् थाःसुआङ् तोॽरुॽरो॥ आल्ल आनिॽ दाङ्बा ये़सु ख्रिस्तरे़ कुलुङ्गुम्मिन् खिनिॽनु वाॽर॥
1 Corinthians 15:57 in Limbu 57 कर निङ्वाॽफुमाङ्ङिन् नोगे़न्लो! खुने़ॽए आनिॽ दाङ्बा ये़सु ख्रिस्तलाम्बा थङ्नाःन्निन् आबिॽरो॥
2 Corinthians 10:3 in Limbu 3 आनिॽ इक्सादिङ् खाम्बेःक्मो आवाॽसाङ् इक्साबा मे़न्छाम् याप्मि कुइसिःक् थङ् आन्जोगुम्मिन्लो॥
Ephesians 6:13 in Limbu 13 खे़ल्ले़ चोगुल्ले़ फे़न् ये़म्हाॽ ताःल्ले़ से़ःप्सिङ्मा के़सुक्कासिर फाॽआङ् थक्सुबा चाङ्ङिल्ले़ थक्सुबान् काप्तुबा हे़क्के निङ्वाॽफुमाङ्ङिल्ले़ आबिबा काक् पाःन्निल्ले़ काप्सिङ्ङे़म्मे़ॽओ॥ हे़क्क्याङ् खे़न् थङ् एगाङ् खिनिॽ थधप् मे़ल्लॽए ये़प्मा के़सुक्तिॽरो॥
2 Timothy 4:7 in Limbu 7 इङ्गाॽग आसुक्सुक् नुःरिक्काङ् नसाःन्ले़न् थङ् थक्ताङ्ङाङ्, आलोःक्मान् सुरुङ्ङाङ् वाॽआ हे़क्क्याङ् नसाःन्निन् मे़म्माए कत्तुङ्ङाङ् वाॽआरो॥
Hebrews 2:14 in Limbu 14 खे़न् मनाहाॽरे़ग नासिङ्गे़न् थक् मे़गत्तुबाल्ले़ चोगुल्ले़ ये़सुःन्नाङ् खे़ङ्हाॽ हे़क्केए पोःक्खे़रो॥ हे़क्केलॽरिक् आबाङे कुसिःमे़न्लाम्बा सिःमे़ल्ले़न् मुक्साम् के़गप्पा माफे़न्साम्मिन् मे़म्भै चोगु॥
Hebrews 11:35 in Limbu 35 मे़न्छुमाहाॽरे़ के़सिःबा के़बेःक्पा आबाङे खुनिॽ मनाहाॽ याम्मो कुहिङ्वे़त् मे़घोःसुसिरो॥ वेॽहाॽरे़ सिःमे़न् एगाङ् मे़न्नुप्मनाबा हिङ्मन्निन् खोःमा फाॽआङ् चोःक्युम्भो पोःङ्मा मे़न्दे़न्दे़न्नाङ् निङ्घुम्मिन् मे़दाःक्तुरो॥
1 John 2:13 in Limbu 13 पानुदिङ् पाःसे, तोलिङ्सोमुआङ्धोए के़वाॽबा ख्रिस्ते़न्खिनिॽ कुसिङ् के़निःत्तुम्बाल्ले़ चोगुल्ले़ कन् सक्इङ्घङ्ङिन् साप्तुङ्ङाङ् हाक्निङ्ल पत्तारो॥ थाङ्बे़न् मे़न्छियाॽसे, माफे़न्साम्मिन् खिनिॽ के़नाःन्दुम्माङ् के़वयिबाल्ले़ चोगुल्ले़ कन् सक्इङ्ङिन् साप्तुङ्ङाङ् हाक्निङ्ल पत्तारो॥
1 John 4:4 in Limbu 4 आमिःम् आस्साःसे, खिनिॽग निङ्वाॽफुमाङ्ङिल्ले़ कुमनानिङ्लो॥ हे़क्क्याङ् खिनिॽग इङ्ले़क् माङ्निङ्वाॽपाःन् के़बाःप्पाहाॽ के़नाःन्दुम्सिम्माङ् के़वयिॽरो, थेआङ्भे़ल्ले़ खिनिॽओ के़वाॽबा सेसेमाङ्ङिङ्ग इक्सादिङ् खाम्बेःक्माओ के़वाॽबान्नुःल्ले़आङ् यम्बा चोःक्लो॥
1 John 5:5 in Limbu 5 हाःत्ले़ इक्सादिङ् खाम्बेःक्मान् नाःम्मा सुक्तुॽबे? ये़सुःन्ने निङ्वाॽफुसाःरो फाॽआङ् नसाःन् के़जोःक्पाल्ले़रक् सुक्तुॽरो॥
Revelation 1:2 in Limbu 2 युहुन्नारे़ग खुने़ॽ खे़प्सुबा निङ्वाॽफु पाःन्जाक्किन् नु ये़सु ख्रिस्तरे़ खुने़ॽ ओसेःन्धाक्तुबा काक् से़क्खा पाःन्हाॽ पाःत्तुॽरो॥
Revelation 1:9 in Limbu 9 इङ्गाॽ युहुन्नाःन् नसाःन्नो खिनिॽ फुॽआरो॥ ख्रिस्त ये़सुःन्नसाःन् चोःक्मे़ल्ले़ खुने़ॽ कुहाङ्जुम्मो के़वाॽबाहाॽरे़ मे़घोःसुबा निङ्घुम्मिन् खिनिॽनु सोसोरिक् नासि थःत्तुङ्ल थरुङ्ङाङ् वाॽआरो॥ निङ्वाॽफु पाःन्जाक्किन् नु ये़सुरे़ पाःत्तुबा नु चोगुबा पाःन्हाॽ इङ्भन् चोगुङ्बाल्ले़ चोगुल्ले़ इङ्गाॽ पत्मोस वागप्लाजेॽओ साक्पा के़धाःबा मे़जोगाङ्मे़देॽराङ्ङाङ् वयाङ्॥
Revelation 2:7 in Limbu 7 सेसेमाङ्ङिल्ले़ सेसेहुप्लक्हाॽ मे़त्तुसिबा पाःन्निन् नुःरिक्काङ् खे़प्से़म्मे़ॽआङ् कुसिङ्निःत्ते़म्मे़ॽओ! के़नाःम्बान् निङ्वाॽफुमाङ्ङिल्ले़ कुसिङ्सेॽ इक्कोबा मे़न्नुप्मनाबा हिङ्मन् के़बिबा सिङ्बुङ्माल्ले़ कुजाॽइन् चामा पिरुङ्लो॥’”
Revelation 2:10 in Limbu 10 आल्ल खे़ने़ॽओ के़दाःबार के़बप्पा इनोगे़न् तुक्खेहाॽनु मे़गिसे़न्ने़ॽओ॥ खे़प्से़ॽओ, के़नसाःन्निन् हङ्साॽमारे़ लागि माफे़न्साम्मिल्ले़ कुभा खिनिॽ पुङ्लाहिम्मो के़धे़क्तिॽसाङ् थिबोःङ् ये़न् थारिक्लक् इनोगे़न् तुक्खे के़ज्ये़ॽइरो॥ सिःमालिङ्धोओ के़गे़रिसाङ् इङ्गाॽ नसाःन् चोःक्मा याप्मि आल्ले़रे़म्मिन्ने़ॽओ, हे़क्क्याङ् के़नाःन्दुम्माङ् के़घोःसुम्बा थुम्घोःल्ले़ लागि मे़न्नुप्मनाबा हिङ्मन् पिनिङ्लो॥
Revelation 2:13 in Limbu 13 ‘खे़ने़ॽ माफे़न्साम्मिल्ले़ हाङ् चोगुबा ते़न्नो के़वाॽ फाॽआङ् इङ्गाॽ निःसुङ्लो॥ करसाङ् खे़ने़ॽग चक्मे़ल्लॽए इङ्गाॽ नसाःन् के़जोःक्कार के़वाॽ॥ नसाःन्साबा आदोःन्दि के़बाःप्पा एन्तिपासे़न् माफे़न्साम्मिन् के़वाॽबा खिनिॽ ये़क्यक्को मे़से़रुसाङ् खे़ने़ॽग के़नसाःन्निन् के़न्ले़रुन्लो॥
Revelation 2:17 in Limbu 17 सेसेमाङ्ङिल्ले़ सेसेहुप्लक्हाॽ मे़त्तुसिबा पाःन्निन् नुःरिक्काङ् खे़प्से़म्मे़ॽआङ् कुसिङ्निःत्ते़म्मे़ॽओ! के़नाःम्बे़न्इङ्गाॽ चिङ्मनाबा मन्नाःन् पिरुङ्लो॥ हे़क्क्याङ् खे़न् फःगे़लॽबा लुङ्धिक्काङ् पिरुङ्लो॥ खे़प्मो कुसङ् मिङ् साप्ते़आङ् पत्लो, खे़न् के़घोःबाल्ले़रक् कुसिङ् निःत्तुॽरो॥’”
Revelation 2:26 in Limbu 26 के़नाःम्बा हे़क्क्याङ् कुनुप्मो थारिक् आयाःम्बक्किन् के़जोःक्पार के़वाॽबान् इङ्गाॽ मे़न्छाम् सुवाङ्हाॽ युक्को कप्मासि युक् पिरुङ्लो॥
Revelation 3:5 in Limbu 5 खे़ङ्हाॽ हे़क्के के़नाःम्बा काक्ले़ फःगे़लॽबा तेःत् मे़जाक्खुॽरो॥ हे़क्क्याङ् खुनिॽ मिङ्ङिन् हिङ्मन्ले़न् साप्पन्नोलाम् आप्फाल्ले़आङ् मे़दुःक्कान्लो, कर पानुदिङ् आम्बा नु कुमाङ्लाइङ्बाहाॽरे़ खुनिॽ तगि खे़ङ्हाॽ ते़न्दिङ् चोगुङ्सिङ्लो॥
Revelation 3:12 in Limbu 12 के़नाःम्बाङ्ग आनिङ्वाॽफुमाङ्ङिल्ले़ कुहिम्मो इङ्गाॽ सित्लाङ् चोगुङ्लो॥ खुने़ॽ खे़प्मोलाम् आप्फाल्ले़आङ् मे़जत्छिङ्ङिन्लो॥ आनिङ्वाॽफुमाङ्ङिल्ले़ कुमिङ्ङिन् खे़ल्लो इङ्गाॽ साप्तुङ्, हे़क्क्याङ् खे़ल्लो इङ्गाॽ कुसङ् आमिङ्ङिन्नाङ् साप्तुङ्लो॥ हे़क्क्याङ् आनिङ्वाॽफुमाङ्ङिल्ले़ कुसेसे ये़क्यक् कुसङ् यरुसले़मिल्ले़ कुमिङ्ङिन्नाङ् खे़ल्लो साप्तुङ्लो॥ खे़ङ्ग आनिङ्वाॽफुमाङ्ङिल्ले़ साङ्ग्राम्पेदाङ्लाम् पाङ्घु युःसुॽ॥
Revelation 3:21 in Limbu 21 नसाःन्नो के़नाःम्बान् पानुदिङ् आम्बानु कुहाङ्युक्नाओ इङ्गाॽ नाःन्दुङ्ङाङ् युङ्मा खोःसुङ्बा कुइसिःक् इङ्गाॽनु आहाङ्युक्नाओ युङ्मा युक् पिरुङ्लो॥
Revelation 6:9 in Limbu 9 हे़क्क्याङ् मे़ल्लुक्साःल्ले़ ङासिगेःक्पा एःप्साप्पिन् फाःक्खुल्ले़ निङ्वाॽफु पाःन्जाक्किन् नु ये़सुरे़ कुयाःम्बेओ मे़बाःत्तुबा पाःन्नो नसाःन्साबा मे़जोगे़बाल्ले़ चोगुल्ले़ मे़से़रुसिबा मे़न्छाम् याप्मिहाॽरे़ खुनिॽ याम्साम्हाॽ इङ्गाॽ ले़त्तिङ्तोःम्मादे़न्निल्ले़ कुसिगाङ् निःसुङ्सिङ्लो॥
Revelation 7:10 in Limbu 10 खे़ङ्हाॽ यम्बा इक्लाओ अक्खे लॽरिक् मे़अःक्ते़, “हाङ्युक्नाओ के़युङ्बा आनिॽ निङ्वाॽफुमाङ्ङिन् नु मे़ल्लुक्साःल्ले़ खुन्छिॽ मनाहाॽ ताङ्से़ःप्मा मुक्साम् कत्छुॽरो॥”
Revelation 11:7 in Limbu 7 खुन्छिॽ तोःन्दि पिमा सुःत्छुआङ् खे़न् कुद्रोःम् मे़ःन्नेबा लुम्बाःत्लाम् के़लःम्बा खे़न् थक्साःल्ले़ खुन्छिॽनु थङ् चोगुॽ, हे़क्क्याङ् खे़ल्ले़ ने़प्मजाङ् नाःन्दुसिॽआङ् से़रुसिॽरो॥
Revelation 12:17 in Limbu 17 हे़क्क्याङ् खे़न् हन्दगेःक्गे़न् वासेरिःल्ले़ मे़न्छुमाॽइन्नु साॽरिक् कुसिक् पोगे़आङ् निङ्वाॽफुमाङ्ङिल्ले़ कुइङ्जाःङ् के़नाःप्पा के़इःप्पा नु ये़सुरे़ कुनिसाम् नसाःन् के़जोःक्पा खे़न् मे़न्छुमाॽइल्ले़ वेॽ कुमुॽइदाङ्साहाॽनु थङ् चोगुरो॥
Revelation 14:1 in Limbu 1 हे़क्क्याङ् इङ्गाॽ मे़ल्लुक्साःन् सियोन कोःक्मा सम्दाङ् ये़बे़बा निःसुङ्लो॥ खुने़ॽनु लाङे़न्छिङ्धिक्काङ् हे़न्छिङ् लि-लि (१,४४,०००) मनाहाॽ मे़वये़रो॥ खे़ङ्हाॽरे़ खुनिॽ तोवाबो खुने़ॽ कुमिङ् नु पानुदिङ् कुम्बारे़ कुमिङ्ङिन् साप्ते़आङ् पत्छे़रो॥
Revelation 15:2 in Limbu 2 हे़क्क्याङ् इङ्गाॽ मि नु के़बुप्पा से़ल्ले़ङ्घो कुइसिःक्पा वाहङ्धिक् निःसुङ्लो॥ खे़ल्ले़ कुयाओ खे़न् किप्मा के़घुःबा थक्साःन्, कुनावाइत्ला नु खे़ल्ले़ कुमिङ्ङिल्ले़ कुघानिःत्तिन् के़नाःम्बाहाॽ खे़प्मो मे़ये़बे़बा निःसुङ्सिङ्लो॥ खे़ङ्हाॽरे़ निङ्वाॽफुमाङ्ङिल्ले़ पिरुसिबा साराङ्गिहाॽ मे़गत्तुरो॥
Revelation 19:10 in Limbu 10 हे़क्क्याङ् इङ्गाॽग खुने़ॽ सेवा चोःक्मा फाॽआङ् कुलाङ्ङो साम्बोःन् फन्छिङाङ्, कर खे़ल्ले़ इङ्गाॽ अक्खे मे़त्ताङ्, “हे़क्के चोःक्मा मे़नुॽने़न्! इङ्गाॽग खे़ने़ॽ नु के़म्भुॽ के़न्साॽसि हे़क्तङ्बा निङ्वाॽफुमाङ्ङिल्ले़ कुसेवारोबा नु ये़सुःन्तोःन्दि के़बिबाआरक्लो॥ निङ्वाॽफुमाङ्ङिन्ने सेवा चोगे़ॽ!” थेआङ्भे़ल्ले़ ये़सुरे़ चोगुबा पाःत्तुबा से़क्खा पाःन्हाॽरे़ माङ्निङ्वाॽपाःन् के़बाःप्पाहाॽ हाङ्हाङ् मे़त्तुसिॽरो॥
Revelation 20:4 in Limbu 4 हे़क्क्याङ् इङ्गाॽ हाङ्युक्नाहाॽ निःसुङ्सिङ्॥ खे़प्मो खासे़न् लोःम्मा युक् के़घोःबाहाॽ मे़युङे़॥ हे़क्क्याङ् ये़सु ख्रिस्तरे़ ओसेःन्दाङ् चोगुबा से़क्खाःन् नु निङ्वाॽफु पाःन्जाक्किन् इङ्भन् मे़जोगुबाल्ले़ चोगुल्ले़ खुनिॽ थे़गेःक्पा मे़घक्तु मे़से़रुसिबाहाॽरे़ खुनिॽ याम्साम्हाॽ निःसुसिङ्लो॥ खे़ङ्हाॽरे़ग खे़न् किप्मा के़घुःबा थक्साःन् नु कुनावाइत्लाःन् सेवा मे़न्जोगुन् हे़क्क्याङ् इबुगे़न् कुमिक्सेःन्निन्नाङ् खुनिॽ तोवाबो इग्र हुक्को मे़न्दाःक्तुन्नाङ् वये़रो॥ खे़ङ्हाॽग सिःमे़न्लाम् याम्मो मे़हिङे़आङ् ख्रिस्ते़न्नु तङ्बे हे़न्छिङ् थारिक् हाङ् मे़जोगुरो॥