Philippians 3:9 in Limbu 9 हे़क्केलॽरिक् इङ्गाॽ खुने़ॽइन् पोःङ्ङानि फाॽआङ् हे़क्के इःत्तुङ्लो॥ इङ्गाॽ साम्योथिम्मिन् इःत्तुङ् नाःत्तुङ्ङाङ् इङ्गाॽ निङ्वाॽफुमाङ्ङिल्ले़ कुनिःमाओ साम्योनिबा पोःङ्मा मे़न्छुक्पे़न्लो, कर ख्रिस्ते़न्नसाःन् चोगुङ्बाल्ले़ए निङ्वाॽफुमाङ्ङिल्ले़ साम्योनिबा चोःक्कारो॥
Other Translations King James Version (KJV) And be found in him, not having mine own righteousness, which is of the law, but that which is through the faith of Christ, the righteousness which is of God by faith:
American Standard Version (ASV) and be found in him, not having a righteousness of mine own, `even' that which is of the law, but that which is through faith in Christ, the righteousness which is from God by faith:
Bible in Basic English (BBE) And be seen in him, not having my righteousness which is of the law, but that which is through faith in Christ, the righteousness which is of God by faith:
Darby English Bible (DBY) and that I may be found in him, not having my righteousness, which [would be] on the principle of law, but that which is by faith of Christ, the righteousness which [is] of God through faith,
World English Bible (WEB) and be found in him, not having a righteousness of my own, that which is of the law, but that which is through faith in Christ, the righteousness which is from God by faith;
Young's Literal Translation (YLT) not having my righteousness, which `is' of law, but that which `is' through faith of Christ -- the righteousness that is of God by the faith,
Cross Reference Matthew 9:13 in Limbu 13 साम्योसाप्लाओ यहवे दाङ्बाल्ले़ इङ्गाॽग सिदुङ्जभा चाहाबा मे़जोःक्कान्, कर वेॽहाॽ लुङ्माॽ तुक्ते़म्सिम्मे़ॽ के़लॽबा निङ्वाॽ कत्तुङ्लो, लॽरिक् पाःत्तुबा कन् पाःन्निल्ले़ कुबेःन् हुॽआसिम्मे़ॽओ॥ इङ्गाॽग साम्योनिबाहाॽरे़ लागि मे़ःन्, कर लायोबाहाॽ लायोलाम् मे़नुःङ्ङाङ्ताङ्मे़से़ःप्ल फाॽआङ् त्याङ्बारो॥”
Luke 10:25 in Limbu 25 थिक् ये़न् साम्योथिम्साम्बाधिक् ये़म्सिङ्ङाङ् ये़सुःन् पाःन्नो थाःमा फाॽआङ् सेःन्दोसु, “सिक्साम्बे, इङ्गाॽ मे़न्नुप्मनाबा हिङ्मन् खोःमा थे चोःक्मा पोःङ्बे?”
John 16:8 in Limbu 8 खुने़ॽ युःआङ् इक्सादिङ् खाम्बेःक्मोबा मे़न्छाम्गे़न् याप्मिहाॽरे़ खुनिॽ लायोरे़ कुयाःम्बेओ, निङ्वाॽफुमाङ्ङिल्ले़ कुसाम्योनिमान् हे़क्क्याङ् कुघासे़न्निल्ले़ कुयाःम्बेओ पिर्बेःन् मे़इःत्तुबा पाःन्निन् ओसेःन्धाक्तुसिॽरो॥
Romans 1:17 in Limbu 17 थेआङ्भे़ल्ले़ निङ्वाॽफुमाङ्ङिल्ले़ कुनिःमाओ आक्खेलॽरिक् आप्तिक् मे़ःन्नेबा आजोःक् फाॽआङ् कन् सुनाइङ्ङिल्ले़ ओसेःन्आधाक्लो, हे़क्क्याङ् कङ्ग नसाःन्लाम् हेःक्सिङ्ङाङ् नसाःन्लाम्बाए कुलिङ्धो के़त्लो॥ साम्योसाप्लाओ अक्खेलॽरिक् साप्ते़आङ् पत्, “साम्योनिबाङ्ग नसाःम्लाम्बाए हिङ्लो॥”
Romans 3:19 in Limbu 19 आल्ल साम्योथिम्मिङ्ग साम्योथिम्मिल्ले़ कुयुक्को के़वाॽबाहाॽए पिरुसिबान् आनिॽ आनिःसुम्लो॥ खे़ल्ले़ चोगुल्ले़ के़रे़क् मनाहाॽ लायो मे़न्जोःक्मनाबा ले़ङ्सिङ्मा मे़ङ्घोःने़न्नाङ् काक् मे़न्छाम् याप्मिहाॽ निङ्वाॽफुमाङ्ङिल्ले़ कुदगि खासे़न्नो ये़प्मा पोःङ्लो॥
Romans 4:5 in Limbu 5 आत्तिन् मनाःल्ले़आङ् आबाङे याःम्बक् चोगुबाल्ले़ मे़ःन्, कर लायोबा मनाःन् आप्तिक् मे़ःन्नेबा के़जोःक्पा निङ्वाॽफुमाङ्ङिन् खे़ल्ले़ नसाःन् चोगुबाल्ले़ निङ्वाॽफुमाङ्ङिल्ले़ खुने़ॽ साम्योनिबा लेःत्तुरो॥
Romans 4:13 in Limbu 13 अब्राहाम्मिल्ले़ साम्योथिम्मिन् इःत्तु नाःत्तुआङ्ग मे़ःन्, कर निङ्वाॽफुमाङ्ङिन् नसाःन् चोगुबालाम् आप्तिक् मे़ःन्नेबा पोःक्खे़बाल्ले़ए निङ्वाॽफुमाङ्ङिल्ले़ खुने़ॽ नु कुमुॽइदाङ्साहाॽरे़ इक्सादिङ् खाम्बेःक्माल्ले़न् लक् के़घोःसुम् के़लॽबा माङ्हे़क्किन्अब्राहाम्मिन्नु चोगुबारो॥
Romans 5:21 in Limbu 21 हे़क्केलॽरिक् लायोःल्ले़ के़रे़क् मनाहाॽओ हाङ् चोगुआङ् सिःमे़न् तारुबा कुइसिःक् आल्ल निङ्वाॽफुमाङ्ङिल्ले़ कुलुङ्गुम्मिल्ले़ हाङ् चोगुॽआङ्खे़ल्ले़ आनिॽ आप्तिक् मे़ःन्नेबा आजोःक्, हे़क्क्याङ् दाङ्बा ये़सु ख्रिस्तलाम् मे़न्नुप्मनाबा हिङ्मन् आघोःसुम्लो॥
Romans 7:5 in Limbu 5 आनिॽग लायोबा सुत्नाःल्ले़ आयुक्ते़आङ् आवये़ल्ले़ साम्योथिम्मिल्ले़ आनिॽ नासिङ्गे़न् थक्को लायोबा निङ्वाॽइन्फोःक्खुआङ् आनिॽ आजोगुम्बा फे़न् याःम्बक्किल्ले़ सिःमे़न् तारुॽरो॥
Romans 8:1 in Limbu 1 खे़ल्ले़ चोगुल्ले़ आल्ल ख्रिस्त ये़सुःन्नु थिक्हुप् के़वाॽबाहाॽ निङ्वाॽफुमाङ्ङिल्ले़ आप्तिक् मे़गुःत्तुन्छिन्,
Romans 8:3 in Limbu 3 लायोबा सुत्नाःल्ले़ चोगुल्ले़ साम्योथिम्मिल्ले़ चोःक्मा मे़सुक्तुम्बा पाःन्निन् निङ्वाॽफुमाङ्ङिल्ले़ चोगुरो॥ खुने़ॽ आबुगे़न् कुस्साःन् मे़न्छाम् याप्मिहाॽरे़ मे़जोगुबा लायोःल्ले़ लागि सिदुङ्जभा पोःङ्से़ लायोबा मना कुइसिःक्पा नासिङ्गे़न् थक्को पाङ्घु युःसुआङ् नासिङ्गे़न् कुधक्किल्ले़ आनिॽ लायोःन् मे़क्खुरो॥
Romans 9:30 in Limbu 30 हे़क्केःल्ले़ आल्ल आनिॽ थे पाःप्माबे? थिम्मे़न्दङ् सुवाङ्हाॽरे़ग साम्योनिबा पोःङ्मा मे़ङ्गोःत्तुन्छाङ् नसाःन् मे़जोगुबालाम्बा साम्योनिबा मे़बोःक्खे़॥
Romans 10:1 in Limbu 1 आमिःम् फुॽनुसाॽ नु ने़ॽनुसाॽसे, इङ्गाॽग इस्राइलिहाॽ ताङ्मे़से़ःप्ल फाॽआङ् सिक्लुङ्मोनुए निङ्वाॽफुमाङ्ङिन् तुवा चोगुङ्लो॥
Romans 10:10 in Limbu 10 थेआङ्भे़ल्ले़ खे़ने़ॽ के़सिक्लुङ्मोलाम् नसाःन् के़जोगुबाल्ले़ आप्तिक् मे़ःन्नेबा के़बोःङ्, हे़क्क्याङ् के़मुराःल्ले़ ते़न्दिङ् के़जोगुबाल्ले़ से़न्लप् के़घोःसुॽरो॥
Romans 16:7 in Limbu 7 इङ्गाॽनु साक्पा के़धाःबा यहुदि आन्जुम् ए़न्द्रोनिकस नु युनियसे़न् आसेवारो मे़त्ते़म्सिम्मे़ॽओ॥ खे़ङ्हाॽग सेःक्युक्मिबाहाॽओ साॽरिक् मिङ्सो इङ्धाःङ् पिमा लाॽरुसिॽ, हे़क्क्याङ् खुन्छिॽग इङ्गाॽनुःल्ले़आङ् तगि ख्रिस्ते़न्नसाःन् चागे़त्छुआङ् वये़त्छिरो॥
1 Corinthians 1:30 in Limbu 30 निङ्वाॽफुमाङ्ङिल्ले़ चोगुल्ले़ए खिनिॽ ख्रिस्त ये़सुओ के़वयिॽरो॥ खुने़ॽए आनिॽ लागि निङ्वाॽफुमाङ्लाम्बा सिक्कुम् निङ्वाॽ पोःक्खे़आङ् वाॽ॥ खुने़ॽए निङ्वाॽफुमाङ्ङिल्ले़ कुनिःमाओ आप्तिक् मे़ःन्नेबा नु सेसे साङ्साङ् आजोःक्, हे़क्क्याङ् आनिॽ लायोलाम् याप्मि के़धे़ॽबा पोःक्खे़आङ् वाॽरो॥
2 Corinthians 5:17 in Limbu 17 आत्तिल्ले़ ख्रिस्ते़न्नसाःन् चोगुॽ, खे़न् कुसङ् मना पोःङ्॥ हे़क्क्याङ् तगिस्मा पाःन्हाॽग ले़क्ते़बेआङ् काक् कुसङ् पोःक्खे़आङ् वाॽरो!
2 Corinthians 5:21 in Limbu 21 थेआङ्भे़ल्ले़ आनिॽग ख्रिस्तलाम् निङ्वाॽफुमाङ्ङिल्ले़ कुनिःमाओ साम्योनिबा आबोःङ्ल फाॽआङ् निङ्वाॽफुमाङ्ङिल्ले़ लायो मे़न्जोःक्के के़वाॽबान् आनिॽ लागि लायो कुःत्तुरो॥
Galatians 2:16 in Limbu 16 आत्तिन् मनाःन्नाङ् मोसारे़ साप्तुबा साम्योथिम्मिन् इःत्तु नाःत्तुआङ् आप्तिक् मे़ःन्नेबा पोःङ्मा मे़सुक्ने़न्लो, कर ये़सु ख्रिस्ते़न्नसाःन् चोगुआङ्लक् आप्तिक् मे़ःन्नेबा पोःङ्मा सुक् के़लॽबा पाःन्निन् आनिॽ कुसिङ्निःप्मा पोःङ्लो॥ खे़ल्ले़ चोगुल्ले़ आनिॽआङ् ख्रिस्तओबा नसाःन्लाम् आप्तिक् मे़ःन्ने आबोःङ्ल फाॽआङ् ये़सु ख्रिस्ते़न्नसाःन् आजोगुम्लो, कर साम्योथिम् इङ्जाःङ्ङिन् आइःत्तुम् आनाःत्तुम्बालाम् मे़ःन्लो, थेआङ्भे़ल्ले़ साम्योथिम् इङ्जाःङ्ङिन् इःत्तु नाःत्तुआङ् आत्तिन्नाङ् आप्तिक् मे़ःन्नेबा मे़बोःङ्ने़ल्लो॥
Galatians 3:10 in Limbu 10 कर साम्योथिम् के़इःप्पा के़नाःप्पाहाॽ के़रे़क् साङ्ग्रारे़ ते़त्तुसिआङ् मे़वाॽरो, थेआङ्भे़ल्ले़ अक्खेलॽरिक् साप्ते़आङ् पत्, “साम्योथिम् साप्लाओ साप्ते़आङ् के़बप्पा काक् पाःन्हाॽ चक्मे़ल्लॽए मे़न्इःप्मना मे़न्नाःप्मनाहाॽ निङ्वाॽफुमाङ्ङिल्ले़ कुघुम्दिङ् खोःमा लाॽरुसिआङ्वाॽरो॥”
Galatians 3:21 in Limbu 21 हे़क्केने़ फाॽग्र कुसाम्योथिम्मिल्ले़ निङ्वाॽफुमाङ्ङिल्ले़ कुमाङ्हे़क्हाॽ अत्तुबि? से़क्खाःल्ले़ग हे़क्के मे़ःन्लो! साम्योथिम्मिल्ले़ कुसङ् हिङ्मन्निन् पिमा आसुक्ते़ल्ले़ग खे़न् साम्योथिम्मिन् आइःत्तुम् आनाःत्तुम्माङ् निङ्वाॽफुमाङ्ङिल्ले़ कुनिःमाओ आप्तिक् मे़ःन्नेबा पोःङ्मा आसुक्ते़बारो॥
Philippians 3:6 in Limbu 6 साम्योथिम्मिन् इःप्मा नाःप्माओ सिक्के़सम्बा वयाङ्, हे़क्क्याङ् इङ्गाॽ सेसेहुप्लक्किन् तुक्खे चाःत्तुङ्लो॥ निङ्वाॽफुमाङ्ङिल्ले़ कुनिङ्वाॽ तार फाॽआङ् काक् साम्योथिम् इङ्जाःङ्ङिङ्ग नुःरिक्काङ् इःत्तुङ् नाःत्तुङ्॥
2 Timothy 1:9 in Limbu 9 खुने़ॽए आनिॽ ताङ्आसे़ःप्ते़आङ् आप्फेःक् सेसे कुमना पोःङ्से़ आसेगे़आङ् आवाॽरो॥ कङ्ग आनिॽ आजोगुम्बा याःम्बक्किल्ले़ पोःक्खे़बा मे़ःन्लो, कर खुने़ॽ आप्फेःक् कुनिङ्वाॽसोःक् नु कुलुङ्गुम्रे़ चोगुबारो॥ तोलिङ्सोमुआङ्धो ख्रिस्त ये़सुरे़ कन् लुङ्गुम्मिन् आबिर फाॽआङ् निङ्वाॽफुमाङ्ङिल्ले़ निङ्सेःक् चोगुआङ् वये़॥
Titus 3:5 in Limbu 5 खुने़ॽ आनिॽ ताङ्आसे़ःप्ते़रो॥ कङ्ग आनिॽ आजोगुम्बा नुःब्नुःबा साम्योनिबा याःम्बक्किल्ले़ पोःक्खे़बा मे़ःन्लो, कर खुने़ॽ आप्फेःक् लुङ्माॽ आदुक्ते़बाल्ले़ चोगुल्ले़ ताङ्आसे़ःप्ते़बारो, हे़क्क्याङ् सेसेमाङ्लाम्बा निङ्वाॽफुमाङ्ङिल्ले़ कुसङ् मना चोःक्से़ आनिॽ लायोःन् वाहप्तुआङ् कुसङ् हिङ्मन् आबिरे़रो॥
Hebrews 6:18 in Limbu 18 अक्खेलॽरिक् निङ्वाॽफुमाङ्ङिल्ले़ माङ्हे़क्चोगुआङ् माङ्हे़क्सिङ्लो॥ कन् ने़त्छि पाःन्हाॽ आप्फाल्ले़आङ् मे़ले़ङ्ने़न्, थेआङ्भे़ल्ले़ निङ्वाॽफुमाङ्ङिल्ले़ इङ्ले़क् पाःप्माए मे़सुक्तुन्॥ आनिॽ खुने़ॽ कुगम्ब्राङ्ङो ताङ्से़ःप्सिङ्से़ के़बेःक्पाहाॽरे़ आघोःसुम् के़लॽबा निङ्साङ्ङिन् आल्ले़रुम्मिन्निल्ले़ हाङ्हाङ् आलॽरो॥
James 2:9 in Limbu 9 कर खिनिॽ मनाहाॽ के़से़न्दुम्सिम्ने़ फाॽग्र लायो के़जोगुम्माङ् साम्योथिम्मिल्ले़ कुभाङ्के़भेःम्बा फाॽआङ् आप्तिक् के़गुःत्तिॽरो॥
James 3:2 in Limbu 2 आनिॽ के़रे़क् यरिक् पाःन्हाॽओ आबेःन्लो, कर आत्तिन् मनाःन् आबाङे पाःत्तुबा पाःन्नो मे़बेःन्निन्ने़ फाॽग्र से़क्खासाङ् खे़ल्ले़ग नासिङ्गे़न् कुधक्किन् युक्को कप्मा सुक्तुॽ, हे़क्क्याङ् खे़न् मनाःन् कुलिङ्धो के़गे़प्पा पोःङ्लो॥
1 Peter 3:19 in Limbu 19 बा कन् सेसेमाङ्लाम् पेआङ् खुने़ॽ पुङ्लाहिम्मो के़याक्पा फे़न्साम्हाॽ इङ्भोःसुसिरो॥
2 Peter 1:1 in Limbu 1 ये़सु ख्रिस्तरे़ कुसेवारोबा नु कुसेःक्युक्मिबा इङ्गाॽ सिमोन पत्रुसलाम् कन् सक्इङ्घङ्ङिन् साप्तुङ्ङाङ् आनिगे़ कुइसिःक् इमे़ल्लुङ्बा नसाःन् के़घोःबा खिनिॽ के़रे़क् हाक्निङ्लो॥ खे़न् नसाःन्निन् आनिॽ साम्योनिबा निङ्वाॽफुमाङ् नु से़न्लप्दाङ्बा ये़सु ख्रिस्तरे़ आबिरे़आङ् आवाॽरो॥
1 John 1:8 in Limbu 8 कर आनिॽ लायो मे़ःन्ने आवाॽ लॽरिक् आबाःत्तुम्ने़ फाॽग्र आनिॽ आबाङे इङ्आले़क्सिङ्ङाङ् से़क्खाःन् आनिॽओ होःप्लो॥
1 John 3:4 in Limbu 4 लायो के़जोःक्पा काक्ले़ साम्योथिम्मिन् मे़भेःन्दुॽरो, थेआङ्भे़ल्ले़ के़रे़क् लायोःन्ने साम्योथिम्मिन् फेःमनाबारो॥