Philippians 3:8 in Limbu 8 खे़न्लक् मे़ःन्, कर आदाङ्बा ख्रिस्त ये़सुःन् कुसिङ् निःप्मा खोःमाङ्ग काक्नुःल्ले़ नुःबा पाःन् पोःक्खे़बाल्ले़ काक् पाःन्हाॽग हने़बाए इःत्तुङ्ङाङ् खुने़ॽ कुलागि लाङ् हाक्तुङ्देःसुङ्लो॥ ख्रिस्ते़न्खोःमा फाॽआङ् इङ्गाॽ खे़ङ्हाॽ ताम्जिरक् इःत्तुङ्लो॥
Other Translations King James Version (KJV) Yea doubtless, and I count all things but loss for the excellency of the knowledge of Christ Jesus my Lord: for whom I have suffered the loss of all things, and do count them but dung, that I may win Christ,
American Standard Version (ASV) Yea verily, and I count all things to be loss for the excellency of the knowledge of Christ Jesus my Lord: for whom I suffered the loss of all things, and do count them but refuse, that I may gain Christ,
Bible in Basic English (BBE) Yes truly, and I am ready to give up all things for the knowledge of Christ Jesus my Lord, which is more than all: for whom I have undergone the loss of all things, and to me they are less than nothing, so that I may have Christ as my reward,
Darby English Bible (DBY) But surely I count also all things to be loss on account of the excellency of the knowledge of Christ Jesus my Lord, on account of whom I have suffered the loss of all, and count them to be filth, that I may gain Christ;
World English Bible (WEB) Yes most assuredly, and I count all things to be loss for the excellency of the knowledge of Christ Jesus, my Lord, for whom I suffered the loss of all things, and count them nothing but refuse, that I may gain Christ
Young's Literal Translation (YLT) yes, indeed, and I count all things to be loss, because of the excellency of the knowledge of Christ Jesus my Lord, because of whom of the all things I suffered loss, and do count them to be refuse, that Christ I may gain, and be found in him,
Cross Reference Matthew 11:25 in Limbu 25 खे़न् ये़म्मो ये़सुरे़ तुवा चोगु, “आम्बे, साङ्ग्राम्पेदाङ् नु इक्सादिङ् खाम्बेःक्माल्ले़ दाङ्बाए, इङ्गाॽ नोगे़न् पिने़, थेआङ्भे़ल्ले़ खे़ने़ॽग सिक्कुम्साबाहाॽ हे़क्क्याङ् चाःप्पाहाॽनु के़माॽरुबा पाःन्निन् हिन्जाॽ हे़क्तङ्बाहाॽ ओसेःन्गे़धाक्तुसिरो॥
Matthew 13:44 in Limbu 44 याम्मो “साङ्ग्राम्पेदाङ्बा हाङ्जुम्मिङ्ग प्याङ्सिगे़न् इक्ताप्पो चिङ्मनाबा यरिक् याङ्भुःन् कुइसिःक् चोःक्लो॥ मनाधिक्ले़ खे़न् याङ्भुःन् खोःसुआङ् याम्मो चिक्खुरो, हे़क्क्याङ् खे़न् सःत्ल पेःक्काङ् खुने़ॽ कत्तुबा के़रे़क् चिगःक्वाहाॽ सङ्घुआङ् खे़न् प्याङ्सिगे़न् इक्ताप्पिन् इङुरो॥”
Matthew 16:16 in Limbu 16 सिमोन पत्रुसरे़ नोगप् पिरु, “खे़ने़ॽग निङ्वाॽफुमाङ्ङिल्ले़ सेःन्दुबा ख्रिस्त, आजुनि निङ्वाॽफुमाङ्ङिल्ले़ कुस्साःने़रो॥”
Matthew 19:27 in Limbu 27 पत्रुसरे़ नोगप् पिरु, “दाङ्बे, आनिगे़ग के़रे़क् पाःन्हाॽ ले़रुम्बे़, हे़क्क्याङ् खे़ने़ॽ तिम्मासिगे़आङ् वयिगे़रो॥ आनिगे़ग थे खोःसुम्बे़बाबे?”
Luke 1:43 in Limbu 43 हे़क्क्याङ् इङ्गाॽ आदाङ्बाल्ले़ कुम्माए आदुम्से़ ताःमा कन् आक्तङ्बा मिङ्सो इङ्धाःङ्ने़ इङ्गाॽ खोःसुङ्बे?
Luke 10:21 in Limbu 21 खे़न् ये़म्मो ये़सुःन् सेसेमाङ्ङिल्ले़ कुधिम् पोःक्खे़आङ् सःत्ते़र पारे़, “आम्बे, साङ्ग्राम्पेदाङ् नु इक्सादिङ् खाम्बेःक्माल्ले़ कुन्दाङ्बाए, इङ्गाॽ नोगे़न् पिने़, थेआङ्भे़ल्ले़ खे़ने़ॽग सिक्कुम्साबाहाॽ हे़क्क्याङ् चाःप्पाहाॽनु के़माॽरुबा पाःन्निन् हिन्जाॽ हे़क्तङ्बाहाॽ ओसेःन्गे़धाक्तुसिरो॥ आम्बे, बा अक्खे चोःक्माए खे़ने़ॽ के़सिराॽ थाङे़रो॥”
Luke 11:20 in Limbu 20 कर इङ्गाॽ निङ्वाॽफुमाङ्ङिल्ले़ कुमुक्साम्लाम् फे़न्साम्हाॽ नाःत्तुङ् लःत्तुङ्सिङ्लो, खे़ल्ले़ चोगुल्ले़ निङ्वाॽफुहाङ्जुम्मिन् खिनिॽ लुम्मो त्ये़ चुरे़आङ् वाॽ फाॽआङ् कुसिङ् निःत्ते़म्मे़ॽओ॥”
Luke 20:42 in Limbu 42 थेआङ्भे़ल्ले़ निङ्वाॽफुसाम्लो सुम्मो दाउदरे़ आबाङे अक्खे पाःत्तुआङ् पत्, “यहवे दाङ्बाल्ले़ इङ्गाॽ आदाङ्बान् अक्खे मे़त्तु, ‘के़निङ्मिहाॽ के़युक्को इङ्गाॽ मे़न्दाःत्छिङ्ङे थारिक् आजुप्साङ् ले़प्माङ् खे़ने़ॽ युङे़ॽओ॥’
John 14:7 in Limbu 7 खिनिॽ से़क्खाए याप्मि कुसिङ् के़निःत्तिआङ् के़वयिॽने़ फाॽग्र पानुदिङ् आम्बाआङ् कुसिङ् के़निःत्तुम्लो॥ आल्लाङ्धो खुने़ॽ कुसिङ् के़निःत्तुम्लो, थेआङ्भे़ल्ले़ खुने़ॽ के़निःसुम्माङ् के़वयिॽरो॥”
John 14:20 in Limbu 20 खे़न् ये़न्नो इङ्गाॽ पानुदिङ् आम्बाओ वाॽआ, हे़क्क्याङ् खिनिॽ इङ्गाॽओ के़वयिॽआङ् इङ्गाॽ खिनिॽओ वाॽआबा पाःन्निन् कुसिङ् के़निःत्तुम्लो॥
John 16:3 in Limbu 3 खे़ङ्हाॽरे़ पानुदिङ् पाःन् इग्र इङ्गाॽ याप्मि कुसिङ् मे़न्निःत्तान्बाल्ले़ चोगुल्ले़ खिनिॽ हे़क्के के़म्मे़त्तिॽरो॥
John 17:3 in Limbu 3 खे़ङ्हाॽरे़ से़क्खागे़न् निङ्वाॽफुमाङ्ङिन् खे़ने़ॽरक् फाॽआङ् कुसिङ् मे़निःत्तुर हे़क्क्याङ् खे़ने़ॽ के़बाङ्घुबा ये़सु ख्रिस्ते़न्कुसिङ् मे़निःत्तुर बा खे़न्ने मे़न्नुप्मनाबा हिङ्मन्लो॥
John 17:8 in Limbu 8 खे़ने़ॽ के़बिराङ्बा काक् पाःन्हाॽ खे़ङ्हाॽ पिरुङ्सिङ्ङाङ् मे़वाॽ हे़क्क्याङ् खे़ङ्हाॽरे़आङ् मे़दाःक्तुआङ् मे़वाॽरो॥ खे़ङ्हाॽरे़ इङ्गाॽ खे़ने़ॽलाम् त्याङ्बा फाॽआङ् से़क्खाए मे़निःसुआङ् मे़वाॽ हे़क्क्याङ् इङ्गाॽ के़बाङ्घाङ्बान् नसाःन् मे़जोगुआङ् मे़वाॽरो॥
John 20:13 in Limbu 13 खे़न् माङ्लाइङ्बाहाॽरे़ खुने़ॽ सेःन्दोःसे़त्छु, “खे़ने़ॽ थेआङ् के़हाःप्पाबे?” खे़ल्ले़ खे़ङ्हाॽ मे़त्तुसि, “इङ्गाॽ आदाङ्बाल्ले़ कुधक्किन् कप्मोलाम् खे़ङ्हाॽरे़ मे़देॽरुरो हे़क्क्याङ् आत्तान् मे़ने़स्सुआङ् ने़इ इङ्गाॽ मे़निआन्लो॥”
John 20:28 in Limbu 28 थोमाःल्ले़ मे़त्तु, “खे़ने़ॽग आदाङ्बा नु आनिङ्वाॽफुमाङ्ने़रो”
Acts 20:24 in Limbu 24 कर आहिङ्मन्नो दाङ्बा ये़सुरे़ पिराङ्बा याःम्बक्किन् चोःक्मा सुःप्मा हे़क्क्याङ् निङ्वाॽफुमाङ्ङिल्ले़ कुलुङ्गुम्मिल्ले़ कुयाःम्बेओ सुनाइङ्घङ् इङ्भोःमाआङ्धो वेॽ थेआङ् मे़इःत्तुङ्ङिन्लो॥
Romans 8:18 in Limbu 18 खुने़ॽ याङ्सि आबिबा मिमिदिङ्ङिन्नु तङ्माल्ले़ग कन् ये़म्मो आनिॽ आदुमुम्बा इनोगे़न् तुक्खेःन् थेआङ् मे़ःन्लो फाॽआङ् इःत्तुङ्लो॥
1 Corinthians 2:2 in Limbu 2 थेआङ्भे़ल्ले़ इङ्गाॽ खिनिॽनु वयाङ्ङिल्ले़ ये़सु ख्रिस्ते़न्नु सिलाम्साक्मा सिङ्सम्दाङ् खुने़ॽ कुसिःमे़न्नुःल्ले़ वेॽ पाःन्हाॽ निङ्वाॽमुःम्मा निःन्धो चोगुङ्ङाङ् वयाङ्॥
1 Corinthians 4:9 in Limbu 9 थेआङ्भे़ल्ले़ थङ् के़नाःम्बाहाॽरे़ खुनिॽ तिःक्लाओ काक्नुःल्ले़ एगाङ् के़बप्पा सिःमे़ल्ले़ खुम्दिङ् के़घोःबा कुइसिःक् निङ्वाॽफुमाङ्ङिल्ले़ आनिगे़ सेःक्युक्मिबाहाॽ काक्नुःल्ले़ एगाङ् फत्छिगे़आङ् मनालुम्मो ओसेःन्दाङ् चोगिगे़आङ् वाॽ के़लॽबान् निङ्वाॽ इःत्तुङ्लो॥ हे़क्क्याङ् आनिगे़ग काक् इक्सादिङ् खाम्बेःक्मो, माङ्लाइङ्बाहाॽ नु मे़न्छाम् याप्मिलुम्मो लामित्ता पोःक्खिगे़आङ् वयिगे़रो॥
1 Corinthians 9:10 in Limbu 10 से़क्खासाङ् कङ्ग आनिॽ लागिए पाःत्तुबा मे़ःम्बि? ओरो, थेआङ्भे़ल्ले़ प्याङ्सिगे़न् इक्ताप् के़धोःङ्बा नु पोगुगे़न् कुजा के़सुम्बे़ल्ले़ पोगुगे़न् कुजाःल्ले़न्लक् खोःमा खुने़ॽ निङ्साङ् चोगुॽरो॥
2 Corinthians 4:4 in Limbu 4 कन् इक्सादिङ् खाम्बेःक्मोबा माङ् माफे़न्साम्मिल्ले़ए नसाःन् मे़न्जोःक्मनाबाहाॽरे़ खुनिॽ निङ्वाॽइन्फे़त्लाःन्दु पिरुसिबाल्ले़ चोगुल्ले़ खे़ङ्हाॽरे़ ख्रिस्तरे़ कुमिमिदिङ्गे़न् सुनाइङ्ङिल्ले़न् ओःत्तिःन् निःमा मे़न्छुक्तुन्॥ ख्रिस्ते़ङ्ग निङ्वाॽफुमाङ्ङिल्ले़ कुइःत्लो॥
2 Corinthians 4:6 in Limbu 6 थेआङ्भे़ल्ले़ खादाम्मो ओःत्तिःन् ओःत्ल फाॽआङ् के़बाःप्पा निङ्वाॽफुमाङ्ङिल्ले़ ख्रिस्तरे़ कुनाराओ के़ओःप्पा निङ्वाॽफुमाङ्ङिल्ले़ कुमिमिदिङ्ले़न् ने़हिनिङ्वाॽइन्कुसिङ् निःप्मा आसुक्तुम्ल फाॽआङ् आनिगे़ सिक्लुङ्मो खुने़ॽ कुओःत्तिःन् ओःप्पाङ्घुआङ् वाॽरो॥
2 Corinthians 11:23 in Limbu 23 खे़ङ्हाॽ ख्रिस्तरे़ कुसेवारोबासिबि? इङ्गाॽग आल्लसाङ् साॽरिक् कुसेवारोबाआरो, कर अक्खेलॽरिक् पाःत्ताल्ले़ कुधना के़ले़ङ्बा कुइसिःक् चोःक्कारो॥ खे़ङ्हाॽनुःल्ले़आङ् इङ्गाॽ याम्बुधिक्काङ् याःम्बक् चोगाङ्, यरिक्ले़ङ् पुङ्लाहिम्मो साक्पा थ्याङ्, यरिक्ले़ङ् ते़ःम्भुक् च्याङ्, हे़क्क्याङ् ए़त्ले़ङ् सिःमा लिङ्धोओ के़राङ्लो॥
Ephesians 1:17 in Limbu 17 आनिॽ दाङ्बा ये़सु ख्रिस्तरे़ मिमिदिङ्गे़न् कुम्बा निङ्वाॽफुमाङ्ङिल्ले़ खुने़ॽ कुयाःम्बेओ नुःरिक्काङ् कुसिङ् निःप्मारे़ लागि सिक्कुम्दिङ् निङ्वाॽ के़बिबा नु निङ्वाॽफुमाङ्ङिन् ओसेःन्दाङ् के़जोःक्पा सेसेमाङ्ङिन् के़बिरिर फाॽआङ् तुवा चोःक्कारो॥
Ephesians 3:8 in Limbu 8 निङ्वाॽफुमाङ्ङिल्ले़ के़रे़क् सेसे कुमनाहाॽनुःल्ले़ इङ्गाॽ योःयोःक्पा चोःक्कासाङ् कुसिङ् निःप्माए सुक्मे़न्दे़प्मनाबा ख्रिस्तरे़ आबिरे़बा हाङ्वा मुॽइसाम्मिल्ले़ कुयाःम्बेओ थिम्मे़न्दङ् सुवाङ्हाॽ इङ्भोःमासि फाॽआङ् कन् लुङ्गुम्मिन् इङ्गाॽ पिराङ्लो॥
Ephesians 3:18 in Limbu 18 हे़क्केलॽरिक् खिनिॽ के़रे़क् निङ्वाॽफुमाङ्ङिल्ले़ सेसे कुमनाहाॽनु ख्रिस्तरे़ आक्खे़न् साॽरिक् लुङ्माॽ आदुक् के़लॽबान् काक् परिक्लाम् कुसिङ्निःप्मा के़सुक्तुम्लो॥
Ephesians 4:13 in Limbu 13 हे़क्केलॽरिक् आनिॽ के़रे़क् नसाःन्नो नु निङ्वाॽफुसाःल्ले़ कुने़हिनिङ्वाॽओ थिक्हुप् आबोःङ्, हे़क्क्याङ् दाङ्बाओ के़रे़क् खासिङ् के़निःप्पा आबोःङ्ङाङ् ख्रिस्तओ कुलिङ्धो आगे़त्लो॥
Philippians 3:7 in Limbu 7 कर आत्तिन् पाःन्हाॽ आलागि इङ्धाःङ्बा चोगे़, खे़ङ्हाॽ के़रे़क् ख्रिस्तरे़ चोगुल्ले़ कुमे़ल्लुङ् मे़ःन्नेबा इःत्तुङ्लो॥
Philippians 3:10 in Limbu 10 इङ्गाॽग ख्रिस्ते़न्नु सिःमे़न्लाम् याम्मो कुहिङ्वे़त् के़जोःक्पा मुक्साम्मिन् कुसिङ्निःप्मा निङ्वाॽ चोगुङ्लो, हे़क्क्याङ् खुने़ॽ इनोगे़न् तुक्खे च्ये़बा हे़क्के इङ्गाॽआङ् तुक्खे चामाआङ् कुसिःमे़न्नो सोरिक् पोःङ्मा निङ्वाॽ चोगुङ्,
Colossians 2:2 in Limbu 2 खिनिॽ के़रे़क्ले़ सिक्लुङ्मो हाङ्हाङ् के़बोःक्खिआङ् खिनिॽ लुङ्माॽ तुक्सिङ्मो थिक्हुप् के़बोःक्खिर के़लॽबा आनिङ्वाॽ वाॽरो, हे़क्केलॽरिक् खिनिॽ के़रे़क्ले़ कुलिङ्धो इःत्छिङ्साम् के़घोःसुम्माङ् निङ्वाॽफुमाङ्ङिल्ले़ कुसिबिॽ पाःन्निन् कुसिङ्के़निःत्तुम्लरो॥ खे़न् कुसिबिॽ पाःन्निङ्ग ख्रिस्ते़न्नेरो॥
2 Timothy 4:6 in Limbu 6 थेआङ्भे़ल्ले़ इङ्गाॽ आसिःमा ये़म्मिङ्ग निःत्ताङ्ङे त्ये़आङ् वाॽरो॥ इङ्गाॽ आहिङ्मन्निङ्ग निङ्वाॽफुमाङ्ङिन् तोःम्मनाबा सिदुङ्जभा कुइसिःक् चोःक्॥
Hebrews 3:14 in Limbu 14 आनिॽ तगि नसाःन् आजोगुम्बा ये़म्मो खुने़ॽ ताःक्पो आजोगुम्बा कुइसिःक् कुनुप्मो थारिक् नसाःन्साबा आबोःङ्ने़ फाॽग्र ख्रिस्ते़न्नु लक् के़घोःबा आबोःक्खे़आङ् आवाॽरो॥
1 Peter 2:7 in Limbu 7 आल्ल खिनिॽ नसाःन् के़जोःक्पाहाॽरे़ लागि खुने़ॽ इमे़ल्लुङ्बा लुङ् चोःक्लो, कर नसाःन् मे़न्जोःक्मनाबाहाॽरे़ लागिग साम्योसाप्लाओ अक्खे साप्ते़आङ् पत्, “लुङ् के़गाम्बाहाॽरे़ मे़नाॽरुबा लुङ्ङिन् कुम्मालुङ् पोःक्खे़आङ् वाॽरो॥”
2 Peter 1:3 in Limbu 3 आबाङे कुमिमिदिङ् नु कुनो-कुदाओ याप्मि के़उःप्पे़न् नुःरिक्काङ् कुसिङ् आनिःत्तुम्बाल्ले़ चोगुल्ले़ हिङ्मन्नो नु माङ्सेवा चोःक्माओ चाहाबा आजोःक्पा काक् पाःन्हाॽ निङ्वाॽफुमाङ्ङिल्ले़ कुमुक्साम्लाम्बा खुने़ॽ आबिॽरो॥
2 Peter 3:18 in Limbu 18 कर आनिॽ दाङ्बा नु से़न्लप्दाङ्बा ये़सु ख्रिस्तरे़ आबिबा ने़हिनिङ्वाॽओ नु कुलुङ्गुम्मो पोःरे़म्मे़ॽओ॥ आल्लो नु सदादिङ् दाङ्बाल्ले़ कुमिमिदिङ् पोःङ्लरो! आमे़न्॥
1 John 1:3 in Limbu 3 खिनिॽ आनिगे़नु सेसे तङ्जुम् के़जोगुम्ल फाॽआङ् आनिगे़ निःमनाबा नु खे़म्मनाबा पाःन्हाॽ खिनिॽ मे़त्तासिगे़बारो॥ आनिॽ तङ्जुम्मिङ्ग पानुदिङ् पाः निङ्वाॽफुमाङ्ङिन्नु हे़क्क्याङ् आबुगे़न् कुस्साः ये़सु ख्रिस्ते़न्नु वाॽरो॥
1 John 2:19 in Limbu 19 खे़ङ्हाॽग आनिॽलाम् मे़लःन्दे़ मे़बे, कर से़क्खाःल्ले़ग खे़ङ्हाॽ आनिॽ मनाहाॽ मे़न्वये़न्लो, थेआङ्भे़ल्ले़ खे़ङ्हाॽ आनिॽ मनाहाॽ मे़वये़ल्ले़ग खे़ङ्हाॽ आनिॽनुए मे़याःक्ते़बा मे़ःन्लो॥ कर खे़ङ्हाॽरे़ पक्आम्ध्ये़आङ् मे़बेबाल्ले़ खे़ङ्हाॽ के़रे़क् आनिॽहाॽ मे़ःन्छि के़लॽबान् ओसेःन्दाङ् पोःक्खे़रो॥
1 John 5:20 in Limbu 20 निङ्वाॽफुसाःन् ये़आङ् वाॽ फाॽआङ् कुसिङ् आनिःत्तुम्, हे़क्क्याङ् से़क्खाबा निङ्वाॽफुमाङ्ङिन् कुसिङ् आनिःत्तुम्ल फाॽआङ् सिक्कुम्दिङ् निङ्वाॽ आबिरे़आङ् आवाॽरो॥ हे़क्क्याङ् आल्लो आनिॽ से़क्खाबा निङ्वाॽफुमाङ्ङिन्नु हे़क्क्याङ् आबुगे़न् कुस्साः ये़सु ख्रिस्ते़न्नु सोरिक् आवाॽरो॥ खुने़ॽए से़क्खाबा निङ्वाॽफुमाङ् नु मे़न्नुप्मनाबा हिङ्मन्लो॥