Philippians 3:12 in Limbu 12 इङ्गाॽ कन् के़रे़क् पाःन्हाॽ खोःसुङ् इग्र कुसाङ् लस्सुङ् सुरुङ्ङाङ् वाॽआ के़लॽबाग मे़ःन्लो, कर इङ्गाॽग कन् पाःन्हाॽ खोःमा फाॽआङ् तगि पोआर पत्तारो, थेआङ्भे़ल्ले़ बा खे़ल्ले़ लागि ख्रिस्त ये़सुरे़ ताङ्से़ःप्ताङ्बारो॥
Other Translations King James Version (KJV) Not as though I had already attained, either were already perfect: but I follow after, if that I may apprehend that for which also I am apprehended of Christ Jesus.
American Standard Version (ASV) Not that I have already obtained, or am already made perfect: but I press on, if so be that I may lay hold on that for which also I was laid hold on by Christ Jesus.
Bible in Basic English (BBE) Not as if I had even now got the reward or been made complete: but I go on in the hope that I may come to the knowledge of that for which I was made the servant of Christ Jesus.
Darby English Bible (DBY) Not that I have already obtained [the prize], or am already perfected; but I pursue, if also I may get possession [of it], seeing that also I have been taken possession of by Christ [Jesus].
World English Bible (WEB) Not that I have already obtained, or am already made perfect; but I press on, if it is so that I may take hold of that for which also I was taken hold of by Christ Jesus.
Young's Literal Translation (YLT) Not that I did already obtain, or have been already perfected; but I pursue, if also I may lay hold of that for which also I was laid hold of by the Christ Jesus;
Cross Reference Acts 9:3 in Limbu 3 हे़क्क्याङ् खुने़ॽ दमस्कसरे़ कुबेसाङ् के़रे़र पत्छे़ल्ले़ हक्चघत् ताङ्साक्पोलाम् से़न्दाङ्गे़न् ओःत्ति खुने़ॽ कुघिरि ले़क्ते़रो॥
Acts 9:15 in Limbu 15 कर दाङ्बाल्ले़ हननियाःन् मे़त्तु, “खे़ने़ॽ पेगे़ॽ! थेआङ्भे़ल्ले़ खे़न् मनाःन् इङ्गाॽ आसेवा चोगुनि फाॽआङ् सेगुङ्ङाङ् वाॽआरो॥ खे़ल्ले़ग थिम्मे़न्दङ् सुवाङ्हाॽ, हाङ्हाॽ, नु इस्राइलिहाॽ आमिङ् इङ्भन् चोगुसिॽरो॥
Romans 7:19 in Limbu 19 थेआङ्भे़ल्ले़ नुःबा पाःन्हाॽ चोःक्मा निङ्वाॽ चोगुङ्, खे़न् मे़जोःक्कान्, कर ताप्फे़ःम्बा पाःन्हाॽ मे़न्जोःक्मा निङ्वाॽ चोगुङ्बान्ने़ चोगुङ्ल वाॽआरो॥
1 Corinthians 13:10 in Limbu 10 कर कुलिङ्धो के़गे़प्पे़न् ताःल्ले़ कुलिङ्धो मे़ङ्गे़प्मनाबान् माबेःक्लो॥
2 Corinthians 7:1 in Limbu 1 आमिःम् आन्जुम्से, आनिॽग कन् माङ्हे़क्हाॽ आघोःसुम्माङ् आवाॽबाल्ले़ चोगुल्ले़ आनिॽ नासिङ्गे़न् थक् नु याम्साम् के़जिःम्बा पाःन्हाॽलाम् सेसे चोःक्कासिरो॥ हे़क्क्याङ् निङ्वाॽफुमाङ्ङिल्ले़ मिङ्सो इङ्धाःङ् खोःसुर फाॽआङ् आनिॽ सेसे पोःक्खिर पिगिरो॥
2 Corinthians 13:9 in Limbu 9 आनिगे़ मे़न्धुम्मना पोःक्खिगे़आङ् खिनिॽ से़क्खाए के़धुम्बा के़बोःक्खिल्ले़ सःत्तिगे़रो॥ आनिगे़ग खिनिॽ नसाःन्नो कुलिङ्धो के़गे़रिर फाॽआङ् तुवा चोगुम्बे़ॽरो॥
Galatians 5:17 in Limbu 17 थेआङ्भे़ल्ले़ आनिॽ लायोबा निङ्वाॽइन्सेसेमाङ्ङिल्ले़ कुदक्ले़ङ्वाओ पोःक्लो, हे़क्क्याङ् सेसेमाङ्ङिन्नाङ्लायोबा निङ्वाॽइल्ले़ कुदक्ले़ङ्वाओ पोःक्लो, थेआङ्भे़ल्ले़ खे़ङ्हाॽ मे़दङ्सिन्लो॥ हे़क्केलॽरिक् चोःक्मा के़इःत्तुम्बा नुःबा याःम्बक्हाॽ सदादिङ् के़न्जोगुम्मिन्लो॥
Ephesians 1:4 in Limbu 4 खुने़ॽ कुनिःमाओ सेसे नु आप्तिक् मे़ःन्नेबा आबोःङ्ल फाॽआङ् ख्रिस्ते़ल्ले़ चोगुल्ले़ इक्सा खाम्बेःक् पोःङ्मानुःल्ले़ तगिसा आसेगे़आङ् वये़॥ खुने़ॽ लुङ्माॽ आदुक्ते़बाल्ले़ चोगुल्ले़
Ephesians 4:12 in Limbu 12 हे़क्केलॽरिक् सेसेहुप्लक् ख्रिस्तरे़ कुधक्किन् थोबो पोःङ्ल फाॽआङ् निङ्वाॽफुमाङ्ङिल्ले़ सेसे कुमनाहाॽ माङ्सेवा याःम्बक् चोःक्मारे़ लागि यारिप् मे़बोःङ्लरो॥
Philippians 3:13 in Limbu 13 आमिःम् फुॽनुसाॽ नु ने़ॽनुसाॽसे, इङ्गाॽग आल्लसाङ् काक् पाःन्हाॽ मे़ङ्घोए वाॽआरो॥ कर इङ्गाॽ लत्छा याःम्बक्किन् चोगुङ्–पेये़म्बा पाःन्हाॽ निङ्वाॽ फे़ःत्छुङ्ङाङ् इङ्गाॽग तगि ले़प्माङ्ने़ लुबुबु पोआरो॥
Philippians 3:16 in Limbu 16 कर आल्लो थारिक् थे नसाःन् आजोगुम्माङ् आवाॽ खे़प्मोए मे़म्मुन्ने वयिरो॥
1 Thessalonians 5:15 in Limbu 15 खिनिॽ आत्तिल्ले़आङ् ताप्फे़ःम्बाल्ले़ कुले़क्वा ताप्फे़ःम्बा मे़जोगे़म्मिन्ने़ॽ, कर खिनिॽ लुम्मो हे़क्क्याङ् वेॽहाॽनुआङ् नुःबा मे़त्छिङ्मा सदादिङ् तम्सिन् चोगे़म्मे़ॽओ॥
2 Thessalonians 2:13 in Limbu 13 दाङ्बाल्ले़ लुङ्माॽ के़दुक्तिबा फुॽनुसाॽ नु ने़ॽनुसाॽसे, खिनिॽ याःम्बेओ निङ्वाॽफुमाङ्ङिन् आनिगे़ सदादिङ् नोगे़न् पिमाए पोःङ्लो, थेआङ्भे़ल्ले़ तोलिङ्सोमुआङ्धोए सेसेमाङ्ङिल्ले़ सेसेगे़न् सुत्थो चोगुबा कुयाःम्बक्लाम् नु से़क्खाओ नसाःन् चोःक्मालाम् निङ्वाॽफुमाङ्ङिल्ले़ खिनिॽ ताङ्से़ःप्सिङ्मा फाॽआङ् के़सेगिरो॥
1 Timothy 5:10 in Limbu 10 हे़क्क्याङ् नुःबा याःम्बक्को मिङ्सो इङ्धाःङ् के़घोःमा पोःङ्मा पोःङ्लो॥ खे़ङ्ग हिन्जाॽबित्छाहाॽ नुःरिक्काङ् कम्ब्राङ् के़मे़प्मा, लाम्दिःक्पाहाॽ तरे के़दोमा, नसानिबाहाॽरे़ खुनिॽ लाङ् वागे़हप्मा, इनोगे़न् तुक्खेओ के़वाॽबाहाॽ कुभाॽ के़बिमा, हे़क्क्याङ् नुःब्नुःबा याःम्बक्को निङ्वाॽ के़बिमा पोःङ्मा पोःङ्लो॥
1 Timothy 6:11 in Limbu 11 कर खे़ने़ॽ, निङ्वाॽफुमाङ्ङिल्ले़ कुमनाए, कन् पाःन्हाॽलाम् लाःत्लाःत् वये़ॽओ, हे़क्क्याङ् साम्योनिबा, साप्चुवाबा, नसाःन्साबा, मिःम्जिसाबा, नासि के़धःप्पा, हे़क्क्याङ् चुङ्जिगे़न् नःम्माल्ले़ कुधिम् पोःङ्मा तम्सिन् चोगे़ॽओ॥
1 Timothy 6:19 in Limbu 19 अक्खेलॽरिक् खे़ङ्हाॽरे़ ताये़म्मिल्ले़न् ने़म्भोगे़न् पाङ्यक् मे़युक्खुररो॥ हे़क्क्याङ् खे़ङ्हाॽरे़ से़क्खाबा हिङ्मन्निन् मे़दे़म्सु मे़युक्खुररो॥
Hebrews 12:14 in Limbu 14 काक् मनाहाॽनु सनारुङ्ङो वाॽमा नु सेसे पोःङ्मा काक् परिक्ले़ तम्सिन् चोगे़म्मे़ॽओ॥ सेसे मे़म्बोःङ्ङेग आत्तिन् मनाःल्ले़आङ् यहवे दाङ्बान् मे़निःसुन्लो॥
Hebrews 12:23 in Limbu 23 खिनिॽग साङ्ग्राम्पेदाङ्ङो खुनिॽ मिङ्हाॽ साप्ते़आङ् के़वाॽबा तुम्बा लक् के़घोःबाहाॽरे़ खुनिॽ चुम्लुङ्ङो के़द्ये़ॽइआङ् के़वयिॽरो॥ खिनिॽग काक् मनाहाॽरे़ खुनिॽ खासे़न्दाङ्बा निङ्वाॽफुमाङ्ङिल्लो, हे़क्क्याङ् कुलिङ्धो के़गे़प्पा मे़जोगे़बा साम्योनिबाहाॽरे़ खुनिॽ याम्साम्लुम्मो के़द्ये़ॽइआङ् के़वयिॽरो॥
Hebrews 13:21 in Limbu 21 खुने़ॽ कुनिङ्वाॽ कुइसिःक् चोःक्मा चाहाबा के़जोगिबा काक् पाःन्हाॽरे़ के़गाप्तिररो॥ निङ्वाॽफुमाङ्ङिल्ले़ कुनिङ्वाॽ के़दाःबा काक् पाःन्हाॽ ये़सु ख्रिस्तलाम्बा खिनिॽओ चोगुनिरो॥ हे़क्क्याङ् सदादिङ् सदादिङ् ख्रिस्तरे़ कुमिमिदिङ् पोःङ्निरो॥ आमे़न्॥
James 3:2 in Limbu 2 आनिॽ के़रे़क् यरिक् पाःन्हाॽओ आबेःन्लो, कर आत्तिन् मनाःन् आबाङे पाःत्तुबा पाःन्नो मे़बेःन्निन्ने़ फाॽग्र से़क्खासाङ् खे़ल्ले़ग नासिङ्गे़न् कुधक्किन् युक्को कप्मा सुक्तुॽ, हे़क्क्याङ् खे़न् मनाःन् कुलिङ्धो के़गे़प्पा पोःङ्लो॥
1 Peter 3:11 in Limbu 11 खे़ल्ले़ फे़न् याःम्बक् चोःक्मा ले़प्माआङ् नुःबा याःम्बक् चोःक्मा पोःङ्॥ सनारुङ्ङो वाॽमा तम्सिन् चोगुर पोःङ् हे़क्क्याङ् हाबा खे़न् पाःन्नो पप्माए पोःङ्लो॥
1 Peter 5:10 in Limbu 10 काक् लुङ्गुम् के़गप्पा निङ्वाॽफुमाङ्ङिल्ले़ ख्रिस्ते़न्नु सोरिक् मे़न्नुप्मनाबा कुमिमिदिङ्ङिन् लक् के़घोःसुम्ल फाॽआङ् के़उःत्तिआङ् के़वयिॽरो॥ कर सप्फाधिक् इनोगे़न् तुक्खे के़ज्ये़ॽइआङ्खुने़ॽए खिनिॽ कुलिङ्धो के़गे़त्तिॽ हे़क्क्याङ् थधप्मे़ल्लॽमनाबा नु के़धुम्बा के़जोगिआङ् मे़म्मुम्मना ने़म्भोओ के़युक्खिॽरो॥
2 Peter 1:5 in Limbu 5 खे़ल्ले़ चोगुल्ले़ खिनिॽ नसाःन्नो कुनो-कुदा योॽमा खिनिॽ सुक्सुक् तम्सिन् चोगे़म्मे़ॽ, हे़क्क्याङ् कुनो-कुदाओ साम्जिक्किन् योॽरे़म्मे़ॽ,
2 Peter 3:18 in Limbu 18 कर आनिॽ दाङ्बा नु से़न्लप्दाङ्बा ये़सु ख्रिस्तरे़ आबिबा ने़हिनिङ्वाॽओ नु कुलुङ्गुम्मो पोःरे़म्मे़ॽओ॥ आल्लो नु सदादिङ् दाङ्बाल्ले़ कुमिमिदिङ् पोःङ्लरो! आमे़न्॥