Philippians 1:1 in Limbu 1 फिलिप्पि ये़क्यक्को के़वाॽबा ख्रिस्त ये़सुःन्नसाःन् के़जोःक्पा निङ्वाॽफुमाङ्ङिल्ले़ के़रे़क् सेसे कुमनाहाॽ हे़क्क्याङ् सेसेहुप्लक्कोबा लाम्लोःबाहाॽ नु माङ्सेवारोबासे ख्रिस्त ये़सुरे़ कुसेवारोबा इङ्गाॽ पावल नु तिमोथिरे़ कन् सक्इङ्घङ्ङिन् हाक्कासिगे़रो॥
Other Translations King James Version (KJV) Paul and Timotheus, the servants of Jesus Christ, to all the saints in Christ Jesus which are at Philippi, with the bishops and deacons:
American Standard Version (ASV) Paul and Timothy, servants of Christ Jesus, to all the saints in Christ Jesus that are at Philippi, with the bishops and deacons:
Bible in Basic English (BBE) Paul and Timothy, servants of Jesus Christ, to all the saints in Christ Jesus at Philippi, with the Bishops and Deacons of the church:
Darby English Bible (DBY) Paul and Timotheus, bondmen of Jesus Christ, to all the saints in Christ Jesus who are in Philippi, with [the] overseers and ministers;
World English Bible (WEB) Paul and Timothy, servants of Jesus Christ; To all the saints in Christ Jesus who are at Philippi, with the overseers{The word translated "overseers" (episkopos) can also be translated superintendents, guardians, curators, or bishops.} and deacons{Or, servants}:
Young's Literal Translation (YLT) Paul and Timotheus, servants of Jesus Christ, to all the saints in Christ Jesus who are in Philippi, with overseers and ministrants;
Cross Reference Mark 13:34 in Limbu 34 कन् पाःन्निङ्ग थिक् माःङ्घा लाम्दिःक् चोःक्से़ के़बेःक्पा मना कुइसिःक् चोःक्लो॥ खे़ल्ले़ काक् कुसेवारोबाहाॽ खुनिॽ चोःक्मा के़बोःङ्बा याःम्बक्हाॽ ओसेःन्धाक्तुसिआङ् कुहिम्धाःङ्हाॽ खुनिॽ हुक्को पिरुसिॽ, हे़क्क्याङ् थिक् हिम् के़गोःबा सेवारोबान् हिम् कोमा पाङ्घुआङ् खुने़ॽ लाम्दिःक्को पेःक्लो॥
John 12:26 in Limbu 26 आत्तिल्ले़ इङ्गाॽ सेवा चोःक्का खे़ल्ले़ इङ्गाॽ तिम्माए पोःङ्, हे़क्केःल्ले़ इङ्गाॽ आत्तो वाॽआ, इङ्गाॽ आसेवारोबान्नाङ् खे़प्मोए वाॽरो॥ आत्तिल्ले़ सेवा चोःक्का खे़ङ्ग पानुदिङ् आम्बारे़ मिङ्सो इङ्धाःङ् पिरुरो॥”
Acts 1:20 in Limbu 20 पत्रुसरे़ पाःत्तु, “अक्खेलॽरिक् कन् पाःन्निन् साप्पन्नो साप्ते़आङ् पत्, ‘खे़ल्ले़ कुहिम्धाःङ्हाॽ कुघाले़म् पोःङ्लरो॥’ हे़क्क्याङ् ‘खे़प्मो के़युङ्बा हाःत्ताङ् मे़होःप्लरो॥’ हे़क्क्याङ् ‘माङ्सेवा चोःक्मा कुलक्किन्वेॽ मनाःल्ले़ खोःसुररो॥’
Acts 6:1 in Limbu 1 आल्ल खे़न् ये़म्मो हुॽसाम्बाहाॽ चक्मे़ल्लॽए मे़बोःरे़र मे़बेःल्ले़ ग्रिक के़बाःप्पा यहुदिहाॽ नु हिब्रु के़बाःप्पा यहुदिहाॽओ खे़माॽ पोगे़रो॥ ग्रिक के़बाःप्पा यहुदिहाॽरे़ आनिगे़ मेमेदुमाहाॽ थिक्याःन्धक्पा चामा थुङ्मा मे़हासुबाओ नुःरिक्काङ् कम्ब्राङ् मे़न्जोगुसिन् फाॽआङ् लुङ्मे़हाःत्तुसिरो॥
Acts 9:13 in Limbu 13 हननियाःल्ले़ अत्तुर नोगप् पिरु, “कर आदाङ्बे, खे़ल्ले़ग यरुसले़म्मोबा खे़ने़ॽ सेसे के़मनाहाॽ यरिक् तुक्खे चाःत्तुसिबा इङ्गाॽ खे़प्सुङ्ङाङ् वाॽआरो॥
Acts 16:1 in Limbu 1 पावले़न् दर्बि नु लुस्त्रा ये़क्यक्हाॽओ त्ये़रो॥ खे़प्मो तिमोथि मे़प्मनाबा नसानिबाधिक् वये़, हे़क्क्याङ् खे़ल्ले़ कुम्मा नसाःन् के़जोःक्मा यहुदि वये़, कर कुम्बा ग्रिक वये़॥
Acts 16:12 in Limbu 12 खे़प्मोलाम् आनिगे़ लाङ्घेःक्मनाआङ् फिलिप्पिओ के़प्मनारो॥ खे़ङ्ग मे़सेदोनियास्मा थुम्मोबा के़ये़क्पा ये़क्यक् नु रोमि यक्लाजेॽआङ् वये़रो॥ खे़प्मो आनिगे़ कुभा ये़न् वयिगे़रो॥
Acts 20:28 in Limbu 28 हे़क्केःल्ले़ के़रे़क् लाम्लोःबाहाॽरे़ खिनिॽ लक्पे़न्नो के़वाॽबा मनाहाॽ नुःरिक्काङ् ओमे़त्ते़म्सिम्मे़ॽओ॥ सेसेमाङ्ङिल्ले़ खिनिॽ कम्ब्राङ् के़मे़प्पा के़जोगिआङ् वाॽ॥ निङ्वाॽफुमाङ्ङिल्ले़ लुङ्माॽ तुक्तुबा आबुगे़न् कुस्साःल्ले़ कुमाक्खिॽइल्ले़ इङुबा सेसेहुप्लक्किन् कम्ब्राङ् मे़त्ते़म्मे़ॽ॥
Romans 1:1 in Limbu 1 निङ्वाॽफुमाङ्ङिल्ले़ सेःक्युक्मिबा पोःङ्से़ सेगाङ्ङाङ् कुसुनाइङ् इङ्भोःसे़ उःत्ताङ्बा ये़सु ख्रिस्तरे़ कुसेवारोबा इङ्गाॽ पावलरे़ कन् सक्इङ्घङ्ङिन् हाक्निङ्बारो॥
Romans 1:7 in Limbu 7 निङ्वाॽफुमाङ्ङिल्ले़ साॽरिक् मिःम्जि के़मे़त्तिॽआङ् आबाङे कुसेसे मना पोःङ्से़ के़उःत्तिबा रोम ये़क्यक्कोबा आमिःम् फुॽनुसाॽ नु ने़ॽनुसाॽसे, आनिॽ पानुदिङ् पाः निङ्वाॽफुमाङ् नु दाङ्बा ये़सु ख्रिस्तरे़ हाराॽ लुङ्गुम् नु सनारुङ् के़बिरिररो॥
1 Corinthians 1:1 in Limbu 1 निङ्वाॽफुमाङ्ङिल्ले़ कुनिङ्वाॽलाम्बा ख्रिस्त ये़सुरे़ कुसेःक्युक्मिबा पोःङ्से़ सेगाङ्बा इङ्गाॽ पावल नु आनिॽ नुसाॽ सोस्थे़नेसलाम्बा
1 Corinthians 16:10 in Limbu 10 तिमोथिःन् खे़प्मो ताःल्ले़ नुःरिक्काङ् लाङ्दाःक्ते़म्मे़ॽओ, थेआङ्भे़ल्ले़ खुने़ॽग इङ्गाॽ चोगुङ्बा कुइसिःक्के दाङ्बाल्ले़ कुयाःम्बक् चोगुर वाॽरो॥
2 Corinthians 1:1 in Limbu 1 निङ्वाॽफुमाङ्ङिल्ले़ कुनिङ्वाॽलाम्बा ख्रिस्त ये़सुरे़ कुसेःक्युक्मिबा पोःङ्से़ सेगाङ्बा इङ्गाॽ पावल नु आनिॽ नुसाॽ तिमोथिरे़ कोरन्थि ये़क्यक्कोबा निङ्वाॽफुमाङ्ङिल्ले़ कुसेसेहुप्लक् नु अक्खैया ते़ङ्गप् खाराक् के़युङ्बा काक् ख्रिस्ते़न्नसाःन् के़जोःक्पाहाॽ कन् सक्इङ्घङ्ङिन् हाक्कासिगे़बारो॥
Ephesians 1:1 in Limbu 1 एफिसस ये़क्यक्को के़वाॽबा ख्रिस्त ये़सुःन् के़दिम्बा नसाःन्साबा निङ्वाॽफुमाङ्ङिल्ले़ कुसेसे मनासे, ख्रिस्त ये़सुरे़ कुसेःक्युक्मिबा पोःङ्से़ निङ्वाॽफुमाङ्ङिल्ले़ सेगाङ्बा इङ्गाॽ पावलरे़ कन् सक्इङ्घङ्ङिन् हाक्निङ्बारो॥
Ephesians 1:15 in Limbu 15 खे़ल्ले़ चोगुल्ले़ इङ्गाॽआङ् दाङ्बा ये़सुःन् के़जोगुम्बा नसाःन्निन् नु के़रे़क् निङ्वाॽफुमाङ्ङिल्ले़ सेसे कुमना नसानिबाहाॽ लुङ्माॽ के़दुक्तुम्सिम्बा पाःन्निन् खे़प्सुङ्ङाङ्
Colossians 1:1 in Limbu 1 निङ्वाॽफुमाङ्ङिल्ले़ सेगुसिबा कलस्सि ये़क्यक्को के़वाॽबा ख्रिस्ते़न्नसाःन् के़जोःक्पा नसानिबासे निङ्वाॽफुमाङ्ङिल्ले़ ख्रिस्त ये़सुरे़ कुसेःक्युक्मिबा पोःङ्से़ सेगाङ्बा इङ्गाॽ पावल नु आनिॽ नुसाॽ तिमोथिरे़ कन् सक्इङ्घङ्ङिन् हाक्कासिगे़बारो॥ आनिॽ पानुदिङ् पाः निङ्वाॽफुमाङ्ङिल्ले़ सनारुङ् नु लुङ्गुम् के़बिरिररो॥
1 Thessalonians 1:1 in Limbu 1 पानुदिङ् पाः निङ्वाॽफुमाङ् नु दाङ्बा ये़सु ख्रिस्ते़न्नसाःन् के़जोःक्पा थिस्सलोनिका ये़क्यक्स्मा सेसेहुप्लक्कोबा याप्मिहाॽओ, इङ्गाॽ पावल, सिलास नु तिमोथिलाम्बा कन् सक्इङ्घङ्ङिन् हाक्कासिगे़बारो॥ हाराॽ निङ्वाॽफुमाङ्लाम्बा सनारुङ् नु लुङ्गुम् के़घोःसुम्लरो॥
1 Thessalonians 2:2 in Limbu 2 कर खिनिॽओ तामानुःल्ले़ तगिए फिलिप्पि ये़क्यक्को आनिगे़ नामे़धाःसु मे़बिरिगे़आङ् ताप्फे़ःल्लिक् मे़मे़त्तिगे़बाङ्ग खिनिॽ के़निःसुम् के़ले़स्सुम्माङ्ङे के़वयिॽरो॥ मनाहाॽरे़ आनिगे़ साॽरिक्मे़अत्तिगे़साङ् खिनिॽ लुम्मो निङ्वाॽफुमाङ्ङिल्ले़ कुसुनाइङ् इङ्भन् चोःक्से़ आनिॽ निङ्वाॽफुमाङ्ङिल्ले़ आःन्छिङ्मा पिरिगे़रो॥
2 Thessalonians 1:1 in Limbu 1 आनिॽ पानुदिङ् पाः निङ्वाॽफुमाङ्ङिन् नु दाङ्बा ये़सु ख्रिस्तओ थिस्सलोनिकास्मा सेसेहुप्लक्कोबा कुयाप्मिहाॽओ इङ्गाॽ पावल, सिलास नु तिमोथिरे़ कन् सक्इङ्घङ्ङिन् हाक्कासिगे़बारो॥
2 Thessalonians 1:10 in Limbu 10 खुने़ॽ कुनुःङ्मा युःमा ये़न्नो आबाङे सेसे कुमनाहाॽ नु खुने़ॽ नसाःन् के़जोःक्पाहाॽओलाम् मिमिदिङ् ने़म्भोःमा ताःक्तुरो॥ खे़प्मोग खिनिॽआङ् के़वयिॽरो, थेआङ्भे़ल्ले़ खिनिॽ इङ्भन् चोःक्कासिगे़बा सुनाइङ्ङिन्नसाःन् के़जोगुम्लो॥
1 Timothy 3:1 in Limbu 1 आत्तिन् मनाःल्ले़ लाम्लोःबा याःम्बक् चोःक्मा निङ्वाॽ चोगुॽ, खे़ल्ले़ से़क्खाए नुःबा याःम्बक् चोःक्मा नोनिङ्वाॽ चोगुॽ के़लॽबा पाःन्निङ्ग से़क्खाएरो॥
1 Timothy 3:8 in Limbu 8 बा हे़क्केलॽरिक् सेसेहुप्लक्पा माङ्सेवारोबाहाॽग नो ये़प्ले़क्साबा नु निङ्वाॽइरे़ खोःप्तुसिबा पोःङ्मा पोःङ्लो॥ खे़ङ्हाॽ यरिक् थिः के़धुङ्बा नु फे़न् लाम्मोलाम् याङ् के़धक्पा पोःङ्मा मे़नुॽने़न्लो॥
1 Timothy 3:10 in Limbu 10 खे़ङ्हाॽ सेःक्युक् चोःक्मानुःल्ले़ तगि खुनिॽ ये़प्ले़क् नु सुम्बोधाःन् साॽमा पोःङ्लो॥ हे़क्क्याङ् खुनिॽ याःम्बक्किन् नुःबा चोःक्ने़ फाॽग्र हाराॽ खे़ङ्हाॽरे़ माङ्सेवारोबाहाॽरे़ चोःक्मा के़बोःङ्बा याःम्बक्किन् मे़जोगुररो॥
Titus 1:1 in Limbu 1 निङ्वाॽफुमाङ्ङिल्ले़ कुसेवारोबा नु ये़सु ख्रिस्तरे़ कुसेःक्युक्मिबा इङ्गाॽ पावललाम्बा कन् सक्इङ्घङ्ङिन् हाक्ने़ॽरो॥ निङ्वाॽफुमाङ्ङिल्ले़ सेगुसिबा कुमनाहाॽ खुनिॽ नसाःन्नो कुभाॽ पिमासि हे़क्क्याङ् आनिॽ साम्योरे़ आहुॽरे़बा से़क्खाओ लाम्लोःमासि फाॽआङ् निङ्वाॽफुमाङ्ङिल्ले़ इङ्गाॽ सेगाङ्लो॥
Titus 1:7 in Limbu 7 थेआङ्भे़ल्ले़ खुने़ॽग निङ्वाॽफुमाङ्ङिल्ले़ कुयाःम्बक् चोःक्मा लक् के़घोःबारो॥ हे़क्केःल्ले़ खुने़ॽग फोत्या मे़ःन्नेबा पोःङ्माए पोःङ्लो–आङ्दिङ् के़लॽबा नु हारा कुसिक् के़बोःक्पा, थिः सिजङ्वाःल्ले़ के़मःबा, के़आःम्बा, फे़न् याःम्बक्लाम् याङ् के़धक्पा पोःङ्मा मे़नुॽने़न्लो॥
Hebrews 13:23 in Limbu 23 आनिॽ नुसाॽ तिमोथिःन् पुङ्लाहिम्मोलाम् ले़रे़आङ् वाॽबान् खिनिॽ निङ्वाॽ खोःसे़म्मे़ॽ के़लॽबा इङ्गाॽ आनिङ्वाॽ वाॽरो॥ खुने़ॽ कप्मो इङ्गाॽओ हाराए ताःने़ फाॽग्र खिनिॽ तुम्से़ आन्छिगे़ सोरिक् फे़न्छिगे़ॽरो॥
James 1:1 in Limbu 1 के़रे़क् लाजेॽओ के़से़बाआङ् के़वाॽबा ख्रिस्ते़न्नसाःन् के़जोःक्पा यहुदिसे, निङ्वाॽफुमाङ् नु दाङ्बा ये़सु ख्रिस्तरे़ कुसेवारोबा इङ्गाॽ याकुबरे़ कन्सक्इङ्घङ्ङिन् हाक्निङ्बारो॥
1 Peter 2:25 in Limbu 25 थेआङ्भे़ल्ले़ खिनिॽग ताप्के़बे़ॽबार के़वाॽबा मे़ल्लुक्हाॽ कुइसिःक् के़वयि, कर आल्लो खिनिॽ याम्साम्मिन् के़गम्बा नु कम्ब्राङ् के़मे़प्पा दाङ्बाओ के़नुःक्खि के़द्ये़ॽइआङ् के़वयिॽरो॥
2 Peter 1:1 in Limbu 1 ये़सु ख्रिस्तरे़ कुसेवारोबा नु कुसेःक्युक्मिबा इङ्गाॽ सिमोन पत्रुसलाम् कन् सक्इङ्घङ्ङिन् साप्तुङ्ङाङ् आनिगे़ कुइसिःक् इमे़ल्लुङ्बा नसाःन् के़घोःबा खिनिॽ के़रे़क् हाक्निङ्लो॥ खे़न् नसाःन्निन् आनिॽ साम्योनिबा निङ्वाॽफुमाङ् नु से़न्लप्दाङ्बा ये़सु ख्रिस्तरे़ आबिरे़आङ् आवाॽरो॥
Jude 1:1 in Limbu 1 ये़सु ख्रिस्तरे़ कुसेवारोबा नु याकुबरे़ कुन्साॽ इङ्गाॽ यहुदालाम्, पानुदिङ् पाः निङ्वाॽफुमाङ्ङिल्ले़ उःत्तुसिबा, लुङ्माॽ तुक्तुसिबा नु ये़सु ख्रिस्तलाम्बा कम्ब्राङ् मे़त्तुसिबाहाॽ, कन् सक्इङ्घङ्ङिन् हाक्निङ्लो॥
Revelation 1:1 in Limbu 1 कन् साप्पन्नो ये़सु ख्रिस्तरे़ ओसेःन्दाङ् चोगुबा पाःन्हाॽरे़ कुयाःम्बेओ पत्लो॥ खे़न् ओसेःन्दाङ्ङिन् निङ्वाॽफुमाङ्ङिल्ले़ आल्ल हाराए के़बोःङ्बा पाःन्हाॽ निङ्वाॽफु सेवारोबाहाॽ ओसेःन्धाक्मासि फाॽआङ् ये़सु ख्रिस्ते़न्पिरुरो॥ कन् पाःन्हाॽ कुसेवारोबा युहुन्नाःल्ले़ कुसिङ् निःत्तुर फाॽआङ् ये़सु ख्रिस्तरे़ कुमाङ्लाइङ्बान् पाङ्घुरो॥
Revelation 1:20 in Limbu 20 खे़ने़ॽ इङ्गाॽ आजुप्साङ् ले़प्माङ् के़निःसुबा नुसि खेःम्सिक्हाॽ नु नुसि साम्म्याङ् सेमियुङ्दे़न्हाॽरे़न् सिबिॽ पाःन्हाॽग बा कन्लो–नुसि खेःम्सिक्हाॽ नुसि सेसेहुप्लक्हाॽओबा माङ्लाइङ्बासिरो, हे़क्क्याङ् नुसि साम्म्याङ् सेमियुङ्दे़न्हाॽ नुसि सेसेहुप्लक्सिरो॥”
Revelation 2:8 in Limbu 8 “इस्मर्नाबा सेसेहुप्लक्कोबा माङ्लाइङ्बान् कन् इङ्घङ्ङिन् साप्ते़ॽओ॥ कन् इङ्घङ्ङिन् कुहेःक्सिङ्मा नु कुनुप्मा, के़सिःबाआङ् याम्मो कुहिङ्वे़त् के़बोःङ्बाल्ले़ पाःत्तुॽरो–
Revelation 2:12 in Limbu 12 “पर्गाममस्मा सेसेहुप्लक्कोबा माङ्लाइङ्बान् कन् इङ्घङ्ङिन् साप्ते़ॽओ॥ कन् इङ्घङ्ङिन् ने़प्जाङ् ले़प्माङ् कुया के़बप्पा खागे़सुक्पा ताभे के़गप्पाल्ले़ पाःत्तुबारो–
Revelation 19:10 in Limbu 10 हे़क्क्याङ् इङ्गाॽग खुने़ॽ सेवा चोःक्मा फाॽआङ् कुलाङ्ङो साम्बोःन् फन्छिङाङ्, कर खे़ल्ले़ इङ्गाॽ अक्खे मे़त्ताङ्, “हे़क्के चोःक्मा मे़नुॽने़न्! इङ्गाॽग खे़ने़ॽ नु के़म्भुॽ के़न्साॽसि हे़क्तङ्बा निङ्वाॽफुमाङ्ङिल्ले़ कुसेवारोबा नु ये़सुःन्तोःन्दि के़बिबाआरक्लो॥ निङ्वाॽफुमाङ्ङिन्ने सेवा चोगे़ॽ!” थेआङ्भे़ल्ले़ ये़सुरे़ चोगुबा पाःत्तुबा से़क्खा पाःन्हाॽरे़ माङ्निङ्वाॽपाःन् के़बाःप्पाहाॽ हाङ्हाङ् मे़त्तुसिॽरो॥
Revelation 22:9 in Limbu 9 कर खे़ल्ले़ इङ्गाॽ अक्खे मे़त्ताङ्लो, “इङ्गाॽ सेवा मे़जोगाङ्ङिन्ने़ॽ! इङ्गाॽग खे़ने़ॽ कुइसिःक् हे़क्क्याङ् माङ्निङ्वाॽपाःन् के़बाःप्पा के़म्भुॽ के़न्साॽसि नु कन् साप्पन्नो के़बप्पा पाःन्हाॽ के़इःप्पा के़नाःप्पाहाॽ हे़क्तङ्बा निङ्वाॽफुमाङ्ङिल्ले़ कुसेवारोबाआरो॥ निङ्वाॽफुमाङ्ङिन्लक् सेवा चोगे़ॽओ!”