Matthew 6:2 in Limbu 2 हे़क्केलॽरिक् मे़ङ्गप्मनाबाहाॽ कुजा के़बिरुसिल्ले़ वेॽहाॽरे़ मे़घे़प्सुर मे़निःसुर फाॽआङ् मुक्ला मे़मुक्खे़न्ने़ॽओ॥ कुनिङ्वाॽ के़जिःप्पाहाॽरे़ यहुदि चुम्लुङ्हिम्मो नु लाम्लाम्मो मनाहाॽरे़ मे़निःसुआङ् खुनिॽ नारा मे़भोःसुर फाॽआङ् हे़क्के मे़जोगुॽ॥ इङ्गाॽ से़क्खाए मे़त्ने़ॽ, खे़ङ्हाॽरे़ खुनिॽ हाङ्से़म्मिङ्ग तगिसा मे़घोःसु मे़सुरुआङ् मे़वाॽ॥
Other Translations King James Version (KJV) Therefore when thou doest thine alms, do not sound a trumpet before thee, as the hypocrites do in the synagogues and in the streets, that they may have glory of men. Verily I say unto you, They have their reward.
American Standard Version (ASV) When therefore thou doest alms, sound not a trumpet before thee, as the hypocrites do in the synagogues and in the streets, that they may have glory of men. Verily I say unto you, They have received their reward.
Bible in Basic English (BBE) When then you give money to the poor, do not make a noise about it, as the false-hearted men do in the Synagogues and in the streets, so that they may have glory from men. Truly, I say to you, They have their reward.
Darby English Bible (DBY) When therefore thou doest alms, sound not a trumpet before thee, as the hypocrites do in the synagogues and in the streets, so that they may have glory from men. Verily I say unto you, They have their reward.
World English Bible (WEB) Therefore when you do merciful deeds, don't sound a trumpet before yourself, as the hypocrites do in the synagogues and in the streets, that they may get glory from men. Most assuredly I tell you, they have received their reward.
Young's Literal Translation (YLT) whenever, therefore, thou mayest do kindness, thou mayest not sound a trumpet before thee as the hypocrites do, in the synagogues, and in the streets, that they may have glory from men; verily I say to you -- they have their reward!
Cross Reference Matthew 5:18 in Limbu 18 से़क्खाए इङ्गाॽ मे़त्निङ्, इक्सादिङ् खाम्बेःक्मान् नु ताङ्साक्पे़न्माःमा पेःक्मानुःल्ले़ तगि साम्योथिम्मो के़बप्पा के़रे़क् पाःन्निन् मे़ङ्गे़त्ते थारिक् खे़प्मोबा के़रे़क्नुःल्ले़ चुक्सा पाःन्धिक्काङ् मे़माःने़न्लो॥
Matthew 6:5 in Limbu 5 “हे़क्क्याङ् खिनिॽ तुवा के़जोगुम्मिल्ले़ कुनिङ्वाॽ के़जिःप्पाहाॽ कुइसिःक् मे़जोगे़म्मिन्ने़ॽओ॥ खे़ङ्हाॽरे़ग मनाहाॽरे़ मे़निःसुर फाॽआङ् यहुदि चुम्लुङ्हिम्मो नु लाम्लाम्मो ये़प्माआङ् तुवा चोःक्मा खुनिॽ सिराॽ थाङ्लो॥ इङ्गाॽ से़क्खाए मे़त्निङ्, खे़ङ्हाॽरे़ खुनिॽ याःम्बक्किल्ले़न् हाङ्से़म्मिन् तगिए मे़घोःसु मे़सुरुआङ् मे़वाॽरो॥
Matthew 6:16 in Limbu 16 “हे़क्क्याङ् खिनिॽ चाःने़त् के़युङ्ङिल्ले़ निङ्वाॽ के़जिःप्पाहाॽ कुइसिःक् खिनिॽ ना मे़माक्ते़म्मिन्ने़ॽओ, थेआङ्भे़ल्ले़ खे़ङ्हाॽ चाःने़त् मे़युङ्ङिल्ले़ वेॽ मनाहाॽरे़ निङ्वाॽ मे़घोःसुर फाॽआङ् खुनिॽ नाराःन् मे़गिःन्दुर मे़युङ्लो॥ इङ्गाॽ से़क्खाए मे़त्निङ्, खे़ङ्हाॽरे़ग खुनिॽ हाङ्से़म्मिन् के़रे़क् मे़घोःसु मे़सुरुआङ् मे़वाॽरो॥
Matthew 7:5 in Limbu 5 कुनिङ्वाॽ के़जिःप्पाए, के़रे़क्नुःल्ले़ तगि आबाङे के़मिक्कोबा सिङ्घङ्ङिन् लःत्ते़देःसे़ॽओ, हे़क्क्याङ्लक् के़न्साॽरे़ कुमिक्कोबा साप्सेःक्किन् नुःरिक् के़निःसुआङ् लःप्मा के़सुक्तुॽरो॥
Matthew 15:7 in Limbu 7 खिनिॽ निङ्वाॽ के़जिःप्पासे, खिनिॽ याःम्बेओ निङ्वाॽफुमाङ्ङिल्ले़ कुबाःन्निन् माङ्निङ्वाॽपाःन् के़बाःप्पा यसैयाःल्ले़ साप्तुबाङ्ग से़क्खाए लाॽरुरो,
Matthew 16:3 in Limbu 3 हे़क्क्याङ् तानाम् ताङ्साक्पे़न्मुदःप्पिल्ले़ आइन् वाहित् थाःसुॽ, सुरित् केजङ्ङिन् हुःॽ लॽरिक् के़बाःत्तुम्॥ अक्खेलॽरिक् ताङ्साक्पे़न्ओगे़मे़त्तुम्माङ् वाये़म्मिन् नुःबा नु ताप्फे़ःम्बा चोःक् फाॽआङ् के़से़न्दुम्मिल्ले़ आक्खेलॽरिक् कन् ये़म्मो के़दाःबा मिक्सेःन्हाॽ कुसिङ् के़न्निःत्तुम्मिन्बाबे?
Matthew 22:18 in Limbu 18 कर ये़सुरे़ खे़ङ्हाॽरे़ खुनिॽ फे़न् निङ्वाॽइन्निङ्वाॽ खोःसुआङ् मे़त्तुसि, “खिनिॽ निङ्वाॽ के़जिःप्पासे, थेआङ् अक्खेलॽरिक् इङ्गाॽ पाःन्नो ते़म्मा निङ्वाॽ के़इःत्तुम्बाबे?
Matthew 23:6 in Limbu 6 खे़ङ्हाॽ साभाङ्जा नु यहुदि चुम्लुङ्हिम्मोबा तुम्म्याङ्हाङ् युक्नाहाॽओ युङ्मा खुनिॽ सिराॽ थाङ्लो॥
Matthew 23:13 in Limbu 13 खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! साङ्ग्राम्पेदाङ्बा हाङ्जुम्मिल्ले़ कुलाम्मिन् वेॽ मनाहाॽरे़ लागि के़साक्तुम्माङ् के़वयिॽरो, हे़क्क्याङ् आबाङेआङ् खे़प्मो खिनिॽ के़न्लासिन् हे़क्क्याङ् लाःप्मा के़गोःप्पा वेॽ मनाहाॽआङ् लाःप्मा के़म्बाङ्घुम्सिम्मिन्लो॥
Matthew 24:51 in Limbu 51 हे़क्क्याङ् कुन्दाङ्बाल्ले़ खे़न् साॽरिक् ते़ःम्भुक् याक्तुआङ् कुनिङ्वाॽ के़जिःप्पाहाॽनु सोरिक् खुम्दिङ् पिरुॽरो॥ खे़प्मोग हाःप्मान् नु साॽरिक् तुक्खेःल्ले़ हाबोॽ ये़ःङ्मान् पोःङ्लो॥”
Mark 7:6 in Limbu 6 ये़सुरे़ खे़ङ्हाॽ नोगप् पिरुसि, “खिनिॽ निङ्वाॽ के़जिःप्पाहाॽरे़ खिनिॽ याःम्बेओ निङ्वाॽफुमाङ्ङिल्ले़ कुबाःन्निन् माङ्निङ्वाॽपाःन् के़बाःप्पा यसैयाःल्ले़ साप्तुबाङ्ग से़क्खाए लाॽरुरो, ‘कन् मनाहाॽरे़ग खुनिॽ मुराःल्ले़रक् मिङ्सो इङ्धाःङ् मे़बिआरो, कर खुनिॽ निङ्वाॽइन्इङ्गाॽ ले़प्माङ् होःप्लो॥
Mark 12:39 in Limbu 39 यहुदि चुम्लुङ्हिम्मो नु साभाङ्जाओ तुम्म्याङ्हाङ् युक्नाहाॽओ युङ्मा खुनिॽ सिराॽ थाङ्लो॥
Luke 6:24 in Limbu 24 कर आल्लो याङ्साकुन्धेसाबासे, चिःत्ताङ्लक् स्ये़रो, थेआङ्भे़ल्ले़ खिनिॽ सःप्मान् नु निङ्वाॽ ताःमान् खिनिॽ हिङ्मन्नोए के़घोःसुम्माङ् के़वयिॽरो॥
Luke 6:42 in Limbu 42 खे़ने़ॽ आबाङे के़धक्को साःङ्वे़त् चाराम्बा के़न्निःसुन्निल्ले़ आक्खेलॽरिक् के़न्साॽइन् के़धक्कोबा वाम्सिक्किन् खे़क्खुङ् पिने़ लॽरिक् मे़प्मा के़सुक्तुबे? कुनिङ्वाॽ के़जिःप्पाए, के़रे़क्नुःल्ले़ तगि आबाङे के़धक्कोबा साःङ्वे़त्तिन् नाःत्ते़देःसे़ॽओ, हे़क्क्याङ्लक् के़न्साॽरे़ कुधक्कोबा वाम्सिक्किन् उसुरु के़निःसुआङ् खे़ङ्मा के़सुक्तुॽरो॥”
Luke 11:41 in Limbu 41 कर के़घिःप्सिर के़गत्तुम्बा पाःन्हाॽ याङ्गे़साॽबाहाॽ पिरे़म्देःसे़म्सिम्मे़ॽ, हे़क्केःल्ले़ खिनिॽ सुत्थोए के़बोःक्खिॽरो॥
Luke 11:43 in Limbu 43 फरिसिसे, के़जिःत्ति के़स्ये़ॽइरो! खिनिॽग यहुदि चुम्लुङ्हिम्मो तुम्म्याङ्हाङ् युक्नाहाॽओ युङ्मा खिनिॽ सिराॽ थाङ्लो, हे़क्क्याङ् पाङ्जुम्हाःत्ति मनाहाॽरे़ सेवा मे़मे़त्तिगे़र के़लॽरिॽरो॥
Luke 12:33 in Limbu 33 खिनिॽ के़गत्तुम्बा चिगःक्वाहाॽ सङ्घे़म्मे़ॽआङ् याङ्गे़साॽबाहाॽ पिरे़म्देःसे़म्सिम्मे़ॽओ॥ हे़क्केलॽरिक् आप्फाल्ले़आङ् मे़न्दे़ःङ्मना, मे़न्हङ्मनाबा सुःक्वाओ आप्फाल्ले़आङ् मे़म्मे़क्मनाबा साङ्ग्राम्पेदाङ्ङोबा याङ्साकुन्धेहाॽरे़ थिम्से़म्सिम्मे़ॽओ॥ खे़प्मो के़घुःम्बाहाॽरे़आङ् मे़न्घुःत्तुन्, हे़क्क्याङ् कुबुःल्ले़आङ् मे़जने़न्लो॥
Luke 12:56 in Limbu 56 खिनिॽ कुनिङ्वाॽ के़जिःप्पासे, अक्खेलॽरिक् इक्सादिङ् खाम्बेःक्मो नु तरःङ्दिङ्ताङ्साङ्ङोबा पाःन्निन् ओगे़मे़त्तुम्माङ् ताःन्दिक् के़बोःङ्बा पाःन्निन् के़बाःत्तुम्, कर कन् ये़म्मो के़दाःबा मिक्सेःन्हाॽ थेआङ् कुसिङ् के़न्निःत्तुम्मिन्बाबे?”
Luke 13:15 in Limbu 15 ये़सुरे़ खे़ङ्हाॽ मे़त्तुसि, “खिनिॽ कुनिङ्वाॽ के़जिःप्पासे, नाःम्सिङ्ये़न्नो खिनिॽ थाःङ्ङोलाम् पित्हाॽ इग्र अदङ्हाॽ के़ले़रुम्सिम्माङ् च्वाःत् थुङ्से़ के़देॽरुम्सिम्बि मे़ःम्बि?
Luke 20:46 in Limbu 46 “साम्योथिम्साम्बाहाॽनु सिङ्सिङ् लॽरे़म्मे़ॽओ! खे़ङ्हाॽ केःम्ब्केःम्बा लगेप् मे़जाक्खुआङ् नानुगत्ना लाङ्मे़घेःक्लो, हे़क्क्याङ् पाङ्जुम् लुम्मो सेवा मे़मे़त्तिगे़र के़लॽबा निङ्वाॽ मे़जोगुआङ् यहुदि चुम्लुङ्हिम्मो नु साभाङ्जाओ तुम्म्याङ्हाङ् युक्नाहाॽओ युङ्मा खुनिॽ सिराॽ थाङ्लो॥
John 5:41 in Limbu 41 “इङ्गाॽग मे़न्छाम् याप्मिरे़ आनारा मे़भोःसुर मे़लॽआन्लो॥
John 5:44 in Limbu 44 खिनिॽ आबाङे मिङ्सो इङ्धाःङ् के़बिआसि, कर थिक्लक् निङ्वाॽफुमाङ्लाम् के़दाःबा मिङ्सो इङ्धाःङ्ङिङ्ग के़ङ्गोःत्तुम्मिन्, हे़क्केःल्ले़ आक्खेलॽरिक् खिनिॽ याप्मि नसाःन् चोःक्मा के़सुक्तिबे?”
John 7:18 in Limbu 18 आबाङे युक्कोलाम्के़बाःप्पाहाॽरे़ग आबाङे मिङ्सो इङ्धाःङ् मे़गोःत्तुॽरो, कर आत्तिल्ले़ खुने़ॽ के़बाङ्बान् मिङ्सो इङ्धाःङ् पिमा निङ्वाॽ चोगुॽ, खे़ल्ले़ से़क्खा पाःन् पाःत्तुॽरो॥ हे़क्क्याङ् खुने़ॽओ थेआङ् इङ्ले़क्पा पाःन् होःप्लो॥
John 13:29 in Limbu 29 यहुदाःङ्ग याङ् याङ्मा सुःक्वा के़गुबा वये़बाल्ले़ साभाङ्जाओ चाहाबा के़जोःक्पा चिगःक्वाहाॽ इङ्मा इग्र याङ्गे़साॽबाहाॽ कुजा हाःप्मासि फाॽआङ् ये़सुरे़ मे़त्तुबाबिला लॽरिक् कुभारे़ निङ्वाॽ मे़इःत्तुरो॥
Acts 9:36 in Limbu 36 हे़क्क्याङ् जोप्पा ये़क्यक्को तबिता मिङ् के़वाःप्मा हुॽसाम्मा थिक् वये़॥ (खे़ल्ले़ कुमिङ् ग्रिक्को दोरकास वये़–खे़न् फाॽइन् पे़ःङ्वा पोःङ्लो॥) खे़न् सदादिङ् वेॽहाॽरे़ लागि नुःबा याःम्बक् के़जोःक्मा नु याङ्गे़साॽबाहाॽ के़भाॽमा वये़रो॥
Acts 10:2 in Limbu 2 खुने़ॽ नु कुहिम्सयङ्हाॽ मिङ्सोदाङ्बा नु साम्योसाबा मे़वये़रो॥ खुने़ॽग याङ्गे़साॽबाहाॽ यरिक् कुभाॽ याङ् के़बिबा नु थिक्याःन्धक् निङ्वाॽफुमाङ्ङिन्नु तुवा के़जोःक्पा वये़रो॥
Acts 10:4 in Limbu 4 कर्नालियसरे़ किःसे़र ओमे़त्तुर ओबे़ आदाङ्बे लॽरिक् नोगप् पिरु॥ खे़न् माङ्लाइङ्बाल्ले़ खुने़ॽ मे़त्तु, “खे़ने़ॽ के़जोगुबा तुवाहाॽ नु याङ्गे़साॽबाहाॽ यरिक् कुभाॽ याङ् के़बिरुसिबा पाःन्निन् निङ्वाॽफुमाङ्ङिल्ले़ निङ्वाॽ इःत्तुआङ् वाॽरो॥”
Acts 10:31 in Limbu 31 मे़त्ताङ्, ‘कर्नालियसे, निङ्वाॽफुमाङ्ङिल्ले़ खे़ने़ॽ के़जोगुबा तुवाःन् खे़प्सुआङ् याङ्गे़साॽबाहाॽ के़बिरुसिबा कुभाॽ याङ्हाॽ निङ्वाॽ इःत्तुआङ् वाॽरो॥
Acts 11:29 in Limbu 29 एन्तिओक्कोबा हुॽसाम्बाहाॽरे़ खुनिॽ निङ्वाॽबो यहुदियाओ के़वाॽबा काक् फुॽनुसाॽहाॽरे़ लागि खुनिॽ सुक्सुक् कुभाॽ पिमासि फाॽआङ् निङ्वाॽ मे़दङ्घुरो॥
Acts 24:17 in Limbu 17 यरुसले़म्मोनु लाःक्कात् वयाङ्बा यरिक् तङ्बे पोःक्खे़आङ् खारक् इङ्गाॽ याङ्गे़साॽबा यहुदियास्मा आमनाहाॽ एन्तिओक्लाम् सुम्मनाबा हुक्सो याङ् हुॽमासि नु निङ्वाॽफुमाङ्ङिन् सिदुङ्जभा चोःक्मा फाॽआङ् कप्मो त्याङ्लो॥
Romans 12:8 in Limbu 8 मनाहाॽ हाङ्हाङ् मे़प्मासि पर्धाःम् के़गप्पाल्ले़ हाराॽ हाङ्हाङ् मे़त्तुसिर, मनाहाॽ फाॽमा पर्धाःम् के़गप्पाल्ले़ हाराॽ कुनिङ्वाॽ हन्दुआङ् फाॽरुसिर, लाम्लोःबा पोःङ्मा पर्धाःम् के़गप्पाल्ले़ हाराॽ निङ्वाॽ पिरुआङ् मनाहाॽ लाम्लोसुसिर, मनाहाॽ लुङ्माॽ तुक्मा पर्धाःम् के़गप्पाल्ले़ हाराॽ पसःत्सःत्ल लुङ्माॽ तुक्तुसिररो॥
2 Corinthians 9:6 in Limbu 6 कन् पाःन्निन् निङ्वाॽ इःत्ते़म्मे़ॽओ, आत्तिल्ले़ च्यॽरक् याॽरिःम्बे़न् हेॽरु, खे़ल्ले़ च्यॽरक् चा सुप्सुॽरो॥ आत्तिल्ले़ यरिक् याॽरिःम्बा हेॽरु, खे़ल्ले़ यरिक्के चा सुप्सुॽरो॥
Galatians 2:10 in Limbu 10 खे़ङ्हाॽरे़ग खुनिॽ लुम्मोबा याङ्गे़साॽबाहाॽ फाॽमासि सुजा मे़बिरिगे़॥ हे़क्के चोःक्मा इङ्गाॽआङ् आसिराॽ थाङे़रो॥
Ephesians 4:28 in Limbu 28 के़घुःम्बाल्ले़ आल्लआङ्धो खुःप्मा मे़नुॽने़न्लो, कर खे़ल्ले़ मे़ङ्गप्मनाबाहाॽ पिमा सुक्तुसिर फाॽआङ् याम्बुधिक्काङ् नुःबा याःम्बक् चोःक्माए पोःङ्लो॥
1 Thessalonians 2:6 in Limbu 6 आत्तिन् मनाहाॽरे़ हे़क्क्याङ् खिनिॽलाम्बा आनिगे़ मिङ्सोधाःङ्सो के़जोगुम्नि, नारा के़भोःसुम्नि के़लॽबा निङ्वाॽ मे़जोगुम्बे़न्, हे़क्क्याङ् आनिगे़ग ख्रिस्तरे़ कुसेःक्युक्मिबा पोःक्खिगे़साङ् खिनिॽ यरिक् पाःन्हाॽ मे़नाःक्कासिगे़न्लो॥
1 Timothy 6:18 in Limbu 18 हे़क्क्याङ् खे़ङ्हाॽ हाराॽ नुःबा याःम्बक् के़जोःक्पा मे़बोःङ्ल हे़क्केलॽरिक् वेॽहाॽनु हाःमा चामा खुनिॽ निङ्वाॽ मे़हन्दुर, सुयाःम्बक् मे़जोगुर लॽरिक् इङ्जाःङ् पिरे़से़ॽओ॥
Philemon 1:7 in Limbu 7 आन्साॽए, खे़ने़ॽ लुङ्माॽ के़दुक्तुसिबाल्ले़ इङ्गाॽ साॽरिक् सःत्ताङ् हे़क्क्याङ् आःन्छिङ्मा खोःसुङ्ङाङ् वाॽरो, थेआङ्भे़ल्ले़ निङ्वाॽफुमाङ्ङिल्ले़ काक् सेसे कुमनाहाॽ हाङ्हाङ् के़जोगुसिआङ् के़वाॽरो॥
Hebrews 13:16 in Limbu 16 आल्ल नुःबा याःम्बक् चोःक्मा नु कम्ब्राङ् मे़त्छिङ्मा कुभाॽ पिसिङ्मा निङ्वाॽ मे़भेःत्छे़म्मिन्ने़ॽओ, थेआङ्भे़ल्ले़ अक्तङ्बा सिदुङ्जभाःल्ले़ निङ्वाॽफुमाङ्ङिल्ले़ कुनिङ्वाॽ तासुरो॥
James 2:15 in Limbu 15 आल्ल फुॽनुसाॽ इग्र ने़ॽनुसाॽ थिक्ले़ चाङ् तेःत् मे़गत्तुन् हे़क्क्याङ् थिक्याःन्धक्पा चामा थुङ्मा थेआङ् मे़गत्तुन्,
1 Peter 4:11 in Limbu 11 पाःन्जाक् के़बाःप्पाल्ले़ निङ्वाॽफुमाङ्ङिल्ले़ कुबाःन्जाक् कुइसिःक् पाःत्तुर, वेॽहाॽ सेवा के़जोःक्पाल्ले़ निङ्वाॽफुमाङ्ङिल्ले़ पिरुबा थुम्मिल्ले़ सेवा चोगुररो॥ हे़क्केलॽरिक् काक् पाःन्नो ये़सु ख्रिस्तलाम् निङ्वाॽफुमाङ्ङिल्ले़ कुमिमिदिङ् पोःङ्लरो॥ काक् मिमिदिङ् नु मुक्साम्मिङ्ग सदादिङ् खुने़ॽइन्ने़रो॥ आमे़न्॥
1 John 3:17 in Limbu 17 चाहाबा के़जोःक्पा काक् पाःन्हाॽ के़गप्पा मनाःल्ले़ नसानिबा फुॽनुसाॽ नु ने़ॽनुसाॽहाॽ चाहाबा मे़जोःक्काङ् मे़वाॽबा निःसुसाङ् लुङ्माॽ मे़दुक्तुसिन्निल्ले़ आक्खेलॽरिक् खे़न्मनाओ निङ्वाॽफुमाङ्ङिल्ले़ कुमिःम्जिन् वाॽबे?