Matthew 19:21 in Limbu 21 ये़सुरे़ मे़त्तु, “खे़ने़ॽ से़क्खाए कुलिङ्धो के़प्मा निङ्वाॽ के़जोगुने़ फाॽग्र पेगे़ॽआङ् के़गत्तुबान्के़रे़क् सङ्घे़देःसे़ॽ हे़क्क्याङ् याङ्गे़साॽबाहाॽ पिरे़से़ॽओ॥ हे़क्केलॽरिक् साङ्ग्राम्पेदाङ्ङो याङ्साकुन्धे के़घोःसुॽरो॥ हे़क्क्याङ् फे़रे़ॽआङ् इङ्गाॽ तिम्दाङ्ङे़ॽओ॥”
Other Translations King James Version (KJV) Jesus said unto him, If thou wilt be perfect, go and sell that thou hast, and give to the poor, and thou shalt have treasure in heaven: and come and follow me.
American Standard Version (ASV) Jesus said unto him, If thou wouldest be perfect, go, sell that which thou hast, and give to the poor, and thou shalt have treasure in heaven: and come, follow me.
Bible in Basic English (BBE) Jesus said to him, If you have a desire to be complete, go, get money for your property, and give it to the poor, and you will have wealth in heaven: and come after me.
Darby English Bible (DBY) Jesus said to him, If thou wouldest be perfect, go, sell what thou hast and give to [the] poor, and thou shalt have treasure in heaven; and come, follow me.
World English Bible (WEB) Jesus said to him, "If you want to be perfect, go, sell what you have, and give to the poor, and you will have treasure in heaven; and come, follow me."
Young's Literal Translation (YLT) Jesus said to him, `If thou dost will to be perfect, go away, sell what thou hast, and give to the poor, and thou shalt have treasure in heaven, and come, follow me.'
Cross Reference Matthew 4:19 in Limbu 19 ये़सुरे़ खे़ङ्हाॽ मे़त्तुसि, “इङ्गाॽ आएगाङ् थाने़त्छे़ॽओ, खिन्छिॽ ङा के़दे़म्सु के़दाःत्छुबा कुइसिःक् इङ्गाॽओ मना के़दाःप्पा चोःक्ने़त्छिङ्लो॥”
Matthew 5:19 in Limbu 19 हाःत्ले़ कन् इङ्जाःङ्हाॽओबा चुक्सा पाःन्धिक् फेःन्दुआङ् वेहाॽ बा हे़क्के चोःक्मा हुॽरुसिॽ साङ्ग्राम्पेदाङ्बा हाङ्जुम्मो खे़न् चुक्सा पोःङ्लो, कर हाःत्ले़ कन् इङ्जाःङ्हाॽ इःत्तु-नाःत्तुआङ् वेॽहाॽ हे़क्के चोःक्मा हुॽरुसिॽ साङ्ग्राम्पेदाङ्बा हाङ्जुम्मो खे़न् पयम् यम्बा पोःङ्लो॥
Matthew 5:48 in Limbu 48 खे़ल्ले़ चोगुल्ले़ खिनिॽ साङ्ग्राम्पेदाङ्ङोबा पानुदिङ् पाः निङ्वाॽफुमाङ्ङिन् के़रे़क् पाःन्नो कुलिङ्धो के़गे़प्पा चोःक्पा कुइसिःक् खिनिॽआङ् हे़क्तङ्बा पोःङ्माए पोःङ्लो॥”
Matthew 6:19 in Limbu 19 “इक्सादिङ् खाम्बेःक्मो याङ्साकुन्धे मे़लुप्से़न्ने़ॽओ॥ खे़प्मोग थक्पाहाॽरे़ मे़जःॽ, हिङ्धोःक्किल्ले़ यःन्दुॽ, हे़क्क्याङ् खुःन्द्रिक्पाहाॽरे़ मे़घुःत्तुॽरो॥
Matthew 9:9 in Limbu 9 ये़सुःन् खे़प्मोलाम् पेर पत्छे़ल्ले़ मत्ति मे़प्मनाबा मनाःन् एःङ्याङ् फोःङ्मा ते़न्नो युङे़बा निःसुआङ् मे़त्तु, “इङ्गाॽ तिम्दाङ्ङे़ॽओ॥” खे़न् मुत्थ्रिक् पोगे़आङ् खुने़ॽनु थासिङ्लो॥
Matthew 16:24 in Limbu 24 हे़क्क्याङ् ये़सुरे़ कुहुॽसाम्बाहाॽ मे़त्तुसि, “आत्तिल्ले़ इङ्गाॽ तिम्मा निङ्वाॽ चोगुॽ, हाराॽ खे़ल्ले़ इङ्गाॽरक् चाङ्थुङुङ् के़लॽबा कुनिङ्वाॽइन्से़रुआङ् कुसिलाम्साक्मा सिङ्ङिन् पक्खुआङ् इङ्गाॽ तिम्माररो॥
Matthew 19:28 in Limbu 28 हे़क्केःल्ले़ ये़सुरे़ खे़ङ्हाॽ मे़त्तुसि, “इङ्गाॽ से़क्खाए मे़त्निङ्, इङ्गाॽ मे़न्छाम्साःन् के़दाःबा कुसङ् हाङ्जुम्मो मिमिदिङ्गे़न् हाङ्युक्नाओ युङ्ङारो॥ खे़न् ये़म्मो खिनिॽ इङ्गाॽ याप्मि के़दिम्बाहाॽआङ् थिक्-ने़त् (१२) हाङ्युक्नाओ के़युङिआङ् इस्राइलबा थिक्-ने़त् सुवाङ्हाॽ सम्दाङ् हाङ् के़जोगिॽरो॥
Mark 2:14 in Limbu 14 हे़क्क्याङ् ये़सुःन् पेर पत्छे़ल्ले़ अल्फायसरे़ कुस्साः ले़बिःन् एःङ्याङ् फोःङ्मा ते़न्नो युङे़बा निःसुआङ् मे़त्तु, “इङ्गाॽ तिम्दाङ्ङे़ॽओ॥” खे़न् मुत्थ्रिक् पोगे़आङ् खुने़ॽनु थासिङ्लो॥
Mark 8:34 in Limbu 34 हे़क्क्याङ् ये़सुरे़ यरिक् मनाहाॽ नु कुहुॽसाम्बाहाॽ उःत्तुसिआङ् अक्खे मे़त्तुसि, “आत्तिल्ले़ इङ्गाॽ तिम्मा निङ्वाॽ चोगुॽ, हाराॽ खे़ल्ले़ इङ्गाॽरक् चाङ्थुङ्ङुङ् के़लॽबा कुनिङ्वाॽइन्से़रुआङ् सिलाम्साक्मा कुसिङ्ङिन् पक्खुआङ् इङ्गाॽ तिम्माररो॥
Mark 10:21 in Limbu 21 ये़सुरे़ खे़न् मनाःन् ओमे़त्तुआङ् लुङ्माॽ तुक्तुर मे़त्तु, “आल्लसाङ् खे़ने़ॽ याःम्बक्थिक्चोःक्मा के़गत्तुॽरो॥ पेगे़ॽआङ् के़गत्तुबान्के़रे़क् सङ्घे़देःसे़ॽ हे़क्क्याङ् याङ्गे़साॽबाहाॽ पिरे़से़ॽओ॥ हे़क्केलॽरिक् साङ्ग्राम्पेदाङ्ङो याङ्साकुन्धे के़घोःसुॽरो॥ हे़क्क्याङ् फे़रे़ॽआङ् इङ्गाॽ तिम्दाङ्ङे़ॽओ॥”
Luke 5:27 in Limbu 27 याङ्सि ये़सुःन् खे़प्मोलाम् लःन्दे़ पेआङ् एःङ्याङ् के़भोःङ्बा ले़बि मिङ् के़वाःप्पा मनाःन् एःङ्याङ् फोःङ्मा ते़न्नो युङे़बा निःसुआङ् मे़त्तु, “इङ्गाॽ तिम्दाङ्ङे़ॽओ॥”
Luke 6:40 in Limbu 40 हुॽसाम्बे़न् कुसिक्साम्बे़न्नुःल्ले़ यम्बा मे़ःन्लो॥ कर खुने़ॽ नुःरिक् हुॽसिङ् सुःत्छिङ्ङाङ् खुने़ॽ कुसिक्साम्बे़न्कुइसिःक् पोःङ्लो॥
Luke 9:23 in Limbu 23 ये़सुरे़ खे़ङ्हाॽ याम्मो मे़त्तुसि, “आत्तिल्ले़ इङ्गाॽ तिम्मा निङ्वाॽ चोगुॽ, हाराॽ खे़ल्ले़ इङ्गाॽरक् चाङ्थुङुङ् के़लॽबा कुनिङ्वाॽइन्से़रुआङ् थिक्याःन्धक् सिलाम्साक्मा कुसिङ्ङिन् पक्खुआङ् इङ्गाॽ तिम्माररो॥
Luke 12:33 in Limbu 33 खिनिॽ के़गत्तुम्बा चिगःक्वाहाॽ सङ्घे़म्मे़ॽआङ् याङ्गे़साॽबाहाॽ पिरे़म्देःसे़म्सिम्मे़ॽओ॥ हे़क्केलॽरिक् आप्फाल्ले़आङ् मे़न्दे़ःङ्मना, मे़न्हङ्मनाबा सुःक्वाओ आप्फाल्ले़आङ् मे़म्मे़क्मनाबा साङ्ग्राम्पेदाङ्ङोबा याङ्साकुन्धेहाॽरे़ थिम्से़म्सिम्मे़ॽओ॥ खे़प्मो के़घुःम्बाहाॽरे़आङ् मे़न्घुःत्तुन्, हे़क्क्याङ् कुबुःल्ले़आङ् मे़जने़न्लो॥
Luke 14:33 in Limbu 33 हे़क्केलॽरिक्के खे़ने़ॽ के़गत्तुबा काक् पाःन्हाॽ के़न्ले़रुन्ने़ फाॽग्र इङ्गाॽ आहुॽसाम्बा पोःङ्मा के़न्छुक्ने़न्लो॥
Luke 16:9 in Limbu 9 हे़क्क्याङ् खिनिॽ मे़त्निङ्लो, कन् इक्सादिङ् खाम्बेःक्मोबा याङ्साकुन्धेरे़ तेःङ्जुम् चोगे़म्सिम्मे़ॽओ॥ हे़क्केलॽरिक् कन् याङ्साकुन्धेःन् माःत्तिल्ले़ खे़ङ्हाॽरे़ खिनिॽ मे़न्नुप्मनाबा हिम्मो लाम्दाःक्मा के़म्बिरिॽरो॥
Luke 18:22 in Limbu 22 ये़सुरे़ खे़न् खे़प्सुआङ् मे़त्तु, “आल्लसाङ् खे़ने़ॽ याःम्बक्थिक्चोःक्मा के़गत्तुॽरो॥ खे़ने़ॽ के़गत्तुबान्के़रे़क् सङ्घे़देःसे़ॽ हे़क्क्याङ् याङ्गे़साॽबाहाॽ पिरे़से़ॽओ॥ हे़क्केलॽरिक् साङ्ग्राम्पेदाङ्ङो याङ्साकुन्धे के़घोःसुॽरो॥ हे़क्क्याङ् फे़रे़ॽआङ् इङ्गाॽ तिम्दाङ्ङे़ॽओ॥”
John 10:27 in Limbu 27 इङ्गाॽ आमे़ल्लुक्हाॽरे़ग आइक्लाःन् कुसिङ् मे़निःत्तुॽरो, हे़क्क्याङ् इङ्गाॽआङ् खे़ङ्हाॽ कुसिङ् निःत्तुङ्सिङ्ङाङ् खे़ङ्हाॽरे़ग इङ्गाॽ मे़दिम्मारो॥
John 12:26 in Limbu 26 आत्तिल्ले़ इङ्गाॽ सेवा चोःक्का खे़ल्ले़ इङ्गाॽ तिम्माए पोःङ्, हे़क्केःल्ले़ इङ्गाॽ आत्तो वाॽआ, इङ्गाॽ आसेवारोबान्नाङ् खे़प्मोए वाॽरो॥ आत्तिल्ले़ सेवा चोःक्का खे़ङ्ग पानुदिङ् आम्बारे़ मिङ्सो इङ्धाःङ् पिरुरो॥”
Acts 2:45 in Limbu 45 हे़क्क्याङ् कुभारे़ खुनिॽ याङ्साकुन्धेहाॽ चिगःक्वाहाॽ मे़सङ्घुर चायोःम्बोओ के़वाॽबा मनाहाॽ याङ्ङिन् मे़हाःत्तुसिरो॥
Acts 4:32 in Limbu 32 आल्ल नसाःन् के़जोःक्पाहाॽ थिक् निङ्वाॽ थिक् मुरा मे़बोःक्खे़आङ् खुनिॽ मे़गत्तुबाःन्इङ्गाॽइन् मे़ल्लॽए के़रे़क्ले़ थिक् निङ्वाॽ थिक् हुप्पो मे़याङुरो॥
Philippians 3:12 in Limbu 12 इङ्गाॽ कन् के़रे़क् पाःन्हाॽ खोःसुङ् इग्र कुसाङ् लस्सुङ् सुरुङ्ङाङ् वाॽआ के़लॽबाग मे़ःन्लो, कर इङ्गाॽग कन् पाःन्हाॽ खोःमा फाॽआङ् तगि पोआर पत्तारो, थेआङ्भे़ल्ले़ बा खे़ल्ले़ लागि ख्रिस्त ये़सुरे़ ताङ्से़ःप्ताङ्बारो॥
1 Timothy 6:17 in Limbu 17 कन् इक्सादिङ् खाम्बेःक्मोबा याङ्साकुन्धेसाबाहाॽ अक्खेलॽरिक् इङ्जाःङ् पिरे़से़ॽ–खे़ङ्हाॽ आङ्दिङ् मे़न्लॽने़न्लरो, हे़क्क्याङ् खुनिॽ निङ्साङ्ङिन् चप्ले़क्वा याङ्साकुन्धेओ मे़ःन्, कर निङ्वाॽफुमाङ्ङो मे़युक्खुररो॥ खुने़ॽए आनिॽ निङ्वाॽ तार फाॽआङ् कुनिङ्वाॽ हन्दुआङ् काक् आबिॽरो॥
Hebrews 10:34 in Limbu 34 खिनिॽग पुङ्लाहिम्मो के़धाःबाहाॽ लुङ्माॽ के़दुक्तुम्सिम्॥ मनाहाॽरे़ खिनिॽ याङ्साकुन्धेहाॽ के़म्नाप्ति के़म्देॽरिसाङ् के़सःत्तिर नासिके़धःत्तुम्, थेआङ्भे़ल्ले़ खिनिॽग के़गत्तुम्बा पाःन्हाॽनुःल्ले़आङ् नुःबा नु सदादिङ् के़वाॽबा याम्साम्गे़न् याङ्साकुन्धेःन् के़गत्तुम् के़लॽबा पाःन्निन् कुसिङ् के़निःत्तुम्लो॥