Matthew 18:17 in Limbu 17 खे़ल्ले़ आल्लसाङ् खे़ङ्हाॽ खे़म्मा नाॽरुसिने़ फाॽग्र सेसेहुप्लक्को कन् पाःन्निन् तारे़म्मे़ॽओ॥ हे़क्क्याङ् सेसेहुप्लक्किल्ले़ पाःत्तुबा पाःन्निन्नाङ् नाॽरुने़ फाॽग्र खे़ङ्ग थिम्मे़न्दङ् सुवाङ् नु एःङ्याङ् के़भोःङ्बा ताप्फे़ःम्बा मना कुइसिःक् इःत्ते़म्मे़ॽओ॥
Other Translations King James Version (KJV) And if he shall neglect to hear them, tell it unto the church: but if he neglect to hear the church, let him be unto thee as an heathen man and a publican.
American Standard Version (ASV) And if he refuse to hear them, tell it unto the church: and if he refuse to hear the church also, let him be unto thee as the Gentile and the publican.
Bible in Basic English (BBE) And if he will not give ear to them, let it come to the hearing of the church: and if he will not give ear to the church, let him be to you as a Gentile and a tax-farmer.
Darby English Bible (DBY) But if he will not listen to them, tell it to the assembly; and if also he will not listen to the assembly, let him be to thee as one of the nations and a tax-gatherer.
World English Bible (WEB) If he refuses to listen to them, tell it to the assembly. If he refuses to hear the assembly also, let him be to you as a Gentile or a tax collector.
Young's Literal Translation (YLT) `And if he may not hear them, say `it' to the assembly, and if also the assembly he may not hear, let him be to thee as the heathen man and the tax-gatherer.
Cross Reference Matthew 5:46 in Limbu 46 खिनिॽ लुङ्माॽ के़दुक्पाहाॽरक् लुङ्माॽ के़दुक्तुम्सिम्ने़ फाॽग्र खिनिॽ थे हाङ्से़म्मिन् के़घोःसुम्माङ्बे? हे़क्तङ्बा याःम्बक्किङ्ग एःङ्याङ् के़भोःङ्बाहाॽरे़आङ् मे़जोगुरो॥
Matthew 6:7 in Limbu 7 हे़क्क्याङ् तुवा के़जोगिल्ले़ निङ्वाॽफुमाङ्ङिन् कुसिङ् मे़न्निःप्मनाबाहाॽ हे़क्के मनाहाॽरे़ मे़घे़प्सुर मुनुनु मे़लॽरे़म्मिन्ने़ॽओ, थेआङ्भे़ल्ले़ खे़ङ्हाॽरे़ग यरिक् मे़बाःत्तिल्ले़रक् माङ्ङिल्ले़ खुनिॽ तुवाःन् खे़प्सुॽ फाॽआङ् मे़इःत्तुॽरो॥
Matthew 11:19 in Limbu 19 इङ्गाॽ मे़न्छाम्साःङ्ग चाङ्ल थुङुङ्ल त्याङ्, हे़क्क्याङ् खे़ङ्हाॽरे़ अक्खे मे़बाःत्तु, ‘खे़ङ्ग तःक् थे़ःक्के नु थिःमसाङ्लो, एःङ्याङ् के़भोःङ्बाहाॽ नु लायोबाहाॽरे़ खुनिॽ चुम्लो॥’ कर निङ्वाॽफु सिक्कुम्दिङ् निङ्वाॽइङ्ग कुयाःम्बक्कोलाम् खे़न् निस्से चोःक् फाॽआङ् निःदे़त्लो॥”
Matthew 21:31 in Limbu 31 आल्ल खे़न् ने़प्फुओ आत्तिल्ले़ खुन्छिॽ पाःल्ले़ कुनिङ्वाॽ हे़क्के चोगे़त्छुबे?” खे़ङ्हाॽरे़ नोगप् मे़बिरु, “तुम्बाल्ले़रो॥” ये़सुरे़ खे़ङ्हाॽ मे़त्तुसि, “इङ्गाॽ से़क्खाए मे़त्निङ्, निङ्वाॽफुहाङ्जुम्मो एःङ्याङ् के़भोःङ्बाहाॽ नु के़त्निमाहाॽ खिनिॽनुःल्ले़आङ् तगि मे़लाःत्लो॥
Luke 15:1 in Limbu 1 थिक्ये़न् यरिक् एःङ्याङ् के़भोःङ्बाहाॽ नु वेॽ लायोबाहाॽ ये़सुरे़ कुबाःन् खे़म्से़ खुने़ॽ कुघिरि मे़जुप्से़ल्ले़
Luke 18:11 in Limbu 11 खे़न् फरिसिःन् एःक् ये़म्सिङ्ङाङ् तुवा चोगु, ‘निङ्वाॽफुमाङ्ङे, इङ्गाॽ नोगे़न् पिने़रो, थेआङ्भे़ल्ले़ इङ्गाॽ वेॽस्मा मनाहाॽ हे़क्के, साक्के़ल्ले़क्काङ् याङ् के़भोःङ्बा, मना ताप्फे़ःल्लिक् के़मे़प्पा, चाराम्मा याःम्बक् के़जोःक्पा, हे़क्क्याङ् कन् एःङ्याङ् के़भोःङ्बा हे़क्के इङ्गाॽ मे़जोःक्कान्लो॥
Luke 19:2 in Limbu 2 खे़न् ये़क्यक्को जक्कै मिङ् के़वाःप्पा याङ्साकुन्धेसाबा तुम्एःङ्याङ् के़भोःङ्बाधिक् वये़॥
Acts 6:1 in Limbu 1 आल्ल खे़न् ये़म्मो हुॽसाम्बाहाॽ चक्मे़ल्लॽए मे़बोःरे़र मे़बेःल्ले़ ग्रिक के़बाःप्पा यहुदिहाॽ नु हिब्रु के़बाःप्पा यहुदिहाॽओ खे़माॽ पोगे़रो॥ ग्रिक के़बाःप्पा यहुदिहाॽरे़ आनिगे़ मेमेदुमाहाॽ थिक्याःन्धक्पा चामा थुङ्मा मे़हासुबाओ नुःरिक्काङ् कम्ब्राङ् मे़न्जोगुसिन् फाॽआङ् लुङ्मे़हाःत्तुसिरो॥
Acts 15:6 in Limbu 6 हे़क्केःल्ले़ सेःक्युक्मिबाहाॽ नु तुम्लाम्लोःबाहाॽ सोरिक् मे़जुप्से़आङ् कन् पाःन्निल्ले़ कुयाःम्बेओ पाःन्धङ् मे़जोगुरो॥
Romans 16:17 in Limbu 17 आमिःम् फुॽनुसाॽ नु ने़ॽनुसाॽसे, ये़मे़न्दङ् के़दाःप्पाहाॽ मिक्चो मे़त्ते़म्सिम्मे़ॽ फाॽआङ् पेलि फाक्निङ्लो॥ खे़ङ्हाॽरे़ग खिनिॽ के़हुॽआसिबा से़क्खा पाःन्निल्ले़ कुदक्ले़ङ्वाओ इङ्ले़क्पा पाःन्निन् मे़हुॽरुसिआङ् मनाहाॽ खुनिॽ नसाःन्नो मे़घःसुसिरो॥ अक्तङ्बा मनाहाॽनु माःङ्घाए वये़म्मे़ॽ,
1 Corinthians 5:3 in Limbu 3 इङ्गाॽ खिनिॽनु होःप्पासाङ् आनिङ्वाॽओग सोरिक्के वाॽआरो॥ खे़ल्ले़ चोगुल्ले़ खिनिॽनु सोरिक् वाॽआबा कुइसिःक्के खे़न् मनाःल्ले़ कुदक्ले़ङ्वाओ खासे़न् लोःन्दुङ् सुरुङ्ङाङ् वाॽआरो॥
1 Corinthians 5:9 in Limbu 9 तगि कन् इक्सादिङ् खाम्बेःक्मोबा याम्बोःप्मा याःम्बक् के़जोःक्पा मनाहाॽनु सोरिक् मे़वये़म्मिन्ने़ॽ लॽरिक् इङ्गाॽ सक्इङ्घङ् साप्तुङ्ङाङ् हाक्निङ्ङाङ् वयाङ्॥
2 Corinthians 2:6 in Limbu 6 खिनिॽ थिक्हुप् के़बोःक्खिआङ् के़बिरुम्बा खुम्दिङ्ङिन् खुने़ॽ कुलागि के़रे़आङ् वाॽरो॥
2 Corinthians 6:14 in Limbu 14 ख्रिस्ते़न्नसाःन् मे़न्जोःक्मनाबाहाॽनु सोरिक् मे़घे़ःप्पासिम्मिन्ने़ॽओ, थेआङ्भे़ल्ले़ साम्योनिबा नु लायोबा पाःन्हाॽ मे़दङ्ने़न्लो! से़न्दाङ्गे़न् ओःत्तिःन् नु माक्चिगे़न् खादाम्मान् मे़दङ्ने़न्लो॥
Ephesians 4:17 in Limbu 17 खे़ल्ले़ चोगुल्ले़ इङ्गाॽ दाङ्बाल्ले़ कुयुक्किल्ले़ अक्खे मे़त्निङ्, खिनिॽ निङ्वाॽफुमाङ् कुसिङ् मे़न्निःप्मनाबाहाॽ मे़वाॽबा कुइसिःक् मे़वये़म्मिन्ने़ॽओ, थेआङ्भे़ल्ले़ खे़ङ्हाॽरे़ खुनिॽ निङ्वाॽइन्कुसुम्मे़न्दम्मनाबा चोःक्लो॥
Ephesians 5:11 in Limbu 11 खादाम्मालुम्मोबा कुसुम्मे़न्दम्मनाबा याःम्बक् के़जोःक्पाहाॽनु मे़गाम्मासिम्मे़न्ने़ॽ, कर खे़न् हे़क्तङ्बा याःम्बक्हाॽ नुःबा मे़ःन् फाॽआङ् ओसेःन्धाक्ते़म्सिम्मे़ॽ॥
2 Thessalonians 3:6 in Limbu 6 फुॽनुसाॽ नु ने़ॽनुसाॽसे, दाङ्बा ये़सु ख्रिस्तरे़ कुयुक्किल्ले़ आनिगे़ खिनिॽ इङ्जाःङ् पिआसिगे़ॽरो॥ आत्तिन् ले़म्स्वाबा चोःक्काङ् आनिगे़ ओःन्धाक् पिरुम्बे़बा पाःन्नो मे़बत्ने़न्, खे़न्नु लाःत्लाःत् वये़म्मे़ॽओ॥
2 Thessalonians 3:14 in Limbu 14 आनिगे़ कन् सक्इङ्घङ् साप्तुम्बे़बा पाःन् मे़ङ्घे़म्मना मनाःन् खिनिॽ लुम्मो वाॽने़ फाॽग्र खे़न् नुःरिक्काङ् मिक्चो मे़त्ते़म्मे़ॽओ॥ हे़क्केलॽरिक् खे़न् सिरिङ् मःर फाॽआङ् खे़न्नु लाःत्लाःत् वये़म्मे़ॽओ॥
1 Timothy 6:5 in Limbu 5 खे़ल्ले़ फे़न् निङ्वाॽ के़गप्पाहाॽ नु से़क्खा पाःन्नो मे़म्बप्मनाबाहाॽरे़ खुनिॽ लुम्मो खे़माॽ फोःक्खुॽरो॥ खे़ङ्हाॽरे़ग साम्यो इःप्मा नाःप्मा फाॽइन् याङ्साकुन्धे थक्मा लाम् फाॽआङ् मे़इःत्तुॽरो॥
2 John 1:10 in Limbu 10 ख्रिस्तरे़ से़क्खाबा कुनिसाम्बुङ्ङिन् मे़न्हुॽमनाबा मनाःन् खे़ने़ॽ के़हिम्मो ताने़ फाॽग्र खे़न् के़हिम्मो लाःप्मा मे़बाङ्घे़न्ने़ॽ हे़क्क्याङ् लाङ्ङाङ्मे़दाःक्ते़न्ने़ॽओ॥
3 John 1:9 in Limbu 9 इङ्गाॽ सेसेहुप्लक्को सक्इङ्घङ् साप्तुङ्ङाङ् वये़, कर लाम्लोःबा पोःङ्मा कुसिराॽ के़धाङ्बा दियोत्रिफसरे़ इङ्गाॽ पाःत्तुङ्बा पाःन्निन् मे़घे़प्सुन्लो॥