Matthew 11:21 in Limbu 21 “खोराजिन नु बे़थसेदा पाङ्जुम्मोबा मनासे, चिःत्ते़आङ्लक् स्ये़रो! खिनिॽ पाङ्जुम्मो पोःक्खे़बा निङ्वाॽ के़माबा याःम्बक्हाॽ थिम्मे़न्दङ् सुवाङ्हाॽरे़ खुनिॽ ये़क्यक् तायर नु सिदोन्नो पोःक्खे़आङ् वये़ल्ले़ग उन्छोःन्छा खे़प्मोबा मनाहाॽ लायोलाम् मे़हिन्दे़बारो फाॽआङ् सगितेःत् मे़जाक्सिङ्ङाङ् खाप्पु मे़जुःत्छिङ्बामे़न्॥
Other Translations King James Version (KJV) Woe unto thee, Chorazin! woe unto thee, Bethsaida! for if the mighty works, which were done in you, had been done in Tyre and Sidon, they would have repented long ago in sackcloth and ashes.
American Standard Version (ASV) Woe unto thee, Chorazin! woe unto thee, Bethsaida! for if the mighty works had been done in Tyre and Sidon which were done in you, they would have repented long ago in sackcloth and ashes.
Bible in Basic English (BBE) Unhappy are you, Chorazin! Unhappy are you, Beth-saida! For if the works of power which were done in you had been done in Tyre and Sidon, they would have been turned from their sins in days gone by, clothing themselves in haircloth and putting dust on their heads.
Darby English Bible (DBY) Woe to thee, Chorazin! woe to thee Bethsaida! for if the works of power which have taken place in you, had taken place in Tyre and Sidon, they had long ago repented in sackcloth and ashes.
World English Bible (WEB) "Woe to you, Chorazin! Woe to you, Bethsaida! For if the mighty works had been done in Tyre and Sidon which were done in you, they would have repented long ago in sackcloth and ashes.
Young's Literal Translation (YLT) `Wo to thee, Chorazin! wo to thee, Bethsaida! because, if in Tyre and Sidon had been done the mighty works that were done in you, long ago in sackcloth and ashes they had reformed;
Cross Reference Matthew 11:22 in Limbu 22 कर इङ्गाॽ से़क्खाए मे़त्निङ्, खासे़न् ये़न्नोग खिनिॽ तुक्खेन्नुःल्ले़ तायर नु सिदोनबा मनाहाॽरे़ खुनिॽ तुक्खेःन् थम्मा सुक्के़दे़प्पा पोःङ्लो॥
Matthew 12:41 in Limbu 41 निनबे ये़क्यक्स्मा मनाहाॽ कोये़म्बा मनाहाॽनु खासे़न् ये़न्नो मे़ये़प्पाङ् कङ्हाॽ आप्तिक् मे़गुःत्तुसिॽरो॥ थेआङ्भे़ल्ले़ योनारे़ पाःत्तुबा पाःन्नो खे़ङ्हाॽरे़ नसाःन् मे़जोगुआङ् खुनिॽ लायोलाम् मे़हिन्दे़रो, कर कप्मोग योनाःन्नुःल्ले़आङ् यम्बाधिक् वाॽसाङ् खिनिॽ लायोलाम् के़न्हिन्दिन्लो॥
Matthew 15:21 in Limbu 21 हे़क्क्याङ् ये़सुःन् गालिललाम् इस्राइल लाःक्कात्पा तायर नु सिदोन ये़क्यक् खिरिबा थुम्हाॽओ पे॥
Matthew 18:7 in Limbu 7 कन् इक्सादिङ् खाम्बेःक्मान् चिःत्ते़आङ्लक् स्ये़रो, थेआङ्भे़ल्ले़ मे़न्छाम् याप्मिहाॽ लायो चोःक्मा के़बाङ्बा पाःन्हाॽ कप्मो यरिक् वाॽरो॥ अक्तङ्बा पाःन्हाॽग ताःएरो, कर वेॽहाॽ लायोओ के़धाःबा मनाःङ्ग चिःत्ते़आङ्लक् स्ये़रो!
Matthew 23:13 in Limbu 13 खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! साङ्ग्राम्पेदाङ्बा हाङ्जुम्मिल्ले़ कुलाम्मिन् वेॽ मनाहाॽरे़ लागि के़साक्तुम्माङ् के़वयिॽरो, हे़क्क्याङ् आबाङेआङ् खे़प्मो खिनिॽ के़न्लासिन् हे़क्क्याङ् लाःप्मा के़गोःप्पा वेॽ मनाहाॽआङ् लाःप्मा के़म्बाङ्घुम्सिम्मिन्लो॥
Matthew 26:24 in Limbu 24 मे़न्छाम्साःङ्ग साम्योसाप्लाओ साप्ते़बा कुइसिःक्के सिःमाए पोःङ्लो॥ कर मे़न्छाम्साःन् इङ्गे़ले़क्पे़ङ्ग चिःत्ते़ स्ये़रो! खे़ङ्ग सामे़वाःन्छिङ्ङिन्निल्ले़ नुरे़बारो॥”
Mark 3:8 in Limbu 8 खुने़ॽ चोगुबा याःम्बक्हाॽ मे़घे़प्सुआङ् यरिक् मनाहाॽ यहुदिया, यरुसले़म, इदुमिया, यर्दन नाधाःम्बिबा लाजेॽओनु, हे़क्क्याङ् तायर नु सिदोन ये़क्यक् खिरिलाम्कुओमे़त्छे़ मे़द्ये़रो॥
Mark 6:45 in Limbu 45 ये़सुरे़ मनाहाॽ पाङ्घुसिनामे़ःन्ने खःङ्बेओ लाःसे़म्मे़ॽआङ् वरक्किल्ले़ नाहाङ्दाङ् बे़थसेदाओ इङ्गाॽनुःल्ले़ तगि पेगे़म्मे़ॽ फाॽआङ् कुहुॽसाम्बाहाॽ मे़त्तुसि॥
Mark 7:24 in Limbu 24 ये़सुःन् खे़न् ते़न्नोलाम् तायर नु सिदोन ये़क्यक् खिरिबा थुम्हाॽओ पेरो॥ हे़क्क्याङ् खुने़ॽ थिक् हिम्मो लाःसे़, थेआङ्भे़ल्ले़ खुने़ॽ खे़प्मो त्ये़बा आत्तिन्हाॽरे़आङ् निङ्वाॽ मे़ङ्घोःसुन्ल के़लॽबा इःत्तुआङ् वये़॥ कर खुने़ॽ चिङ्सिङ्मा मे़सुक्ते़न्लो॥
Mark 7:31 in Limbu 31 ये़सुःन् तायरलाम् सिदोन पोःक्खे़र पेआङ् खुने़ॽ गालिल वरक् नु थिबोःङ् पाङ्जुम्मिल्ले़न्थुम्मो पेरो॥
Mark 8:22 in Limbu 22 ये़सुःन् नु कुहुॽसाम्बाहाॽ बे़थसेदाओ मे़गे़रे़॥ खे़प्मो मनाहाॽरे़ मिक्फःम्बाधिक् ये़सुरो मे़दारुआङ् “खे़ल्ले़ कुसम्दाङ् के़हुक्किन् ने़स्से़ॽआङ् खानिःमा के़सुक्पा चोगे़ॽओ” फाॽआङ् पेलि मे़भाक्तुरो॥
Luke 4:26 in Limbu 26 खे़प्मो यरिक् मेमेदुमाहाॽ मे़वये़साङ् निङ्वाॽफुमाङ्ङिल्ले़ एलियाःन् इस्राइलओ मे़ःन्, कर सिदोन थुम्मोबा सारफत पाङ्जुम्मोबा मेमेदुमाल्लोरक् पाङ्घुरो॥
Luke 6:17 in Limbu 17 हे़क्क्याङ् खुने़ॽ खे़ङ्हाॽनु यो थ्ये़आङ् ने़ने़बा ते़न्नो ये़म्सिङ्लो॥ खे़प्मो यरिक् कुहुॽसाम्बाहाॽ नु काक् यहुदिया थुम्, यरुसले़म, हे़क्क्याङ् वरक्किल्ले़ कुयाओ के़ने़बा तायर नु सिदोन ये़क्यक्कोलाम् यरिक् मनाहाॽ मे़द्ये़आङ् मे़वये़॥
Luke 9:10 in Limbu 10 हे़क्क्याङ् सेःक्युक्मिबाहाॽ मे़नुःक्खे़ मे़द्ये़आङ् खे़ङ्हाॽरे़ मे़जोगुबा याःम्बक्हाॽ ये़सुःन् मे़जे़क्तु॥ हे़क्क्याङ् ये़सुरे़ खे़ङ्हाॽ बे़थसेदा पाङ्जुम् ले़प्माङ् स्वाःत्ताङ् तेॽरुसिआङ् पे,
Luke 10:13 in Limbu 13 “खोराजिन नु बे़थसेदा पाङ्जुम्मोबा मनासे, चिःत्ते़आङ्लक् स्ये़रो! खिनिॽ पाङ्जुम्मो पोःक्खे़बा निङ्वाॽ के़माबा याःम्बक्हाॽ ताक्के़भे़ॽबाहाॽरे़ खुनिॽ ये़क्यक् तायर नु सिदोन्नो पोःक्खे़आङ् वये़ल्ले़ग उन्छोःन्छा खे़प्मोबा मनाहाॽ लायोलाम् हिन्दिगे़ फाॽआङ् सगि तेःत् मे़जाक्सिङ्ङाङ् खाप्पु मे़जुःत्छिङ्बामे़न्॥
Luke 11:42 in Limbu 42 कर के़जिःत्ति के़स्ये़ॽइरो फरिसिसे, थेआङ्भे़ल्ले़ खिनिॽग चुजुक्सा मारुक्किल्ले़न् थिबोःङ्लक् निङ्वाॽफुमाङ्ङिन् के़बिरुम्, कर निङ्वाॽफुमाङ्ङिन् मिःम्जि के़म्मे़त्तुम्मिन्, हे़क्क्याङ् वेॽहाॽआङ् नुःरिक्काङ् खासे़न् के़न्लोःन्दुम्सिम्मिन्लो॥ खिनिॽ तगिस्मान् के़जोगुम्मिल्ले़ एगाङ्स्मान्नाङ् के़जोगुम्मिल्ले़ पोःक्खे़बारो॥
John 1:44 in Limbu 44 आल्ल फिलिप्पे़ङ्ग, आन्द्रियास नु पत्रुसरे़ खुन्छिॽ बे़थसेदा पाङ्जुम् के़युङ्बा वये़रो॥
John 3:5 in Limbu 5 ये़सुरे़ नोगप् पिरु, “इङ्गाॽ से़क्खाए मे़त्ने़ॽ, च्वाःत् नु सेसेमाङ्लाम्बा सामे़न्वाःन्छिङ्ङे थारिक् निङ्वाॽफुहाङ्जुम्मो आत्तिन्नाङ् लाःप्मा मे़सुक्ने़न्लो॥
John 12:21 in Limbu 21 खे़ङ्हाॽ गालिलबा बे़थसेदा पाङ्जुम्बा फिलिपरो मे़बेआङ् पेलि मे़भाक्तु, “आदाङ्बे, आनिगे़ग ये़सुःन् तुम्मा निङ्वाॽ चोगुम्बे़आङ् वयिगे़रो॥”
Acts 12:20 in Limbu 20 खे़न् ये़म्मो हे़रोद हाङ्ङिल्ले़ तायर नु सिदोनस्मा मनाहाॽनु साॽरिक् कुसिक् पोगे़आङ् वये़॥ हे़क्केःल्ले़ खे़ङ्हाॽ थिक्हुप् मे़बोःक्खे़आङ् हे़रोद हाङ्ङिन्नु नादङ् चोःक्से़ कुदुम्से़ मे़बे, थेआङ्भे़ल्ले़ के़रे़क् चामा थुङ्माहाॽ हे़रोद हाङ्ङिल्ले़ कुलाजेॽओलाम् मे़दारुर मे़वये़ कर हाङ्ङिल्ले़ खे़न् चामा थुङ्मा के़दाःबा लाम्मिन् साक्मा पाङ्घुसिआङ् वये़रो॥ काक्नु तगि हाङ् हिम्मोबा बालास्तस मे़प्मनाबा नसाःन्साबा मनाःन् हुक्को मे़दारुआङ् हाङ्ङिन्नु ताॽजे़ङ्मा ये़म् मे़घोःसुरो॥
Acts 13:44 in Limbu 44 हे़क्क्याङ् के़दाःबा नाःम्सिङ्ये़न्नो खप्मे़न् खे़न् ये़क्यक्कोबा काक् मनाहाॽ निङ्वाॽफु पाःन्जाक् खे़म्से़ मे़द्ये़रो॥
Acts 27:3 in Limbu 3 हे़क्क्याङ् कुदाःन्दिक्मा आनिगे़ सिदोन्नो के़प्मनाआङ् थक्तुम्बा जुलियसे़ल्ले़ पावले़न् लुङ्माॽ तुक्तुआङ् कुन्देःङ् कुन्जुम्हाॽनु तुम्मा हे़क्क्याङ् चाहाबा के़जोःक्पा चिगःक्वा तङ्गाम् चोःक्मा ते़न्दिङ् पिरुरो॥
Acts 28:25 in Limbu 25 खे़ल्ले़ चोगुल्ले़ खुनिॽ लुम्मोए निङ्वाॽ मे़न्दङ् पोःक्खे़रो॥ हे़क्क्याङ् खे़ङ्हाॽ पेःक्मानुःल्ले़ तगि पावलरे़ अक्खे मे़त्तुसि, “से़क्खाए नुःरिक्काङ् सेसेमाङ्ङिल्ले़ माङ्निङ्वाॽपाःन् के़बाःप्पा यसैयाःल्ले़ कुमुराओलाम् खिनिॽ थाःक्थे़बाहाॽ अक्खे मे़त्तुसिआङ् वाॽरो–
Jude 1:11 in Limbu 11 चिःत्ते़आङ्लक् स्ये़रो! थेआङ्भे़ल्ले़ खे़ङ्हाॽरे़ग कयिनरे़ कुलायोबा लाम्मिन् मे़नाःत्तुआङ् वाॽ, याङ्साकुन्धेरे़ लागि बालामरे़ चोगुबा ताप्फे़ःम्बा याःम्बक् कुइसिःक् मे़जोगुआङ् वाॽ, हे़क्क्याङ् खे़ङ्हाॽग कोरहरे़ बिफ्युङ् चोगुआङ् मे़गे़बा कुइसिःक् मे़मे़क्लो॥