Mark 13:9 in Limbu 9 खिनिॽग सिङ्सिङ् लॽरे़म्मे़ॽओ॥ खिनिॽ याप्मि नसाःन् के़जोगिबाल्ले़ चोगुल्ले़ खे़ङ्हाॽरे़ के़म्दे़म्सिॽआङ् ये़जुम्भोहाॽओ के़म्देॽरिॽ, हे़क्क्याङ् यहुदि चुम्लुङ्हिम्मो ते़ःम्भुक् के़म्बिरिॽरो॥ कङ्ग सुहाङ्गे़म्बाहाॽ नु हाङ्हाॽरे़ खुनिॽ तगि आयाःम्बेओ पाःप्मा खिनिॽ के़घोःसुम्बा सुये़म्लो॥
Other Translations King James Version (KJV) But take heed to yourselves: for they shall deliver you up to councils; and in the synagogues ye shall be beaten: and ye shall be brought before rulers and kings for my sake, for a testimony against them.
American Standard Version (ASV) But take ye heed to yourselves: for they shall deliver you up to councils; and in synagogues shall ye be beaten; and before governors and kings shall ye stand for my sake, for a testimony unto them.
Bible in Basic English (BBE) But take care: for they will give you up to the Sanhedrins; and in Synagogues you will be whipped; and you will be taken before rulers and kings because of me, for a sign to them.
Darby English Bible (DBY) But *ye*, take heed to yourselves, for they shall deliver you up to sanhedrims and to synagogues: ye shall be beaten and brought before rulers and kings for my sake, for a testimony to them;
World English Bible (WEB) But watch yourselves, for they will deliver you up to councils. You will be beaten in synagogues. You will stand before rulers and kings for my sake, for a testimony to them.
Young's Literal Translation (YLT) `And take ye heed to yourselves, for they shall deliver you up to sanhedrims, and to synagogues, ye shall be beaten, and before governors and kings ye shall be set for my sake, for a testimony to them;
Cross Reference Matthew 10:17 in Limbu 17 मनाहाॽनु सिङ्सिङ् ये़क्ये़क् लॽरे़म्मे़ॽओ, थेआङ्भे़ल्ले़ खे़ङ्हाॽरे़ खासे़न् लोःम्मा हिम्मो खिनिॽ के़म्देॽरिॽ, यहुदि चुम्लुङ्हिम्मो ते़ःम्भुक् के़म्बिरिॽरो॥
Matthew 23:34 in Limbu 34 हे़क्केःल्ले़ नुःरिक्काङ् खे़प्से़म्मे़ॽओ, ताःन्दि खिनिॽओ इङ्गाॽ माङ्निङ्वाॽपाःन् के़बाःप्पाहाॽ, सिक्कुम्साबा मनाहाॽ नु साम्योथिम्साम्बाहाॽ पाङ्घुङ्सिङ्लो॥ खे़ङ्हाॽओ कुभा खिनिॽ के़से़रुम्सिम्, कुभा सिलाम्साक्मा सिङ्सम्दाङ् के़भोःन्दुम्सिम्, हे़क्क्याङ् कुभाग यहुदि चुम्लुङ्हिम्मो ते़ःम्भुक् के़याक्तुम्सिम्माङ् ये़क्यक् थप्मा निङ्घुम् के़मे़त्तुम्सिम्लो॥
Matthew 24:9 in Limbu 9 हे़क्क्याङ् खिनिॽग मनाहाॽरे़ के़म्दे़म्सिआङ् तुक्खे के़म्जाःत्तिॽ, हे़क्क्याङ् के़म्से़रिॽरो॥ खिनिॽ याप्मि नसाःन् के़जोगिबाल्ले़ चोगुल्ले़ के़रे़क् मे़न्छाम् सुवाङ्हाॽरे़ के़म्जिःत्तिॽरो॥
Mark 1:44 in Limbu 44 कर पेगे़ॽआङ् निङ्वाॽफुसाम्बाल्लो ओसेःन्धाक्सिङ्ङे़ॽ, हे़क्क्याङ् खे़ने़ॽ नुःराङ् फाॽआङ् मनाहाॽ ओसेःन्धाक्मासिरे़ लागि मोसारे़ इङ्जाःङ् चोगुबा हे़क्के सिदुङ्जभा चोगे़ॽओ” मे़त्तुर पाङ्घुदेःसुरो॥
Mark 6:11 in Limbu 11 हे़क्क्याङ् आत्तिन् लाजेॽओ खिनिॽ लाम् के़मे़न्दाःक्तिन् हे़क्क्याङ् खिनिॽ पाःन्नाङ् मे़ङ्घे़प्सुन्, खे़न् लाजेॽइन्के़ले़रुम्माङ्के़बिगिल्ले़ खिनिॽ लाङ्ङो के़घिप्पा खाम् हिःक्किन् थाप्से़म् थाॽरे़म्सिम्मे़ॽ कङ्ग खुनिॽ तक्ले़ङ्वाओ के़बोःङ्बा मिक्सेःन्लो॥”
Mark 13:5 in Limbu 5 ये़सुरे़ खे़ङ्हाॽ नोगप् पिरुसि, “सिङ्सिङ् लॽरे़म्मे़ॽओ, आत्तिल्ले़आङ् खिनिॽ इङ्गे़न्ले़क्तिन्लरो॥
Luke 9:5 in Limbu 5 कर मनाहाॽरे़ खिनिॽ लाङ्दाःक्मा के़मे़म्बिरिन्ने़ फाॽग्र खे़न् पाङ्जुम्मिन् के़ले़रुम्मिल्ले़ खिनिॽ लाङ्ङो के़घिप्पा खाम् हिःक्किन् थाप्से़म् थ्ये़म्मे़ॽ॥ कङ्ग खुनिॽ तक्ले़ङ्वाओ के़बोःङ्बा मिक्सेःन्लो॥”
Luke 21:16 in Limbu 16 खिनिॽ पा-माहाॽ, फुॽनुसाॽहाॽ, काॽइ सोॽधोःक्हाॽ नु तेःङ्जुम्हाॽरे़ इङ्गे़म्ले़क्तिआङ्ते़म्मा के़म्बाङ्घिॽरो॥ खे़ङ्हाॽरे़ खिनिॽ कुभाग के़म्से़रिॽ॥
John 15:20 in Limbu 20 इङ्गाॽ मे़त्निङ्बा आबाःन्हाॽ निङ्वाॽ इःत्ते़म्मे़ॽओ ‘सेवारोबान् कुन्दाङ्बान्नुःल्ले़ यम्बा मे़ःन्लो॥’ खे़ङ्हाॽरे़ इङ्गाॽए तुक्खे मे़जाःत्ताङ्ङिल्ले़ खिनिॽआङ् तुक्खे के़म्जाःत्तिॽरो॥ खे़ङ्हाॽरे़ इङ्गाॽ आनिसाम्मिन् मे़इःत्तु मे़नाःत्तुआङ् वये़ल्ले़ग खिनिॽ निसाम्मिन्नाङ् मे़इःत्तु मे़नाःत्तुॽरो॥
John 16:2 in Limbu 2 खिनिॽ यहुदि चुम्लुङ्हिम्मोलाम् के़म्लःत्ति के़म्देःसिॽ॥ हे़क्क्याङ् अक्तङ्बा ये़म्माङ् तार पत्, मनाहाॽरे़ खिनिॽ के़म्से़रिल्ले़ निङ्वाॽफुमाङ्ङिन् सेवा चोगुम्बार पत्छिगे़ लॽरिक् मे़इःत्तुरो॥
Acts 4:1 in Limbu 1 पत्रुस नु युहुन्नारे़ मनाहाॽ इङ्भोःसे़त्छुर यागे़त्छिल्ले़ निङ्वाॽफुसाम्बाहाॽ, माङ्हिम् के़गोःबा थक्सुबाहाॽरे़ खुनिॽ थक्तुम्बा नु कुभा सदुकिहाॽ खे़प्मो मे़द्ये़रो॥
Acts 5:17 in Limbu 17 हे़क्क्याङ् मानिङ्वाॽफुसाम्बा नु सदुकि लक्कोबा खुने़ॽ कुन्जुम्हाॽरे़ सेःक्युक्मिबाहाॽ साॽरिक् नामे़हे़त्तुसि॥
Acts 6:11 in Limbu 11 हे़क्क्याङ् खे़ङ्हाॽरे़ स्वाःत्ताङ् मनाहाॽ अक्खेलॽरिक् पाःप्मा मे़हुसुसिरो, “आनिगे़ग कल्ले़ मोसा नु निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पारे़बा खे़प्सुम्बे़रो॥”
Acts 7:54 in Limbu 54 कन् पाःन्निन् चुम्लुङ्बा पासिङ् पादाङ्लाहाॽरे़ मे़घे़प्सुआङ् स्तिफनसे़न्नु साॽरिक् खुनिॽ सिक् पोगे़आङ् खुनिॽ हाबोॽ मे़ये़ःक्खुरो॥
Acts 9:1 in Limbu 1 कर दाङ्बाल्ले़ कुहुॽसाम्बाहाॽ के़रे़क् से़प्मासि फाॽआङ् सावलरे़ साॽरिक् यङ्मा से़रुसिरो॥ खुने़ॽ मानिङ्वाॽफुसाम्बाल्लो पेआङ् दमस्कसओ के़वाॽबा के़रे़क् दाङ्बाल्ले़ कुलाम् के़दिम्बा मे़न्छुमाॽ ये़म्बित्छाॽहाॽ पुङ्लाधाबा चोःक्मासिआङ् यरुसले़म्मो ताःप्मासि हे़क्क्याङ् खुम्दिङ् पिमासि सुक्तुङ्ल फाॽआङ् दमस्कसओबा यहुदि चुम्लुङ्हिम्मोबा सुहाङ्युक्पाहाॽरे़ लागि सक्इङ्घङ् साप्पाङ्घुसिरो॥
Acts 9:13 in Limbu 13 हननियाःल्ले़ अत्तुर नोगप् पिरु, “कर आदाङ्बे, खे़ल्ले़ग यरुसले़म्मोबा खे़ने़ॽ सेसे के़मनाहाॽ यरिक् तुक्खे चाःत्तुसिबा इङ्गाॽ खे़प्सुङ्ङाङ् वाॽआरो॥
Acts 9:16 in Limbu 16 इङ्गाॽ आलागि खे़ल्ले़ आक्खे़न्तुक्खे चामा पोःङ् फाॽआङ् इङ्गाॽ ओसेःन्धाक्तुङ्लो॥”
Acts 12:1 in Limbu 1 खे़न् ये़म्मो हे़रोद अग्रिपा हाङ्ङिल्ले़ सेसेहुप्लक्कोबा कुभा नसानिबाहाॽ तुक्खे चाःप्मा हेःक्तुसिआङ्
Acts 16:20 in Limbu 20 खे़ङ्हाॽरे़ रोमि सुहाङ्युक्पाहाॽ अक्खे मे़मे़त्तुसि, “कन् मनाहाॽ यहुदिसिरो, हे़क्क्याङ् कङ्हाॽरे़ आनिॽ ये़क्यक्को हयङ्किल्लिङ् चोःक्सुर याक्सिरो॥
Acts 21:11 in Limbu 11 खे़न् आनिगे़ वयिगे़बाओ त्ये़आङ् पावलरे़ कुभॽइःन् फाःक्खुआङ् आबाङे कुलाङ् कुहुक्को इघेःङ्सिङ्ल अक्खेलॽरिक् पाःत्तु, “सेसेमाङ्ङिल्ले़ अक्खे पाःत्तुॽ, ‘कन् फॽइ दाङ्बान् यरुसले़म्मो यहुदि लाम्लोःबाहाॽरे़ मे़दे़म्सुआङ् अक्खेलॽरिक् इमे़घेःक्खु, हे़क्क्याङ् थिम्मे़न्दङ् सुवाङ्हाॽरे़ खुनिॽ हुक्को हुक्मे़सुप्तुॽ॥’”
Acts 21:31 in Limbu 31 हे़क्क्याङ् खे़ङ्हाॽरे़ खुने़ॽ से़प्मा मे़गोःत्तुल्ले़ यरुसले़म्मो हयङ्किल्लिङ्के़बोःङ्बार के़बप्पा इङ्घङ्ङिन् रोमि तुरास्मा थक्तुम्बाल्ले़ कुने़क्खोॽओ तोःक्ते़॥
Acts 22:19 in Limbu 19 हे़क्केःल्ले़ इङ्गाॽ खुने़ॽ मे़त्तुङ्, ‘आदाङ्बे, इङ्गाॽ यहुदि चुम्लुङ्हिम्हाॽओ पेगाङ्ङाङ् खे़ने़ॽ नसाःन् के़जोःक्पा मनाहाॽ ते़म्सुङ्सिङ्ङाङ् लःप्सुङ्सिङ् हे़क्क्याङ् पुङ्लाहिम्मो साक्तुङ्सिङ्बा पाःन्हाॽग खे़ङ्हाॽरे़ मे़निःसुरो॥
Acts 23:1 in Limbu 1 पावलरे़ ये़जुम्भोःन् नुःरिक्काङ् ओमे़त्तुआङ् अक्खेलॽरिक् पाःत्तु, “आम्भुॽ आन्साॽसे, इङ्गाॽ निङ्वाॽफुमाङ्ङिल्ले़ कुनिःमाओ आइन् थारिक् आहिङ्मन्नो सेसे खासिङ्ङो माङ्सेवा चोगुङ्ङाङ् वाॽआरो॥”
Acts 24:1 in Limbu 1 ङासि ये़न् एगाङ् मानिङ्वाॽफुसाम्बा हननियारे़ कुभा यहुदि तुम्लाम्लोःबाहाॽ नु तरतुलस मे़प्मनाबा कुभाङ्से़म्बान् तेॽरुआङ् यो सिजरिया ये़क्यक्को पे, खे़प्मो सुहाङ्गे़म्बाल्ले़ कुदगि पावलरे़ कुदक्ले़ङ्वाओ खुनिॽ आप्तिक् पाःन्निन् मे़दोःन्दुरो॥
Acts 25:1 in Limbu 1 फे़स्तसे़न् सुहाङ्गे़म्बा पोःक्खे़आङ् रोमलाम् यहुदिया थुम्मो त्ये़बा सुम् ये़न् एगाङ् सिजरियालाम् थो यरुसले़म पे॥
1 Corinthians 4:9 in Limbu 9 थेआङ्भे़ल्ले़ थङ् के़नाःम्बाहाॽरे़ खुनिॽ तिःक्लाओ काक्नुःल्ले़ एगाङ् के़बप्पा सिःमे़ल्ले़ खुम्दिङ् के़घोःबा कुइसिःक् निङ्वाॽफुमाङ्ङिल्ले़ आनिगे़ सेःक्युक्मिबाहाॽ काक्नुःल्ले़ एगाङ् फत्छिगे़आङ् मनालुम्मो ओसेःन्दाङ् चोगिगे़आङ् वाॽ के़लॽबान् निङ्वाॽ इःत्तुङ्लो॥ हे़क्क्याङ् आनिगे़ग काक् इक्सादिङ् खाम्बेःक्मो, माङ्लाइङ्बाहाॽ नु मे़न्छाम् याप्मिलुम्मो लामित्ता पोःक्खिगे़आङ् वयिगे़रो॥
2 Corinthians 11:23 in Limbu 23 खे़ङ्हाॽ ख्रिस्तरे़ कुसेवारोबासिबि? इङ्गाॽग आल्लसाङ् साॽरिक् कुसेवारोबाआरो, कर अक्खेलॽरिक् पाःत्ताल्ले़ कुधना के़ले़ङ्बा कुइसिःक् चोःक्कारो॥ खे़ङ्हाॽनुःल्ले़आङ् इङ्गाॽ याम्बुधिक्काङ् याःम्बक् चोगाङ्, यरिक्ले़ङ् पुङ्लाहिम्मो साक्पा थ्याङ्, यरिक्ले़ङ् ते़ःम्भुक् च्याङ्, हे़क्क्याङ् ए़त्ले़ङ् सिःमा लिङ्धोओ के़राङ्लो॥
Philippians 1:29 in Limbu 29 थेआङ्भे़ल्ले़ खिनिॽग ख्रिस्ते़न्नसाःन् चोःक्मारक् मे़ःन्, कर खुने़ॽ कुलागि इनोगे़न् तुक्खे चामाआङ् सुये़म्मिन् निङ्वाॽफुमाङ्लाम् के़घोःसुम्माङ् के़वयिॽरो॥
2 Thessalonians 1:5 in Limbu 5 कल्ले़ग निङ्वाॽफुमाङ्ङिल्ले़ साम्योनिबा खासे़न् चोगु के़लॽबा पाःन्निन् ओसेःन्दाङ्चोगुरो॥ खे़ल्ले़ चोगुल्ले़ खिनिॽ तुक्खे के़धःरुम्ल के़वयिबाल्ले़ चोगुल्ले़ निङ्वाॽफुहाङ्जुम्ले़न् सुम्बोधासाबा के़बोःक्खिॽरो॥
Revelation 1:9 in Limbu 9 इङ्गाॽ युहुन्नाःन् नसाःन्नो खिनिॽ फुॽआरो॥ ख्रिस्त ये़सुःन्नसाःन् चोःक्मे़ल्ले़ खुने़ॽ कुहाङ्जुम्मो के़वाॽबाहाॽरे़ मे़घोःसुबा निङ्घुम्मिन् खिनिॽनु सोसोरिक् नासि थःत्तुङ्ल थरुङ्ङाङ् वाॽआरो॥ निङ्वाॽफु पाःन्जाक्किन् नु ये़सुरे़ पाःत्तुबा नु चोगुबा पाःन्हाॽ इङ्भन् चोगुङ्बाल्ले़ चोगुल्ले़ इङ्गाॽ पत्मोस वागप्लाजेॽओ साक्पा के़धाःबा मे़जोगाङ्मे़देॽराङ्ङाङ् वयाङ्॥
Revelation 2:10 in Limbu 10 आल्ल खे़ने़ॽओ के़दाःबार के़बप्पा इनोगे़न् तुक्खेहाॽनु मे़गिसे़न्ने़ॽओ॥ खे़प्से़ॽओ, के़नसाःन्निन् हङ्साॽमारे़ लागि माफे़न्साम्मिल्ले़ कुभा खिनिॽ पुङ्लाहिम्मो के़धे़क्तिॽसाङ् थिबोःङ् ये़न् थारिक्लक् इनोगे़न् तुक्खे के़ज्ये़ॽइरो॥ सिःमालिङ्धोओ के़गे़रिसाङ् इङ्गाॽ नसाःन् चोःक्मा याप्मि आल्ले़रे़म्मिन्ने़ॽओ, हे़क्क्याङ् के़नाःन्दुम्माङ् के़घोःसुम्बा थुम्घोःल्ले़ लागि मे़न्नुप्मनाबा हिङ्मन् पिनिङ्लो॥
Revelation 2:13 in Limbu 13 ‘खे़ने़ॽ माफे़न्साम्मिल्ले़ हाङ् चोगुबा ते़न्नो के़वाॽ फाॽआङ् इङ्गाॽ निःसुङ्लो॥ करसाङ् खे़ने़ॽग चक्मे़ल्लॽए इङ्गाॽ नसाःन् के़जोःक्कार के़वाॽ॥ नसाःन्साबा आदोःन्दि के़बाःप्पा एन्तिपासे़न् माफे़न्साम्मिन् के़वाॽबा खिनिॽ ये़क्यक्को मे़से़रुसाङ् खे़ने़ॽग के़नसाःन्निन् के़न्ले़रुन्लो॥
Revelation 6:9 in Limbu 9 हे़क्क्याङ् मे़ल्लुक्साःल्ले़ ङासिगेःक्पा एःप्साप्पिन् फाःक्खुल्ले़ निङ्वाॽफु पाःन्जाक्किन् नु ये़सुरे़ कुयाःम्बेओ मे़बाःत्तुबा पाःन्नो नसाःन्साबा मे़जोगे़बाल्ले़ चोगुल्ले़ मे़से़रुसिबा मे़न्छाम् याप्मिहाॽरे़ खुनिॽ याम्साम्हाॽ इङ्गाॽ ले़त्तिङ्तोःम्मादे़न्निल्ले़ कुसिगाङ् निःसुङ्सिङ्लो॥