Luke 6:22 in Limbu 22 मे़न्छाम्साःल्ले़ चोगुल्ले़ मनाहाॽरे़ के़म्जिःत्तिॽबा, के़म्नाॽरिबा हे़क्क्याङ् खिनिॽ नामे़धासुआङ् ताप्फे़ःल्लिक् के़म्मे़त्तिबाहाॽ मुॽइसाबानिङ्लो॥
Other Translations King James Version (KJV) Blessed are ye, when men shall hate you, and when they shall separate you from their company, and shall reproach you, and cast out your name as evil, for the Son of man's sake.
American Standard Version (ASV) Blessed are ye, when men shall hate you, and when they shall separate you `from their company', and reproach you, and cast out your name as evil, for the Son of man's sake.
Bible in Basic English (BBE) Happy are you, when men have hate for you, and put you away from among them and say angry words to you, turning away in disgust at your name, because of the Son of man.
Darby English Bible (DBY) Blessed are ye when men shall hate you, and when they shall separate you [from them], and shall reproach [you], and cast out your name as wicked, for the Son of man's sake:
World English Bible (WEB) Blessed are you when men shall hate you, and when they shall exclude and mock you, and throw out your name as evil, for the Son of Man's sake.
Young's Literal Translation (YLT) `Happy are ye when men shall hate you, and when they shall separate you, and shall reproach, and shall cast forth your name as evil, for the Son of Man's sake --
Cross Reference Matthew 5:10 in Limbu 10 साम्योनिबा याःम्बक् मे़जोगुल्ले़ मनाहाॽरे़ तुक्खे मे़जाःत्तुसिबाहाॽ मुॽइसाबासिरो, थेआङ्भे़ल्ले़ साङ्ग्राम्पेदाङ्बा हाङ्जुम्मिङ्ग खे़ङ्हाॽरे़न्नेरो॥
Matthew 10:18 in Limbu 18 खिनिॽ याप्मि नसाःन् के़जोगिबाल्ले़ चोगुल्ले़ सुहाङ्गे़म्बाहाॽ नु हाङ्हाॽरे़ खुनिॽ तगि के़म्देॽरिॽ॥ खे़न् ये़म्मो खे़ङ्हाॽ नु के़रे़क् थिम्मे़न्दङ्सुवाङ्हाॽ इङ्गाॽ आयाःम्बेओ मे़प्मासि सुये़म् के़घोःसुम्लो॥
Matthew 10:22 in Limbu 22 खिनिॽ याप्मि नसाःन् के़जोगिबाल्ले़ चोगुल्ले़ के़रे़क् मनाहाॽरे़ के़म्जिःत्तिॽरो, कर आत्तिल्ले़ कुनुप्मो थारिक् थरुॽ, खे़ल्ले़ए से़न्लप् खोःसुॽरो॥
Matthew 10:39 in Limbu 39 आत्तिल्ले़ ने़त्तिगे़न् कुहिङ्मन्निन् आबाङे हिङ्मा कोःत्तुॽ खे़ल्ले़ खे़न् मासुॽरो, कर आत्तिल्ले़ ने़त्तिगे़न् कुहिङ्मन्निन् आलागि मासुॽ, खे़ल्ले़ मे़न्नुप्मनाबा हिङ्मन् खोःसुॽरो॥”
Mark 13:9 in Limbu 9 खिनिॽग सिङ्सिङ् लॽरे़म्मे़ॽओ॥ खिनिॽ याप्मि नसाःन् के़जोगिबाल्ले़ चोगुल्ले़ खे़ङ्हाॽरे़ के़म्दे़म्सिॽआङ् ये़जुम्भोहाॽओ के़म्देॽरिॽ, हे़क्क्याङ् यहुदि चुम्लुङ्हिम्मो ते़ःम्भुक् के़म्बिरिॽरो॥ कङ्ग सुहाङ्गे़म्बाहाॽ नु हाङ्हाॽरे़ खुनिॽ तगि आयाःम्बेओ पाःप्मा खिनिॽ के़घोःसुम्बा सुये़म्लो॥
Luke 20:15 in Limbu 15 हे़क्क्याङ् खे़ङ्हाॽरे़ खे़न् कुस्साःन् चे़ल्ले़क्सेॽ इक्कोलाम् लाःक्कात् मे़लःत्तु मे़देॽरुआङ् मे़से़रुरो॥” ये़सुरे़ खे़ङ्हाॽ सेःन्दोसुसि, “आल्ल चे़ल्ले़क्सेॽ इक्के़ल्ले़ कुन्दाङ्बाल्ले़ खे़न् इक्मसाबाहाॽ आक्खे मे़त्तुसिॽबे?
Luke 21:17 in Limbu 17 खिनिॽ याप्मि नसाःन् के़जोगिबाल्ले़ के़रे़क् मनाहाॽरे़ खिनिॽ के़म्जिःत्तिॽ,
John 7:7 in Limbu 7 इक्सादिङ् खाम्बेःक्मोबाहाॽरे़ खिनिॽ चिःप्मा के़मे़न्छुक्तिन्लो, कर खे़ङ्हाॽरे़ मे़जोगुबा याःम्बक्हाॽ ताप्फे़ःम्बा चोःक् मे़त्तुङ्सिङ्बाल्ले़ चोगुल्ले़ इङ्गाॽ मे़जिःत्तारो॥
John 9:22 in Limbu 22 खे़ल्ले़ कुम्मा कुम्बासिरे़ थेआङ् हे़क्के पाःत्ते़त्छुभे़ल्ले़ यहुदि लाम्लोःबाहाॽनु खुन्छिॽ किःसे़त्छिआङ् वये़त्छिरो॥ थेआङ्भे़ल्ले़ यहुदि लाम्लोःबाहाॽरे़ आत्तिल्ले़ ये़सुःन् निङ्वाॽफुमाङ्ङिल्ले़ सेःन्दुबा ख्रिस्त फाॽआङ् नसाःन् चोगुॽ खे़न् मनाःन् यहुदि चुम्लुङ्हिम्मोलाम् लःप्मादेःमा पोःङ् फाॽआङ् मुरा मे़दङ्घुआङ् मे़वये़रो॥
John 9:34 in Limbu 34 खे़ङ्हाॽरे़ खे़न् मे़मे़त्तु, “खे़ने़ॽग सागे़वाःन्छिङ्ङाङ्धो लायोओए के़वाॽरो! खे़ने़ॽ आनिगे़ हुॽमा याप्मि के़गोःप्पि?” हे़क्के मे़मे़त्तुर खे़न् यहुदि चुम्लुङ्हिम्मोनु लाःक्कात् मे़जन्दु मे़लःत्तुरो॥
John 12:42 in Limbu 42 हे़क्केसाङ् खे़न् ये़म्मो यरिक् यहुदि लाम्लोःबाहाॽरे़ ये़सुःन् नसाःन् मे़जोगु॥ करसाङ् खे़ङ्हाॽरे़ मना तगि कन् पाःन्निन् पाःप्मा मे़न्दे़न्दे़न्लो, थेआङ्भे़ल्ले़ फरिसिहाॽरे़ यहुदि चुम्लुङ्हिम्लाम् लाःक्कात् आम्लःत् आम्दे फाॽआङ् खे़ङ्हाॽ मे़गिसे़रो॥
John 15:18 in Limbu 18 “कन् इक्सादिङ् खाम्बेःक्मोबाहाॽरे़ के़म्जिःत्तिल्ले़ खे़न्नु तगि इङ्गाॽ मे़जिःत्ताङ्बा पाःन्निन् निङ्वाॽ इःत्ते़म्मे़ॽओ॥
John 16:2 in Limbu 2 खिनिॽ यहुदि चुम्लुङ्हिम्मोलाम् के़म्लःत्ति के़म्देःसिॽ॥ हे़क्क्याङ् अक्तङ्बा ये़म्माङ् तार पत्, मनाहाॽरे़ खिनिॽ के़म्से़रिल्ले़ निङ्वाॽफुमाङ्ङिन् सेवा चोगुम्बार पत्छिगे़ लॽरिक् मे़इःत्तुरो॥
John 17:14 in Limbu 14 खे़ङ्हाॽ पेलिगे़न् के़बाःन्जाक्हाॽ पिरुङ्सिङ्ङाङ् मे़वाॽरो॥ इङ्गाॽ कुइसिःक्के खे़ङ्हाॽआङ् इक्सादिङ् खाम्बेःक्मोबा मे़ःन्छिबाल्ले़ चोगुल्ले़ इक्सादिङ् खाम्बेःक्मोबाहाॽरे़ खे़ङ्हाॽ मे़जिःत्तुसिरो॥
Acts 9:16 in Limbu 16 इङ्गाॽ आलागि खे़ल्ले़ आक्खे़न्तुक्खे चामा पोःङ् फाॽआङ् इङ्गाॽ ओसेःन्धाक्तुङ्लो॥”
Acts 22:22 in Limbu 22 कन् पाःत्तुर थारिक् मनाहाॽरे़ पावलरे़ कुबाःन्निन् मे़घे़प्सुरो, कर थिम्मे़न्दङ् सुवाङ् लॽरिक् पाःन्सुत्लाःन् पाःत्तुनामे़ःन्ने खे़ङ्हाॽ मे़अःक्ते़र अक्खे लॽमा मे़हेःक्ते़, “कन् से़प्माए पोःङ्! आल्ल कन् मनाःन् कुहिङ्वे़त् ले़प्मा मे़नुॽने़न्लो!”
Acts 24:5 in Limbu 5 कन् मनाःन् आनिगे़ कुॽइ के़भे़ॽबा निःसुम्बे़आङ् वयिगे़रो॥ कल्ले़ इक्सादिङ् खाम्बेःक्मो आत्तिसाङ् यहुदि लुम्मो बिफ्युङ् चोगुरो॥ कन् मनाःन् नासरि साम्यो नसाःन्बा लाम्लोःबाआङ्लो॥
1 Corinthians 4:10 in Limbu 10 आनिगे़ग ख्रिस्तरे़ कुलागि अदङ् चोगिगे़ॽ, कर खिनिॽग ख्रिस्तरे़ कुलागि सिक्कुम्साबा के़जोगिमुबा! आनिगे़ मे़न्धुम्ना चोगिगे़ॽ, कर खिनिॽग के़धुम्बा के़जोगिमुबा! खिनिॽ मिङ्सो इङ्धाःङ् के़घोःसुम्, कर आनिगे़ग मे़घोःसुम्बे़म्मुबा!
2 Corinthians 11:23 in Limbu 23 खे़ङ्हाॽ ख्रिस्तरे़ कुसेवारोबासिबि? इङ्गाॽग आल्लसाङ् साॽरिक् कुसेवारोबाआरो, कर अक्खेलॽरिक् पाःत्ताल्ले़ कुधना के़ले़ङ्बा कुइसिःक् चोःक्कारो॥ खे़ङ्हाॽनुःल्ले़आङ् इङ्गाॽ याम्बुधिक्काङ् याःम्बक् चोगाङ्, यरिक्ले़ङ् पुङ्लाहिम्मो साक्पा थ्याङ्, यरिक्ले़ङ् ते़ःम्भुक् च्याङ्, हे़क्क्याङ् ए़त्ले़ङ् सिःमा लिङ्धोओ के़राङ्लो॥
Philippians 1:28 in Limbu 28 खिनिॽ के़अप्पाहाॽरे़ आत्तिन् पाःन्नोआङ् यङ्मा के़मे़न्छे़रिन्लरो॥ कङ्ग खे़ङ्हाॽरे़ खुनिॽ मे़क्मा नु निङ्वाॽफुमाङ्लाम् खिनिॽ से़न्लप् खोःमा मिक्सेःन्लो॥
1 Thessalonians 2:14 in Limbu 14 फुॽनुसाॽ नु ने़ॽनुसाॽसे, यहुदिया थुम्मो ख्रिस्त ये़सुःन्नसाःन् के़जोःक्पा निङ्वाॽफुमाङ्ङिल्ले़ कुसेसेहुप्लक्हाॽरे़ खुनिॽ चोःङ् के़इःत्तुम्लो॥ थेआङ्भे़ल्ले़ यहुदिहाॽरे़ खे़ङ्हाॽ निङ्घुम् मे़मे़त्तुसिबा कुइसिःक्के खिनिॽआङ् आबाङे लाजेॽसाबाहाॽरे़ तुक्खे के़म्जाःत्तिआङ् के़वयिॽरो॥
1 Peter 2:19 in Limbu 19 थेआङ्भे़ल्ले़ निङ्वाॽफुमाङ्ङिन् इङ्धाःङ् पिरुङ् फाॽआङ् मे़ल्लाॽमनाबा इनोगे़न् तुक्खेहाॽ के़धम्बाल्ले़ निङ्वाॽफुमाङ्ङिल्ले़ कुनिङ्वाॽ तासुॽ॥
1 Peter 3:14 in Limbu 14 कर नुःबा के़जोगुम्मिल्ले़ इनोगे़न् तुक्खे के़दुमुम्ने़ फाॽग्र निङ्वाॽफुमाङ्ङिल्ले़ मुॽइसाम् के़बिरिॽरो॥ खे़ल्ले़ चोगुल्ले़ “वेॽहाॽनु मे़गिसे़म्मिन्ने़ॽ हे़क्क्याङ् निङ्साम्मोआङ् मे़ध्ये़म्मिन्ने़ॽओ॥”
1 Peter 4:12 in Limbu 12 आमिःम् आन्जुम्से, खिनिॽ के़साक्पा इनोगे़न् तुक्खे कुधिम्बा हङ्साॽमो के़ध्ये़ॽइल्ले़ खिनिॽनु निङ्वाॽ के़माबा पाःन् पोःक्खे़ फाॽआङ् खिनिॽ निङ्वाॽ मे़मये़म्मिन्ने़ॽओ,