Luke 24:44 in Limbu 44 हे़क्क्याङ् खुने़ॽ अक्खे पाःत्तु, “इङ्गाॽ खिनिॽनु वयाङ्ङिल्ले़साए मोसारे़ साप्तुबा साम्योथिम् साप्लाओ, माङ्निङ्वाॽपाःन् के़बाःप्पाहाॽरे़ खुनिॽ साप्पन्हाॽओ नु साम्लो सुम् साप्पन्नो इङ्गाॽ आयाःम्बेओ साप्ते़बा के़रे़क् पाःन्हाॽ के़त्लो फाॽआङ् मे़त्निङ्ङाङ् वयाङ्लो॥”
Other Translations King James Version (KJV) And he said unto them, These are the words which I spake unto you, while I was yet with you, that all things must be fulfilled, which were written in the law of Moses, and in the prophets, and in the psalms, concerning me.
American Standard Version (ASV) And he said unto them, These are my words which I spake unto you, while I was yet with you, that all things must needs be fulfilled, which are written in the law of Moses, and the prophets, and the psalms, concerning me.
Bible in Basic English (BBE) And he said to them, These are the words which I said to you when I was still with you, how it was necessary for all the things which are in the writings of Moses and the prophets and in the Psalms about me, to be put into effect.
Darby English Bible (DBY) And he said to them, These [are] the words which I spoke to you while I was yet with you, that all that is written concerning me in the law of Moses and prophets and psalms must be fulfilled.
World English Bible (WEB) He said to them, "This is what I told you, while I was still with you, that all things which are written in the law of Moses, the prophets, and the psalms, concerning me must be fulfilled."
Young's Literal Translation (YLT) and he said to them, `These `are' the words that I spake unto you, being yet with you, that it behoveth to be fulfilled all the things that are written in the Law of Moses, and the Prophets, and the Psalms, about me.'
Cross Reference Matthew 16:21 in Limbu 21 खे़न् ये़म्माङ्धो ये़सुरे़ कुहुॽसाम्बाहाॽ खुने़ॽ यरुसले़म्मो पेःक्माए पोःङ्, हे़क्क्याङ् खे़प्मो यहुदि तुम्लाम्लोःबाहाॽ, तुम्निङ्वाॽफुसाम्बाहाॽ नु साम्योथिम्साम्बाहाॽओलाम् यरिक् पाःन्नो तुक्खे चामाए पोःङ् हे़क्क्याङ् खुने़ॽ सिःमाए पोःङ्ङाङ् याम्मो सुम् ये़न् एगाङ् सिःमे़न्लाम् याम्मो हिङ्मा पोःङ् के़लॽबा पाःन्निन् चे़क्मा हेःक्तुसिरो॥
Matthew 17:22 in Limbu 22 हे़क्क्याङ् ये़सुःन् नु कुहुॽसाम्बाहाॽ गालिल थुम्मो मे़द्ये़ल्ले़ खुने़ॽ अक्खे मे़त्तुसि, “आल्ल मे़न्छाम्साःन् इङ्मे़ले़क्तुॽआङ् मनाहाॽरो हुक् मे़सुप्तुॽ,
Matthew 20:18 in Limbu 18 “ओमे़त्ते़म्मे़ॽ, आनिॽ यरुसले़म थो आबेःक्ल आबत्लो॥ खे़प्मो तुम्निङ्वाॽफुसाम्बाहाॽ नु साम्योथिम्साम्बाहाॽरे़ खुनिॽ हुक्को मे़न्छाम्साःन् इङ्मे़ले़क्तुआङ् हुक्मे़सुप्तुॽरो॥ खे़ङ्हाॽरे़ खुने़ॽ सिःमे़ल्ले़न् खुम्दिङ् मे़बिरुआङ्
Matthew 26:54 in Limbu 54 कर हे़क्केलॽरिक् नाःक्तुङ्ङिल्ले़ साम्योसाप्लाओ अक्खेलॽरिक् पोःङ्माए पोःङ् लॽरिक् साप्ते़बान् आक्खेआङ् के़प्पाबे?”
Matthew 26:56 in Limbu 56 कर कङ्ग माङ्निङ्वाॽपाःन् के़बाःप्पाहाॽरे़ मे़साप्तुबान् के़त्ल फाॽआङ् पोःक्खे़बारो॥” हे़क्क्याङ् के़रे़क् कुहुॽसाम्बाहाॽरे़ पक्मे़धःआङ् मे़घे़त्छिङ् मे़बेरो॥
Mark 8:31 in Limbu 31 हे़क्क्याङ् ये़सुरे़ खे़ङ्हाॽ अक्खे पाःत्तुर हुॽमा हेःक्तुसि, इङ्गाॽ मे़न्छाम्साःल्ले़ यरिक् तुक्खेहाॽ तुम्मा पोःङ्, हे़क्क्याङ् यहुदि तुम्लाम्लोःबाहाॽरे़, तुम्निङ्वाॽफुसाम्बाहाॽरे़, हे़क्क्याङ् साम्योथिम्साम्बाहाॽरे़ मे़नाॽआ, हे़क्क्याङ् मे़से़त्ताआङ्याम्मो सुम् ये़न् एगाङ् सिःमे़न्लाम् याम्मो हिङ्ङा के़लॽबा पाःन्निन् कुनिङ्वाॽ हन्दुआङ् चे़क्तुसिरो॥ हे़क्केःल्ले़ पत्रुसरे़ खुने़ॽ थिक्ले़प्माङ् तेॽरुआङ् फे़ःक्तुरो॥
Mark 9:31 in Limbu 31 थेआङ्भे़ल्ले़ खुने़ॽ कुहुॽसाम्बाहाॽ हुॽरुसिर वये़॥ खे़ङ्हाॽ अक्खे मे़त्तुसि, “आल्ल मे़न्छाम्साःन् इङ्मे़ले़क्त्तुॽ हे़क्क्याङ् मनाहाॽरो हुक् मे़सुप्तु मे़बिरुॽआङ् खे़ङ्हाॽरे़ खुने़ॽ मे़से़रुॽ, कर सुम्ये़न् एगाङ् सिःमे़न्लाम् याम्मो कुहिङ्वे़त् पोःङ्लो॥”
Mark 10:33 in Limbu 33 “आल्ल आनिॽ यरुसले़म आगे़त्ताङ् खे़प्मो तुम्निङ्वाॽफुसाम्बाहाॽ नु साम्योथिम्साम्बाहाॽरे़ खुनिॽ हुक्को मे़न्छाम्साःन् इङ्मे़ले़क्तुआङ् हुक्मे़सुप्तुॽरो॥ हे़क्क्याङ् खे़ङ्हाॽरे़ खुने़ॽ सिःमे़ल्ले़न् खुम्दिङ् मे़बिरुआङ् थिम्मे़न्दङ् सुवाङ्हाॽरे़ खुनिॽ हुक्को मे़बिरुॽरो॥
Luke 9:22 in Limbu 22 खे़ङ्हाॽ मे़त्तुसि, “इङ्गाॽ मे़न्छाम्साःल्ले़ यरिक् तुक्खेहाॽ तुम्मा पोःङ्॥ हे़क्क्याङ् यहुदि तुम्लाम्लोःबाहाॽरे़, तुम्निङ्वाॽफुसाम्बाहाॽरे़ नु साम्योथिम्साम्बाहाॽरे़ मे़नाॽआ, हे़क्क्याङ् मे़से़त्ताआङ्सुम् ये़न् एगाङ् सिःमे़न्लाम् याम्मो हिङ्ङारो॥”
Luke 9:44 in Limbu 44 “आबाःन्निन् खे़प्से़म्मे़ॽओ-आल्ल मे़न्छाम्साःन् इङ्मे़ले़क्त्तुॽ हे़क्क्याङ् मनाहाॽरे़ खुनिॽ हुक्को हुक् मे़सुप्तु मे़बिरुॽरो॥”
Luke 18:31 in Limbu 31 ये़सुरे़ थिक्-ने़त् (१२) कुहुॽसाम्बाहाॽ थिक्ले़प्माङ् तेॽरुसिआङ् मे़त्तुसि, “आल्ल खे़प्से़म्मे़ॽओ, आनिॽग यरुसले़म थो आबेःक्ल आबत्लो॥ खे़प्मो उन्छेःन्बा माङ्निङ्वाॽपाःन् के़बाःप्पाहाॽरे़ मे़न्छाम्साःल्ले़ कुयाःम्बेओ मे़साप्तुबा के़रे़क् पाःन्निन् के़त्लो॥
Luke 21:22 in Limbu 22 थेआङ्भे़ल्ले़ साम्यो साप्लाओ कन् साप्ते़आङ् पप्पा पाःन्निन् के़त्ल फाॽआङ् कङ्ग खुम्दिङ्ले़न्ये़न्हाॽ पोःङ्लो॥
Luke 22:37 in Limbu 37 अक्खेलॽरिक् साम्योसाप्लाओ साप्ते़आङ् पत्, ‘खुने़ॽग हाङ्बिफ्युङ्बाहाॽनु मे़दङ्घुरो॥’ कन् पाःन्निन् नु माङ्निङ्वाॽपाःन्नो इङ्गाॽ आमे़न्नो साप्ते़आङ् पप्पा पाःन्हाॽ के़रे़क् इङ्गाॽओ के़त्लो॥”
Luke 24:6 in Limbu 6 “खुने़ॽग कप्मो होःप्लो! खुने़ॽग याम्मो हिङे़आङ् वाॽरो॥ गालिलओ खिनिॽनु वये़ल्ले़ खुने़ॽ पाःत्तुबा पाःन्निन् निङ्वाॽ इःत्ते़म्मे़ॽओ–
Luke 24:26 in Limbu 26 निङ्वाॽफुमाङ्ङिल्ले़ सेःन्दुबा ख्रिस्ते़न्तुक्खे चामाआङ् कुमिमिदिङ्ङो पेःक्मा के़बोःङ्बा वये़ बि मे़ःम्बि?”
Luke 24:46 in Limbu 46 खे़ङ्हाॽ अक्खे मे़त्तुसि, “निङ्वाॽफुमाङ्ङिल्ले़ सेःन्दुबा ख्रिस्ते़ङ्ग तुक्खे चामाए पोःङ्, हे़क्क्याङ् सिःमाआङ् सुम् ये़न्नो याम्मो हिङ्माए पोःङ् फाॽआङ् साप्ते़आङ् पत्लो॥
John 3:14 in Limbu 14 इस्राइलिहाॽ ये़ःङ्घादे़न्नो लाम्दिःक् मे़जोगे़ल्ले़ मोसारे़ पित्तोलि असेःक्पे़न्पक्खुबा कुइसिःक्के मे़न्छाम्साःन्नाङ् पङ्लए पोःङ्लो॥
John 5:39 in Limbu 39 खिनिॽग साम्योसाप्लाःन् नुःरिक्काङ् के़निःरुम्लो थेआङ्भे़ल्ले़ खे़प्मोलाम् मे़न्नुप्मनाबा हिङ्मन् खोःसुम्बे़ फाॽआङ् निङ्वाॽ के़इःत्तुम्, कर खे़न् साम्योसाप्लाःल्ले़ए इङ्गाॽ आयाःम्बेओ तोःन्दि के़बिरिॽरो॥
John 5:46 in Limbu 46 से़क्खाए मोसाःन् नसाःन् के़जोगुम्मिल्ले़ग इङ्गाॽ याप्मि नसाःन् के़जोगिबारो, थेआङ्भे़ल्ले़ खे़ल्ले़ आयाःम्बेओ साप्तुआङ् पत्लो॥
John 16:4 in Limbu 4 कन् पाःन्हाॽ ताःन्दि खिनिॽओ के़त्तिल्ले़ इङ्गाॽ साम्दिङ् पिनिङ्बा पाःन्निन् खिनिॽ निङ्वाॽ के़इःत्तुम्ल फाॽआङ् अक्खे मे़त्निङ्ङाङ् वाॽआरो॥ तगिग कन् पाःन्हाॽ मे़मे़त्निङ्ङिन्लो थेआङ्भे़ल्ले़ इङ्गाॽग खिनिॽनुए वयाङ्लो॥”
John 16:16 in Limbu 16 ये़सुरे़ कुहुॽसाम्बाहाॽ मे़त्तुसि, “सप्फाआङ् इङ्गाॽ याप्मि के़न्निःसिन्लो, कर याङ्सि सप्फाआङ्ग याम्मो याप्मि के़निःसिॽरो॥”
John 17:11 in Limbu 11 आल्ल कन् इक्सादिङ् खाम्बेःक्मोलाम् खे़ने़ॽओ थो थाङ्ङार पत्तारो॥ इङ्गाॽ इक्सादिङ् खाम्बेःक्मो मे़वाॽआन्, कर खे़ङ्हाॽग कप्मोए मे़वाॽरो॥ हे़क्केःल्ले़ सेसे पानुदिङ् आम्बे, खे़ङ्हाॽग के़बिराङ्बा मुक्साम्गे़न् के़मिङ्ङो कम्ब्राङ् मे़त्ते़से़ॽओ॥ हे़क्केलॽरिक् आन्छिॽ थिक् आवाॽसिबा कुइसिःक्के खे़ङ्हाॽआङ् थिक्हुप् मे़बोःङ्लरो॥
John 19:24 in Limbu 24 खे़ल्ले़ चोगुल्ले़ खे़ङ्हाॽ अक्खे मे़मे़त्छिङ्, “कङ्ग आनिॽ थे़ःक्खुम् मे़ःन्लो, कर तॽयाःन्सोःन्के़ःसुम्लो॥ आत्तिल्ले़ कुलक्को थाः, हाराॽ खे़ल्ले़ए खे़न् तेॽरुनिरो॥” कन् पाःन्निङ्ग साम्योसाप्लाओ अक्खेलॽरिक् खे़ङ्हाॽरे़ इङ्गाॽ आजाङ्हाॽ मे़हाःत्छिङ्लो, हे़क्क्याङ् आदेःत्तिन् तॽयानःन्सोःन् मे़गे़सुॽरो लॽरिक् साप्ते़आङ् के़बप्पे़न्के़रे़बारो॥ हे़क्केलॽरिक् थक्सुबाहाॽरे़आङ् बा हे़क्केए मे़जोगुरो॥
Acts 3:18 in Limbu 18 कर निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ग तुक्खे चामाआङ् सिःमाए पोःङ् फाॽआङ् निङ्वाॽफुमाङ्ङिल्ले़ माङ्निङ्वाॽपाःन् के़बाःप्पाहाॽलाम् पाःत्तुबान् के़रे़बारो॥
Acts 3:22 in Limbu 22 मोसारे़आङ् माङ्धुक्नाःल्ले़ कुयाःम्बेओ अक्खे पाःत्तुआङ् वाॽ, ‘निङ्वाॽफुमाङ्ङिल्ले़ इङ्गाॽ हे़क्तङ्बा माङ्निङ्वाॽपाःन् के़बाःप्पे़न्खिनिॽ फुॽनुसाॽलाम् फोःक्खुॽरो॥ कुबाःन्निन् खिनिॽ के़घे़प्सुम्ल पोःङ्लो॥
Acts 7:37 in Limbu 37 कन् मोसारे़ इस्राइलिहाॽ अक्खे मे़त्तुसि, ‘निङ्वाॽफुमाङ्ङिल्ले़ इङ्गाॽ हे़क्तङ्बाए माङ्निङ्वाॽपाःन् के़बाःप्पा खिनिॽ आबाङे मनालाम् खिनिॽओ पाङ्घुॽरो॥’
Acts 13:29 in Limbu 29 हे़क्क्याङ् खुने़ॽ कुयाःम्बेओ साम्योसाप्लाओ साप्ते़आङ् के़बप्पा पाःन्हाॽ मे़जोगु मे़सुरुआङ् सिलाम्साक्मा सिङ्सम्दाङ्लाम् कुन्जुम्हाॽरे़ मे़धासुआङ् इप्पुङ्ङो मे़ने़स्सुरो॥
Acts 13:33 in Limbu 33 निङ्वाॽफुमाङ्ङिल्ले़ ये़सुःन् सिःमे़न्लाम् याम्मो हिङ्घुआङ् माङ्हे़क्किन्आनिॽ कुमुॽइदाङ्साहाॽरो के़त्तुरो॥ कन् निसिगेःक्पा निङ्वाॽफुसाम्लो सुम्मो निङ्वाॽफुमाङ्ङिल्ले़ ये़सुःन् अक्खे मे़त्तुआङ् वाॽरो, ‘खे़ने़ॽग आस्साःने़रो, इङ्गाॽ से़क्खाए के़म्बाआ फाॽआङ् ओसेःन्दाङ्चोगुङ्ङाङ् वाॽरो॥’
Acts 17:2 in Limbu 2 पावलरे़ नाःम्सिङ्ये़न् थप्मे खुने़ॽ यहुदि चुम्लुङ्हिम्मो पेःल्ले़ सुम्ले़ङ् नाःम्सिङ्मा ये़न्नो खे़प्मोबा मनाहाॽ आक्खेलॽरिक् निङ्वाॽफुमाङ्ङिल्ले़ सेःन्दुबा ख्रिस्ते़न्तुक्खे चाआङ् सिःॽ हे़क्क्याङ् सिःमे़न्लाम् हिङ्लॽरिक् साम्योसाप्लालाम् ओसेःन्धाक्तुसि॥ “इङ्गाॽ इङ्भोःसुङ्बा कन् ये़सुःन्ने निङ्वाॽफुमाङ्ङिल्ले़ सेःन्दुबा ख्रिस्तरो” मे़त्तुसि॥
1 Corinthians 15:3 in Limbu 3 थेआङ्भे़ल्ले़ इङ्गाॽ खोःसुङ्बा के़रे़क्नुःल्ले़ के़ये़क्पा पाःन्निन् खिनिॽ हुक्सुप्निङ्ङाङ् वाॽरो–साम्योसाप्लाःल्ले़ पाःत्तुबा कुइसिःक् ख्रिस्ते़न्आनिॽ लायोःन् ले़प्मि पिसे़ स्ये़,
Hebrews 3:5 in Limbu 5 आल्ल मोसाःङ्ग के़दाःबा ये़म्मो पाःप्मा के़बोःङ्बा पाःन्निल्ले़ कुयाःम्बेओ पाःप्मा फाॽआङ् खुने़ॽ निङ्वाॽफुमाङ्ङिल्ले़ काक् कुहिम्सयङ्ङो नसाःन्साबा सेवारोबा वये़रो॥
Hebrews 7:1 in Limbu 1 कन् मल्किसे़दे़क्किङ्ग साले़म् ये़क्यक्पा हाङ् नु के़रे़क्नुःल्ले़ पयम् यम्बा निङ्वाॽफुमाङ्ङिल्ले़न् निङ्वाॽफुसाम्बा वये़रो॥ अब्राहाम्मिल्ले़ हाङ्हाॽ थङ् थक्मा नाःन्दुसिआङ् नुःक्खे़र पत्छे़ल्ले़ मल्किसे़दे़क्किल्ले़ खुने़ॽ तुमुआङ् मुॽइसाम् पिरु॥
Hebrews 9:8 in Limbu 8 सेसेमाङ्ङिल्ले़ कन् काक् पाःन्लाम्बा लाःक्कात्पा सेसेबा ते़न्निन् ने़र थारिक् सिगाङ्स्मा काक्नुःल्ले़ सेसेबा ते़न्नो लाःप्मा लाम्मिन् मे़हरे़न् फाॽआङ् मनाहाॽ ओसेःन्धाक्तुसिरो॥
Hebrews 10:1 in Limbu 1 मोसारे़ कुसाम्योथिम्मिङ्ग ताःन्दि के़दाःबार के़बप्पा नुःबा पाःन्हाॽ ओसेःन्के़धाक्पा साम्ब्रिःप्पा कुइसिःक्लक्लो, से़क्खाबा पाःन् मे़ःन्लो॥ थेआङ्भे़ल्ले़ साम्योथिम्मिल्ले़ नाःक्तुबा तङ्बे थप्मे ए़त्ले़ङ् तोःम्मनाबा सिदुङ्जभाःल्ले़ खे़न् सेसे माङ्गे़घबाहाॽ आप्फाल्ले़आङ् कुलिङ्धो मे़गे़त्तुन्छिन्लो॥
1 Peter 1:11 in Limbu 11 खे़ङ्हाॽओ के़वाॽबा ख्रिस्तरे़ कुसेसेमाङ्ङिल्ले़ ख्रिस्तरे़ नासि थःप्मा के़बोःङ्बा इनोगे़न् तुक्खेःन् नु याङ्सि के़बोःङ्बा मिमिदिङ्ङिल्ले़ कुयाःम्बेओ तगिसा खे़ङ्हाॽ मे़त्तुसिरो॥ कन् पाःन्हाॽ आक्खेलॽरिक् पोःङ् हे़क्क्याङ् आप्फाल्ले़ पोःङ् फाॽआङ् खे़ङ्हाॽरे़ कुसिङ्निःप्मा निङ्वाॽ मे़जोगुरो॥
Revelation 19:10 in Limbu 10 हे़क्क्याङ् इङ्गाॽग खुने़ॽ सेवा चोःक्मा फाॽआङ् कुलाङ्ङो साम्बोःन् फन्छिङाङ्, कर खे़ल्ले़ इङ्गाॽ अक्खे मे़त्ताङ्, “हे़क्के चोःक्मा मे़नुॽने़न्! इङ्गाॽग खे़ने़ॽ नु के़म्भुॽ के़न्साॽसि हे़क्तङ्बा निङ्वाॽफुमाङ्ङिल्ले़ कुसेवारोबा नु ये़सुःन्तोःन्दि के़बिबाआरक्लो॥ निङ्वाॽफुमाङ्ङिन्ने सेवा चोगे़ॽ!” थेआङ्भे़ल्ले़ ये़सुरे़ चोगुबा पाःत्तुबा से़क्खा पाःन्हाॽरे़ माङ्निङ्वाॽपाःन् के़बाःप्पाहाॽ हाङ्हाङ् मे़त्तुसिॽरो॥