Luke 2:34 in Limbu 34 हे़क्क्याङ् सिमियोनरे़ खे़ङ्हाॽ मुॽइसाम् थाःसु पिरुसिर मरियम्मिन् मे़त्तु, “कन् अङे़ःक्वाःन् इस्राइल्बा यरिक् मनाहाॽरे़ खुनिॽ पोगे़ङ्मा नु सबप्मारे़न् मिक्सेःन् पोःङ्ल फाॽआङ् निङ्वाॽफुमाङ्ङिल्ले़ सेगुआङ् वाॽ, हे़क्क्याङ् यरिक् मनाहाॽ कुदक्ले़ङ्वाओ मे़बाःत्लो॥
Other Translations King James Version (KJV) And Simeon blessed them, and said unto Mary his mother, Behold, this child is set for the fall and rising again of many in Israel; and for a sign which shall be spoken against;
American Standard Version (ASV) and Simeon blessed them, and said unto Mary his mother, Behold, this `child' is set for the falling and the rising of many in Israel; and for a sign which is spoken against;
Bible in Basic English (BBE) And Simeon gave them his blessing and said to Mary, his mother, See, this child will be the cause of the downfall and the lifting up of great numbers of people in Israel, and he will be a sign against which hard words will be said;
Darby English Bible (DBY) And Simeon blessed them, and said to Mary his mother, Lo, this [child] is set for the fall and rising up of many in Israel, and for a sign spoken against;
World English Bible (WEB) and Simeon blessed them, and said to Mary, his mother, "Behold, this child is set for the falling and the rising of many in Israel, and for a sign which is spoken against.
Young's Literal Translation (YLT) and Simeon blessed them, and said unto Mary his mother, `Lo, this `one' is set for the falling and rising again of many in Israel, and for a sign spoken against --
Cross Reference Matthew 11:19 in Limbu 19 इङ्गाॽ मे़न्छाम्साःङ्ग चाङ्ल थुङुङ्ल त्याङ्, हे़क्क्याङ् खे़ङ्हाॽरे़ अक्खे मे़बाःत्तु, ‘खे़ङ्ग तःक् थे़ःक्के नु थिःमसाङ्लो, एःङ्याङ् के़भोःङ्बाहाॽ नु लायोबाहाॽरे़ खुनिॽ चुम्लो॥’ कर निङ्वाॽफु सिक्कुम्दिङ् निङ्वाॽइङ्ग कुयाःम्बक्कोलाम् खे़न् निस्से चोःक् फाॽआङ् निःदे़त्लो॥”
Matthew 12:46 in Limbu 46 ये़सुःन् मनाहाॽनु पारे़र यागे़ल्ले़ कुम्मा नु कुन्साॽसि खुने़ॽनु ताॽजे़ङ्मा निङ्वाॽ मे़जोगुआङ् लाःक्कात् मे़ये़बे़रो॥
Matthew 21:44 in Limbu 44 ‘आत्तिन्हाॽ खे़न् लुङ् सम्दाङ् मक्मे़धाःॽ, खे़ङ्हाॽ मे़भक् मे़सिःरो॥ हे़क्क्याङ् आत्तिन्हाॽ सम्दाङ् खे़न् लुङ्ङिन् मक्थाःॽ, खे़ङ्हाॽ मे़भे़क् मे़सिःरो॥’”
Matthew 26:65 in Limbu 65 हे़क्क्याङ् मानिङ्वाॽफुसाम्बाल्ले़ कुसाक्के़न् ओसेःन्धाक्तुसिर आबाङे कुदेःत्तिन् थे़ःक्खुआङ्अक्खे पाःत्तु, “कल्ले़ग निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पाःन्पाःत्तुरो! आल्ल आनिॽ वेॽ तोःन्दिहाॽ थेआङ् चाहाबा आजोगे़बे? कल्ले़ग निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पाःन्पाःत्तुबान् खिनिॽ के़घे़प्सुम्लो॥
Matthew 27:40 in Limbu 40 “खे़ने़ॽ माङ्हिम्मिन् के़यःबाआङ् सुम्ये़न्नो के़जोःक्पे, खे़ने़ॽ निङ्वाॽफुसाःने़ फाॽग्र सिलाम्साक्मा सिङ्ङोलाम् यो थ्ये़ॽआङ् आबाङे ताङ्से़ःप्सिङ्ङे़ॽओ॥”
Matthew 27:63 in Limbu 63 अक्खे मे़मे़त्तु, “आदाङ्बे, खे़न् इङ्ले़क्पे़न्कुहिङ्वे़त् वये़ल्ले़ ‘इङ्गाॽ सिःआबा सुम्ये़न्नो याम्मो कुहिङ्वे़त् पोःङ्ङारो’ लॽरिक् पाःत्तुबा पाःन्निन् निङ्वाॽ इःप्मनारो॥
John 3:20 in Limbu 20 फे़न् याःम्बक् के़जोःक्पा के़रे़क्ले़ ओःत्तिःन् मे़जिःत्तुॽरो हे़क्क्याङ् खुनिॽ फे़न् याःम्बक्किन् निधाःप् फाॽआङ् मे़गिआङ् से़न्दाङ्गे़न् ओःत्तिओ मे़न्दाःने़न्लो॥
John 5:18 in Limbu 18 खुने़ॽग नाःम्सिङ्ये़न्नो याःम्बक् चोःक्मा मे़न्नुॽमना साम्योथिम्मिन्लक् मे़नाॽरुन् कर निङ्वाॽफुमाङ्ङिन्ने “आम्बारो” पाःत्तुआङ् खुने़ॽ निङ्वाॽफुमाङ्ङिन्नु कुदङ्बा चोःक्सिङ् हे़क्केःल्ले़ यहुदि लाम्लोःबाहाॽरे़ आक्खेलॽरिक्साङ् खुने़ॽ से़प्मा पोःङ् लॽरिक् तम्सिन् मे़जोगु॥
John 8:48 in Limbu 48 यहुदिहाॽरे़ ये़सुःन् नोगप् मे़बिरु, “खे़ने़ॽ सामरि सुवाङ्बाने़ हे़क्क्याङ् खे़ने़ॽ फे़न्साम्मिल्ले़ के़दरे़आङ् वाॽ फाॽआङ् आनिगे़ पाःत्तुम्बे़बा पाःन्निन् से़क्खाएरो॥”
John 9:24 in Limbu 24 खे़ल्ले़ चोगुल्ले़ खे़ङ्हाॽरे़ खे़न् खानिःमा के़सुक्पा के़बोःङ्बा मिक्फःम्बान् याम्मो मे़उःत्तुआङ् मे़मे़त्तु, “खे़ने़ॽ से़क्खा पाःन् पाःत्ता फाॽआङ् निङ्वाॽफुमाङ्ङो माङ्हे़क्सिङ्ङे़ॽओ॥ खे़न् ये़सु मे़प्मनाबा मनाःङ्ग से़क्खासाङ् लायोबाएरो फाॽआङ् आनिगे़ निःसुम्बे़रो॥”
Acts 2:36 in Limbu 36 हे़क्केःल्ले़ खिनिॽ नु काक्इस्राइलस्मा हिम्सयङ्हाॽरे़ सिलाम्साक्मा सिङ्सम्दाङ् के़भोःन्दुम्बा ये़सुःन् निङ्वाॽफुमाङ्ङिल्ले़ कन् दाङ्बा नु सेःन्दुबा ख्रिस्त चोगुआङ् वाॽ के़लॽबान् कुसिङ् निःप्माए पोःङ्॥”
Acts 3:15 in Limbu 15 अक्खेलॽरिक् खिनिॽ ने़त्तिगे़न् हिङ्मन्ले़ कुबुन्निन् से़प्मा के़बाङ्घुम्सिम्, कर निङ्वाॽफुमाङ्ङिल्ले़ खुने़ॽग कुसिवे़त्लाम् कुहिङ्वे़त् चोगुरो॥ खे़न् पाःन्निल्ले़न् तोःन्दि आनिगे़ वयिगे़रो॥
Acts 4:26 in Limbu 26 हे़क्क्याङ् इक्सादिङ् खाम्बेःक्मोबा हाङ्हाॽ नु सुहाङ्युक्पाहाॽ थिक्हुप् मे़बोःङ्ङाङ् दाङ्बा नु निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ कुदक्ले़ङ्वाओ मे़जुम्लो॥’
Acts 6:7 in Limbu 7 निङ्वाॽफु पाःन्जाक्किन् चक्मे़ल्लॽए मे़से़ःसुर मे़देॽरु॥ हे़क्क्याङ् यरुसले़म्मो हुॽसाम्बाहाॽ यरिक् मे़बोःक्खे़र मे़बेआङ् यरिक् निङ्वाॽफुसाम्बाहाॽरे़आङ् कन् नसाःन्निन् ते़न्दिङ् मे़जोगुरो॥
Acts 9:1 in Limbu 1 कर दाङ्बाल्ले़ कुहुॽसाम्बाहाॽ के़रे़क् से़प्मासि फाॽआङ् सावलरे़ साॽरिक् यङ्मा से़रुसिरो॥ खुने़ॽ मानिङ्वाॽफुसाम्बाल्लो पेआङ् दमस्कसओ के़वाॽबा के़रे़क् दाङ्बाल्ले़ कुलाम् के़दिम्बा मे़न्छुमाॽ ये़म्बित्छाॽहाॽ पुङ्लाधाबा चोःक्मासिआङ् यरुसले़म्मो ताःप्मासि हे़क्क्याङ् खुम्दिङ् पिमासि सुक्तुङ्ल फाॽआङ् दमस्कसओबा यहुदि चुम्लुङ्हिम्मोबा सुहाङ्युक्पाहाॽरे़ लागि सक्इङ्घङ् साप्पाङ्घुसिरो॥
Acts 13:45 in Limbu 45 कर यहुदि लाम्लोःबाहाॽरे़ खे़न् मनाहाॽ मे़निःसुसिआङ् साॽरिक् नामे़हे़त्तुसि, हे़क्क्याङ् पावलरे़ पाःत्तुबा पाःन्हाॽरे़ कुदक्ले़ङ्वाओ मे़बारे़र मे़दरुरो॥
Acts 17:6 in Limbu 6 कर खे़ङ्हाॽरे़ खे़प्मो पावल नु सिलासे़न् मे़न्दुमुन्सिन्, हे़क्केःल्ले़ ये़सोन नु वेॽ फुॽनुसाॽ नसानिबाहाॽ ये़क्यक्कोबा सुहाङ्युक्पाहाॽरो अक्खेलॽरिक् मे़अःक्ते़र मे़उःक्खु मे़दारुसि, “कन् मनाहाॽरे़ आत्तिसाङ् तुक्खे मे़दारुआङ् मे़वाॽरो॥ खे़ङ्हाॽग आल्लो आनिॽ ये़क्यक्कोआङ् मे़द्ये़आङ् मे़वाॽरो॥
Acts 24:5 in Limbu 5 कन् मनाःन् आनिगे़ कुॽइ के़भे़ॽबा निःसुम्बे़आङ् वयिगे़रो॥ कल्ले़ इक्सादिङ् खाम्बेःक्मो आत्तिसाङ् यहुदि लुम्मो बिफ्युङ् चोगुरो॥ कन् मनाःन् नासरि साम्यो नसाःन्बा लाम्लोःबाआङ्लो॥
Acts 28:22 in Limbu 22 कर कन् के़नाःत्तु के़इःत्तुआङ् के़वाॽबा निसाम्मिल्ले़ कुदक्ले़ङ्वाओ मे़बाःत्तुबा आत्तिसाङ् खे़प्सुम्बे़र वयिगे़॥ कल्ले़ कुयाःम्बेओ खे़ने़ॽ के़निङ्वाॽ थे़मा वाॽबे फाॽआङ् खे़म्मा सिराॽ थाङे़आङ् वाॽरो॥”
Romans 9:32 in Limbu 32 थेआङ् मे़न्बोःक्खे़न्बे? थेआङ्भे़ल्ले़ खे़ङ्हाॽरे़ कङ्ग आबाङे याःम्बक्लाम्बा खोःमा सुक्ते़त् के़लॽबा मे़इःत्तुआङ् नसाःन्लाम्बा के़दाःबा साम्योनिबान् मे़ङ्गोःत्तुन्लो॥ हे़क्क्याङ् खे़ङ्हाॽग याप्मि के़घःबा लुङ्ङो मे़दोःक्ते़आङ् मे़जोःन्दे़रो॥
1 Corinthians 1:23 in Limbu 23 कर आनिगे़ग सिलाम्साक्मा सिङ्सम्दाङ् मे़भोःन्दुबा ख्रिस्ते़न्ने इङ्भोःसुम्बे़रो॥ खे़ङ्ग यहुदिहाॽरे़ लागि आघघबा पाःन् नु थिम्मे़न्दङ् सुवाङ्हाॽरे़ लागि अदङ् पाःन्लो,
2 Corinthians 2:15 in Limbu 15 थेआङ्भे़ल्ले़ से़न्लप् के़घोःबार के़बप्पा हे़क्क्याङ् के़मे़क्पार के़बप्पाहाॽरे़ खुनिॽ लुम्मो आनिॽ हिङ्मन्निङ्ग निङ्वाॽफुमाङ्ङो ख्रिस्तरे़ तोःन्दुबा फुङ्नाम्कुइसिःक् चोःक्लो॥
Hebrews 7:1 in Limbu 1 कन् मल्किसे़दे़क्किङ्ग साले़म् ये़क्यक्पा हाङ् नु के़रे़क्नुःल्ले़ पयम् यम्बा निङ्वाॽफुमाङ्ङिल्ले़न् निङ्वाॽफुसाम्बा वये़रो॥ अब्राहाम्मिल्ले़ हाङ्हाॽ थङ् थक्मा नाःन्दुसिआङ् नुःक्खे़र पत्छे़ल्ले़ मल्किसे़दे़क्किल्ले़ खुने़ॽ तुमुआङ् मुॽइसाम् पिरु॥
Hebrews 7:7 in Limbu 7 आल्ल चुक्पा मनाःल्ले़ यम्बालाम् मुॽइसाम् खोःसुॽ के़लॽबा पाःन्निन् आत्तिल्ले़आङ् मे़अत्तुन्लो॥
Hebrews 12:1 in Limbu 1 खे़ल्ले़ चोगुल्ले़ नसानिबा हिङ्मन्ले़ कुयाःम्बेओ कम्म्याक् यरिक् तोःन्दिहाॽरे़ खुनिॽ लुम्मो आवाॽबाल्ले़ चोगुल्ले़ याप्मि के़हम्बा पाःन्हाॽ नु के़रे़क् परिक्ले़न् याप्मि के़घःबा लायोहाॽ लाप्फुसुम्लो, हे़क्क्याङ् निङ्वाॽफुमाङ्ङिल्ले़ ने़स्सु आबिरे़बा लोःक्लोःक्के चाःत्तो नासि थःत्तुम्ल लोःक्तिरो॥
1 Peter 2:7 in Limbu 7 आल्ल खिनिॽ नसाःन् के़जोःक्पाहाॽरे़ लागि खुने़ॽ इमे़ल्लुङ्बा लुङ् चोःक्लो, कर नसाःन् मे़न्जोःक्मनाबाहाॽरे़ लागिग साम्योसाप्लाओ अक्खे साप्ते़आङ् पत्, “लुङ् के़गाम्बाहाॽरे़ मे़नाॽरुबा लुङ्ङिन् कुम्मालुङ् पोःक्खे़आङ् वाॽरो॥”
1 Peter 4:14 in Limbu 14 ख्रिस्ते़न्नसाःन् के़जोगुम्बाल्ले़ चोगुल्ले़ खिनिॽ नागे़म्धासि के़म्बिरिने़ फाॽग्र मुॽइसाबानिङ्लो, थेआङ्भे़ल्ले़ निङ्वाॽफुमाङ्ङिल्ले़ कुमिमिदिङ्गे़न् सेसेमाङ्ङिन् खिनिॽनु वाॽरो॥