Luke 16:15 in Limbu 15 ये़सुरे़ खे़ङ्हाॽ मे़त्तुसि, “खिनिॽग सदादिङ् लाःक्कात्लक् नुःबा थाःम्सिङ्मा निङ्वाॽ के़जोगुम्, कर निङ्वाॽफुमाङ्ङिल्ले़ खिनिॽ सिक्लुङ्मोबा पाःन्निन् निःसुॽरो॥ आत्तिन् पाःन्निन् मे़न्छाम्गे़न् याप्मिरे़ खुनिॽ निःमाओ यम्लाबा चोःक्, खे़न् निङ्वाॽफुमाङ्ङिल्ले़ कुनिःमाओ सिक्के़ले़ःङ्बा चोःक्लो॥
Other Translations King James Version (KJV) And he said unto them, Ye are they which justify yourselves before men; but God knoweth your hearts: for that which is highly esteemed among men is abomination in the sight of God.
American Standard Version (ASV) And he said unto them, Ye are they that justify yourselves in the sight of men; but God knoweth your hearts: for that which is exalted among men is an abomination in the sight of God.
Bible in Basic English (BBE) And he said, You take care to seem right in the eyes of men, but God sees your hearts: and those things which are important in the opinion of men, are evil in the eyes of God.
Darby English Bible (DBY) And he said to them, *Ye* are they who justify themselves before men, but God knows your hearts; for what amongst men is highly thought of is an abomination before God.
World English Bible (WEB) He said to them, "You are those who justify yourselves in the sight of men, but God knows your hearts. For that which is exalted among men is an abomination in the sight of God.
Young's Literal Translation (YLT) and he said to them, `Ye are those declaring yourselves righteous before men, but God doth know your hearts; because that which among men is high, `is' abomination before God;
Cross Reference Matthew 6:2 in Limbu 2 हे़क्केलॽरिक् मे़ङ्गप्मनाबाहाॽ कुजा के़बिरुसिल्ले़ वेॽहाॽरे़ मे़घे़प्सुर मे़निःसुर फाॽआङ् मुक्ला मे़मुक्खे़न्ने़ॽओ॥ कुनिङ्वाॽ के़जिःप्पाहाॽरे़ यहुदि चुम्लुङ्हिम्मो नु लाम्लाम्मो मनाहाॽरे़ मे़निःसुआङ् खुनिॽ नारा मे़भोःसुर फाॽआङ् हे़क्के मे़जोगुॽ॥ इङ्गाॽ से़क्खाए मे़त्ने़ॽ, खे़ङ्हाॽरे़ खुनिॽ हाङ्से़म्मिङ्ग तगिसा मे़घोःसु मे़सुरुआङ् मे़वाॽ॥
Matthew 6:5 in Limbu 5 “हे़क्क्याङ् खिनिॽ तुवा के़जोगुम्मिल्ले़ कुनिङ्वाॽ के़जिःप्पाहाॽ कुइसिःक् मे़जोगे़म्मिन्ने़ॽओ॥ खे़ङ्हाॽरे़ग मनाहाॽरे़ मे़निःसुर फाॽआङ् यहुदि चुम्लुङ्हिम्मो नु लाम्लाम्मो ये़प्माआङ् तुवा चोःक्मा खुनिॽ सिराॽ थाङ्लो॥ इङ्गाॽ से़क्खाए मे़त्निङ्, खे़ङ्हाॽरे़ खुनिॽ याःम्बक्किल्ले़न् हाङ्से़म्मिन् तगिए मे़घोःसु मे़सुरुआङ् मे़वाॽरो॥
Matthew 6:16 in Limbu 16 “हे़क्क्याङ् खिनिॽ चाःने़त् के़युङ्ङिल्ले़ निङ्वाॽ के़जिःप्पाहाॽ कुइसिःक् खिनिॽ ना मे़माक्ते़म्मिन्ने़ॽओ, थेआङ्भे़ल्ले़ खे़ङ्हाॽ चाःने़त् मे़युङ्ङिल्ले़ वेॽ मनाहाॽरे़ निङ्वाॽ मे़घोःसुर फाॽआङ् खुनिॽ नाराःन् मे़गिःन्दुर मे़युङ्लो॥ इङ्गाॽ से़क्खाए मे़त्निङ्, खे़ङ्हाॽरे़ग खुनिॽ हाङ्से़म्मिन् के़रे़क् मे़घोःसु मे़सुरुआङ् मे़वाॽरो॥
Matthew 23:5 in Limbu 5 खे़ङ्हाॽरे़ग नुःबा पाःन्हाॽ मनाहाॽ ओसेःन्धाक्मासि फाॽआङ्लक् मे़जोगुरो–खे़ङ्हाॽरे़ साम्योथिम् इङ्जाःङ् साप्मा याक्मनाबा माक्पे़न्छाप्हाॽ यम्ब्यम्बा मे़जोगुआङ् हुक्को नु तोवाबो मे़भत्छुॽ, हे़क्क्याङ् चाङ् तेःत्तो केःम्ब्केःम्बा पोरोःक्वाहाॽ मे़भत्छुॽ॥
Matthew 23:25 in Limbu 25 खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! खिनिॽग खोर्याःन् नु चे़त्थ्याःन्लाःक्कात्लक् वागे़हप्तुम्, कर सिगाङ्ग इङ्गाॽरक् चाङ् थुङुङ् के़लॽबा निङ्वाॽ चोःक्मान्नु मनाहाॽ के़नाप्तुम् के़दाःरुम्सिबा पाःन्हाॽरे़ के़दिम्सिआङ्के़वयिॽरो॥
Luke 10:29 in Limbu 29 कर खे़ल्ले़ साम्योनिबा थाःम्सिङ्मा निङ्वाॽ इःत्तुआङ् नुःबा ले़ङ्सिङ्ल सेःन्दोसु, “इङ्गाॽ आहिम्बेसाङ्बाहाॽ हाःत्छिबे?”
Luke 11:39 in Limbu 39 दाङ्बाल्ले़ खे़न् मे़त्तु, “खिनिॽ फरिसिहाॽरे़ खोर्याःन् नु चे़त्थ्याःन्लाःक्कात्लक् वागे़हप्तुम्, कर खिनिॽ सिगाङ्ग मनाहाॽ के़नाप्तुम् के़दाःरुम्सिबा पाःन्हाॽ नु ताप्फे़ःम्बा पाःन्निल्ले़ के़दिम्सिआङ्के़वयिॽरो॥
Luke 18:11 in Limbu 11 खे़न् फरिसिःन् एःक् ये़म्सिङ्ङाङ् तुवा चोगु, ‘निङ्वाॽफुमाङ्ङे, इङ्गाॽ नोगे़न् पिने़रो, थेआङ्भे़ल्ले़ इङ्गाॽ वेॽस्मा मनाहाॽ हे़क्के, साक्के़ल्ले़क्काङ् याङ् के़भोःङ्बा, मना ताप्फे़ःल्लिक् के़मे़प्पा, चाराम्मा याःम्बक् के़जोःक्पा, हे़क्क्याङ् कन् एःङ्याङ् के़भोःङ्बा हे़क्के इङ्गाॽ मे़जोःक्कान्लो॥
Luke 18:21 in Limbu 21 खे़न् मनाःल्ले़ नोगप् पिरु, “सिक्साम्बे, कन् के़रे़क् साम्योथिम् इङ्जाःङ्हाॽग इङ्गाॽ हिन्जाॽ वयाङ्ङाङ्धोए इःत्तुङ् नाःत्तुङ्ल वाॽआरो॥”
Luke 20:20 in Limbu 20 खे़ल्ले़ चोगुल्ले़ खे़ङ्हाॽरे़ ये़सुःन् ते़म्मा फाॽआङ् सुये़म् कोःप्मा मे़हेःक्तु॥ खे़ङ्हाॽरे़ मनाहाॽ याङ् मे़बिरुसिआङ् साम्योनिबा मे़ले़ङ्सिङ्ङाङ् ये़सुरे़ कुधोःम्से़ मे़बाङ्घुसि॥ खे़ङ्हाॽरे़ कुबाःन्नो ते़म्माआङ् रोमि युक्साबाहाॽ नु सुहाङ्गे़म्बाहाॽ पिमासि के़लॽबा निङ्वाॽ मे़जोगुरो॥
Luke 20:47 in Limbu 47 खे़ङ्हाॽरे़ मेमेदुमाहाॽ इङ्मे़ले़क्तुसिआङ्खुनिॽ हिम्धाःङ्हाॽ मे़लरुरो, कर नुःबा ओसेःन्धाक्सिङ्मारे़ लागि केःम्ब्केःम्बा तुवा मे़जोगुॽ॥ खे़ङ्हाॽरे़ग से़क्खाए साक्ल खुम्दिङ् मे़घोःसुॽरो॥”
John 2:25 in Limbu 25 आत्तिल्ले़आङ् मनाहाॽरे़ खुनिॽ याःम्बेओ खुने़ॽ मे़प्मा मे़बोःक्खे़न्लो, थेआङ्भे़ल्ले़ मनाहाॽ आक्तङ्बा मे़जोःक् फाॽआङ् खुने़ॽ निःसुआङ् वये़रो॥
John 21:17 in Limbu 17 हे़क्क्याङ् याम्मो ये़सुरे़ सुम्ले़ङ्ङो पत्रुसे़न् सेःन्दोसु, “युहुन्नारे़ कुस्साः सिमोने, इङ्गाॽ मिःम्जि के़मे़त्ताबि?” अक्खेलॽरिक् ये़सुरे़ सुम्ले़ङ् थारिक् “इङ्गाॽ मिःम्जि के़मे़त्ताबि” लॽरिक् सेःन्दोसुबाओ पत्रुसरे़ कुनिङ्वाॽ तुगे़र मे़त्तु, “ओरो, आदाङ्बे, खे़ने़ॽग काक् पाःन्हाॽ के़निःसुॽरो॥ इङ्गाॽ से़क्खाए खे़ने़ॽ मिःम्जि मे़त्ने़बान् खे़ने़ॽ के़निःसुॽरो॥” ये़सुरे़ खे़न् मे़त्तु, “आमे़ल्लुक्हाॽ चालाम्से़से़ॽओ॥
Acts 1:18 in Limbu 18 (कन् मनाःल्ले़ फे़न् याःम्बक्लाम् थगुबा याङ्ङिल्ले़ प्याङ्सिगे़न् इक्ताप् इङुआङ् वये़॥ खुने़ॽ खे़प्मो फोःन्छिङ्ङिल्ले़ मक्थ्ये़आङ् कुसाप्पोःक्किन् ते़स्से़आङ् कुहिदुत् लःन्दे़आङ् स्ये़॥
Acts 15:8 in Limbu 8 हे़क्क्याङ् निङ्वाॽफुमाङ्ङिल्ले़ मे़न्छाम् याप्मिरे़न् सिक्लुङ्मान् निःसुरो॥ खुने़ॽग आनिॽ हे़क्केए थिम्मे़न्दङ् सुवाङ्हाॽआङ् सेसेमाङ् पिरुसिर ताःक्तुसिआङ् वाॽ के़लॽबा पाःन्निन् आनिॽ ओसेःन्आधाक्ते़रो॥
Romans 3:20 in Limbu 20 खे़ल्ले़ चोगुल्ले़ साम्योथिम्मो के़बप्पा पाःन्हाॽ इःप्मा नाःप्माल्ले़ निङ्वाॽफुमाङ्ङिल्ले़ कुनिःमाओ आत्तिन्नाङ् आप्तिक् मे़ःन्नेबा आम्बोःङ्ने़न्लो॥ साम्योथिम्मिल्ले़ग आनिॽ लायो आजोगुम्माङ् आवाॽ के़लॽबान् ओसेःन् आधाक्लो॥
1 Corinthians 4:5 in Limbu 5 खे़ल्ले़ चोगुल्ले़ दाङ्बाल्ले़ कुनुःङ्मा युःमा ये़म्मिन्नुःल्ले़ तगि वेॽहाॽ खासे़न् मे़लोःन्दे़म्सिम्मिन्ने़ॽ, खुने़ॽए खादाम्मोबा फे़न् पाःन्हाॽ से़न्दाङ्गे़न् ओःत्तिओ तारुॽ हे़क्क्याङ् मे़न्छाम् निङ्वाॽओबा सिबिॽ पाःन्हाॽआङ् ओसेःन्दाङ् चोगुॽरो॥ खे़न् ये़म्मोए के़रे़क्ले़ निङ्वाॽफुमाङ्लाम् खुनिॽ ने़म्भोगे़न् नारा फोःमान् मे़घोःसुॽरो॥
James 2:21 in Limbu 21 आनिॽ ताक्थे़बा अब्राहामरे़ कुस्साः इसहाक्किन् ले़त्तिङ्तोःम्मादे़न्नो सिदुङ्जभा चोःक्से़ तोःन्दुबा याःम्बक्किल्ले़ए खुने़ॽ आप्तिक् मे़ःन्नेबा चोगुबा मे़ःम्बि?
1 Peter 3:4 in Limbu 4 कर खिनिॽ नुःमाङ्ग आप्फाल्ले़आङ् मे़म्माःमनाबा सुम्सुम् ये़क्ये़क् नु नःम्नःम् लॽमान्सिगाङ्लाम्बाए निधाःप्ल पोःङ्लो॥ खे़ङ्ग निङ्वाॽफुमाङ्ङिल्ले़ कुनिःमाओ इमे़ल्लुङ्बा चोःक्लो॥
1 Peter 5:5 in Limbu 5 खिनिॽ थाङ्बे़न्सासे, सेसेहुप्लक्कोबा तुम्लाम्लोःबाहाॽरे़ खुनिॽ युक्को वाॽमा पोःङ्लो॥ खिनिॽ काक् चुङ्जिगे़न् नःम्नःम्बा पोःक्खे़म्मे़ॽआङ् नुःरिक् मे़त्तासिम्मे़ॽ, थेआङ्भे़ल्ले़ साम्योसाप्लाओ साप्ते़आङ् पत्, “निङ्वाॽफुमाङ्ङिल्ले़ आङ्दिङ् के़लॽबाहाॽ अत्तुसिॽ, कर नःम्नःम्बाहाॽ लुङ्गुम् पिरुसिॽरो॥”
Revelation 2:23 in Limbu 23 हे़क्क्याङ् इङ्गाॽ खे़ल्ले़ कुहुॽसाम्बाहाॽआङ् से़रुङ्सिङ्लो॥ हे़क्केलॽरिक् के़रे़क् सेसेहुप्लक्हाॽरे़ इङ्गाॽ मे़न्छाम्गे़न् याप्मिहाॽरे़ खुनिॽ निङ्वाॽ नु सिक्लुङ्मा के़निःबा फाॽआङ् कुसिङ् मे़निःत्तारो॥ हे़क्क्याङ् इङ्गाॽ खिनिॽ याःम्बक् के़जोगुम्बा कुइसिःक् खिनिॽ के़रे़क्पिनिङ्लो॥