John 6:27 in Limbu 27 खिनिॽ चागे़सोःक्पाआङ् के़बेःक्पा कुजारे़ लागि याःम्बक् मे़जोगे़म्मिन्ने़ॽ, कर इङ्गाॽ मे़न्छाम्साःल्ले़ पिनिङ्बा मे़न्नुप्मनाबा हिङ्मन् थारिक् के़धःप्पा कुजाओ निङ्वाॽ पिरे़म्मे़ॽ, थेआङ्भे़ल्ले़ पानुदिङ् पाः निङ्वाॽफुमाङ्ङिल्ले़ बा हे़क्के चोःक्से़ए इङ्गाॽ युक् पिराङ्ङाङ् वाॽरो॥
Other Translations King James Version (KJV) Labour not for the meat which perisheth, but for that meat which endureth unto everlasting life, which the Son of man shall give unto you: for him hath God the Father sealed.
American Standard Version (ASV) Work not for the food which perisheth, but for the food which abideth unto eternal life, which the Son of man shall give unto you: for him the Father, even God, hath sealed.
Bible in Basic English (BBE) Let your work not be for the food which comes to an end, but for the food which goes on for eternal life, which the Son of man will give to you, for on him has God the Father put his mark.
Darby English Bible (DBY) Work not [for] the food which perishes, but [for] the food which abides unto life eternal, which the Son of man shall give to you; for him has the Father sealed, [even] God.
World English Bible (WEB) Don't work for the food which perishes, but for the food which remains to eternal life, which the Son of Man will give to you. For God the Father has sealed him."
Young's Literal Translation (YLT) work not for the food that is perishing, but for the food that is remaining to life age-during, which the Son of Man will give to you, for him did the Father seal -- `even' God.'
Cross Reference Matthew 3:17 in Limbu 17 हे़क्क्याङ् साङ्ग्राम्पेदाङ्लाम् अक्खेलॽरिक् इक्लाधिक् त्ये़, “कन् आमिःम् आस्साःरो, इङ्गाॽ खुने़ॽनु साॽरिक् सःत्ताङ्ङाङ् वाॽआरो॥”
Matthew 6:19 in Limbu 19 “इक्सादिङ् खाम्बेःक्मो याङ्साकुन्धे मे़लुप्से़न्ने़ॽओ॥ खे़प्मोग थक्पाहाॽरे़ मे़जःॽ, हिङ्धोःक्किल्ले़ यःन्दुॽ, हे़क्क्याङ् खुःन्द्रिक्पाहाॽरे़ मे़घुःत्तुॽरो॥
Matthew 6:31 in Limbu 31 खे़ल्ले़ चोगुल्ले़ थेःन् चामा थुङ्मा बे, थेःन् चाङ्मा वाःप्माबे फाॽआङ् निङ्वाॽ इःत्छिङ्मो मे़ध्ये़म्मिन्ने़ॽओ॥
Matthew 8:20 in Limbu 20 ये़सुरे़ नोगप् पिरु, “किधिबाहाॽरे़ लुङ्घुरि मे़गत्तुॽ, पुसाहाॽरे़ हाप् मे़गत्तुॽ, कर इङ्गाॽ मे़न्छाम्साःल्ले़ग थे़गेःक् नाःम्मा ते़न्नाङ् मे़गत्तान्लो॥”
Matthew 17:5 in Limbu 5 अक्खेलॽरिक् खुने़ॽ पारे़र पत्छे़ल्ले़ए फः लॽरिक् के़ओःप्पा खाप्मिःत्तिल्ले़ चिदे़प् ते़प्तुसिआङ् खाप्मिःत्तोलाम् अक्तङ्बा इक्ला मे़घे़प्सु, “कन्आमिःम् आस्साःरो, खुने़ॽनु इङ्गाॽ सःत्ताङ्ङाङ् वाॽआरो॥ खुने़ॽ पाःत्तुबा पाःन्निन् खे़प्से़म्मे़ॽओ॥”
Mark 1:11 in Limbu 11 हे़क्क्याङ् साङ्ग्राम्पेदाङ्लाम् इक्लाधिक् त्ये़, “खे़ने़ॽ आमिःम् आस्साःने़रो, खे़ने़ॽनु इङ्गाॽ साॽरिक् सःत्ताङ्ङाङ् वाॽआरो॥”
Mark 9:7 in Limbu 7 हे़क्क्याङ् खाप्मिःत्तिल्ले़ चिदे़प् ते़प्तुसिआङ् खाप्मिःत्तोलाम् अक्तङ्बा इक्ला मे़घे़प्सु, “कन् आमिःम् आस्साःरो॥ खुने़ॽ पाःत्तुबा पाःन्निन् खे़प्से़म्मे़ॽओ॥”
Luke 3:22 in Limbu 22 सेसेमाङ्ङिन् पुत्तुःक्के हे़क्के ये़आङ् खुने़ॽ कुसम्दाङ् चुक्ते़, हे़क्क्याङ् साङ्ग्राम्पेदाङ्ङोलाम् इक्लाधिक् ये़, “खे़ने़ॽ इङ्गाॽ आमिःम् आस्साःने़रो॥ खे़ने़ॽनु इङ्गाॽ साॽरिक् सःत्ताङ्ङाङ् वाॽआरो॥”
Luke 4:18 in Limbu 18 “दाङ्बाल्ले़ कुसेसेमाङ्ङिन् इङ्गाॽ आसम्दाङ् वाॽ, थेआङ्भे़ल्ले़ याङ्गे़साॽबाहाॽ सुनाइङ् इङ्भन् चोःक्से़ माङ्धोःक्ना पिराङ्ङाङ् वाॽआरो॥ खुने़ॽ साक्पा के़धाःबाहाॽ चोःक्युम्भोरे़न् इङ्भन् चोःक्से़, मिक्फःम्बाहाॽरे़ खुनिॽ मिक्साःन् वेःम्मा इङ्भन् चोःक्से़, हे़क्क्याङ् एप्ले़क्खे़ओ के़वाॽबाहाॽ चोःक्युम्भो पिसे़ नु दाङ्बाल्ले़ कुलुङ्गुम्मिल्ले़ तङ्बेल्ले़न् इङ्भन् चोःक्से़ इङ्गाॽ पाङ्घाङ्ङाङ् वाॽआरो॥”
Luke 9:35 in Limbu 35 खाप्मिःत्तोलाम् इक्लाधिक् त्ये़, “कन् आस्साःरो, खुने़ॽए सेगुङ्ङाङ् वाॽआरो! खुने़ॽ पाःत्तुबा पाःन्निन् खे़प्से़म्मे़ॽओ॥”
Luke 10:40 in Limbu 40 कर मार्थारे़ तरे तोमा यरिक् याःम्बक् चोःक्मा के़बोःङ्बा पोःक्खे़बाल्ले़ कुसक्मा हुॽरु हे़क्क्याङ् पेआङ् दाङ्बान् मे़त्तु, “आदाङ्बे, याप्मि कम्ब्राङ् के़म्मे़त्तान्बि? इङ्गाॽ आन्साॽरे़ग कॽयो याःम्बक् चोःक्मा मे़भाॽआन्बे़॥ इङ्गाॽ याःम्बक्को हाराॽ फाॽआनि फाॽआङ् मे़त्ताङ् पिराङ्ङे़ॽना॥”
John 1:33 in Limbu 33 खुने़ॽए ख्रिस्तरो फाॽआङ् कुसिङ् मे़न्निःप्पे़न्लो, कर च्वाःत्तो बप्तिस्मा पिसे़ याप्मि के़बाङ्बा निङ्वाॽफुमाङ्ङिल्ले़ आत्तिन् सम्दाङ् सेसेमाङ्ङिन् युःआङ् चुक्पा के़निःसुॽ, खे़ने़ॽ के़हाङ्घुबाङ्ग खुने़ॽएरो, हे़क्क्याङ् खुने़ॽए सेसेमाङ्ङिल्ले़ बप्तिस्मा पिरुसिॽ फाॽआङ् मे़त्ताङ्लो॥
John 3:33 in Limbu 33 आत्तिल्ले़ खुने़ॽ नसाःन् चोगुॽ, खे़ल्ले़ निङ्वाॽफुमाङ्ङिन् से़क्खा चोःक् फाॽआङ् पर्माङ्गि पिरुॽरो॥
John 4:13 in Limbu 13 हे़क्केःल्ले़ ये़सुरे़ नोगप् पिरु, “कन् वाबाक्कोलाम् च्वाःत् के़धुङ्बाहाॽग याम्मो खुनिॽ वामिःक्लो,
John 5:36 in Limbu 36 कर इङ्गाॽ आयाःम्बेओ युहुन्नाःल्ले़ कुदोःन्दिन्नुःल्ले़आङ् यम्बा तोःन्दि वाॽ, खे़ङ्ग चोगुङ्ल वाॽआबा आम्बारे़ चोःक्मा सुःप्मा फाॽआङ् पिराङ्बा याःम्बक्किल्ले़ए पानुदिङ् आम्बा निङ्वाॽफुमाङ्ङिल्ले़ पाङ्घाङ्बा फाॽआङ् तोःन्दि के़बिरिरो॥
John 6:28 in Limbu 28 हे़क्केःल्ले़ खे़ङ्हाॽरे़ खुने़ॽ सेःन्मे़दोसु, “निङ्वाॽफुमाङ्ङिल्ले़ आनिगे़ थे चोगुम्बे़बा निङ्वाॽ इःत्तुबे?”
John 6:40 in Limbu 40 थेआङ्भे़ल्ले़ कुस्साःन् के़निःबाआङ् नसाःन् के़जोःक्पा के़रे़क्ले़ मे़न्नुप्मनाबा हिङ्मन् मे़घोःसुर के़लॽबा पानुदिङ् आम्बारे़ कुनिङ्वाॽ वाॽरो॥ हे़क्क्याङ् कुनुप्मा ये़न्नो खे़ङ्हाॽ कुहिङ्वे़त् चोगुङ्सिङ्लो॥”
John 6:51 in Limbu 51 इङ्गाॽए खे़न् साङ्ग्राम्पेदाङ्लाम् के़युःबा मे़न्नुप्मनाबा हिङ्मन् के़बिबा खरे़ःङ्आरो॥ हाःत्ले़ कन् खरे़ःङ्ङिन् चःॽ खे़ङ्ग सदादिङ् हिङ्लो॥ कन् खरे़ःङ्ङिङ्ग नासिङ्गे़न् आधक्किन्नेरो॥ इक्सादिङ् खाम्बेःक्मोबा मे़न्छाम् याप्मिहाॽ मे़हिङ्ल फाॽआङ् कन्निन्पिरुङ्सिङ्लो॥”
John 6:54 in Limbu 54 कर इङ्गाॽ आधक्किन् के़जाबा नु आमाक्खिॽ के़धुङ्बाल्ले़ मे़न्नुप्मनाबा हिङ्मन्निन् कत्तुॽरो॥ हे़क्क्याङ् खे़न् कुनुप्मा ये़न्नो इङ्गाॽ कुहिङ्वे़त् चोगुङ्लो॥
John 6:58 in Limbu 58 कन् आधक्किन्ने साङ्ग्राम्पेदाङ्लाम् के़युःबा खरे़ःङ्लो॥ खिनिॽ सुधे़बा ताक्थे़बाहाॽरे़ मन्नाःन् मे़जआङ् मे़स्ये़ कर कन् खरे़ःङ्ङिन् के़जाःबाङ्ग सदादिङ् हिङ्लो॥”
John 6:68 in Limbu 68 सिमोन पत्रुसरे़ नोगप् पिरु, “आदाङ्बे, हाःत्लो पेगिगे़बाबे? खे़ने़ॽरक् मे़न्नुप्मनाबा हिङ्मन् के़बिबा पाःन्जाक्किन् के़गत्तुॽरो॥
John 8:18 in Limbu 18 इङ्गाॽ आयाःम्बेओ तोःन्दि पिरुङ्लो, हे़क्क्याङ् याप्मि के़बाङ्बा पानुदिङ् आम्बारे़आङ् आयाःम्बेओ तोःन्दि पिरुरो॥”
John 10:28 in Limbu 28 खे़ङ्हाॽ इङ्गाॽ मे़न्नुप्मनाबा हिङ्मन् पिरुङ्सिङ् हे़क्क्याङ् खे़ङ्हाॽ आप्फाल्ले़आङ् मे़म्मे़क्ने़न्॥ हे़क्क्याङ् आत्तिल्ले़आङ् खे़ङ्हाॽ आहुक्कोलाम् नाप्मा तेॽमा मे़सुक्तुन्लो,
John 10:37 in Limbu 37 इङ्गाॽ पानुदिङ् आम्बारे़ चोःक् पाङ्ङाबा याःम्बक्किन् मे़जोःक्कान्ने़ फाॽग्र याप्मि नसाःन् आन्जोगे़म्मिन्ने़ॽओ॥
John 11:25 in Limbu 25 ये़सुरे़ खे़न् मे़त्तु, “इङ्गाॽग के़सिःबाहाॽ याम्मो हिङ्मन् के़बिबा नु मे़न्नुप्मनाबा हिङ्मन् के़बिबाआरो॥ आत्तिल्ले़ इङ्गाॽ नसाःन् चोःक्का खे़ङ्ग सिःसाङ् याम्मो हिङ्लो॥
John 11:42 in Limbu 42 खे़ने़ॽग सदादिङ् आबेलिःन् के़घे़प्सुॽ के़लॽबा इङ्गाॽ निःसुङ्लो, कर इङ्गाॽ कप्मो आघिरि के़ये़प्पा मनाहाॽरे़ खे़ने़ॽ याप्मि के़बाङ्घे़बा पाःन्निन् नसाःन् मे़जोगुर फाॽआङ् कन् पाःन्निन् पाःत्तुङ्बारो॥”
John 14:6 in Limbu 6 ये़सुरे़ नोगप् पिरु, “लाम्, से़क्खा नु मे़न्नुप्मनाबा हिङ्मन् इङ्गाॽएरो॥ आत्तिन्नाङ् इङ्गाॽ मे़ःन्नेग पानुदिङ् पाःल्लो के़प्मा मे़सुक्ने़न्लो॥
John 15:24 in Limbu 24 इङ्गाॽ वेॽहाॽरे़ चोःक्मा मे़न्छुक्तुन्बा याःम्बक् चोगुङ्॥ खे़ङ्हाॽरे़ खे़न् पाःन्हाॽ मे़न्निःसुन्निल्ले़ग खे़ङ्हाॽ लायोरे़ आप्तिक् के़घोःबा मे़म्बोःक्खे़म्बा वये़रो॥ कर खे़ङ्हाॽरे़ग निङ्वाॽ के़माबा मिक्सेःन् मे़निःसुआङ् मे़वाॽसाङ् पानुदिङ् आम्बा नु इङ्गाॽ ने़प्माङ् मे़जिःत्ते़त्छिगे़आङ् वाॽरो॥
John 17:2 in Limbu 2 खे़ने़ॽ के़स्साःन् के़बिरुबा मनाहाॽ मे़न्नुप्मनाबा हिङ्मन् पिरुसिर फाॽआङ् इक्सादिङ् खाम्बेःक्मोबा काक् मे़न्छाम् सुवाङ् सम्दाङ् खुने़ॽ युक् के़बिरुआङ् के़वाॽरो॥
Acts 2:22 in Limbu 22 इस्राइलिसे, कन् पाःन्निन् खे़प्से़म्मे़ॽओ–नासरतस्मा ये़सुःङ्ग निङ्वाॽफुमाङ्ङिल्ले़ निङ्वाॽ के़माबा याःम्बक्हाॽ हे़क्क्याङ् मिक्सेःन्हाॽनु खिनिॽ लुम्मो पाङ्घुरो॥ खिनिॽ लुम्मो याःम्बक्हाॽ चोगुबाङ्ग, खिनिॽआङ् के़निःसुम्मेरो॥
Romans 4:11 in Limbu 11 अब्राहामरे़ खोःसुबा कन् हर्दो हे़क्मा थिम्मिङ्ग निङ्वाॽफुमाङ्ङिन् नसाःन् चोगुआङ् वये़ल्ले़ हर्दो मे़न्हे़क्केए निङ्वाॽफुमाङ्ङिल्ले़ खुने़ॽ साम्योनिबा लेःत्तुबा पाःन्निल्ले़न् मिक्सेःन्लो॥ हे़क्केलॽरिक् अब्राहाम्मिन् हर्दो मे़न्हे़क्केसाङ् निङ्वाॽफुमाङ्ङिन् नसाःन् के़जोःक्पाहाॽरे़ खुनिॽ पाःरो॥ खे़ङ्हाॽरे़ नसाःन् मे़जोगुबाल्ले़ चोगुल्ले़ निङ्वाॽफुमाङ्ङिल्ले़ खे़ङ्हाॽ साम्योनिबा लेःत्तुसिॽरो॥
Romans 6:23 in Limbu 23 थेआङ्भे़ल्ले़ लायोरे़ आबिबा नाम्याक्किङ्ग सिःमे़न्लो, कर निङ्वाॽफुमाङ्ङिल्ले़ आम्भा आबिबा पर्धाःम्मिङ्ग आनिॽ दाङ्बा ख्रिस्त ये़सुओलाम् मे़न्नुप्मनाबा हिङ्मन्लो॥
1 Corinthians 6:13 in Limbu 13 वेॽहाॽरे़ मे़बाःत्तु, “कुजाःङ्ग साप्पोःक्पाल्ले़ कुलागिरो, हे़क्क्याङ् सापोःक्पे़न्कुजाःल्ले़ लागिरो॥” कर निङ्वाॽफुमाङ्ङिल्ले़ खे़ङ्हाॽ ने़प्माङ् मे़क्खुसिॽरो॥ नासिङ्गे़न् थक्किङ्ग याम्बोःप्मा याःम्बक्किल्ले़ लागि मे़ःन्लो, कर दाङ्बाल्ले़ कुलागिरो॥ हे़क्क्याङ् नासिङ्गे़न् थक्किल्ले़ कुलागि चाहाबा के़जोःक्पा पाःन्हाॽ दाङ्बाल्ले़ हिसु तङ्घुरो॥
1 Corinthians 7:29 in Limbu 29 आमिःम् फुॽनुसाॽ नु ने़ॽनुसाॽसे, इङ्गाॽ थे पाःप्मा कोःत्तुङ्बा फाॽले़, दाङ्बान् हारा युःर पत्लो॥ आल्लआङ्धो मेःत् के़वाॽबाहाॽ मेःत् मे़ःन्ने के़वाॽबाहाॽ कुइसिःक् वाॽमा पोःङ्लो,
1 Corinthians 9:2 in Limbu 2 वेॽहाॽरे़ इङ्गाॽ सेःक्युक्मिबा लॽरिक् मे़न्इःत्तान्छाङ् खिनिॽलागिग सेःक्युक्मिबाआएरो॥ इङ्गाॽ दाङ्बाल्ले़ कुसेःक्युक्मिबाआ फाॽआङ् खिनिॽए तसि-पर्माङ्गि के़वयिॽरो॥
1 Corinthians 9:24 in Limbu 24 लोःक्लोःक्के हक्चाःत् नाःन्बोओ काक् मनाहाॽ मे़लोःक्, कर थिक्ले़रक् थुम्घोःन् खोःसुॽ के़लॽबा पाःन्निन् खिनिॽ के़निःसुम्लो॥ खे़ल्ले़ चोगुल्ले़ थुम्घोःन् खोःमा फाॽआङ् लोःक्ते़म्मे़ॽओ॥
2 Corinthians 4:18 in Limbu 18 आल्लो आनिःसुम्बा इनोगे़न् तुक्खेहाॽग ओआम्मे़त्तुम्मिन्लो, कर निमे़न्दे़प्मना पाःन्नो ओआमे़त्तुम्लो॥ थेआङ्भे़ल्ले़ आनिॽ आनिःसुम्बा पाःन्हाॽ सप्फाधिक्पारो, कर निमे़न्दे़त्मनाबा पाःन्हाॽग आप्फाल्ले़साङ् वाॽरो॥
Galatians 5:6 in Limbu 6 थेआङ्भे़ल्ले़ ख्रिस्त ये़सुरे़ कुलागिग हर्दो हे़क्मा नु मे़न्हे़क्मा पाःन्निन् थेआङ् मे़ःन्लो॥ कर के़रे़क्नुःल्ले़ यम्बा पाःन्निङ्ग आनिॽ नसाःन्निल्ले़ चोगुल्ले़ वेॽहाॽ लुङ्माॽ आदुक्तुम्सिम्लो॥
Philippians 2:13 in Limbu 13 थेआङ्भे़ल्ले़ खिनिॽ इङ्जाःङ्गे़म्बा के़बोःक्खिर हे़क्क्याङ् निङ्वाॽफुमाङ्ङिल्ले़ कुनिङ्वाॽ के़दाःबा याःम्बक् के़जोःक्पा के़बोःक्खिर फाॽआङ् खुने़ॽए खिनिॽओ याःम्बक् चोगुर वाॽरो॥
Colossians 1:29 in Limbu 29 कन् याःम्बक्को ख्रिस्तरे़ पिराङ्बा आसिगाङ् याःम्बक् के़जोःक्पा पयम् यम्बा मुक्साम्लाम् याम्बुधिक्काङ् स्याङ्मे़न्दाङ् पत्तारो॥
Colossians 2:22 in Limbu 22 कन् पाःन्हाॽग ओगप् चोःक्माआङ् माबेःक्लो, थेआङ्भे़ल्ले़ कङ्हाॽग मे़न्छाम् याप्मिहाॽरे़ मे़युक्खुबा निसाम् नु थिम्हाॽरक्लो॥
Colossians 3:2 in Limbu 2 कप्मो इक्सादिङ् खाम्बेःक्मोबा पाःन्हाॽरक् मे़इःत्ते़म्मिन्ने़ॽओ, कर साङ्ग्राम्पेदाङ्ङोबा पाःन्हाॽओ निङ्वाॽ पिरे़म्मे़ॽओ॥
1 Thessalonians 1:3 in Limbu 3 आनिॽ पानुदिङ् पाः निङ्वाॽफुमाङ्ङिल्ले़ कुनिःमाओ नसाःन्लाम्बा के़जोगुम्बा खिनिॽ याःम्बक्किन्, वेॽहाॽ लुङ्माॽ के़दुक्तुम्सिम्माङ्स्याङ्मे़न्दाङ्के़जोगुम्बान्हे़क्क्याङ् आनिॽ दाङ्बा ये़सु ख्रिस्तरे़ याम्मो कुनुःङ्मा युःमा निङ्साङ्लाम् के़दाःबा निङ्वाॽ हाङ्गे़म्सिङ्मान् आनिगे़ चक्मे़ल्लॽए निङ्वाॽ इःत्तुम्बे़रो॥
2 Timothy 2:19 in Limbu 19 कर निङ्वाॽफुमाङ्ङिल्ले़ कुनिसाम्मिल्ले़न् युक्सिङ्गे़न् पाङ्युक्किन् मे़म्मुन्नेए ने़रो, हे़क्क्याङ् अक्खेलॽरिक् साप् लक्सिङ्ङाङ् वाॽरो, “दाङ्बाल्ले़ आप्फेःक् कुमनाहाॽ कुसिङ्निःत्तुसिॽरो,” हे़क्क्याङ् “दाङ्बाल्ले़ कुमिङ् के़लोःङ्बाहाॽ काक् लायोलाम् माःङ्घाए मे़बोःङ्लरो॥”
Hebrews 4:11 in Limbu 11 खे़ल्ले़ चोगुल्ले़ आनिॽ खे़न् नाःम्सिङ्मो लाःप्मा सिक् सम्ल निङ्वाॽ चोगुम्लो॥ हे़क्केलॽरिक् इस्राइलिहाॽ निङ्वाॽफुमाङ्ङिल्ले़ कुइङ्जाःङ् मे़भेःन्दुआङ् मे़मे़गे़बा कुइसिःक् आत्तिन्हाॽआङ् मे़म्मे़क्ने़न्लरो॥
Hebrews 12:16 in Limbu 16 हे़क्क्याङ् आत्तिन्नाङ् चागे़लाम्बा इग्र ए़साउ हे़क्तङ्बा निङ्वाॽफुमाङ्ङिन्मे़ङ्गोःप्मना मे़म्बोःङ्ने़न्लरो॥ खे़ल्ले़ग चामा थुङ्मारे़लागि तुम्बा कुयुक्किन् ले़क्तुरो॥
James 1:11 in Limbu 11 थेआङ्भे़ल्ले़ नाम्से़आङ् नाम्लाःङ्माल्ले़ याःन्सुङ्ङिन् हेःसुॽ हे़क्क्याङ् फुङ्ङिन्नाङ् मक्थाआङ् नुःबा कुधाःप्मे़न् पेःक्लो॥ बा हे़क्केलॽरिक्के याङ्साकुन्धेसाबान्नाङ् खुने़ॽ याःम्बक् चोगुर पत्तिल्ले़ए सिः पेःक्लो॥
1 Peter 1:24 in Limbu 24 साम्योसाप्लाओ अक्खे साप्ते़आङ् पत्, “काक् मे़न्छाम् याप्मिहाॽग याःन् सुङ् कुइसिःक् मे़जोःक्लो॥ खे़ङ्हाॽरे़ खुनिॽ खेःम्सिङ्मे़ङ्ग फुङ्ङिल्ले़न् कुइसिःक् चोःक्॥ याःन् सुङ्ङिन् इरे़म्, हे़क्क्याङ् फुङ्ङिन् लुःक्था,
2 Peter 1:17 in Limbu 17 थेआङ्भे़ल्ले़ मिमिदिङ्गे़न् पानुदिङ् पाः निङ्वाॽफुमाङ्लाम् खुने़ॽ मिङ्सो इङ्धाःङ् नु मिमिदिङ् खोःसुल्ले़ कन् आमिःम् आस्साःरो, खुने़ॽनु इङ्गाॽ ओमु लॽराङ्ङाङ् वाॽआरो के़लॽबा इक्लाधिक् ये़रो॥
2 Peter 3:11 in Limbu 11 हे़क्केलॽरिक् काक् पाःन्हाॽ मे़क्पाल्ले़ चोगुल्ले़ खिनिॽग सेसेबा नु साम्योनिबा हिङ्मन्नो वाॽमा पोःङ्लो॥