John 21:15 in Limbu 15 खे़ङ्हाॽरे़ मे़ज मे़सुरुआङ् सिमोन पत्रुसे़न् ये़सुरे़ मे़त्तु “युहुन्नारे़ कुस्साः सिमोने, कङ्हाॽरे़ मिःम्जि मे़मे़त्ताबानुःल्ले़आङ् यरिक् खे़ने़ॽ मिःम्जि के़मे़त्ताबि?” खे़ल्ले़ नोगप् पिरु, “ओरो, आदाङ्बे, इङ्गाॽ से़क्खाए मिःम्जि मे़त्ने़ॽबान् खे़ने़ॽ के़निःसुॽरो॥” ये़सुरे़ मे़त्तु, “आमे़ल्लुक्साःहाॽ चालाम्से़से़ॽओ॥”
Other Translations King James Version (KJV) So when they had dined, Jesus saith to Simon Peter, Simon, son of Jonas, lovest thou me more than these? He saith unto him, Yea, Lord; thou knowest that I love thee. He saith unto him, Feed my lambs.
American Standard Version (ASV) So when they had broken their fast, Jesus saith to Simon Peter, Simon, `son' of John, lovest thou me more than these? He saith unto him, Yea, Lord; thou knowest that I love thee. He saith unto him, Feed my lambs.
Bible in Basic English (BBE) Then when they had taken food, Jesus said to Simon Peter, Simon, son of John, is your love for me greater than the love of these others? He said to him, Yes, Lord; you are certain of my love for you. He said to him, Then give my lambs food.
Darby English Bible (DBY) When therefore they had dined, Jesus says to Simon Peter, Simon, [son] of Jonas, lovest thou me more than these? He says to him, Yea, Lord; thou knowest that I am attached to thee. He says to him, Feed my lambs.
World English Bible (WEB) So when they had eaten their breakfast, Jesus said to Simon Peter, "Simon, son of Jonah, do you love me more than these?" He said to him, "Yes, Lord; you know that I have affection for you." He said to him, "Feed my lambs."
Young's Literal Translation (YLT) When, therefore, they dined, Jesus saith to Simon Peter, `Simon, `son' of Jonas, dost thou love me more than these?' he saith to him, `Yes, Lord; thou hast known that I dearly love thee;' he saith to him, `Feed my lambs.'
Cross Reference Matthew 10:37 in Limbu 37 कुम्बा कुम्मासि इङ्गाॽनुःल्ले़आङ् यरिक् लुङ्माॽ के़दुक्पे़न्आहुॽसाम्बा पोःङ्मा मे़लाॽरुन्लो॥ हे़क्केलॽरिक्के कुस्साः कुएहाॽ इङ्गाॽनुःल्ले़आङ् यरिक् लुङ्माॽ के़दुक्पे़न्आहुॽसाम्बा पोःङ्मा मे़लाॽरुन्लो॥
Matthew 16:17 in Limbu 17 ये़सुरे़ खे़न् मे़त्तु, “योनारे़ कुस्साः सिमोने, खे़ने़ॽग मुॽइसाबाने़रो थेआङ्भे़ल्ले़ कङ्ग मे़न्छाम् याप्मिहाॽरे़ ओसेःन्दाङ् के़म्जोगे़बा मे़ःन्, कर साङ्ग्राम्पेदाङ्ङोबा पानुदिङ् आम्बारे़ खे़ने़ॽ ओसेःन्दाङ् के़जोगे़बारो॥
Matthew 18:10 in Limbu 10 “सिङ्सिङ् लॽरे़म्मे़ॽओ, कन् चुक्पा चुक्पाहाॽ कुनामे़न्छाॽ मे़जोगे़म्सिम्मिन्ने़ॽओ॥ इङ्गाॽ से़क्खा पाःन् मे़त्निङ्, कङ्हाॽ कम्ब्राङ् के़मे़प्पा खुनिॽ माङ्लाइङ्बाहाॽ सदादिङ् साङ्ग्राम्पेदाङ्ङो पानुदिङ् आम्बारे़ कुदगि मे़वाॽरो॥
Matthew 25:34 in Limbu 34 हे़क्क्याङ् हाङ्ङिल्ले़ कुजुप्साङ् ले़प्माङ्बाहाॽ मे़त्तुसि, ‘पानुदिङ् आम्बारे़ मुॽइसाम् पिरुसिबासे, त्ये़म्मे़ॽओ, नावागे़न्चइःत् ने़स्से़आङ्धो खिनिॽ लागि यारिप् चोःक्मनाबा हाङ्जुम्मिन् युक्ते़म्मे़ॽओ॥
Matthew 26:33 in Limbu 33 पत्रुसरे़ नोगप् पिरु, “के़रे़क्ले़ खे़ने़ॽ के़म्ले़त् के़म्धाःसाङ् इङ्गाॽग आप्फाल्ले़आङ् मे़ले़त्ने़न्लो॥”
Matthew 26:35 in Limbu 35 कर पत्रुसरे़ हादिङ् थक्ते़र मे़त्तु, “मे़ःन्लो, इङ्गाॽग खे़ने़ॽनु सिःमा पोःङ्साङ् आप्फाल्ले़आङ् मे़नाॽने़न्लो॥” वेॽ हुॽसाम्बाहाॽरे़आङ् बा हे़क्केए मे़बाःत्तुरो॥
Mark 14:29 in Limbu 29 पत्रुसरे़ ये़सुःन् मे़त्तु, “के़रे़क्ले़ खे़ने़ॽ के़म्ले़त् के़म्धाःसाङ् इङ्गाॽग आप्फाल्ले़आङ् मे़ले़त्ने़न्लो॥”
Luke 12:32 in Limbu 32 “चुक्सा मे़ल्लुक् सुम्से, मे़गिसे़म्मिन्ने़ॽओ, थेआङ्भे़ल्ले़ साङ्ग्राम्पेदाङ्बा खिनिॽ पाःल्ले़ कुहाङ्जुम्मिन् पिमा कुसिराॽ थाङे़आङ् वाॽरो॥
Luke 22:32 in Limbu 32 कर इङ्गाॽ खे़ने़ॽ के़नसाःन्निन् मे़ले़ङ्ने़न्ल फाॽआङ् तुवा चोगुङ् पिने़आङ् वाॽआरो॥ खे़ने़ॽ याम्मो नसाःन्नो के़धुम्बा पोःक्खे़आङ् के़म्भुॽ के़न्साॽसिआङ् खुनिॽ नसाःन्नो के़धुम्बा चोगे़से़ॽओ॥”
John 1:42 in Limbu 42 हे़क्क्याङ् अन्द्रियासरे़ सिमोने़न् ये़सुरो तारुल्ले़ ये़सुरे़ नुःरिक् ओमे़त्तुर अक्खे मे़त्तु, “खे़ने़ॽग युहुन्नाःल्ले़ कुस्साः सिमोन्ने़रो, हे़क्क्याङ् खे़ने़ॽग के़फास लॽरिक् के़म्मे़त्लो” (खे़न् फाॽइङ्ग “पत्रुस” पोःङ्)॥
John 8:42 in Limbu 42 ये़सुरे़ खे़ङ्हाॽ नोगप् पिरुसि, “से़क्खाए निङ्वाॽफुमाङ्ङिन् खिनिॽ पा वये़ल्ले़ग इङ्गाॽ याप्मि मिःम्जि के़मे़त्तिमे़न्, थेआङ्भे़ल्ले़ इङ्गाॽग निङ्वाॽफुमाङ्लाम् त्याङ्बारो, इङ्गाॽ आबाङे त्याङ्बा मे़ःन्लो कर खुने़ॽ इङ्गाॽ पाङ्घाङ्बारो॥
John 13:37 in Limbu 37 पत्रुसरे़ सेःन्दोसु, “दाङ्बे, थेआङ् आल्लो तिम्मा मे़सुक्ने़न्बे? खे़ने़ॽ के़लागि इङ्गाॽ आल्लो सिःमासाङ् यारिप् वाॽआरो॥”
John 14:15 in Limbu 15 “इङ्गाॽ याप्मि मिःम्जि के़मे़त्तिॽने़ फाॽग्र आइङ्जाःङ्हाॽ के़इःत्तुम् के़नाःत्तुम्लो॥
John 16:27 in Limbu 27 इङ्गाॽ निङ्वाॽफुमाङ्लाम् त्याङ्बान् खिनिॽ नसाःन् के़जोगुम् हे़क्क्याङ् याप्मि मिःम्जि के़मे़त्तिबाल्ले़ चोगुल्ले़ पानुदिङ् पाःल्ले़ आबाङे खिनिॽ लुङ्माॽ के़दुक्तिॽरो॥
John 21:7 in Limbu 7 ये़सुरे़ लुङ्माॽ तुक्तुबा कुहुॽसाम्बाल्ले़ सिमोन पत्रुसे़न् मे़त्तु, “खुने़ॽग दाङ्बान्नेरो!” सिमोन पत्रुसरे़ खे़न् खे़प्सुनामे़ःन्ने तेःत्तिल्ले़ कित्लिक्कित्छिङ्, थेआङ्भे़ल्ले़ खुने़ॽ खे़न् फे़न्दुआङ् वये़॥ हे़क्क्याङ् च्वाःत्तो पिन्दे़ लाःसे़आङ् वाजागे़र कुयाओ पेरो॥
John 21:12 in Limbu 12 ये़सुरे़ खे़ङ्हाॽ मे़त्तुसि, “फे़रे़म्मे़ॽआङ् चे़म्मे़ॽओ॥” कर खे़प्मो आत्तिन् कुहुॽसाम्बान्नाङ् खे़ने़ॽ हाःत्ने़न्बे लॽरिक् सेःन्दोःमा मे़न्आःन्छिङ्ङिन्लो, थेआङ्भे़ल्ले़ खे़ङ्हाॽरे़ खुने़ॽ दाङ्बान्नेरो फाॽआङ् निङ्वाॽ मे़गत्तुरो॥
John 21:16 in Limbu 16 ये़सुरे़ पत्रुसे़न् याम्मो सेःन्दोसु, “युहुन्नारे़ कुस्साः सिमोने, इङ्गाॽ मिःम्जि के़मे़त्ताबि?” खे़ल्ले़ नोगप् पिरु, “ओरो, आदाङ्बे, इङ्गाॽ से़क्खाए मिःम्जि मे़त्ने़ॽबान् खे़ने़ॽ के़निःसुॽरो॥” ये़सुरे़ मे़त्तु, “आमे़ल्लुक्हाॽ कमे़से़ॽओ॥”
Acts 20:28 in Limbu 28 हे़क्केःल्ले़ के़रे़क् लाम्लोःबाहाॽरे़ खिनिॽ लक्पे़न्नो के़वाॽबा मनाहाॽ नुःरिक्काङ् ओमे़त्ते़म्सिम्मे़ॽओ॥ सेसेमाङ्ङिल्ले़ खिनिॽ कम्ब्राङ् के़मे़प्पा के़जोगिआङ् वाॽ॥ निङ्वाॽफुमाङ्ङिल्ले़ लुङ्माॽ तुक्तुबा आबुगे़न् कुस्साःल्ले़ कुमाक्खिॽइल्ले़ इङुबा सेसेहुप्लक्किन् कम्ब्राङ् मे़त्ते़म्मे़ॽ॥
Romans 14:1 in Limbu 1 नसाःन्नो निङ्वाॽ के़बाःक्पा नसानिबाहाॽरे़ मे़इःत्तुबा निङ्वाॽ पाःन्निन् इङ्दो मे़म्मे़त्ते खिनिॽ सेसे तङ्जुम्मो खे़ङ्हाॽ ताःक्ते़म्सिम्मे़ॽओ॥
Romans 15:1 in Limbu 1 आनिॽ नसाःन्नो के़धुम्बाहाॽरे़ आबाङे निङ्वाॽ ताःमा मे़नुॽने़न्, कर नसाःन् के़सुःम्बाहाॽ कुभाॽ पिमासि पोःङ्लो॥
1 Corinthians 3:1 in Limbu 1 आमिःम् फुॽनुसाॽ नु ने़ॽनुसाॽसे, इङ्गाॽ खिनिॽनु पाराङ्ङिल्ले़ याम्साम्गे़न् मनाहाॽनु पाराङ्बा कुइसिःक्मे़म्बाःप्पे़न्, कर इक्साबा निङ्वाॽ के़गप्पा मनाहाॽ हे़क्तङ्बा नसाःन्नो कुनिङ्वाॽ के़बाःक्पा अङे़ःक्वाहाॽनु पाःप्मनाबा कुइसिःक् पाःराङ्लो॥
1 Corinthians 8:11 in Limbu 11 हे़क्केलॽरिक् खे़ने़ॽ सिक्कुम्दिङ् के़निङ्वाॽइल्ले़ नसाःन्नो मे़न्धुम्मनाबा नसानिबे़न् फे़त्के़लाःन्दुॽरो॥ कर खे़ल्ले़ कुलागि ख्रिस्ते़न्स्ये़आङ् वाॽरो॥
1 Corinthians 16:21 in Limbu 21 इङ्गाॽ पावलरे़ कन् सेवाःन् आबाङे आहुक्किल्ले़ साप्तुङ्ङाङ् वाॽआरो॥
2 Corinthians 5:14 in Limbu 14 आनिगे़ चोगुम्बे़बा पाःन्हाॽग ख्रिस्तरे़ लुङ्माॽ तुक्तिगे़बाल्ले़ चोगुल्ले़ चोगुम्बे़बारो, थेआङ्भे़ल्ले़ के़रे़क् मे़न्छाम् याप्मिहाॽरे़ लागि खुने़ॽ स्ये़, खे़ल्ले़ चोगुल्ले़ काक् आस्ये़ के़लॽबा पाःन्निन् कुसिङ् निःत्तुम्बे़रो॥
Galatians 5:6 in Limbu 6 थेआङ्भे़ल्ले़ ख्रिस्त ये़सुरे़ कुलागिग हर्दो हे़क्मा नु मे़न्हे़क्मा पाःन्निन् थेआङ् मे़ःन्लो॥ कर के़रे़क्नुःल्ले़ यम्बा पाःन्निङ्ग आनिॽ नसाःन्निल्ले़ चोगुल्ले़ वेॽहाॽ लुङ्माॽ आदुक्तुम्सिम्लो॥
Ephesians 4:14 in Limbu 14 हे़क्केःल्ले़ आनिॽ अङे़ःक्वाहाॽ कुइसिःक् कुनिङ्वाॽ के़बाःक्पा आम्बोःङ्ने़न्॥ हे़क्क्याङ् वाभे़ल्ले़ङ्ङिल्ले़ हिप्तुआङ् वाःन्दुबा खःङ्बेन् कुइसिःक् इङ्ले़क्के मनाहाॽरे़ खुनिॽ मुजाःप्पा फे़न् निसाम्मिल्ले़ आनिॽ ना-कत्ना आन्वाःन्ने़न्लो॥
Ephesians 6:24 in Limbu 24 आनिॽ दाङ्बा ये़सु ख्रिस्ते़न्मिःम्जि के़मे़प्पा के़रे़क्नु लुङ्गुम्मिन् सदादिङ् वाॽररो॥
1 Timothy 4:15 in Limbu 15 खे़ने़ॽ कन् मुरा मे़त्ने़बा पाःन्हाॽ नुःरिक्काङ् इःत्ते़ नाःत्ते़ॽआङ् चक्मे़ल्लॽए खे़प्मो पत्छे़ॽओ॥ हे़क्के के़जोगुल्ले़ वेॽ मनाहाॽरे़ खे़ने़ॽ के़जोगुबा थोबोःन् मे़निःसुररो॥
Hebrews 4:13 in Limbu 13 निङ्वाॽफुमाङ्ङिल्ले़ कुनिःमाओलाम्बा काक् नावागे़न् चइःत्तो थे़माःन्नाङ् चिङ्सिङ्मा मे़सुक्ने़न्लो॥ खुने़ॽ कुदगि काक् पाःन्हाॽ नुःरिक्काङ् निधाःप्लो, हे़क्क्याङ् आनिॽ आजोगुम्बा काक् पाःन्हाॽरे़न् खाराःत् खुने़ॽए आनिॽ पिमा पोःङ्लो॥
Hebrews 12:12 in Limbu 12 खे़ल्ले़ चोगुल्ले़ सोरो के़लॽबा हुक्हाॽ फोःक्खे़म्मे़ॽ हे़क्क्याङ् थे़गक्कक् के़यङ्बा थुङ्बोहाॽ के़धुम्बा चोगे़म्मे़ॽ॥
Hebrews 13:20 in Limbu 20 आल्ल पयम् यम्बा मे़ल्लुक्कम्बा आनिॽ दाङ्बा ये़सुःल्ले़ मे़न्नुप्मनाबा माङ्हुप्पिल्ले़ कुमाक्खिॽइन् वागे़देःम्बाआङ् सिःमे़न्लाम् याम्मो कुहिङ्वे़त् के़जोःक्पा सनारुङ्दाङ्बा निङ्वाॽफुमाङ्ङिल्ले़
1 Peter 1:8 in Limbu 8 खिनिॽ आप्फाल्ले़आङ् खुने़ॽ मे़न्निए के़वयिसाङ् खुने़ॽ मिःम्जि के़मे़त्तुम्लो, हे़क्क्याङ् आल्लो खुने़ॽ के़न्निःसुम्मिन्छाङ् खुने़ॽ सम्दाङ् नसाःन् के़जोगुम्माङ् आत्तात्तान्ने यरिक् मिमिदिङ्गे़न् सःप्माल्ले़ कुधिम् के़बोःक्खिआङ् के़वयिॽरो॥
1 Peter 2:2 in Limbu 2 खारक् सागे़वाःन्छिङ्बा अङे़ःक्वाःल्ले़ नुःन् थुङ्मा कोःत्तुबा कुइसिःक् निङ्वाॽफु पाःन्जाक्किल्ले़न् सुत्थो याम्साम्गे़न् नुःन् थुङ्मा निङ्वाॽ चोगे़म्मे़ॽओ, हे़क्केलॽरिक् खे़न्लाम्बा खिनिॽ से़न्लप्पो के़बोःरिर के़बेगिॽरो॥
1 Peter 2:25 in Limbu 25 थेआङ्भे़ल्ले़ खिनिॽग ताप्के़बे़ॽबार के़वाॽबा मे़ल्लुक्हाॽ कुइसिःक् के़वयि, कर आल्लो खिनिॽ याम्साम्मिन् के़गम्बा नु कम्ब्राङ् के़मे़प्पा दाङ्बाओ के़नुःक्खि के़द्ये़ॽइआङ् के़वयिॽरो॥
1 Peter 5:1 in Limbu 1 आल्ल ख्रिस्तरे़ इनोगे़न् कुदुक्खेःल्ले़न् तोःन्दि नु ताःन्दि ओसेःन्दाङ् के़बोःङ्बा मिमिदिङ्ङिल्ले़न् लक्साबा पोःक्खाङ्बाल्ले़ चोगुल्ले़, हे़क्क्याङ् इङ्गाॽआङ् सेसेहुप्लक्कोबा लत्छा तुम्लाम्लोःबा पोःक्खाङ्बाल्ले़ चोगुल्ले़ खिनिॽ तुम्लाम्लोःबाहाॽ पेलि फाक्निङ्लो–
1 John 4:19 in Limbu 19 निङ्वाॽफुमाङ्ङिल्ले़ए तगि लुङ्माॽ आदुक्ते़बाल्ले़ चोगुल्ले़ आनिॽआङ् वेॽहाॽ लुङ्माॽ आदुक्तुम्सिम्लो॥
1 John 5:1 in Limbu 1 आत्तिल्ले़ ये़सुःन् निङ्वाॽफुमाङ्ङिल्ले़ सेःन्दुबा ख्रिस्त फाॽआङ् नसाःन् चोगुॽ, खे़न् निङ्वाॽफुमाङ्ङिल्ले़ कुस्साःरो॥ हे़क्क्याङ्पानुदिङ् पाःन् मिःम्जि के़मे़प्पे़ल्ले़ कुस्साःन्नाङ् मिःम्जि मे़त्तुॽरो॥
Revelation 2:23 in Limbu 23 हे़क्क्याङ् इङ्गाॽ खे़ल्ले़ कुहुॽसाम्बाहाॽआङ् से़रुङ्सिङ्लो॥ हे़क्केलॽरिक् के़रे़क् सेसेहुप्लक्हाॽरे़ इङ्गाॽ मे़न्छाम्गे़न् याप्मिहाॽरे़ खुनिॽ निङ्वाॽ नु सिक्लुङ्मा के़निःबा फाॽआङ् कुसिङ् मे़निःत्तारो॥ हे़क्क्याङ् इङ्गाॽ खिनिॽ याःम्बक् के़जोगुम्बा कुइसिःक् खिनिॽ के़रे़क्पिनिङ्लो॥