John 19:11 in Limbu 11 ये़सुरे़ नोगप् पिरु, “निङ्वाॽफुमाङ्ङिल्ले़ खे़ने़ॽ के़म्बिरे़न्निल्ले़ग इङ्गाॽ सम्दाङ् युक् के़ङ्गत्तुन्बारो॥ कर इङ्गाॽ खे़ने़ॽओ याप्मि हुक् के़सुप्पाल्ले़ कन्नुःल्ले़आङ् यम्बा लायोरे़न् आप्तिक् खोःसुॽरो॥”
Other Translations King James Version (KJV) Jesus answered, Thou couldest have no power at all against me, except it were given thee from above: therefore he that delivered me unto thee hath the greater sin.
American Standard Version (ASV) Jesus answered him, Thou wouldest have no power against me, except it were given thee from above: therefore he that delivered me unto thee hath greater sin.
Bible in Basic English (BBE) Jesus gave this answer: You would have no power at all over me if it was not given to you by God; so that he who gave me up to you has the greater sin.
Darby English Bible (DBY) Jesus answered, Thou hadst no authority whatever against me if it were not given to thee from above. On this account he that has delivered me up to thee has [the] greater sin.
World English Bible (WEB) Jesus answered, "You would have no power at all against me, unless it were given to you from above. Therefore he who delivered me to you has greater sin."
Young's Literal Translation (YLT) Jesus answered, `Thou wouldst have no authority against me, if it were not having been given thee from above; because of this, he who is delivering me up to thee hath greater sin.'
Cross Reference Matthew 6:13 in Limbu 13 हङ्साॽमो आन्धाःसे़न्ने़ॽओ, कर माफे़न्साम्लाम् आसे़ःप्ते़ॽओ॥ ((थेआङ्भे़ल्ले़ हाङ्जुम्, मुक्साम् नु मिमिदिङ्ङिन् सदादिङ् खे़ने़ॽइन्नेरो॥))’
Matthew 26:65 in Limbu 65 हे़क्क्याङ् मानिङ्वाॽफुसाम्बाल्ले़ कुसाक्के़न् ओसेःन्धाक्तुसिर आबाङे कुदेःत्तिन् थे़ःक्खुआङ्अक्खे पाःत्तु, “कल्ले़ग निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पाःन्पाःत्तुरो! आल्ल आनिॽ वेॽ तोःन्दिहाॽ थेआङ् चाहाबा आजोगे़बे? कल्ले़ग निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पाःन्पाःत्तुबान् खिनिॽ के़घे़प्सुम्लो॥
Matthew 27:2 in Limbu 2 हे़क्क्याङ् खे़ङ्हाॽरे़ ये़सुःन् इमे़घेःक्खु हे़क्क्याङ् रोमि सुहाङ्गे़म्बा पिलातसरो मे़देॽरुरो॥
Mark 14:44 in Limbu 44 आल्ल ये़सुःन् इङ्गे़ले़क्पे़ल्ले़ आत्तिन् मनाःन् इङ्गाॽ चुप् मे़त्तुङ्, खे़न् ते़म्से़म्मे़ॽआङ् तेॽरे़म्मे़ॽ लॽरिक् मिक्सेःन् पिरुसिआङ् वये़रो॥
Luke 7:41 in Limbu 41 ये़सुरे़ मे़त्तु, “थिक् ते़न्नो ने़प्फु मनाहाॽ वये़त्छि॥ खे़ङ्हाॽरे़ सिङ्नाःत् याङ् के़गे़बाल्लोलाम् लत्छारे़ ङागिप् (५०) युप्पायाङ् नु वेॽस्माल्ले़ कुगिप् ङासि (५००) युप्पायाङ् तेॽरे़त्छुआङ् वये़त्छि॥
Luke 10:11 in Limbu 11 ‘आनिगे़ लाङ्ङो खिप्तुआङ्के़बप्पा खिनिॽ पाङ्जुम्मोबा खाम्हिःक्हाॽ खिनिॽ तक्ले़ङ्वाओ आनिगे़ थाप्सुम्बे़रो॥ हे़क्केसाङ् निङ्वाॽफुहाङ्जुम्मिन् खिनिॽ निःत्ताङ् त्ये़आङ् वाॽ के़लॽबा कुसिङ् निःत्ते़म्मे़ॽओ॥
Luke 12:47 in Limbu 47 “हे़क्क्याङ् आत्तिन् सेवारोबाल्ले़ खुने़ॽ कुन्दाङ्बाल्ले़ कुनिङ्वाॽइन्निःसुसाङ् खे़न् कुइसिःक् यारिप् मे़म्बोःङ्ङे कुन्दाङ्बाल्ले़ कुनिङ्वाॽ हे़क्के मे़जोगुन्निल्ले़ खे़ल्ले़ साॽरिक् ते़ःम्भुक् खोःसुॽरो॥
Luke 22:53 in Limbu 53 इङ्गाॽग थिक्याःन्धक्सा माङ्हिम् लक्खुम्मो निसाम् हुॽइसे़ वयाङ्बा हे़क्केसाङ् याप्मि के़न्दे़म्सिन्, कर खादाम्मा मुक्साम्मिल्ले़ युक्तुल्ले़ए खिनिॽ याःम्बक् चोःक्मा ये़म् पोःङ्लो॥”
John 3:27 in Limbu 27 युहुन्नारे़ खे़न् नोगप् पिरु, “साङ्ग्राम्पेदाङ्लाम् निङ्वाॽफुमाङ्ङिल्ले़ मे़म्बिएग मनाःल्ले़ थे़माआङ् खोःमा मे़सुक्तुन्लो॥
John 7:30 in Limbu 30 ये़सुरे़ अक्खेलॽरिक् पाःत्तुल्ले़ मनाहाॽरे़ खुने़ॽ ते़म्मा मे़गोःत्तु, कर आत्तिन्हाॽरे़आङ् खुने़ॽ मे़न्छुस्सुन्लो, थेआङ्भे़ल्ले़ खुने़ॽ कुये़म्मिन् मे़ङ्गे़त्ते वये़रो॥
John 9:41 in Limbu 41 ये़सुरे़ खे़ङ्हाॽ नोगप् पिरुसि, “खिनिॽ मिक्फःम्बा के़जोगिल्ले़ग खिनिॽनु लायोःन् होःप्ते़बारो, कर आनिगे़ निःसुम्बे़ लॽरिक् के़बाःत्तुम्बाल्ले़ चोगुल्ले़ खिनिॽ लायोओए के़वयिॽरो॥”
John 11:49 in Limbu 49 हे़क्क्याङ् खे़न् तङ्बेबा मानिङ्वाॽफुसाम्बा कैयाफासरे़ खे़ङ्हाॽ मे़त्तुसि, “खिनिॽ थेआङ् कुसिङ् के़न्निःत्तुम्मिन्लो!
John 15:22 in Limbu 22 इङ्गाॽ त्याङ्ङाङ् खे़ङ्हाॽ लायोरे़ कुयाःम्बेओ मे़म्मे़त्छिङ्बान्निल्ले़ग लायोरे़न् आप्तिक् मे़ङ्घोःसुम्बारो॥ कर आल्लग खे़ङ्हाॽरे़ लायो मे़न्जोःक्मनाबा लाम्सिङ्मा मे़ङ्घोःसुन्लो॥
John 18:3 in Limbu 3 खे़ल्ले़ चोगुल्ले़ यहुदाःल्ले़ कुभा रोमि थक्सुबाहाॽ हे़क्क्याङ् तुम्निङ्वाॽफुसाम्बाहाॽ नु फरिसिहाॽरे़ मे़बाङ्घुसिबा माङ्हिम् के़गोःबा तिलिङ्गाहाॽ खे़न् जैतुन सिङ्लाओ लाम्लोसुसिआङ् तारुसिरो॥ खे़ङ्हाॽरे़ तियालो, सेमि नु फे़जुम् फे़याहाॽ मे़गत्तुरो॥
John 18:28 in Limbu 28 यहुदि लाम्लोःबाहाॽरे़ ये़सुःन् तानाम्सा कैयाफासरे़ कुहिम्मोलाम् रोमि सुहाङ्गे़म्बाल्ले़ कुहाङ्हिम्मो मे़देॽरु॥ कर साम्योथिम् कुइसिःक् आसुत्थो आबोःङ्ङाङ् यहुदि चोःक्युम्भो तङ्नाम्बा चा चामा खोःमे़दे़त्ने़न् फाॽआङ् खे़ङ्हाॽ हिम् सिगाङ् मे़न्लाःसे़न्लो॥
Acts 2:23 in Limbu 23 निङ्वाॽफुमाङ्ङिल्ले़ खुने़ॽ आबाङे कुनिङ्सेःक् नु तगि निङ्वाॽओ हे़क्के ये़सुःन् खिनिॽ हुक्को पिरे़आङ् फे़न् सुवाङ्हाॽरे़ खुनिॽ हुक्कोलाम् खुने़ॽ सिलाम्साक्मा सिङ्सम्दाङ् के़भोःन्दुम्माङ् के़से़रुम्लो॥
Acts 3:13 in Limbu 13 अब्राहाम, इसहाक नु याकुब हे़क्क्याङ् आनिॽ वेॽ पाधे़बाहाॽरे़ खुनिॽ निङ्वाॽफुमाङ्ङिल्ले़ कुसेवारोबा ये़सुःन् मिमिदिङ् चोगुआङ् वाॽरो॥ खुने़ॽ के़दे़म्सुम्माङ् हाङ्युक्पाहाॽरो से़त्छे़ हुक्के़सुप्तुम्॥ सुहाङ्गे़म्बा पिलातसरे़ खुने़ॽ ले़प्मा निङ्वाॽ चोगुसाङ् खिनिॽ के़नाॽरुम्लो॥
Acts 4:28 in Limbu 28 खे़ने़ॽ के़निङ्सेःक् पोःङ्नि फाॽआङ् तगिसा के़मुक्साम् नु के़निङ्वाॽरे़ के़इःत्तुबा पाःन्निन् मे़जोगुरो॥
Romans 11:36 in Limbu 36 थेआङ्भे़ल्ले़ खुने़ॽलाम्बा काक् पाःन्हाॽग ताः, खुने़ॽ कुमुक्साम्मिल्ले़ काक् पाःन्हाॽ पोःक्खे़आङ् वाॽ, हे़क्क्याङ् काक् पोःक्खे़बा पाःन्हाॽ खुने़ॽ कुलागिए पोःक्खे़आङ् वाॽरो॥ सदादिङ् सदादिङ् खुने़ॽ कुमिमिदिङ् पोःङ्लरो! आमे़न्॥
Romans 13:1 in Limbu 1 के़रे़क् मनाहाॽ सुहाङ्युक्पाहाॽरे़ खुनिॽ युक्को मे़वाॽर पोःङ्लो, थेआङ्भे़ल्ले़ निङ्वाॽफुमाङ्लाम् के़दाःबा युक्किन्नुःल्ले़ वेॽ युक् होःप्लो॥ सुहाङ्युक्पाहाॽग निङ्वाॽफुमाङ्ङिल्ले़ए युक्तिङ् चोगुसिबारो॥
Hebrews 6:4 in Limbu 4 कर तगिसा से़क्खाबा से़न्दाङ्गे़न् ओःत्ति के़निःबाहाॽ, साङ्ग्राम्पेदाङ्ङिल्ले़न् पर्धाःम् के़साॽबाहाॽ, सेसेमाङ् लक् के़घोःबा मनाहाॽ, हे़क्क्याङ् निङ्वाॽफु पाःन्जाक्किल्ले़ कुनो-कुदाःन् नु ताःये़म्ले़न् मुक्साम् के़साॽबाहाॽरे़ नसाःन्निन् मे़ले़रु मे़देःसुॽने़ फाॽग्र खे़ङ्हाॽ नुःक्मा ताःप्मासि सुक्मे़न्दे़त्ने़न्लो, थेआङ्भे़ल्ले़ खे़ङ्हाॽरे़ खुनिॽ याःम्बक्लाम्बा निङ्वाॽफुसाःन् याम्मो सिलाम्साक्मा सिङ्सम्दाङ् मे़भोःन्दुआङ् मनालुम्मो कुजाःत्थि मे़देःसुबा हे़क्के पोःङ्लो॥
James 1:17 in Limbu 17 काक् नुःबा नु कुलिङ्धो के़गे़प्पा पर्धाःम्मिङ्ग थाःङ् ताङ्साक्पो के़ओःप्पा ओःत्तिहाॽ के़जोःक्पा पानुदिङ् पाः निङ्वाॽफुमाङ्लाम् युःरो॥ खे़न् ओःत्तिहाॽग साम्ब्रिःप्पा कुइसिःक् ले़ङ्बेःक्, कर खुने़ॽ आप्फाल्ले़आङ् मे़ले़ङ्ने़न्लो॥
James 4:17 in Limbu 17 खे़ल्ले़ चोगुल्ले़ आत्तिल्ले़ नुःबा याःम्बक् चोःक्मा ले़स्सुआङ्साङ् मे़जोगुन्ने़ फाॽग्र खे़ल्ले़ लायो चोगुॽरो॥