John 17:11 in Limbu 11 आल्ल कन् इक्सादिङ् खाम्बेःक्मोलाम् खे़ने़ॽओ थो थाङ्ङार पत्तारो॥ इङ्गाॽ इक्सादिङ् खाम्बेःक्मो मे़वाॽआन्, कर खे़ङ्हाॽग कप्मोए मे़वाॽरो॥ हे़क्केःल्ले़ सेसे पानुदिङ् आम्बे, खे़ङ्हाॽग के़बिराङ्बा मुक्साम्गे़न् के़मिङ्ङो कम्ब्राङ् मे़त्ते़से़ॽओ॥ हे़क्केलॽरिक् आन्छिॽ थिक् आवाॽसिबा कुइसिःक्के खे़ङ्हाॽआङ् थिक्हुप् मे़बोःङ्लरो॥
Other Translations King James Version (KJV) And now I am no more in the world, but these are in the world, and I come to thee. Holy Father, keep through thine own name those whom thou hast given me, that they may be one, as we are.
American Standard Version (ASV) And I am no more in the world, and these are in the world, and I come to thee. Holy Father, keep them in thy name which thou hast given me, that they may be one, even as we `are'.
Bible in Basic English (BBE) And now I will be no longer in the world, but they are in the world and I come to you. Holy Father, keep them in your name which you have given to me, so that they may be one even as we are one.
Darby English Bible (DBY) And I am no longer in the world, and these are in the world, and I come to thee. Holy Father, keep them in thy name which thou hast given me, that they may be one as we.
World English Bible (WEB) I am no more in the world, but these are in the world, and I am coming to you. Holy Father, keep them through your name which you have given me, that they may be one, even as we are.
Young's Literal Translation (YLT) and no more am I in the world, and these are in the world, and I come unto Thee. Holy Father, keep them in Thy name, whom Thou hast given to me, that they may be one as we;
Cross Reference Matthew 5:48 in Limbu 48 खे़ल्ले़ चोगुल्ले़ खिनिॽ साङ्ग्राम्पेदाङ्ङोबा पानुदिङ् पाः निङ्वाॽफुमाङ्ङिन् के़रे़क् पाःन्नो कुलिङ्धो के़गे़प्पा चोःक्पा कुइसिःक् खिनिॽआङ् हे़क्तङ्बा पोःङ्माए पोःङ्लो॥”
Matthew 6:9 in Limbu 9 खे़ल्ले़ चोगुल्ले़ अक्खेलॽरिक् तुवा चोगे़म्मे़ॽओ– ‘साङ्ग्राम्पेदाङ्ङो के़वाॽबा आनिगे़ पानुदिङ् पाए, मनाहाॽरे़ के़मिङ्ङिन् सेसे मे़इःत्तुर मिङ्सो इङ्धाःङ् के़म्बिररो॥
Matthew 10:16 in Limbu 16 “खे़प्से़म्मे़ॽओ! मे़ल्लुक्हाॽ पराबाहाॽरे़ खुनिॽ लुम्मो पाङ्मनाबा कुइसिःक् पाङ्निङ्लो॥ हे़क्केःल्ले़ खिनिॽ असेःक्पा हे़क्के चाचाःप्पा नु पुत्तुःक्के हे़क्के कुदोःप्मा पोःक्खे़म्मे़ॽओ॥
John 7:33 in Limbu 33 कर ये़सुरे़ मे़त्तुसि, “इङ्गाॽग खिनिॽनु सप्फारक् कप्मो वाॽआरो हे़क्क्याङ् याप्मि के़बाङ्बाल्लो नुःङ्ङा पेःक्कारो॥
John 10:29 in Limbu 29 थेआङ्भे़ल्ले़ पानुदिङ् आम्बारे़ खे़ङ्हाॽ इङ्गाॽ पिराङ्ङाङ् वाॽ हे़क्क्याङ् खुने़ॽ काक्नुःल्ले़ पयम् यम्बा चोःक्लो॥ खे़ङ्हाॽ आम्बारे़ कुहुक्कोलाम् आत्तिल्ले़आङ् नाप्मा तेॽमा मे़सुक्तुन्लो॥
John 13:1 in Limbu 1 आल्ल यहुदि चोःक्युम्भो तङ्नाम्रे़न्थिक्ये़न् तगि ये़सुरे़ कन् इक्सादिङ् खाम्बेःक्मान् ले़प्माआङ् पानुदिङ् पाःल्लो पेःक्मा ये़म् त्ये़ के़लॽबा पाःन्निन् निःसुरो॥ खुने़ॽ इक्सादिङ् खाम्बेःक्मो कुहुॽसाम्बाहाॽ लुङ्माॽ तुक्तुसिआङ् वये़ हे़क्क्याङ् खे़ङ्हाॽ कुनुप्मो थारिक्के साॽरिक् लुङ्माॽ तुक्तुसिॽरो॥
John 13:3 in Limbu 3 पानुदिङ् पाःल्ले़ खुने़ॽ काक् सम्दाङ् युक् पिरुआङ् वाॽ हे़क्क्याङ् खुने़ॽ निङ्वाॽफुमाङ्लाम्मे त्ये़बा नु खुने़ॽओए नुःङ्ल पत् के़लॽबान् ये़सुरे़ कुसिङ् निःत्तुआङ् वये़॥
John 14:20 in Limbu 20 खे़न् ये़न्नो इङ्गाॽ पानुदिङ् आम्बाओ वाॽआ, हे़क्क्याङ् खिनिॽ इङ्गाॽओ के़वयिॽआङ् इङ्गाॽ खिनिॽओ वाॽआबा पाःन्निन् कुसिङ् के़निःत्तुम्लो॥
John 15:18 in Limbu 18 “कन् इक्सादिङ् खाम्बेःक्मोबाहाॽरे़ के़म्जिःत्तिल्ले़ खे़न्नु तगि इङ्गाॽ मे़जिःत्ताङ्बा पाःन्निन् निङ्वाॽ इःत्ते़म्मे़ॽओ॥
John 16:28 in Limbu 28 इङ्गाॽ निङ्वाॽफुमाङ्लाम् इक्सादिङ् खाम्बेःक्मो त्याङ्बारो॥ आल्लोग इङ्गाॽ याम्मो इक्सादिङ् खाम्बेःक्मान् ले़रुङ्ङाङ् पानुदिङ् पाःल्लो नुःङ्ङा पेःक्कार पत्तारो॥”
John 16:33 in Limbu 33 इङ्गाॽओ खिनिॽ सनारुङ् के़घोःसुम्लरो फाॽआङ् कन् के़रे़क् पाःन्हाॽ मे़त्निङ्ङाङ् वाॽआरो॥ कन् इक्सादिङ् खाम्बेःक्मो यरिक् इनोगे़न् तुक्खेहाॽ के़दुमुम्लो॥ कर हाङ्हाङ् लॽरे़म्मे़ॽओ, थेआङ्भे़ल्ले़ इङ्गाॽ कन् इक्सादिङ् खाम्बेःक्मान् नाःन्दुङ्ङाङ् वाॽआरो॥”
John 17:12 in Limbu 12 इङ्गाॽ कप्मो वयाङ्ल थारिक् खे़न् मिङ्ङिल्ले़न् मुक्साम्मो काक् कम्ब्राङ् मे़त्तुङ्सिङ्लो॥ खे़न् मे़क्मा के़बोःङ्बान्नाङ् थो वेॽ आत्तिन्नाङ् मे़माःसुङ्ङिन्, कर काक् ताङ्से़ःप्तुङ्सिङ्लो॥ खे़ङ्ग साम्योसाप्लाःन् के़त्ल फाॽआङ् हे़क्के पोःक्खे़बारो॥
John 17:21 in Limbu 21 पानुदिङ् आम्बे, खे़ङ्हाॽ काक् थिक्हुप् मे़बोःङ्ल फाॽआङ् तुवा चोःक्कारो॥ इङ्गाॽ खे़ने़ॽओ हे़क्क्याङ् खे़ने़ॽ इङ्गाॽओ के़वाॽबा कुइसिःक् खे़ङ्हाॽआङ् आन्छिॽओ मे़वाॽररो॥ हे़क्क्याङ् इक्सादिङ् खाम्बेःक्मोबा मनाहाॽरे़ इङ्गाॽ के़बाङ्घाङ्बा फाॽआङ् नसाःन् मे़जोगुररो॥
John 17:25 in Limbu 25 साम्योनिबा आम्बे, इक्सादिङ् खाम्बेःक्मोबा मनाहाॽरे़ खे़ने़ॽ कुसिङ् के़मे़न्निःत्ने़न्छाङ् इङ्गाॽ कुसिङ् निःत्ने़ॽ हे़क्क्याङ् इङ्गाॽ के़बाङ्घाङ्बा पाःन्निन् कङ्हाॽरे़ कुसिङ् मे़निःत्तुॽरो॥
Acts 1:9 in Limbu 9 ये़सुरे़ हे़क्के पाःत्तु सुरुआङ् खुने़ॽ ओमे़मे़त्तुर मे़बत्छे़ल्ले़ए थाःङ्धाःङ् साङ्ग्राम्पेदाङ् ले़प्माङ् पक्खे़र खाप्मिःत्तिल्ले़ इःप्तु तेॽरुरो॥
Acts 3:21 in Limbu 21 हे़क्क्याङ् निङ्वाॽफुमाङ्ङिल्ले़ तगिनुसाए कुसेसे माङ्निङ्वाॽपाःन् के़बाःप्पाहाॽरे़ मे़बाःत्तुबा कुइसिःक् के़रे़क् पाःन्हाॽ याम्मो कुसङ् मे़न्जोःक्के थारिक् ये़सु ख्रिस्ते़न्साङ्ग्राम्पेदाङ्ङो वाॽमा पोःङ् फाॽआङ् पाःत्तुआङ् वाॽ॥
Romans 9:17 in Limbu 17 थेआङ्भे़ल्ले़ साम्योसाप्लाओ निङ्वाॽफुमाङ्ङिल्ले़ फारोहाङ्ङिन् अक्खे मे़त्तुआङ् पत्, “खे़ने़ॽ के़सम्दाङ् आमुक्साम्मिन् ओसेःन्दाङ् चोगुङ्ङाङ् काक् इक्सादिङ् खाम्बेःक्मो आमिङ्ङिन् इङ्भोःर के़लॽबा निङ्वाॽसोःक्को इङ्गाॽए खे़ने़ॽ हाङ् चोःक्ने़आङ् वाॽआरो॥”
Romans 12:5 in Limbu 5 हे़क्केलॽरिक्के आनिॽ यरिक् आवाॽसाङ् आनिॽग ख्रिस्तरे़ लत्छा कुधक्कोबा कुदङ्बा याम्लक्सिरो, हे़क्क्याङ् आनिॽ के़रे़क् चाहाबा आजोःक्सिङ्लो॥
Romans 15:5 in Limbu 5 आल्ल नासि थःप्मा के़बाङ्बा नु हाङ्हाङ् याप्मि के़मे़प्पा निङ्वाॽफुमाङ्ङिल्ले़ ख्रिस्त ये़सुःन् वये़बा कुबि कुइसिःक् के़बोःक्खिल्ले़ खिनिॽ लुम्मो थिक्हुप् पोःङ्माआङ् वाॽमा के़बाङ्घिररो॥
1 Corinthians 1:10 in Limbu 10 आमिःम् फुॽनुसाॽ नु ने़ॽनुसाॽसे, खिनिॽ लुम्मो से़म्मा मे़बोःङ्ने़न्ल कर तङे़म्मे़ॽआङ् वये़म्मे़ॽ फाॽआङ् आनिॽ दाङ्बा ये़सु ख्रिस्तरे़ कुमिङ्ङो पेलि फाक्निङ्लो॥ हे़क्क्याङ् खिनिॽ निङ्वाॽ नु निङ्वाॽ इःप्माओआङ् थिक्हुप् पोःक्खे़म्मे़ॽओ॥
1 Corinthians 12:12 in Limbu 12 नासिङ्गे़न् थक्को यरिक् याम्लक्हाॽ मे़बत्लो॥ कन्वेॽ वेॽ याम्लक्हाॽलाम्लत्छा नासिङ्गे़न् थक् पोःङ्लो॥ हे़क्केलॽरिक् ख्रिस्तरे़ कुधक्किन्नाङ् बा हे़क्तङ्बाए चोःक्लो॥
Galatians 3:28 in Limbu 28 आल्ल यहुदि, थिम्मे़न्दङ् सुवाङ्, योःक् नु चोःक्युम्भोबा, ये़म्बित्छाॽ नु मे़न्छुमाॽ कुदङ्बारो, थेआङ्भे़ल्ले़ खिनिॽग ख्रिस्त ये़सुओ लत्छा के़बोःक्खिआङ् के़वयिॽरो॥
Ephesians 4:4 in Limbu 4 निङ्वाॽफुमाङ्ङिल्ले़ के़उःत्तिल्ले़ लत्छा निङ्साङ् के़बिरिबा कुइसिःक्के, ख्रिस्ते़न्नसाःन् के़जोःक्पाहाॽ लत्थिक् थक्सिरो॥ हे़क्क्याङ् सेसेमाङ् लत्थिक् वाॽ,
Philippians 2:9 in Limbu 9 खे़ल्ले़ चोगुल्ले़ निङ्वाॽफुमाङ्ङिल्ले़ खुने़ॽ काक्नुःल्ले़ थोःसुगे़न् युङ्दे़न्नो युक्खुआङ् वेॽ मिङ्हाॽनुःल्ले़आङ् यम्बा मिङ्सो इङ्धाःङ्बा मिङ् पिरुरो॥
Hebrews 1:3 in Limbu 3 कन् आबुगे़न् कुस्साःल्लो निङ्वाॽफुमाङ्ङिल्ले़ कुमिमिदिङ्ङिन् ले़क्लो हे़क्क्याङ् आबुगे़न् कुस्साःन् निङ्वाॽफुमाङ्ङिल्ले़ कुसुत्नाःल्ले़ कुइत्छाप्लो॥ हे़क्क्याङ् खुने़ॽए मुक्साम्गे़न् कुबाःन्जाक्लाम्बा इक्सादिङ् खाम्बेःक्मोबा काक् पाःन्हाॽ वाॽर याःन्दुॽरो॥ खुने़ॽ मे़न्छाम् याप्मिहाॽ लायोलाम् सेसेसाङ्साङ् पोःङ्मा तङ्गाम् चोगुआङ् साङ्ग्राम्पेदाङ्ङो मिमिदिङ्गे़न् निङ्वाॽफुमाङ्ङिल्ले़ कुजुप्साङ् ले़प्माङ् युङ्सिङ्लो॥
Hebrews 9:24 in Limbu 24 थेआङ्भे़ल्ले़ ख्रिस्ते़ङ्ग निङ्वाॽफु साःङ्गाहिम्मिल्ले़ कुबि कुइसिःक्पा मे़न्छाम् हुक्किल्ले़ चोःक्मना सेसेबा ते़न्नो मे़लाःसे़न्, कर खुने़ॽग निङ्वाॽफुमाङ्ङिल्ले़ कुदगिए आनिॽ लागि साङ्ग्राम्पेदाङ्ङो लाःसे़रो॥
James 4:4 in Limbu 4 नसाःन् मे़न्जोःक्मनाबासे, इक्सादिङ् खाम्बेःक्मोबा पाःन्हाॽ मिःम्जि के़मे़प्पे़न्निङ्वाॽफुमाङ्ङिल्ले़ कुनिङ्मि पोःङ् फाॽआङ् कुसिङ् के़न्निःत्तुम्मिन्बि? इक्सादिङ् खाम्बेःक्मोबा पाःन्हाॽ मिःम्जि के़मे़प्पे़ङ्ग निङ्वाॽफुमाङ्ङिल्ले़ कुनिङ्मि पोःङ्लो॥
1 Peter 1:5 in Limbu 5 कुनुप्मा ये़म्मो ओसेःन्दाङ् पोःङ्मा के़इःप्पा से़न्लप्पिन् मे़न्दाए थारिक् खिनिॽ नसाःन् के़जोगुम्बाल्ले़ चोगुल्ले़ निङ्वाॽफुमाङ्ङिल्ले़ कुमुक्साम्मिल्ले़ ताङ्गे़से़ःप्तिआङ् वाॽ॥
1 Peter 1:15 in Limbu 15 कर खिनिॽ के़उःप्पा निङ्वाॽफुमाङ्ङिन् सेसे चोःक्पा कुइसिःक् खिनिॽआङ् के़जोगुम् के़बाःत्तुम्बा काक् पाःन्नो सेसे वये़म्मे़ॽओ॥
1 John 3:12 in Limbu 12 खिनिॽग कयिने़न् हे़क्के मे़बोःक्खे़म्मिन्ने़ॽओ॥ खे़ङ्ग माफे़न्साम्मिल्ले़न् वये़आङ् खे़ल्ले़ आबाङे कुन्साॽइन् से़रुरो॥ थेआङ् से़रुबाभे़ल्ले़ खे़ल्ले़ आबाङे कुयाःम्बक्हाॽ ताप्फे़ःम्बा चोगे़, कर कुन्साॽरे़ कुयाःम्बक्हाॽ साम्योनिबा चोगे़॥
1 John 5:19 in Limbu 19 आनिॽग निङ्वाॽफुमाङ्ङिल्ले़ कुस्साःसिरो, हे़क्क्याङ् कन् इक्सादिङ् खाम्बेःक्मान् माफे़न्साम्मिल्ले़ कुहुक्को थ्ये़आङ् वाॽ के़लॽबा पाःन्निन् आनिःसुम्लो॥
Jude 1:1 in Limbu 1 ये़सु ख्रिस्तरे़ कुसेवारोबा नु याकुबरे़ कुन्साॽ इङ्गाॽ यहुदालाम्, पानुदिङ् पाः निङ्वाॽफुमाङ्ङिल्ले़ उःत्तुसिबा, लुङ्माॽ तुक्तुसिबा नु ये़सु ख्रिस्तलाम्बा कम्ब्राङ् मे़त्तुसिबाहाॽ, कन् सक्इङ्घङ्ङिन् हाक्निङ्लो॥
Jude 1:24 in Limbu 24 आल्ल निङ्वाॽफुमाङ्ङिल्ले़ए लायोओ थाःमालाम् खिनिॽ से़ःप्मा के़सुक्तिॽ, हे़क्क्याङ् खुने़ॽए कुमिमिदिङ्ङिल्ले़ कुदगि लायो मे़ःन्ने पयम् सःप्मान्नु ताःप्मा के़सुक्तिॽरो॥
Revelation 4:8 in Limbu 8 खे़न् लिसि कुहिङ्वे़त् पाथुङ्साहाॽरे़ खुनिॽ नासिङ्गे़न् थक्को तुक्सि लाप्हाॽ मे़बत्छे़, हे़क्क्याङ् खुनिॽ नासिङ्गे़न् थक्किन् नु लाप्पिल्ले़ कुधिम् काक् पिसाङ् मिक् इस्सेःङ् पत्छे़रो॥ खे़ङ्हाॽ से़न्दिक् ले़न्दिक् चक्मे़ल्लॽए अक्खे मे़बाःत्तुर साम्मे़लोःॽ, “मुक्साम्दाङ्बा निङ्वाॽफुमाङ्ङिन् सेसे, सेसे, सेसेबा चोःक्लो॥ खुने़ॽ उनाहुरिओ वये़, आल्लोआङ् वाॽ, हे़क्क्याङ् ताःन्दिआङ् ताःरो॥”
Revelation 15:4 in Limbu 4 यहवे दाङ्बाए, खे़ने़ॽग हाःत्ले़ के़ङ्गित्ने़न्बे? हे़क्क्याङ् हाःत्ले़ के़नारा मे़भोःसुम्बे? थेआङ्भे़ल्ले़ खे़ने़ॽरक् सेसेबा के़जोःक्॥ काक् मे़न्छाम् सुवाङ्हाॽ मे़दाःआङ् खे़ने़ॽ सेवा के़म्जोःक्लो, थेआङ्भे़ल्ले़ साम्योनिबा के़याःम्बक्किन् ओसेःन्दाङ् पोःक्खे़आङ् वाॽरो॥”
Revelation 19:12 in Limbu 12 खुने़ॽ कुमिक्हाॽग मि हे़क्के के़दिःप्पा चोगे़, हे़क्क्याङ् खुने़ॽ कुधे़गेःक्पो यरिक् तिचःहाॽ मे़बत्छे़॥ खुने़ॽ नासिङ्गे़न् कुधक्को कुमिङ् साप्ते़आङ् पत्छे़॥ खे़ल्ले़ कुबेःङ्ग आत्तिन्हाॽरे़आङ् कुसिङ्निःप्मा मे़न्छुक्तुन्, कर खुने़ॽरक् कुसिङ्निःत्तुरो॥