John 16:33 in Limbu 33 इङ्गाॽओ खिनिॽ सनारुङ् के़घोःसुम्लरो फाॽआङ् कन् के़रे़क् पाःन्हाॽ मे़त्निङ्ङाङ् वाॽआरो॥ कन् इक्सादिङ् खाम्बेःक्मो यरिक् इनोगे़न् तुक्खेहाॽ के़दुमुम्लो॥ कर हाङ्हाङ् लॽरे़म्मे़ॽओ, थेआङ्भे़ल्ले़ इङ्गाॽ कन् इक्सादिङ् खाम्बेःक्मान् नाःन्दुङ्ङाङ् वाॽआरो॥”
Other Translations King James Version (KJV) These things I have spoken unto you, that in me ye might have peace. In the world ye shall have tribulation: but be of good cheer; I have overcome the world.
American Standard Version (ASV) These things have I spoken unto you, that in me ye may have peace. In the world ye have tribulation: but be of good cheer; I have overcome the world.
Bible in Basic English (BBE) I have said all these things to you so that in me you may have peace. In the world you have trouble: but take heart! I have overcome the world.
Darby English Bible (DBY) These things have I spoken to you that in me ye might have peace. In the world ye have tribulation; but be of good courage: I have overcome the world.
World English Bible (WEB) I have told you these things, that in me you may have peace. In the world you have oppression; but cheer up! I have overcome the world."
Young's Literal Translation (YLT) these things I have spoken to you, that in me ye may have peace, in the world ye shall have tribulation, but take courage -- I have overcome the world.'
Cross Reference Luke 2:14 in Limbu 14 “साङ्ग्राम्पेदाङ्ङोबा निङ्वाॽफुमाङ्ङिल्ले़ कुमिमिदिङ् पोःङ्ल, हे़क्क्याङ् इक्सादिङ् खाम्बेःक्मो लुङ्माॽ तुक्तुसिबा मनाहाॽरे़ सनारुङ् मे़घोःसुररो॥”
Luke 19:38 in Limbu 38 “यहवे दाङ्बाल्ले़ कुमिङ्ङो के़दाःबा हाङ्ङिन् मुॽइसाबा पोःङ्लरो॥ साङ्ग्राम्पेदाङ्ङो सनारुङ् पोःङ्लरो, निङ्वाॽफुमाङ्ङिल्ले़ कुमिमिदिङ् पोःङ्लरो॥”
John 12:31 in Limbu 31 आल्ल कन् इक्सादिङ् खाम्बेःक्माल्ले़ कुघासे़न् पोःङ्मा ये़म् त्ये़आङ् वाॽरो, आल्ल इक्सादिङ् खाम्बेःक्मो हाङ्युक् के़जोःक्पाङ्ग लाःक्कात् लाप्फुरो॥
John 14:1 in Limbu 1 ये़सुरे़ याम्मो कुहुॽसाम्बाहाॽ मे़त्तुसि, “खिनिॽ निङ्साम्मो मे़ध्ये़म्मिन्ने़ॽओ, कर निङ्वाॽफुमाङ्ङिन् नसाःन् चोगे़म्मे़ॽओ, हे़क्केलॽरिक् इङ्गाॽआङ् याप्मि नसाःन् आजोगे़म्मे़ॽओ॥
John 14:27 in Limbu 27 इङ्गाॽ सनारुङ्ङिन् खिनिॽनु पक्थाङ्लो, आसनारुङ्ङिन् खिनिॽ पिनिङ्लो॥ कङ्ग इक्सादिङ् खाम्बेःक्माल्ले़ के़बिरिबा हे़क्केग मे़बिनिङ्ङिन्लो॥ खिनिॽ निङ्साम्मो मे़ध्ये़म्मिन्ने़ॽ हे़क्क्याङ् मे़गिसे़म्मिन्ने़ॽओ॥
John 15:18 in Limbu 18 “कन् इक्सादिङ् खाम्बेःक्मोबाहाॽरे़ के़म्जिःत्तिल्ले़ खे़न्नु तगि इङ्गाॽ मे़जिःत्ताङ्बा पाःन्निन् निङ्वाॽ इःत्ते़म्मे़ॽओ॥
John 16:11 in Limbu 11 हे़क्क्याङ् कन् इक्सादिङ् खाम्बेःक्मोबा हाङ्युक् के़जोःक्पाल्ले़ कुघासे़न् पोःक्खे़आङ् वाॽ॥
Acts 9:31 in Limbu 31 हे़क्क्याङ् यहुदिया, गालिल, नु सामरियाओस्मा सेसेहुप्लक्हाॽओ निङ्घुम् पोःङ्मा चक् थ्ये़आङ् ये़म्ये़म्वा त्ये़॥ खे़ङ्हाॽरे़ दाङ्बान् साॽरिक् इङ्धाःङ् मे़बि, हे़क्क्याङ् सेसेमाङ्ङिल्ले़ आःन्छिङ्मा पिरुसिआङ् नसाःन्नो के़धुम्बा मे़बोःक्खे़र खे़ङ्हाॽ मे़बोःरे़र मे़बेरो॥
Acts 14:22 in Limbu 22 खे़प्मो खे़ङ्हाॽरे़ हुॽसाम्बाहाॽ नसाःन्नो चक्मे़ल्लॽए वये़म्मे़ॽ मे़त्ते़छुसिर हाङ्हाङ् चोगे़त्छुसि, हे़क्क्याङ् यरिक् इनोगे़न् तुक्खे के़दुमुम्साङ् निङ्वाॽफुहाङ्जुम्मो लाःप्माए पोःङ्लो फाॽआङ् आःन्छिङ्मा पिरे़त्छुसिरो॥
Acts 23:11 in Limbu 11 बा खे़न् से़न्दिक् पावलरे़ कुबेसाङ् दाङ्बे़न् ओसेःन्धाक्सिङ्ङाङ् अक्खे मे़त्तु, “पावलए, खे़ने़ॽ हाङ्हाङ् मे़त्छिङ्ङे़ॽओ, थेआङ्भे़ल्ले़ अक्खेलॽरिक् कन् यरुसले़म्मो इङ्गाॽ आयाःम्बेओ तोःन्दि के़बिरुबा कुइसिःक् रोम लाजेॽओआङ् तोःन्दि के़बिरुर पोःङ्लो॥”
Acts 27:22 in Limbu 22 कर आल्ल हाङ्हाङ् लॽरे़म्मे़ॽ फाॽआङ् पेलि फाक्निङ्लो, थेआङ्भे़ल्ले़ आनिॽग लत्थिक्काङ् आन्छिःने़न्लो, कर कन् वालाधाःन्लक् इम्मोःक् पोःङ्लो॥
Acts 27:25 in Limbu 25 खे़ल्ले़ चोगुल्ले़ आदाङ्बासे, हाङ्हाङ् लॽरे़म्मे़ॽओ! इङ्गाॽग निङ्वाॽफुमाङ्ङिन् नसाःन् चोगुङ्लो॥ हे़क्क्याङ् इङ्गाॽ मे़त्ताङ्बा कुइसिःक् के़त्लो॥
Romans 5:1 in Limbu 1 खे़ल्ले़ चोगुल्ले़ नसाःन् आजोगुम्बाल्ले़ आप्तिक् मे़ःन्नेबा आबोःक्खे़आङ् आनिॽ दाङ्बा ये़सु ख्रिस्तलाम्बा निङ्वाॽफुमाङ्ङिन्नु आनिॽ नादङ् पोःक्खे़आङ् वाॽरो॥
Romans 8:36 in Limbu 36 साम्योसाप्लाओ अक्खेलॽरिक् साप्ते़आङ् पत्, “खे़ने़ॽ नसाःन् चोःक्कासिगे़बाल्ले़ थिक्याःन्धक् मे़से़रिगे़ॽरो॥ से़प्मा के़बोःङ्बा मे़ल्लुक् कुइसिःक् मनाहाॽरे़ मे़मे़त्तिगे़रो॥”
2 Corinthians 1:3 in Limbu 3 आनिॽ दाङ्बा ये़सु ख्रिस्तरे़ कुम्बा याप्मि लुङ्माॽ के़दुक्पा नु आःन्छिङ्मा याप्मि के़बिबा पानुदिङ् पाः निङ्वाॽफुमाङ्ङिल्ले़ कुनारा पोःररो॥
2 Corinthians 7:4 in Limbu 4 इङ्गाॽ खिनिॽनु मे़ङ्गिए पाःप्मा सुक्तुङ्, खिनिॽ के़जोगुम्मिल्ले़ आने़बो पोःरे़आङ् वाॽरो॥ खे़ल्ले़ चोगुल्ले़ इङ्गाॽ हाङ्हाङ् लॽराङ्ङाङ् वाॽआ, हे़क्क्याङ् आनिगे़ के़रे़क् इनोगे़न् तुक्खेओ इङ्गाॽ साॽरिक् सःत्ताङ्ङाङ् वाॽआरो॥
2 Corinthians 13:11 in Limbu 11 आल्ल आमिःम् फुॽनुसाॽ नु ने़ॽनुसाॽसे, कुनुप्मो से़म्मुॽइ सेवारो॥ कुलिङ्धो के़प्मा निङ्वाॽ चोगे़म्मे़ॽ, आबाःन्निन् खे़प्से़म्मे़ॽ, निङ्वाॽओ थिक्हुप् पोःक्खे़म्मे़ॽ, सनारुङ्ङो वये़म्मे़ॽओ॥ हे़क्क्याङ् मिःम्जि नु सनारुङ् दाङ्बा निङ्वाॽफुमाङ्ङिन् खिनिॽनु वाॽरो॥
Galatians 1:4 in Limbu 4 आनिॽ पानुदिङ् पाः निङ्वाॽफुमाङ्ङिल्ले़ कुनिङ्वाॽ हे़क्के ये़सुरे़ कन् ये़म्मोबा ताप्फे़ःम्बा इक्सादिङ् खाम्बेःक्मोलाम् ताङ्से़ःप्मा आसुक्ल फाॽआङ् आनिॽ लायो आजोगुम्बाल्ले़ चोगुल्ले़ आनिॽ ले़क्वा स्ये़रो॥
Galatians 6:14 in Limbu 14 कर इङ्गाॽग आनिॽ दाङ्बा ये़सु ख्रिस्तरे़ सिलाम्साक्मा कुसिङ्ङिन्नुःल्ले़ वेॽ थे़माओआङ् आङ्दिङ् मे़लॽआन्लो॥ ख्रिस्ते़न्सिलाम्साक्मा सिङ्ङो स्ये़बाल्ले़ चोगुल्ले़ मनाहाॽरे़ मे़इःत्तु मे़नाःत्तुबा पाःन्हाॽ आलागि थेआङ् मे़ःन्लो, हे़क्क्याङ् खे़ङ्हाॽरे़ खुनिॽ लागिआङ् इङ्गाॽ थेआङ् मे़ःन्नारो॥
Ephesians 2:14 in Limbu 14 थेआङ्भे़ल्ले़ खुने़ॽलाम्बाए आनिॽ सनारुङ् आघोःसुम्माङ् आवाॽ॥ खुने़ॽए यहुदिहाॽ नु थिम्मे़न्दङ् सुवाङ्हाॽ के़से़म्बा निङ्मिगे़न् लुङ्धाक् कुइसिःक्पा थिम्मिन् आबाङे नासिङ्गे़न् कुधक्को यस्सुर खे़ङ्हाॽ थिक्हुप् चोगुसिआङ् वाॽ॥
Philippians 4:7 in Limbu 7 हे़क्क्याङ् मे़न्छाम् निङ्वाॽरे़ कुसिङ्निःप्मा सुक्मे़न्दे़प्मनाबा निङ्वाॽफुमाङ्ङिल्ले़ कुसनारुङ्ङिल्ले़ए खिनिॽ सिक्लुङ्मा नु निङ्वाॽइन्ख्रिस्त ये़सुओ ताङ्से़ःप्तुॽरो॥
Colossians 1:20 in Limbu 20 हे़क्क्याङ् निङ्वाॽफुमाङ्ङिल्ले़ सिलाम्साक्मा सिङ्सम्दाङ् ये़सुरे़ कुमाक्खिॽइन् वादेःन्दुबाओलाम्बा आबाङेलागि सनारुङ् चोगुआङ् इक्सादिङ् खाम्बेःक् नु ताङ्साक्पोबा के़रे़क् पाःन्हाॽ याम्मो आबाङे खुने़ॽओ नादङ् चोगुआङ् नुःक्तु तारुरो॥
1 Thessalonians 3:4 in Limbu 4 थेआङ्भे़ल्ले़ खिनिॽनु वयिगे़ल्ले़सा तगिए आक्तङ्बा तुक्खेःन् ताः फाॽआङ् आनिगे़ पाःत्तुम्बे़आङ् वयिगे़रो॥ हे़क्केलॽरिक् निङ्घुम्मिन् त्ये़आङ् वाॽबान् खिनिॽ के़निःसुम्लो॥
1 Thessalonians 3:7 in Limbu 7 खे़ल्ले़ चोगुल्ले़ फुॽनुसाॽ नु ने़ॽनुसाॽसे, आनिगे़ काक् के़साक्पा पाःन् नु तुक्खे लाक्खेहाॽओआङ् खिनिॽ नसाःन्निल्ले़ कुयाःम्बेओ खे़प्सुम्बे़ल्ले़ आनिगे़ हाङ्हाङ् पोःक्खिगे़आङ् वयिगे़रो॥
2 Thessalonians 3:16 in Limbu 16 आल्ल सनारुङ् दाङ्बाल्ले़ काक् परिक्लाम् चक्मे़ल्लॽए सनारुङ् के़बिरिर॥ दाङ्बाङ्ग खिनिॽ के़रे़क्नु वाॽररो॥
2 Timothy 3:12 in Limbu 12 ख्रिस्त ये़सुओ साम्योनिबा हिङ्मन्नो हिङ्मा निङ्वाॽ के़जोःक्पाङ्ग तुक्खे चाएरो॥
Hebrews 7:2 in Limbu 2 हे़क्क्याङ् अब्राहामरे़आङ् हाङ्हाॽ नाप्तुसिबा काक् चिगःक्वाहाॽरे़न् थिबोःङ्लक् खुने़ॽ पिरुरो॥ मल्किसे़दे़करे़ कुमिङ्ङिल्ले़ कुबेःङ्ग “साम्योनिबा हाङ्” पोःङ्, हे़क्क्याङ् सालेम्मोबा हाङ्रे़ कुबेःङ्ग “सनारुङ्हाङ्” पोःङ्लो॥
Hebrews 11:25 in Limbu 25 खुने़ॽ लायोबा सुक्खेवाओ सप्फाधिक् वाॽमानुःल्ले़ निङ्वाॽफुमाङ्ङिल्ले़ कुयाप्मिहाॽनु तुक्खेवाओ वाॽमाए निङ्वाॽ चोगुरो॥
Hebrews 13:20 in Limbu 20 आल्ल पयम् यम्बा मे़ल्लुक्कम्बा आनिॽ दाङ्बा ये़सुःल्ले़ मे़न्नुप्मनाबा माङ्हुप्पिल्ले़ कुमाक्खिॽइन् वागे़देःम्बाआङ् सिःमे़न्लाम् याम्मो कुहिङ्वे़त् के़जोःक्पा सनारुङ्दाङ्बा निङ्वाॽफुमाङ्ङिल्ले़
1 Peter 5:9 in Limbu 9 खिनिॽ नसाःन्नो के़धुम्बा पोःक्खे़म्मे़ॽआङ् खे़न् अत्ते़म्मे़ॽओ, थेआङ्भे़ल्ले़ इक्सादिङ् खाम्बेःक्मो खाराक् खिनिॽ फुॽनुसाॽहाॽआङ् खिनिॽ के़दुमुम्बा इनोगे़न् तुक्खे हे़क्तङ्बा तुक्खेओए मे़वाॽ के़लॽबान् के़निःसुम्लो॥
1 John 4:4 in Limbu 4 आमिःम् आस्साःसे, खिनिॽग निङ्वाॽफुमाङ्ङिल्ले़ कुमनानिङ्लो॥ हे़क्क्याङ् खिनिॽग इङ्ले़क् माङ्निङ्वाॽपाःन् के़बाःप्पाहाॽ के़नाःन्दुम्सिम्माङ् के़वयिॽरो, थेआङ्भे़ल्ले़ खिनिॽओ के़वाॽबा सेसेमाङ्ङिङ्ग इक्सादिङ् खाम्बेःक्माओ के़वाॽबान्नुःल्ले़आङ् यम्बा चोःक्लो॥
1 John 5:4 in Limbu 4 थेआङ्भे़ल्ले़ निङ्वाॽफुमाङ्ङिल्ले़ कुस्साःल्ले़ इक्सादिङ् खाम्बेःक्मान् नाःन्दुॽरो॥ आनिॽ नसाःन्निल्ले़ए इक्सादिङ् खाम्बेःक्मान् नाःन्दुॽरो॥
Revelation 3:21 in Limbu 21 नसाःन्नो के़नाःम्बान् पानुदिङ् आम्बानु कुहाङ्युक्नाओ इङ्गाॽ नाःन्दुङ्ङाङ् युङ्मा खोःसुङ्बा कुइसिःक् इङ्गाॽनु आहाङ्युक्नाओ युङ्मा युक् पिरुङ्लो॥
Revelation 7:14 in Limbu 14 इङ्गाॽ खुने़ॽ नोगप् पिरुङ्, “आदाङ्बे, इङ्गाॽग मे़निःसुङ्सिङ्ङिन्लो, खे़ने़ॽए के़निःसुॽरो॥” हे़क्क्याङ् खुने़ॽ अक्खे मे़त्ताङ्, “कन्हाॽग पयम् यम्बा निङ्घुम्लाम् के़दाःबासिरो॥ कङ्हाॽरे़ मे़ल्लुक्साःल्ले़ कुमाक्खिॽओ खुनिॽ तेःत् चाङ्हाॽ वामे़हप्तुआङ् फःदाङ्बा मे़जोगुआङ् मे़वाॽरो॥
Revelation 12:11 in Limbu 11 आनिॽ नसानिबा फुॽनुसाॽ ने़ॽनुसाॽहाॽरे़ग मे़ल्लुक्साःल्ले़ कुमाक्खिॽ नु खे़ङ्हाॽरे़ इङ्मे़भोःसुबा से़क्खाःल्ले़ खे़न्माफे़न्साम्मिन् मे़नाःन्दुआङ् मे़वाॽरो॥ हे़क्क्याङ् खे़ङ्हाॽग सिःमाआङ् मे़ङ्गिसे़न्लो॥