John 15:16 in Limbu 16 खिनिॽ याप्मि के़न्छेगिन् कर इङ्गाॽ खिनिॽ सेःक्निङ्, हे़क्क्याङ्पेगे़म्मे़ॽआङ् सदादिङ् के़बप्पा कुजाॽ फत्छे़म्मे़ॽ फाॽआङ् सेःक्युक् चोःक्निङ्ङाङ् वाॽआरो॥ आमिङ्ङो थे के़नाःक्तुम्साङ् पानुदिङ् आम्बारे़ के़बिरिॽरो॥
Other Translations King James Version (KJV) Ye have not chosen me, but I have chosen you, and ordained you, that ye should go and bring forth fruit, and that your fruit should remain: that whatsoever ye shall ask of the Father in my name, he may give it you.
American Standard Version (ASV) Ye did not choose me, but I chose you, and appointed you, that ye should go and bear fruit, and `that' your fruit should abide: that whatsoever ye shall ask of the Father in my name, he may give it you.
Bible in Basic English (BBE) You did not take me for yourselves, but I took you for myself; and I gave you the work of going about and producing fruit which will be for ever; so that whatever request you make to the Father in my name he may give it to you.
Darby English Bible (DBY) Ye have not chosen me, but I have chosen you, and have set you that ye should go and [that] ye should bear fruit, and [that] your fruit should abide, that whatsoever ye shall ask the Father in my name he may give you.
World English Bible (WEB) You didn't choose me, but I chose you, and appointed you, that you should go and bear fruit, and that your fruit should remain; that whatever you will ask of the Father in my name, he may give it to you.
Young's Literal Translation (YLT) `Ye did not choose out me, but I chose out you, and did appoint you, that ye might go away, and might bear fruit, and your fruit might remain, that whatever ye may ask of the Father in my name, He may give you.
Cross Reference Matthew 21:22 in Limbu 22 खिनिॽ तुवाओ के़नाःक्तुम्बा पाःन्निन् खोःसुम्बे़ॽ फाॽआङ् नसाःन् के़जोगुम्ने़ फाॽग्र निङ्वाॽफुमाङ्लाम् के़घोःसुम्लो॥”
Matthew 28:18 in Limbu 18 हे़क्क्याङ् ये़सुःन् खे़ङ्हाॽओ त्ये़आङ् मे़त्तुसि, “साङ्ग्राम्पेदाङ् नु इक्सादिङ् खाम्बेःक्मोबा के़रे़क् युक्किन् निङ्वाॽफुमाङ्ङिल्ले़ इङ्गाॽ पिराङ्ङाङ् वाॽरो॥
Mark 16:15 in Limbu 15 ये़सुरे़ खे़ङ्हाॽ मे़त्तुसि, “आल्ल खिनिॽ काक् इक्सादिङ् खाम्बेःक्मो पेगे़म्मे़ॽआङ् के़रे़क् मे़न्छाम्गे़न् याप्मिहाॽ कन् सुनाइङ्ङिन् इङ्भोःसे़म्सिम्मे़ॽओ!
Luke 6:13 in Limbu 13 हे़क्क्याङ् खाओःत्ते़आङ् ये़सुरे़ काक् कुहुॽसाम्बाहाॽ उःत्तुसिआङ् खे़ङ्हाॽओलाम् थिक्-ने़त् (१२) कुहुॽसाम्बाहाॽ सेगुसि॥ खे़ङ्हाॽ सेःक्युक्मिबासि मे़त्तुसिरो॥
Luke 24:47 in Limbu 47 हे़क्क्याङ् खुने़ॽ कुमिङ्ङो लायोलाम् हिन्छिङ्मा नु ले़प्मिरे़न् सुनाइङ्ङिन् यरुसले़म्मो हेःक्माआङ्के़रे़क् मे़न्छाम् सुवाङ्हाॽओ इङ्भोःमाए पोःङ्लो॥
John 6:70 in Limbu 70 हे़क्क्याङ् ये़सुरे़ मे़त्तुसि, “इङ्गाॽ खिनिॽ थिक्-ने़त्हाॽ सेःक्निङ्ङाङ् वाॽआरो, कर खिनिॽओ थिक्किन् माफे़न्साम् पोःक्खे़आङ् वाॽरो॥”
John 13:18 in Limbu 18 “इङ्गाॽ खिनिॽ के़रे़क्ले़ लागिग पाःत्तुङ्बा मे़ःन्लो॥ इङ्गाॽ सेःक्निङ्बाहाॽग नुःरिक्काङ् कुसिङ् निःत्निङ्लो॥ कर इङ्गाॽनु सोरिक् चागे़जाबान्ने इङ्गाॽ आदक्ले़ङ्वाओ पोगे़रो फाॽआङ् साम्योसाप्लाःल्ले़ पाःत्तुबान् के़त्लए पोःङ्लो॥
John 14:13 in Limbu 13 खिनिॽ आमिङ्ङो थे के़नाःक्तुम्साङ् पानुदिङ् पाःल्ले़ कुमिङ्सो कुधाःङ्सो कुस्साःओलाम् ओसेःन्दाङ् पोःङ्ल फाॽआङ् इङ्गाॽ खे़न् चोगुङ्लो॥
John 15:7 in Limbu 7 खिनिॽ इङ्गाॽओ हे़क्क्याङ् आबाःन्जाक्किन् खिनिॽओ वाॽने़ फाॽग्र खिनिॽ सिराॽ के़धाङ्बा पाःन्हाॽ थे के़नाःक्तुम्साङ् खिनिॽ के़घोःसुम्लो॥
John 15:19 in Limbu 19 खिनिॽ कन् इक्सादिङ् खाम्बेःक्मोबा के़वयिल्ले़ग आबाङे खुनिॽ मना हे़क्केए लुङ्माॽ के़म्दुक्तिॽमे़न्, कर खिनिॽग इक्सादिङ् खाम्बेःक्मोबा मे़ःन्निङ्लो॥ खिनिॽग इक्सादिङ् खाम्बेःक्मोलाम् इङ्गाॽ सेःक्निङ्ङाङ् वाॽआरो, खे़ल्ले़ चोगुल्ले़ खे़ङ्हाॽरे़ खिनिॽ के़म्जिःत्तिॽरो॥
John 16:23 in Limbu 23 खे़न् ये़न्नो खिनिॽ थेआङ् याप्मि सेःन्गे़न्दोःसिन्लो॥ इङ्गाॽ से़क्खाए मे़त्निङ्, आमिङ्ङो थे के़नाःक्तुम्साङ् पानुदिङ् आम्बारे़ के़बिरिॽरो॥
John 20:21 in Limbu 21 ये़सुरे़ खे़ङ्हाॽ याम्मो मे़त्तुसि, “सनारुङ् के़घोःसुम्लरो! पानुदिङ् पाःल्ले़ इङ्गाॽ पाङ्घाङ्बा कुइसिःक् खिनिॽआङ् इङ्गाॽ पाङ्निङ्ल पत्तारो॥”
John 21:15 in Limbu 15 खे़ङ्हाॽरे़ मे़ज मे़सुरुआङ् सिमोन पत्रुसे़न् ये़सुरे़ मे़त्तु “युहुन्नारे़ कुस्साः सिमोने, कङ्हाॽरे़ मिःम्जि मे़मे़त्ताबानुःल्ले़आङ् यरिक् खे़ने़ॽ मिःम्जि के़मे़त्ताबि?” खे़ल्ले़ नोगप् पिरु, “ओरो, आदाङ्बे, इङ्गाॽ से़क्खाए मिःम्जि मे़त्ने़ॽबान् खे़ने़ॽ के़निःसुॽरो॥” ये़सुरे़ मे़त्तु, “आमे़ल्लुक्साःहाॽ चालाम्से़से़ॽओ॥”
Acts 1:8 in Limbu 8 कर खिनिॽ थे़मा निङ्वाॽ खोःमा पोःङ् फाॽले़ सेसेमाङ्ङिन् खिनिॽओ ताःल्ले़ मुक्साम् के़घोःसुम्माङ् खिनिॽ यरुसले़म्मो, यहुदिया नु सामरिया थुम्मो हे़क्क्याङ् काक् इक्सादिङ् खाम्बेःक्मो खाराक् इङ्गाॽ आदोःन्दि के़बोःक्खिॽरो॥”
Acts 1:24 in Limbu 24 हे़क्क्याङ् खे़ङ्हाॽरे़ अक्खेलॽरिक् मे़बाःत्तुर तुवा मे़जोगु, “आदाङ्बे, खे़ने़ॽग मे़न्छाम्गे़न् याप्मिरे़ खुनिॽ सिक्लुङ्मोबा पाःन्निन् के़निःसुॽरो॥ कन् सेःक्युक्मिबा माङ्सेवा लक्किन् चोःक्मा फाॽआङ् यहुदाःल्ले़ कुले़क्वा कन् ने़प्फुओ के़सेगुबा मनाःन् ओसेःन्दाङ् चोगे़ॽओ, थेआङ्भे़ल्ले़ यहुदाःल्ले़ खे़न् ले़रुआङ् लाॽरुबा कुलाम्मो पेरो॥”
Acts 9:15 in Limbu 15 कर दाङ्बाल्ले़ हननियाःन् मे़त्तु, “खे़ने़ॽ पेगे़ॽ! थेआङ्भे़ल्ले़ खे़न् मनाःन् इङ्गाॽ आसेवा चोगुनि फाॽआङ् सेगुङ्ङाङ् वाॽआरो॥ खे़ल्ले़ग थिम्मे़न्दङ् सुवाङ्हाॽ, हाङ्हाॽ, नु इस्राइलिहाॽ आमिङ् इङ्भन् चोगुसिॽरो॥
Acts 10:41 in Limbu 41 खुने़ॽग काक् यहुदिहाॽनुग मे़ःन्, कर निङ्वाॽफुमाङ्ङिल्ले़ कुदोःन्दि पिसे़ सेगिगे़बाहाॽनु ओसेःन्धाक्सिङ्लो॥ खुने़ॽ सिःमे़न्लाम् हिङे़आङ् आनिगे़ खुने़ॽनुए सोरिक् चाःमना थुङ्मनारो॥
Acts 20:25 in Limbu 25 आल्ल निङ्वाॽफुहाङ्जुम्मिन् इङ्भन् चोःक्निङ्बा खिनिॽ आत्तिल्ले़आङ् इङ्गाॽ याम्मो याप्मि के़न्निःसिन् फाॽआङ् निःसुङ्लो॥
Acts 22:14 in Limbu 14 खे़ल्ले़ मे़त्ताङ्, ‘खे़ने़ॽग आनिॽ सुधे़बा ताक्थे़बाहाॽरे़ खुनिॽ निङ्वाॽफुमाङ्ङिल्ले़ कुनिङ्वाॽ कुसिङ्निःप्मा, साम्योनिबा कुमना ये़सुःन् निःमा हे़क्क्याङ् खुने़ॽ पाःत्तुबा पाःन् खे़म्मा फाॽआङ् के़सेगे़आङ् के़वाॽरो॥
Romans 1:5 in Limbu 5 खुने़ॽलाम् नु कुमिङ्सो इङ्धाःङ्ले़ लागि के़रे़क् लाजेॽबा थिम्मे़न्दङ् सुवाङ्हाॽरे़ नसाःन् मे़जोगुर हे़क्क्याङ् इङ्जाःङ् के़इःप्पा के़नाःप्पा मे़बोःङ्ल फाॽआङ् निङ्वाॽफुमाङ्ङिल्ले़ सेःक्युक्मिबा पोःङ्मा सुये़म् पिरिगे़आङ् वाॽरो॥
Romans 1:13 in Limbu 13 आमिःम् फुॽनुसाॽ नु ने़ॽनुसाॽसे, खिनिॽओ ताःमा यरिक्ले़ङ् निङ्वाॽ चोगुङ्, कर आल्लो थारिक् ताःमा मे़न्छुक्पे़न्के़लॽबान् निङ्वाॽ खोःसे़म्मे़ॽ के़लॽबा निङ्वाॽ इःत्तुङ्लो॥ इङ्गाॽ वेॽ थिम्मे़न्दङ् सुवाङ्हाॽ ख्रिस्तओ तारुङ्सिङ्बा हे़क्के खिनिॽओलाम्माङ् यरिक् मनाहाॽ ताःप्मासि आनिङ्वाॽ वाॽरो॥
Romans 9:11 in Limbu 11 कर खे़न् काप्साबासाःहाॽ सावाःन्छिङ्मानुःल्ले़ तगिए, खे़ङ्हाॽरे़ नुःबा नु ताप्फे़ःम्बा याःम्बक् थेआङ् मे़न्जोःक्के, निङ्वाॽफुमाङ्ङिल्ले़ रिबेक्काःन् अक्खे मे़त्तुआङ् वये़रो, “तुम्बाल्ले़ फोॽबान् सेवा चोगुॽरो॥” निङ्वाॽफुमाङ्ङिल्ले़ पाःत्तुबा कुइसिःक् साम्योसाप्लाओ अक्खेलॽरिक् साप्ते़आङ् पत्, “इङ्गाॽ याकुबे़न् लुङ्माॽ तुक्तुङ्, कर ए़साउःन् चिःत्तुङ्लो॥” अक्खेलॽरिक् निङ्वाॽफुमाङ्ङिल्ले़ मनाहाॽरे़ खुनिॽ याःम्बक्किन् ओमे़त्तुआङ् मे़ःन्, कर खुने़ॽ आबाङे कुनिङ्वाॽसोःक् कुइसिःक् सेगुॽ के़लॽबा पाःन्निन् निःन्धो चोगुरो॥
Romans 9:21 in Limbu 21 सॽमनाबा खाम्मोलाम् कोःम्भलेःल्ले़ नुःबा याःम्बक्को ओगप् के़बोःङ्बा फुजिक् हे़क्क्याङ् हाबा खे़न् खाम्मोलाम् मे़न्जोबा याःम्बक्को ओगप् के़बोःङ्बा फुजिक् चोःक्मा युक् मे़गत्तुम्बि?
Romans 15:4 in Limbu 4 पे ये़म्मो साम्योसाप्लाओ साप्ते़बा काक् पाःन्हाॽरे़ आनिॽ निसाम् आहुॽर फाॽआङ् साप्ते़बारो॥ हे़क्केलॽरिक्के नासि आधःत्तुम्मिल्ले़ हे़क्क्याङ् साम्योसाप्लालाम् आनिॽ हाङ्हाङ् आलॽइल्ले़ निङ्वाॽफुमाङ्ङिल्ले़ आबिरे़बा माङ्हे़क्हाॽ के़त् फाॽआङ् निस्सेए निङ्साङ् आजोगुम्लो॥
Romans 15:15 in Limbu 15 हे़क्केसाङ् कुभा मे़म्बाःत्ते मे़म्बोःङ्मनाबा पाःन्हाॽओ याम्मो खिनिॽ निङ्वाॽसुम् लॽर फाॽआङ् आःन्छिङ्ङार साप्तुङ्ङाङ् वाॽआ, थेआङ्भे़ल्ले़ इङ्गाॽग निङ्वाॽफुमाङ्ङिल्ले़ पिराङ्बा लुङ्गुम्लाम्बा
1 Corinthians 3:6 in Limbu 6 इङ्गाॽ याॽ लेःत्तुङ्, अप्पोलोसरे़ च्वाःत् केःत्तु, कर निङ्वाॽफुमाङ्ङिल्ले़ फोःसुरो॥
1 Corinthians 9:16 in Limbu 16 हे़क्केसाङ् सुनाइङ् इङ्भोःसुङ्ङिल्ले़ इङ्गाॽ आङ्दिङ् मे़जोःक्कान्लो॥ थेआङ्भे़ल्ले़ इङ्गाॽ सुनाइङ्ङिन् इङ्भन् चोःक्माए के़बोःङ्बा पोःक्खे़आङ् वाॽरो॥ इङ्गाॽ सुनाइङ् इङ्मे़भोःआन्ने़ फाॽग्र चिःत्ताङ् स्याङ्लो!
1 Corinthians 10:11 in Limbu 11 कन् हिन्दोःक्हाॽग आनिॽ लागि कुबि कुइसिःक् पोःक्खे़आङ् आनिॽ लागि साम्दिङ् पोःङ्ल फाॽआङ् खे़न् साप्ते़बारो॥ आनिॽग कन् इक्सादिङ् खाम्बेःक्माल्ले़ कुनुप्मा ये़म्मो के़प्मा आइःत्ते़आङ् आवाॽरो॥
Galatians 1:15 in Limbu 15 कर निङ्वाॽफुमाङ्ङिल्ले़ इङ्गाॽ सामे़न्वाःन्छिङ्ङेआङ्धोए लुङ्माॽ तुक्ताङ्, हे़क्क्याङ् सेगाङ्ङाङ् सेवा चोःक्से़ उःत्ताङ्लो॥ निङ्वाॽफुमाङ्ङिल्ले़ इङ्गाॽ थिम्मे़न्दङ् सुवाङ्हाॽ ये़सुरे़ कुयाःम्बेओ सुनाइङ् इङ्भोःसुङ्सिङ्ल फाॽआङ् आबुगे़न् कुस्साःन् ओःन्धाक्मा कुसिराॽ थाङे़॥ खे़न् ये़म्मो इङ्गाॽ आत्तिन् मनाहाॽआङ् सुजा मे़नाःक्तुङ्सिङ्ङिन्,
Ephesians 2:10 in Limbu 10 थेआङ्भे़ल्ले़ नुःबा याःम्बक्हाॽ चोःक्मा फाॽआङ् ख्रिस्त ये़सुलाम् निङ्वाॽफुमाङ्ङिल्ले़ आनिॽ आजोगे़बारो॥ निङ्वाॽफुमाङ्ङिल्ले़ खे़न् नुःबा याःम्बक्हाॽ आनिॽ आजोगुम्ल फाॽआङ् तगिसा यारिप् चोगुआङ् वये़बारो॥
Colossians 1:6 in Limbu 6 खिनिॽ सुनाइङ्ङिन् के़घे़प्सुम् हे़क्क्याङ् निङ्वाॽफुमाङ्ङिल्ले़ कुलुङ्गुम्मिन् काक् से़क्खाओ कुसिङ्के़निःत्तुम्बा ये़न्नाङ्धो खिनिॽ लुम्मो पोःङ्ल पप्पा हे़क्केए काक् इक्सादिङ् खाम्बेःक्मो आत्तिसाङ् मनालुम्मो सुनाइङ्ङिल्ले़ मुॽइसाम् तारुर पोःर पत्लो॥
Colossians 1:23 in Limbu 23 कर खिनिॽ के़घे़प्सुम्बा सुनाइङ्ङिल्ले़ निङ्साङ्ङो मे़म्मुन्ने नु ताप्मे़म्बे़ॽए हे़क्क्याङ् चक्मे़ल्लॽए नसाःन् चोःक्माए पोःङ्लो॥ हाबा कन् सुनाइङ्ङिन् इक्सादिङ् खाम्बेःक्मोबा काक् मे़न्छाम् सुवाङ्हाॽओ इङ्मे़भोःसुआङ् वाॽ, हे़क्क्याङ् खे़न् सुनाइङ्ङिन् इङ्भोःमा फाॽआङ् इङ्गाॽ पावले़न् निङ्वाॽफुमाङ्ङिल्ले़ कुसेवारोबा पोःक्खाङ्लो॥
1 Timothy 2:7 in Limbu 7 खे़ल्ले़ चोगुल्ले़ नसाःन् नु से़क्खाबा सुनाइङ् इङ्भोःसे़ इङ्गाॽ थिम्मे़न्दङ् सुवाङ्हाॽरो सेःक्युक्मिबा नु सिक्साम्बा फाॽआङ् दाङ्बाल्ले़ सेःक्युक् चोगाङ्लो॥ इङ्गाॽ इङ्ले़क् मे़बाःत्तान्लो, से़क्खाबा पाःन्ने पाःत्तुङ्लो॥
2 Timothy 1:11 in Limbu 11 कन् सुनाइङ्ङिल्ले़ लागि इङ्गाॽ सेसे सेःक्युक्मिबा, सिक्साम्बा, हे़क्क्याङ् इङ्गे़भोःबा पोःङ्से़ निङ्वाॽफुमाङ्ङिल्ले़ सेःक्युक् चोगाङ्लो॥
2 Timothy 2:2 in Limbu 2 यरिक् तोःन्दिहाॽरे़ खुनिॽ तगि के़घे़प्सुबा आबाःन्निन् के़निङ्वाॽइरे़ खोःप्तुसिबा मनाहाॽ हुॽमा के़सुक्पा नसाःन्साबा वेॽ मनाहाॽ हुक्सुप्ते़से़ॽओ॥
2 Timothy 3:15 in Limbu 15 खे़ने़ॽ के़जुःक्ते़आङ्धो नुःरिक्काङ् सेसे साम्योसाप्ला के़ले़स्सुआङ् के़वाॽरो॥ बा कन् पाःन्हाॽओलाम् ख्रिस्त ये़सुःन्नसाःन् चोःक्मा खोगे़दे़प्पा से़न्लप्रे़न्सिक्कुम्दिङ् निङ्वाॽइन्के़घोःसुॽरो॥
Titus 1:5 in Limbu 5 खे़ने़ॽग इङ्गाॽ क्रेत लाजेॽओ मे़न्जुःत्ते के़वाॽबा पाःन्हाॽ सुःप्मा हे़क्क्याङ् पिने़बा ओःन्धाक् कुइसिःक् काक् पाङ्जुम्हाॽओबा सेसेहुप्लक्हाॽओ तुम्लाम्लोःबाहाॽ सेःक्युक् चोःक्मासि फाॽआङ् पक्थाने़बारो॥
Hebrews 11:4 in Limbu 4 नसाःन्लाम्बाए हाबिलरे़ कुम्भुॽ कयिने़न्नुःल्ले़आङ् नुःबा सिदुङ्जभा निङ्वाॽफुमाङ्ङो तोःन्दुरो॥ हे़क्क्याङ् खुने़ॽ तोःन्दुबा सिदुङ्जभाःन् निङ्वाॽफुमाङ्ङिल्ले़ ताःक्तुआङ् खे़न्लाम्बाए खुने़ॽ साम्योनिबा मना मे़त्तुरो॥ हे़क्क्याङ् खुने़ॽ स्ये़साङ् आल्लो थारिक् खुने़ॽ कुनसाःन्निल्ले़ नुःबा पाःन् आहुॽरो॥
James 3:18 in Limbu 18 सनारुङ् के़दाःप्पाहाॽरे़ याॽरिःम्बान् तेःमनाबा कुइसिःक् सनारुङ्ङिन् मे़देःसुॽ, हे़क्क्याङ् यरिक् कुजा मे़सुप्सुबा कुइसिःक् खे़ङ्हाॽरे़ यरिक् साम्योनिबा मनाहाॽ मे़सुप्सुसिॽरो॥
1 Peter 1:14 in Limbu 14 निङ्वाॽफुमाङ्ङिल्ले़ इङ्जाःङ् के़इःप्पा के़नाःप्पा कुस्साः के़बोःक्खिबाल्ले़ चोगुल्ले़ तगि मे़न्निए मे़ल्ले़ए के़वयिल्ले़ के़जोगुम्बा फे़न् याःम्बक् चोःक्मा निङ्वाॽओ याम्मो मे़बत्छे़म्मिन्ने़ॽओ॥
1 Peter 3:15 in Limbu 15 कर खिनिॽ हिङ्मन्नो ख्रिस्ते़न्दाङ्बा लॽरिक् सेवा चोगे़म्मे़ॽओ॥ हे़क्क्याङ् खिनिॽ के़गत्तुम्बा निङ्साङ्ङिल्ले़ कुयाःम्बेओ सेःन्गे़म्लाप्तिल्ले़ लुम्लुम्माङ्इङ्धाःङ्ङिन्नु नोगप् पिमा सदादिङ् यारिप् पोःक्खे़म्मे़ॽआङ् वये़म्मे़ॽओ॥
1 John 4:10 in Limbu 10 से़क्खाबा मिःम्जिःङ्ग बा कन्लो–आनिॽ निङ्वाॽफुमाङ्ङिन् मिःम्जि आमे़त्तुम्बा मे़ःन्, कर खुने़ॽ लुङ्माॽ आदुक्ते़आङ् आनिॽ लायोरे़ खुम्दिङ्ङिल्ले़ कुले़क्वाओ सिदुङ्जभा पोःङ्मारे़ लागि आबुगे़न् कुस्साःन् इक्सादिङ् खाम्बेःक्मो पाङ्घु युःसुरो॥
1 John 4:19 in Limbu 19 निङ्वाॽफुमाङ्ङिल्ले़ए तगि लुङ्माॽ आदुक्ते़बाल्ले़ चोगुल्ले़ आनिॽआङ् वेॽहाॽ लुङ्माॽ आदुक्तुम्सिम्लो॥