John 14:27 in Limbu 27 इङ्गाॽ सनारुङ्ङिन् खिनिॽनु पक्थाङ्लो, आसनारुङ्ङिन् खिनिॽ पिनिङ्लो॥ कङ्ग इक्सादिङ् खाम्बेःक्माल्ले़ के़बिरिबा हे़क्केग मे़बिनिङ्ङिन्लो॥ खिनिॽ निङ्साम्मो मे़ध्ये़म्मिन्ने़ॽ हे़क्क्याङ् मे़गिसे़म्मिन्ने़ॽओ॥
Other Translations King James Version (KJV) Peace I leave with you, my peace I give unto you: not as the world giveth, give I unto you. Let not your heart be troubled, neither let it be afraid.
American Standard Version (ASV) Peace I leave with you; my peace I give unto you: not as the world giveth, give I unto you. Let not your heart be troubled, neither let it be fearful.
Bible in Basic English (BBE) May peace be with you; my peace I give to you: I give it not as the world gives. Let not your heart be troubled; let it be without fear.
Darby English Bible (DBY) I leave peace with you; I give *my* peace to you: not as the world gives do I give to you. Let not your heart be troubled, neither let it fear.
World English Bible (WEB) Peace I leave with you. My peace I give to you; not as the world gives, give I to you. Don't let your heart be troubled, neither let it be fearful.
Young's Literal Translation (YLT) `Peace I leave to you; my peace I give to you, not according as the world doth give do I give to you; let not your heart be troubled, nor let it be afraid;
Cross Reference Matthew 10:26 in Limbu 26 हे़क्केःल्ले़ खे़ङ्हाॽनु मे़गिसे़म्मिन्ने़ॽओ, थेआङ्भे़ल्ले़ मे़धाःप्ने़न्ल फाॽआङ् ते़प्ते़आङ्के़वाॽबा पाःन् इग्र कुसिङ् निःत्मे़दे़त्ने़न्ल फाॽआङ् माॽरे़आङ् के़वाॽबा पाःन् थेआङ् होःप्लो॥
Luke 1:79 in Limbu 79 हे़क्क्याङ् खादाम्मा नु सिःमे़ल्ले़न्साम्म्रिःप्पो के़वाॽबाहाॽओ खे़न् नाम्साङ्ङिन् ओःत्लो, हे़क्क्याङ् आनिॽ लाङ्भोःन् सनारुङ् लाम्मो तोःन्छिङ्लो॥”
Luke 2:14 in Limbu 14 “साङ्ग्राम्पेदाङ्ङोबा निङ्वाॽफुमाङ्ङिल्ले़ कुमिमिदिङ् पोःङ्ल, हे़क्क्याङ् इक्सादिङ् खाम्बेःक्मो लुङ्माॽ तुक्तुसिबा मनाहाॽरे़ सनारुङ् मे़घोःसुररो॥”
Luke 10:5 in Limbu 5 खिनिॽ आत्तिन् हिम्मो के़लाःस्सि के़रे़क्नुःल्ले़ तगि कन् हिम्मो हाराॽ सनारुङ् तानिरो लॽरिक् पाःत्ते़म्मे़ॽ॥
Luke 12:4 in Limbu 4 “आन्जुम्से, हाःत्ले़ खिनिॽ नासिङ्गे़न् थक्किन्लक् से़प्माआङ्धो थेआङ् चोःक्मा मे़सुक्तुन्, खे़न्नु मे़गिसे़म्मिन्ने़ॽओ॥
John 14:1 in Limbu 1 ये़सुरे़ याम्मो कुहुॽसाम्बाहाॽ मे़त्तुसि, “खिनिॽ निङ्साम्मो मे़ध्ये़म्मिन्ने़ॽओ, कर निङ्वाॽफुमाङ्ङिन् नसाःन् चोगे़म्मे़ॽओ, हे़क्केलॽरिक् इङ्गाॽआङ् याप्मि नसाःन् आजोगे़म्मे़ॽओ॥
John 16:33 in Limbu 33 इङ्गाॽओ खिनिॽ सनारुङ् के़घोःसुम्लरो फाॽआङ् कन् के़रे़क् पाःन्हाॽ मे़त्निङ्ङाङ् वाॽआरो॥ कन् इक्सादिङ् खाम्बेःक्मो यरिक् इनोगे़न् तुक्खेहाॽ के़दुमुम्लो॥ कर हाङ्हाङ् लॽरे़म्मे़ॽओ, थेआङ्भे़ल्ले़ इङ्गाॽ कन् इक्सादिङ् खाम्बेःक्मान् नाःन्दुङ्ङाङ् वाॽआरो॥”
John 20:19 in Limbu 19 बा खे़न् ते़ने़बाल्ले़ युःन्छिक् हुॽसाम्बाहाॽरे़ यहुदिहाॽ मे़गिरुसिआङ् हिम्सिगाङ् मे़सुम्सिङ्, हे़क्क्याङ्लाम्धेःप्पे़न्मे़ए़त्तुआङ् मे़युङे़ल्ले़ ये़सुःन् खुनिॽ लुम्मो थाःम्सिङ्ल अक्खे मे़त्तुसि, “सनारुङ् के़घोःसुम्लरो!”
John 20:21 in Limbu 21 ये़सुरे़ खे़ङ्हाॽ याम्मो मे़त्तुसि, “सनारुङ् के़घोःसुम्लरो! पानुदिङ् पाःल्ले़ इङ्गाॽ पाङ्घाङ्बा कुइसिःक् खिनिॽआङ् इङ्गाॽ पाङ्निङ्ल पत्तारो॥”
John 20:26 in Limbu 26 ये़त्छि ये़न् एगाङ् हुॽसाम्बाहाॽ याम्मो हिम् सिगाङ् मे़जुप्से़आङ् मे़युङे़॥ कन्ये़म्मो थोमाःन्नाङ्वये़, लाम्धेःप्पे़न्सिगाङ्लाम् मे़सुबुआङ् पत्छे़साङ् खुनिॽ लुम्मोए ये़सुःन् थाःम्सिङ्ल, “सनारुङ् के़घोःसुम्लरो” मे़त्तुसि॥
Acts 10:36 in Limbu 36 आल्ल निङ्वाॽफुमाङ्ङिल्ले़ सनारुङ्ले़न् सुनाइङ्ङिन् काक् इस्राइलिहाॽरो पाङ्घुरो॥ खे़न् सुनाइङ्ङिङ्ग यहुदिहाॽरे़न्लक् मे़ःन्, कर आनिॽ के़रे़क्ले़ लागि दाङ्बा ये़सु ख्रिस्तलाम् त्ये़आङ् वाॽरो॥
Acts 18:9 in Limbu 9 थिक् से़न्दिक् तादिगे़न् से़प्माङ्मो दाङ्बाल्ले़ पावले़न् अक्खे मे़त्तु, “खे़ने़ॽ मे़गिसे़न्ने़ॽओ, कर स्वाःत् मे़वये़न्ने़ॽ, चक्मे़ल्लॽए सुनाइङ् से़ःस्से़ॽर वये़ॽओ!
Romans 1:7 in Limbu 7 निङ्वाॽफुमाङ्ङिल्ले़ साॽरिक् मिःम्जि के़मे़त्तिॽआङ् आबाङे कुसेसे मना पोःङ्से़ के़उःत्तिबा रोम ये़क्यक्कोबा आमिःम् फुॽनुसाॽ नु ने़ॽनुसाॽसे, आनिॽ पानुदिङ् पाः निङ्वाॽफुमाङ् नु दाङ्बा ये़सु ख्रिस्तरे़ हाराॽ लुङ्गुम् नु सनारुङ् के़बिरिररो॥
Romans 5:1 in Limbu 1 खे़ल्ले़ चोगुल्ले़ नसाःन् आजोगुम्बाल्ले़ आप्तिक् मे़ःन्नेबा आबोःक्खे़आङ् आनिॽ दाङ्बा ये़सु ख्रिस्तलाम्बा निङ्वाॽफुमाङ्ङिन्नु आनिॽ नादङ् पोःक्खे़आङ् वाॽरो॥
Romans 5:10 in Limbu 10 खे़न् फाॽइङ्ग निङ्वाॽफुमाङ्ङिल्ले़ कुनिङ्मि आवये़ल्ले़सा आबुगे़न् कुस्साःल्ले़ कुसिःमे़न्लाम्निङ्वाॽफुमाङ्ङिन्नु नादङ् आबोःक्खे़आङ् आवाॽबाल्ले़ चोगुल्ले़ खुने़ॽ कुहिङ्मन्निल्ले़ निङ्वाॽफुमाङ्ङिल्ले़ कुघुम्दिङ्लाम् से़क्खाए ताङ्आसे़ःप्लो॥
Romans 8:6 in Limbu 6 आनिॽ निङ्वाॽइन्लायोबा सुत्नाःल्ले़ युक्मा आबाङ्घुम्मिल्ले़ग आसिःरो, कर आनिॽ निङ्वाॽइन्सेसेमाङ्ङिन्युक्मा आबाङ्घुम्ने़ फाॽग्र मे़न्नुप्मनाबा हिङ्मन् नु सनारुङ् आघोःसुम्लो॥
Romans 15:13 in Limbu 13 खिनिॽ नसाःन्निल्ले़ चोगुल्ले़ निङ्साङ् के़बिबा निङ्वाॽफुमाङ्ङिल्ले़ साॽरिक् के़सःप्पा के़जोगिर हे़क्क्याङ् सनारुङ् के़बिरिर फाॽआङ् तुवा चोःक्का, हे़क्केलॽरिक् सेसेमाङ्ङिल्ले़ कुमुक्साम्लाम् यरिक् निङ्साङ् के़गप्पा के़जोगिररो॥
1 Corinthians 1:3 in Limbu 3 आनिॽ पाः निङ्वाॽफुमाङ्ङिन् हे़क्क्याङ् दाङ्बा ये़सु ख्रिस्तरे़ लुङ्गुम् नु सनारुङ्ङिन् खिनिॽ के़बिरिर॥
2 Corinthians 5:18 in Limbu 18 कन् के़रे़क्निङ्वाॽफुमाङ्लाम् पोःक्खे़बारो॥ खुने़ॽए ख्रिस्तलाम् आबाङे खुने़ॽओ आनिॽ आदारे़बारो, हे़क्क्याङ् वेॽहाॽ खुने़ॽओ ताःप्मासि माङ्सेवाःन् आबिरे़आङ् वाॽरो॥
Galatians 1:3 in Limbu 3 पानुदिङ् पाः निङ्वाॽफुमाङ्ङिन् हे़क्क्याङ् दाङ्बा ये़सु ख्रिस्तरे़ कुलुङ्गुम् नु कुसनारुङ्ङिन् खिनिॽ के़बिरिर॥
Galatians 5:22 in Limbu 22 कर सेसेमाङ्ङिल्ले़ लाम्लोसुसिबा मनाहाॽरे़ वेॽहाॽ लुङ्माॽ मे़दुक्तुसिॽ, खे़ङ्हाॽ मे़सःत्, सनारुङ्ङो मे़वाॽ, नासि मे़धःत्, खे़ङ्हाॽरे़ वेॽहाॽ नुःरिक् मे़मे़त्तुसिॽ, खे़ङ्हाॽ नुःबा याःम्बक् मे़जोःक्, निङ्वाॽइरे़ खोःप्तुसिबा मे़जोःक्,
Galatians 6:16 in Limbu 16 कन् पाःन्निन् के़इःप्पा के़नाःप्पाहाॽ निङ्वाॽफुमाङ्ङिल्ले़ सनारुङ् के़बिरिर हे़क्क्याङ् लुङ्माॽ के़दुक्तिररो॥ खे़ङ्हाॽग निङ्वाॽफुमाङ्ङिल्ले़ सेगुसिबा कुसङ् इस्राइलिसिरो॥
Ephesians 2:14 in Limbu 14 थेआङ्भे़ल्ले़ खुने़ॽलाम्बाए आनिॽ सनारुङ् आघोःसुम्माङ् आवाॽ॥ खुने़ॽए यहुदिहाॽ नु थिम्मे़न्दङ् सुवाङ्हाॽ के़से़म्बा निङ्मिगे़न् लुङ्धाक् कुइसिःक्पा थिम्मिन् आबाङे नासिङ्गे़न् कुधक्को यस्सुर खे़ङ्हाॽ थिक्हुप् चोगुसिआङ् वाॽ॥
Philippians 4:7 in Limbu 7 हे़क्क्याङ् मे़न्छाम् निङ्वाॽरे़ कुसिङ्निःप्मा सुक्मे़न्दे़प्मनाबा निङ्वाॽफुमाङ्ङिल्ले़ कुसनारुङ्ङिल्ले़ए खिनिॽ सिक्लुङ्मा नु निङ्वाॽइन्ख्रिस्त ये़सुओ ताङ्से़ःप्तुॽरो॥
Colossians 1:20 in Limbu 20 हे़क्क्याङ् निङ्वाॽफुमाङ्ङिल्ले़ सिलाम्साक्मा सिङ्सम्दाङ् ये़सुरे़ कुमाक्खिॽइन् वादेःन्दुबाओलाम्बा आबाङेलागि सनारुङ् चोगुआङ् इक्सादिङ् खाम्बेःक् नु ताङ्साक्पोबा के़रे़क् पाःन्हाॽ याम्मो आबाङे खुने़ॽओ नादङ् चोगुआङ् नुःक्तु तारुरो॥
Colossians 3:15 in Limbu 15 हाराॽ ख्रिस्तरे़ कुसनारुङ्ङिल्ले़ खिनिॽ सिक्लुङ्मान् युक्तुररो, थेआङ्भे़ल्ले़ सनारुङ्ङो वाॽमा फाॽआङ् खिनिॽग लत्थिक् नासिङ्गे़न् थक्को उःत्छिङ्मा के़घोःसुम्माङ् के़वयिॽरो॥ खिनिॽ नोगे़न्साबा पोःक्खे़म्मे़ॽओ॥
2 Thessalonians 1:2 in Limbu 2 पानुदिङ् पाः निङ्वाॽफुमाङ् नु दाङ्बा ये़सु ख्रिस्तरे़ खिनिॽ लुङ्गुम् नु सनारुङ् के़बिरिर॥
2 Thessalonians 3:16 in Limbu 16 आल्ल सनारुङ् दाङ्बाल्ले़ काक् परिक्लाम् चक्मे़ल्लॽए सनारुङ् के़बिरिर॥ दाङ्बाङ्ग खिनिॽ के़रे़क्नु वाॽररो॥
2 Timothy 1:7 in Limbu 7 थेआङ्भे़ल्ले़ निङ्वाॽफुमाङ्ङिल्ले़ आबिरे़बा सेसेमाङ्ङिल्ले़ आनिॽ किस्रुक्पा आन्जोःक्ने़न्, कर मुक्साम्, मिःम्जि, हे़क्क्याङ् निङ्वाॽ हाङ्गे़म्सिङ्मा आबिॽ॥
Hebrews 7:2 in Limbu 2 हे़क्क्याङ् अब्राहामरे़आङ् हाङ्हाॽ नाप्तुसिबा काक् चिगःक्वाहाॽरे़न् थिबोःङ्लक् खुने़ॽ पिरुरो॥ मल्किसे़दे़करे़ कुमिङ्ङिल्ले़ कुबेःङ्ग “साम्योनिबा हाङ्” पोःङ्, हे़क्क्याङ् सालेम्मोबा हाङ्रे़ कुबेःङ्ग “सनारुङ्हाङ्” पोःङ्लो॥
Hebrews 13:20 in Limbu 20 आल्ल पयम् यम्बा मे़ल्लुक्कम्बा आनिॽ दाङ्बा ये़सुःल्ले़ मे़न्नुप्मनाबा माङ्हुप्पिल्ले़ कुमाक्खिॽइन् वागे़देःम्बाआङ् सिःमे़न्लाम् याम्मो कुहिङ्वे़त् के़जोःक्पा सनारुङ्दाङ्बा निङ्वाॽफुमाङ्ङिल्ले़
Revelation 1:4 in Limbu 4 इङ्गाॽ युहुन्नाःल्ले़ कन् सक्इङ्घङ्ङिन् एसिया ते़ङ्गप्पो के़ने़बा नुसि सेसेहुप्लक्हाॽ हाक्निङ्लो॥ आल्लो के़वाॽबा, उनाहुरिओआङ् वये़ हे़क्क्याङ् ताःन्दिआङ् के़दाःबा निङ्वाॽफुमाङ्लाम् नु कुहाङ्युक्ना तगाङ्बा नुसि साम्हाॽलाम्, हे़क्क्याङ् नसाःन् चोःक्मा सुक्के़दे़प्पा पाःन् के़बाःप्पा, के़सिःबाओलाम् याम्मो के़हिङ्बाहाॽओ थिक्सिगेःक्पा नु इक्सादिङ् खाम्बेःक्मोबा हाङ्हाॽ सम्दाङ् हाङ् के़जोःक्पा ये़सु ख्रिस्तलाम् लुङ्गुम् नु सनारुङ् हाराॽ खिनिॽओ वाॽररो॥ खुने़ॽग आनिॽ लुङ्माॽ आदुक्ते़आङ् आनिॽ लायोलाम् कुमाक्खिॽइल्ले़ से़न्लप् आबिरे़आङ् वाॽरो॥
Revelation 2:10 in Limbu 10 आल्ल खे़ने़ॽओ के़दाःबार के़बप्पा इनोगे़न् तुक्खेहाॽनु मे़गिसे़न्ने़ॽओ॥ खे़प्से़ॽओ, के़नसाःन्निन् हङ्साॽमारे़ लागि माफे़न्साम्मिल्ले़ कुभा खिनिॽ पुङ्लाहिम्मो के़धे़क्तिॽसाङ् थिबोःङ् ये़न् थारिक्लक् इनोगे़न् तुक्खे के़ज्ये़ॽइरो॥ सिःमालिङ्धोओ के़गे़रिसाङ् इङ्गाॽ नसाःन् चोःक्मा याप्मि आल्ले़रे़म्मिन्ने़ॽओ, हे़क्क्याङ् के़नाःन्दुम्माङ् के़घोःसुम्बा थुम्घोःल्ले़ लागि मे़न्नुप्मनाबा हिङ्मन् पिनिङ्लो॥
Revelation 21:8 in Limbu 8 कर किस्रुक्पाहाॽ, नसाःन् मे़न्जोःक्मनाबाहाॽ, फे़क्के़लाॽबाहाॽ, मना के़से़प्पाहाॽ, ताप्फे़ःम्बा याःम्बक् के़जोःक्पाहाॽ, फे़न्साम् मुन्धुम् के़नाःप्पाहाॽ, नावाइत्ला सेवा के़जोःक्पाहाॽ नु इङ्ले़क् के़बाःप्पाहाॽरे़ खुनिॽ वाॽमादे़ङ्ग कान्धाक् नु मि के़दिःप्पार के़बप्पा लुम्बाःत्तो पोःङ्लो॥ खे़ङ्ग निसिगेःक्पा सिःमे़न्लो॥”