Cross Reference Matthew 1:18 in Limbu 18 आल्ल ये़सु ख्रिस्तरे़ कुसावाःन्छिङ्मान् अक्खेलॽरिक् पोःक्खे़रो–कुम्मा मरियमरे़ कुमेःक्खिम् पोःङ्मा पाःन्निन् युसुफे़न्नु पुॽरे़आङ् वये़, कर खुन्छिॽ मेःक्खिम् पोःङ्मानुःल्ले़ तगिए खुने़ॽ सेसेमाङ्ङिल्ले़ कुमुक्साम्लाम् मे़न्छुक्मा पोःक्खे़रो॥
Matthew 1:20 in Limbu 20 कर हे़क्के इःत्तुर वये़ल्ले़ से़प्माङ्मो यहवे दाङ्बाल्ले़ कुमाङ्लाइङ्बान् ओसेःन्धाक्सिङ्ङाङ्अक्खे मे़त्तुरो, “दाउदरे़ कुमुॽइदाङ्सा युसुप्फे, खे़ने़ॽ मरियम्मिन् मेःक्खिम् चोःक्माआङ् हिम्मो ताःप्मा मे़गिसे़न्ने़ॽओ, थेआङ्भे़ल्ले़ खुने़ॽओबा अङे़ःक्वाःन् सेसेमाङ्ङिल्ले़ कुमुक्साम्लाम्बा हाङ्सिङ्बारो॥
Matthew 3:11 in Limbu 11 लायोलाम् के़हिन्दिआङ् इङ्गाॽग च्वाःत्तिल्ले़ बप्तिस्मा पिनिङ्लो, कर आएगाङ् के़दाःबे़ङ्ग इङ्गाॽनुःल्ले़आङ् मुक्साम्साबा चोःक्लो॥ खुने़ॽ कुलाङ्सुःप्हाॽ इङ्गाॽ योःक् कुइसिःक् पङ्माआङ् मे़लाॽआन्लो॥ खुने़ॽ सेसेमाङ् नु मिःल्ले़ बप्तिस्मा के़बिरिॽरो॥
Matthew 28:19 in Limbu 19 खे़ल्ले़ चोगुल्ले़ पेगे़म्मे़ॽआङ् के़रे़क् मे़न्छाम् सुवाङ्हाॽ हुॽसाम्बा चोगे़म्सिम्मे़ॽओ॥ पानुदिङ् पाः, आबुदिङ् साः, हे़क्क्याङ् सेसेमाङ्ङिल्ले़ कुमिङ्ङो बप्तिस्मा पिरे़म्सिम्मे़ॽओ॥
Mark 12:36 in Limbu 36 दाउद हाङ्ङिल्ले़ सेसेमाङ्लाम् अक्खे पाःत्तुआङ् वाॽ, ‘यहवे दाङ्बाल्ले़ इङ्गाॽ आन्दाङ्बान् अक्खे मे़त्तु, के़निङ्मिहाॽ के़युक्को इङ्गाॽ मे़न्दाःत्छिङ्ङे थारिक् आजुप्साङ् ले़प्माङ् खे़ने़ॽ युङे़ॽओ॥’
Mark 13:11 in Limbu 11 हे़क्क्याङ् खिनिॽ के़म्दे़म्सिॽआङ् खासे़न्दे़न्नो खासे़न् लोःन्छे़ के़म्देॽरिल्ले़ से़ःप्सिङ्मारे़ लागि थे़मा पाःप्माबे फाॽआङ् तगिसा निङ्साम्मो मे़ध्ये़म्मिन्ने़ॽओ॥ खे़न् ये़म्मो पाःप्मा के़बोःङ्बा पाःन् सेसेमाङ्ङिल्ले़ के़बिरिॽरो, थेआङ्भे़ल्ले़ के़बाःप्पे़ङ्ग खिनिॽ मे़ःन्लो, कर सेसेमाङ्ङिन्नेरो॥
Luke 1:15 in Limbu 15 थेआङ्भे़ल्ले़ खुने़ॽ दाङ्बाल्ले़ कुनिःमाओ यम्बा पोःङ्लो॥ खुने़ॽ चे़ल्ले़क्सेॽ थिः नु वेॽ आममबा थुङ्मा मे़नुॽने़न्लो॥ हे़क्क्याङ् सावाःन्छिङ्ङाङ्धोए सेसेमाङ्ङिल्ले़ कुधिम् पोःङ्लो॥
Luke 1:35 in Limbu 35 माङ्लाइङ्बाल्ले़ नोगप् पिरु, “सेसेमाङ्ङिन् के़सम्दाङ् ताआङ् के़रे़क्नुःल्ले़ पयम् यम्बा निङ्वाॽफुमाङ्ङिल्ले़ कुमुक्साम्मिल्ले़ के़घुःक्लो, हे़क्केलॽरिक् खे़ने़ॽओलाम् सागे़वाःन्छिङ्बाङ्ग निङ्वाॽफुसाः मे़मे़त्तुॽरो॥
Luke 1:41 in Limbu 41 इलिसिबारे़ मरियम्मिन् सेवा मये़बा खे़प्सुनामे़ःन्ने कुसाप्पोःक्को के़याक्पा अङे़ःक्वाःन् मुन्जिङ् लॽरे़रो॥ इलिसिबाःन् सेसेमाङ्ङिल्ले़ कुधिम् पोःक्खे़,
Luke 1:67 in Limbu 67 युहुन्नारे़ कुम्बा जकरियाःन् सेसेमाङ्ङिल्ले़ थुक्तुआङ् माङ्निङ्वाॽपाःन् पारे़,
Luke 2:25 in Limbu 25 आल्ल यरुसले़म्मो सिमियोन मे़प्मनाबा मनाधिक् वये़॥ खे़न् साम्योनिबा नु निङ्वाॽफुसाम्बा वये़॥ खे़ल्ले़ इस्राइलिहाॽरे़ खुनिॽ मिक्वा के़दुःक्पे़न्हाङ्घुर वये़आङ् सेसेमाङ्ङिल्ले़ कुधिम् थिम्सुआङ्
Luke 3:22 in Limbu 22 सेसेमाङ्ङिन् पुत्तुःक्के हे़क्के ये़आङ् खुने़ॽ कुसम्दाङ् चुक्ते़, हे़क्क्याङ् साङ्ग्राम्पेदाङ्ङोलाम् इक्लाधिक् ये़, “खे़ने़ॽ इङ्गाॽ आमिःम् आस्साःने़रो॥ खे़ने़ॽनु इङ्गाॽ साॽरिक् सःत्ताङ्ङाङ् वाॽआरो॥”
Luke 11:13 in Limbu 13 खिनिॽ फे़न् निङ्वाॽ के़गत्तुम्साङ् आबाङे साःहाॽ नुःबा चिगःक्वाहाॽ पिमासि के़ले़स्सुम्मिल्ले़, खिनिॽ साङ्ग्राम्पेदाङ्ङोबा पाःल्ले़आङ् सेसेमाङ्ङिन् खिनिॽ के़नाःक्तुम्मिल्ले़ से़क्खासाङ् के़बिरिॽएरो॥”
Luke 24:49 in Limbu 49 आल्ल खे़प्से़म्मे़ॽओ, इङ्गाॽ पानुदिङ् आम्बारे़ चोगुबा माङ्हे़क्किन्खिनिॽओ पाङ्घुङ् युःसुङ्लो, कर निङ्वाॽफुमाङ्लाम् मुक्साम्मिल्ले़ कुधिम् मे़म्बोःङ्ङे थारिक् बा कन् ये़क्यक्कोए वये़म्मे़ॽओ॥”
John 2:22 in Limbu 22 ताःन्दि खुने़ॽ सिःमे़न्लाम् कुहिङ्वे़त् पोःक्खे़आङ्लक् खुने़ॽ पाःत्तुबा खे़न् पाःन्निन् कुहुॽसाम्बाहाॽरे़ निङ्वाॽ मे़इःत्तु, हे़क्क्याङ् ये़सुरे़ पाःत्तुआङ् वये़बा पाःन्जाक्हाॽ नु साम्योसाप्लाःन् नसाःन् मे़जोगुरो॥
John 6:45 in Limbu 45 माङ्निङ्वाॽपाःन् के़बाःप्पाहाॽरे़ खुनिॽ साप्पन्नो अक्खेलॽरिक् मे़साप्तुआङ् पत्, ‘खे़ङ्हाॽग के़रे़क् निङ्वाॽफुमाङ्ङिल्ले़ हुॽरुसिबा मे़बोःङ्लो॥’ पानुदिङ् पाःल्ले़ कुबाःन् के़घे़म्बाहाॽ नु खुने़ॽलाम्बा के़हुॽसिङ्बाहाॽ के़रे़क् इङ्गाॽओ मे़दारो॥
John 7:39 in Limbu 39 कङ्ग ये़सुरे़ सेसेमाङ्ङिल्ले़ कुयाःम्बेओ पाःत्तुबारो॥ थेआङ्भे़ल्ले़ खुने़ॽओ नसाःन् के़जोःक्पाहाॽरे़ सेसेमाङ्ङिन् मे़घोःसुबा पोःक्खे़आङ् वये़रो॥ सेसेमाङ्ङिन् खे़न् ये़म् थारिक् मे़म्बाङ्ङे वये़रो, थेआङ्भे़ल्ले़ ये़सुःन् साङ्ग्राम्पेदाङ्ङो मे़न्नुःङ् मे़म्बेःक्के वये़रो॥
John 12:16 in Limbu 16 तगिग कुहुॽसाम्बाहाॽरे़ कन् माङ्निङ्वाॽपाःन्निन् के़रे़बा थेआङ् कुसिङ् मे़न्निःत्तुन्लो॥ कर याङ्सि ये़सुःन् साङ्ग्राम्पेदाङ्ङो नुःक्खे़ पेआङ्लक् साम्योसाप्लाओ खुने़ॽ कुयाःम्बेओ साप्ते़बा नु खुने़ॽ कुदुम्से़ लाम्देःङ् थारिक् मे़बेबा पाःन्निल्ले़ कुबेःन् कुसिङ् मे़निःत्तुरो॥
John 14:16 in Limbu 16 इङ्गाॽ पानुदिङ् पाःन्नु पेलिगे़न् तुवा चोगुङ्लो, हे़क्क्याङ् खुने़ॽग खिनिॽनु सदादिङ् वाॽर फाॽआङ् वेॽ कुभाॽ के़बिबाधिक् के़बिरिॽरो॥
John 15:26 in Limbu 26 आल्ल पानुदिङ् पाःलाम् कुभाॽ के़बिबा सेसेमाङ्ङिन् खिनिॽओ पाङ्घुङ्लो॥ खुने़ॽग पानुदिङ् पाःलाम्बा के़युःबा से़क्खाओ लाम्गे़लोःबा सेसेमाङ्लो, खुने़ॽए इङ्गाॽ आयाःम्बेओ तोःन्दि के़बिरिॽरो॥
John 16:7 in Limbu 7 कर इङ्गाॽ से़क्खाःन् मे़त्निङ्, इङ्गाॽग पेःक्काबान्ने खिनिॽ लागि नुःबा पोःङ्लो, थेआङ्भे़ल्ले़ इङ्गाॽ मे़बेःक्कान्ने़ फाॽग्र कुभाॽ के़बिबा सेसेमाङ्ङिन् खिनिॽओ मे़युने़न्लो, कर इङ्गाॽ पेःक्काआङ् खुने़ॽ खिनिॽओ पाङ्घुङ् युःसुङ्लो॥
John 16:13 in Limbu 13 कर से़क्खाओ लाम्गे़लोःबा सेसेमाङ्ङिन् युःआङ् काक् से़क्खाओ लाम्गे़लोःसिॽ हे़क्क्याङ् खुने़ॽग आबाङे कुबाःन्हाॽ थेआङ् मे़बाःत्तुन्लो, कर खे़प्सुबा पाःन्हाॽरक् खिनिॽ के़मे़त्तिॽ हे़क्क्याङ् ताःन्दि के़बोःङ्बा पाःन्हाॽ के़मे़त्तिॽरो॥
John 20:22 in Limbu 22 हे़क्क्याङ् ये़सुरे़ खे़ङ्हाॽओ साङ्गुगे़न्सक्माःल्ले़ मुःत्तुसिर अक्खे मे़त्तुसि, “सेसेमाङ्ङिन् ताःक्ते़म्मे़ॽओ॥
Acts 1:4 in Limbu 4 थिक्ले़ङ् खुने़ॽ खे़ङ्हाॽनु चर युङे़ल्ले़ अक्खे मे़त्तुसि, “यरुसले़म ले़रे़म्मे़ॽआङ् आल्लोसा मे़बेगे़म्मिन्ने़ॽओ, कर साङ्ग्राम्पेदाङ्ङोबा पानुदिङ् आम्बारे़ सेसेमाङ् पिनिङ् लॽरिक् चोगुबा माङ्हे़क्किन्हाङ्घे़म्मे़ॽ॥ कङ्ग तगि मे़त्निङ्बा के़घे़प्सुम्माङ् के़वयिॽरो॥
Acts 1:8 in Limbu 8 कर खिनिॽ थे़मा निङ्वाॽ खोःमा पोःङ् फाॽले़ सेसेमाङ्ङिन् खिनिॽओ ताःल्ले़ मुक्साम् के़घोःसुम्माङ् खिनिॽ यरुसले़म्मो, यहुदिया नु सामरिया थुम्मो हे़क्क्याङ् काक् इक्सादिङ् खाम्बेःक्मो खाराक् इङ्गाॽ आदोःन्दि के़बोःक्खिॽरो॥”
Acts 2:4 in Limbu 4 हे़क्क्याङ् सेसेमाङ्ङिल्ले़ थुक्तुसिआङ् सेसेमाङ्ङिल्ले़ पिरुसिबा कुइसिःक् वेॽ वेॽ मे़ल्ले़स्सुम्बा पाःन्दाङ्ङो पाःप्मा मे़हेःक्ते़रो॥
Acts 2:33 in Limbu 33 हे़क्क्याङ् खुने़ॽ पानुदिङ् पाः निङ्वाॽफुमाङ्ङिल्ले़ कुजुप्साङ् ले़प्माङ् युक्खु॥ खुने़ॽ निङ्वाॽफुपाःलाम् सेसेमाङ्ङिल्ले़न् माङ्हे़क्किन्खोःसुआङ् आनिगे़ओ थाःसुबान् खिनिॽ आबाङे के़निःसुम् के़घे़प्सुम्माङ् के़वयिॽरो॥
Acts 5:3 in Limbu 3 कर पत्रुसरे़ सेःन्दोसु, “हननियाए, खे़ने़ॽ अक्खेलॽरिक् सेसेमाङ्ङिन् इङ्ले़क्मा फाॽआङ् के़निङ्वाॽइन्थेआङ्ने़ माफे़न्साम्मिन् थिम्मा के़बाङ्घुबाबे? थेआङ् खे़ने़ॽ कुभा याङ्ङिन् के़लारुआङ् काक् याङ् के़बिबा के़लाम्सिङ्बाबे?
Acts 7:51 in Limbu 51 खिनिॽग साॽरिक् कुनिङ्वाॽ के़धुङ्बा थिङ्गानि के़जोगिरो! निङ्वाॽफुमाङ्ङिल्ले़ कुइङ्घङ्ङिन् खे़म्मा खिनिॽ ने़क्खोॽ थुङ्लो॥ खिनिॽ सुधे़बाहाॽ हे़क्केए के़लॽरिआङ् सदादिङ् सेसेमाङ्ङिन् के़अत्तुम्लो॥
Acts 7:55 in Limbu 55 कर सेसेमाङ्ङिल्ले़ कुमुक्साम्मिल्ले़ थुक्तुबा स्तिफनसे़न् साङ्ग्राम्पेदाङ् ले़प्माङ् ओमये़ल्ले़ निङ्वाॽफुमाङ्ङिल्ले़ कुमिमिदिङ्ङिन् नु कुजुप्साङ् ले़प्साङ् ये़सुःन् ये़बे़बा निःसुरो॥
Acts 11:16 in Limbu 16 हे़क्क्याङ् इङ्गाॽ दाङ्बाल्ले़ पाःत्तुबा पाःन्निन् निङ्वाॽ इःत्तुङ्–‘बप्तिस्मा के़बिबा युहुन्नाःल्ले़ च्वाःत्तिल्ले़ बप्तिस्मा के़बिरि, कर खिनिॽग सेसेमाङ्ङिल्ले़ बप्तिस्मा के़बोःक्खिॽरो॥’
Acts 13:2 in Limbu 2 थिक्ये़न् खे़ङ्हाॽरे़ चाःने़त्तो मे़युङे़र दाङ्बाल्ले़न् सेवा मे़जोगुर मे़वये़ल्ले़ सेसेमाङ्ङिन् खे़ङ्हाॽओ अक्खेलॽरिक् पारे़, “बरनाबास नु सावले़न् इङ्गाॽ आलागि से़न्दे़म्सिम्मे़ॽओ, खे़ङ्हाॽग इङ्गाॽ आयाःम्बक् चोःक्से़ उःत्तुङ्सिङ्ङाङ् वाॽसिरो॥”
Acts 13:4 in Limbu 4 बरनाबास नु सावले़न्सेसेमाङ्ङिल्ले़ पाङ्घुसिआङ् सिलुकिया ये़क्यक्को पेसि॥ खे़प्मोनु वालाधालाम् सैप्रस वागप्लाजेॽओ पेसिरो॥
Acts 15:8 in Limbu 8 हे़क्क्याङ् निङ्वाॽफुमाङ्ङिल्ले़ मे़न्छाम् याप्मिरे़न् सिक्लुङ्मान् निःसुरो॥ खुने़ॽग आनिॽ हे़क्केए थिम्मे़न्दङ् सुवाङ्हाॽआङ् सेसेमाङ् पिरुसिर ताःक्तुसिआङ् वाॽ के़लॽबा पाःन्निन् आनिॽ ओसेःन्आधाक्ते़रो॥
Acts 15:28 in Limbu 28 सेसेमाङ् नु आनिगे़ग खिनिॽ सम्दाङ् कप्मो के़बप्पा पाःन्हाॽनुःल्ले़ वेॽ के़साक्पा पाःन्हाॽ थे़माआङ् मे़ङ्गुःप्मानिङ्निङ्वाॽ चोगुम्बे़रो॥
Acts 16:6 in Limbu 6 पावल नु कुन्देःङ्हाॽ फ्रिगिया नु गलातियास्मा थुम्मो लाम्दिःक् मे़जोगे़, थेआङ्भे़ल्ले़ सेसेमाङ्ङिल्ले़ खे़न् ये़म्मो खे़ङ्हाॽ एसियास्मा ते़ङ्गप्पो सुनाइङ् से़ःमा साक्तुसिआङ् वये़रो॥
Acts 20:28 in Limbu 28 हे़क्केःल्ले़ के़रे़क् लाम्लोःबाहाॽरे़ खिनिॽ लक्पे़न्नो के़वाॽबा मनाहाॽ नुःरिक्काङ् ओमे़त्ते़म्सिम्मे़ॽओ॥ सेसेमाङ्ङिल्ले़ खिनिॽ कम्ब्राङ् के़मे़प्पा के़जोगिआङ् वाॽ॥ निङ्वाॽफुमाङ्ङिल्ले़ लुङ्माॽ तुक्तुबा आबुगे़न् कुस्साःल्ले़ कुमाक्खिॽइल्ले़ इङुबा सेसेहुप्लक्किन् कम्ब्राङ् मे़त्ते़म्मे़ॽ॥
Acts 20:35 in Limbu 35 चामा थुङ्मा आबाङे तङ्गाम् चोःक्मा मे़न्छुक्मनाबाहाॽ कुभाॽ पिमासि फाॽआङ् आक्खेलॽरिक् याम्बुधिक्पा पोःङ्मा पोःङ् के़लॽबा इङ्गाॽ ओसेःन्धाक्निङ्ङाङ् वाॽआ॥ हे़क्क्याङ् ‘ताःक्मानुःल्ले़ पिमाओए यरिक् मुॽइसाम् वाॽ’ लॽरिक्दाङ्बा ये़सुरे़ पाःत्तुबा पाःन्निन्नाङ् निङ्वाॽ इःत्ते़म्मे़ॽओ॥”
Acts 28:25 in Limbu 25 खे़ल्ले़ चोगुल्ले़ खुनिॽ लुम्मोए निङ्वाॽ मे़न्दङ् पोःक्खे़रो॥ हे़क्क्याङ् खे़ङ्हाॽ पेःक्मानुःल्ले़ तगि पावलरे़ अक्खे मे़त्तुसि, “से़क्खाए नुःरिक्काङ् सेसेमाङ्ङिल्ले़ माङ्निङ्वाॽपाःन् के़बाःप्पा यसैयाःल्ले़ कुमुराओलाम् खिनिॽ थाःक्थे़बाहाॽ अक्खे मे़त्तुसिआङ् वाॽरो–
Romans 5:5 in Limbu 5 हे़क्केलॽरिक् निङ्साङ् आजोगुम्मिल्ले़ आनिॽ निङ्साङ् मे़बुक्ने़न्लो, थेआङ्भे़ल्ले़ निङ्वाॽफुमाङ्ङिल्ले़ साॽरिक् लुङ्माॽ आदुक्ते़आङ् वाॽ के़लॽबान् खुने़ॽ आबिरे़बा सेसेमाङ्लाम् आनिॽ सिक्लुङ्मो निङ्वाॽ आघोःसुम्लो॥
Romans 14:17 in Limbu 17 थेआङ्भे़ल्ले़ निङ्वाॽफुहाङ्जुम्मिन् चामा नु थुङ्मारे़ कुयाःम्बेओ मे़ःन्, कर साम्योनिमा, सनारुङ् नु सेसेमाङ्ङिल्ले़ आबिबा सःप्माल्ले़ कुयाःम्बेओने़रो॥
Romans 15:13 in Limbu 13 खिनिॽ नसाःन्निल्ले़ चोगुल्ले़ निङ्साङ् के़बिबा निङ्वाॽफुमाङ्ङिल्ले़ साॽरिक् के़सःप्पा के़जोगिर हे़क्क्याङ् सनारुङ् के़बिरिर फाॽआङ् तुवा चोःक्का, हे़क्केलॽरिक् सेसेमाङ्ङिल्ले़ कुमुक्साम्लाम् यरिक् निङ्साङ् के़गप्पा के़जोगिररो॥
Romans 15:16 in Limbu 16 थिम्मे़न्दङ् सुवाङ्हाॽओ ख्रिस्त ये़सुरे़ कुसेवारोबा पोःक्खाङ्ङाङ् वाॽआरो॥ हे़क्क्याङ् थिम्मे़न्दङ् सुवाङ्हाॽ सेसेमाङ्लाम् सेसे मे़बोःङ्ङाङ् निङ्वाॽफुमाङ्ङिल्ले़ ते़न्दिङ् चोगुसिबा चोभाॽ कुइसिःक् मे़बोःङ्ल फाॽआङ् निङ्वाॽफुसाम्बाल्ले़ याःम्बक् चोगुबा हे़क्के इङ्गाॽ निङ्वाॽफुमाङ्ङिल्ले़ कुसुनाइङ्ङिन् खे़ङ्हाॽ इङ्भोःसुङ्सिङ्लो॥
1 Corinthians 2:10 in Limbu 10 कर निङ्वाॽफुमाङ्ङिल्ले़ सेसेमाङ्लाम्बा के़रे़क् खे़न् पाःन्हाॽ आनिॽ ओसेःन्दाङ् चोगु आबिरे़आङ् वाॽरो, थेआङ्भे़ल्ले़ सेसेमाङ्ङिल्ले़ के़रे़क् पाःन्हाॽ नु निङ्वाॽफुमाङ्ङिल्ले़ कुसिगाङ्बा सिबिॽ पाःन्हाॽआङ् कोःत्तुॽरो॥
1 Corinthians 6:19 in Limbu 19 खिनिॽ थक्किन् सेसेमाङ्ङिल्ले़ कुहिम् के़लॽबा निङ्वाॽ मे़ङ्घोए के़वयिॽबि? निङ्वाॽफुमाङ्ङिल्ले़ के़बिरिबा सेसेमाङ्ङिन् खिनिॽ सिगाङ् वाॽरो॥ हे़क्केःल्ले़ खिनिॽ थक्किन् आबाङे खिनिॽइन् मे़ःन्लो॥
1 Corinthians 12:3 in Limbu 3 खे़ल्ले़ चोगुल्ले़ निङ्वाॽफुमाङ्ङिल्ले़ कुसेसेमाङ्ङिल्ले़ लाम्लोसुबा आत्तिल्ले़आङ् ये़सुःन् साङ्ग्रा मे़प्मा मे़सुक्तुन्लो, हे़क्केलॽरिक् सेसेमाङ्ङिल्ले़ लाम्मे़ल्लोःए थारिक् आत्तिल्ले़आङ् ये़सुःन्ने दाङ्बारो पाःप्मा मे़सुक्तुन्फाॽआङ्कुसिङ्निःत्ते़म्मे़ॽ के़लॽबा आनिङ्वाॽ वाॽ॥
2 Corinthians 6:6 in Limbu 6 आनिगे़ सेसे हिङ्मन्लाम्, खासिङ् निःप्मालाम्, नासि थःप्मालाम्, नुःरिक्काङ् लुङ्माॽ तुक्मालाम्, सेसेमाङ्ङिल्ले़ कुमुक्साम्लाम्, कुदोःप्मा मिःम्जिलाम्, से़क्खाबा सुनाइङ्घङ्लाम्, हे़क्क्याङ् निङ्वाॽफुमाङ्ङिल्ले़ कुमुक्साम्मोलाम् निङ्वाॽफुमाङ्ङिल्ले़ कुसेवारोबासिगे़ फाॽआङ् आबाङे ओसेःन्धाक्कासिगे़रो॥ आक्तङ्बा ये़म्मोसाङ् आनिगे़ फे़जुम् फे़याग निङ्वाॽफुमाङ्ङिल्ले़ कुसिराॽ के़धाङ्बा आनिगे़ साम्योनिबा हिङ्मन्नेरो॥
2 Corinthians 13:14 in Limbu 14 दाङ्बा ये़सु ख्रिस्तरे़ कुलुङ्गुम्मिन्, निङ्वाॽफुमाङ्ङिल्ले़ कुमिःम्जिन् हे़क्क्याङ् सेसेमाङ्ङिल्ले़ कुसेसे तङ्जुम्मिन् खिनिॽनु वाॽररो॥
Ephesians 1:13 in Limbu 13 आल्ल खिनिॽआङ् से़क्खाबा पाःन्जाक् से़न्लप्रे़न्सुनाइङ् के़घे़प्सुम्लो, हे़क्क्याङ् ख्रिस्ते़न्नसाःन् के़जोगुम्बा ये़म्मो खिनिॽग आमनानिङ् फाॽआङ् ओसेःन्दाङ् चोःक्से़ निङ्वाॽफुमाङ्ङिल्ले़ माङ्हे़क् चोगुबा सेसेमाङ्ङिन् के़बिरिआङ् वाॽरो॥
Ephesians 1:17 in Limbu 17 आनिॽ दाङ्बा ये़सु ख्रिस्तरे़ मिमिदिङ्गे़न् कुम्बा निङ्वाॽफुमाङ्ङिल्ले़ खुने़ॽ कुयाःम्बेओ नुःरिक्काङ् कुसिङ् निःप्मारे़ लागि सिक्कुम्दिङ् निङ्वाॽ के़बिबा नु निङ्वाॽफुमाङ्ङिन् ओसेःन्दाङ् के़जोःक्पा सेसेमाङ्ङिन् के़बिरिर फाॽआङ् तुवा चोःक्कारो॥
Ephesians 4:30 in Limbu 30 हे़क्क्याङ् के़जोगुम्बा पाःन्लाम् निङ्वाॽफुमाङ्ङिल्ले़ कुसेसेमाङ्ङिल्ले़ कुनिङ्वाॽ मे़दुक्खे़म्मिन्ने़ॽ, थेआङ्भे़ल्ले़ काक् चोःक्युम्भो खोःमा ये़न् थारिक् खिनिॽ आमनानिङ् फाॽआङ् ओसेःन्दाङ् चोःक्से़ निङ्वाॽफुमाङ्ङिल्ले़ सेसेमाङ्ङिन् के़बिरिआङ् वाॽरो॥
1 Thessalonians 1:5 in Limbu 5 थेआङ्भे़ल्ले़ आनिगे़ सुनाइङ्ङिन् खिनिॽओ तारुम्बे़ल्ले़ पाःन्नोरक् मे़वये़न्, कर मुक्साम्मो वये़रो॥ हे़क्क्याङ् कङ्ग सेसेमाङ्लाम् आनिगे़ पाःत्तुम्बे़बा पाःन्निन् से़क्खास्मा वये़ फाॽआङ् के़निःसुम्लो॥ आनिगे़ खिनिॽनु वयिगे़ल्ले़ आनिगे़ हिङ्मन्निन् आक्तङ्बा वये़ के़लॽबान् नुःरिक्काङ् के़निःसुम्माङ् वाॽरो॥
1 Thessalonians 4:8 in Limbu 8 हे़क्केःल्ले़ आत्तिल्ले़ कन् निसाम्मिन् नाॽरु, खे़ल्ले़ग मे़न्छाम्गे़न् याप्मिःन् मे़ःन्, कर खिनिॽ सेसेमाङ् के़बिबा निङ्वाॽफुमाङ्ङिन् नाॽरुबारो॥
2 Timothy 1:14 in Limbu 14 निङ्वाॽफुमाङ्ङिल्ले़ के़बिरे़बा नुःबा पाःन्हाॽ आनिॽओ के़वाॽबा सेसेमाङ्ङिल्ले़ कुभाॽलाम् नुःरिक्काङ् कत्ते़ॽओ॥
Titus 3:5 in Limbu 5 खुने़ॽ आनिॽ ताङ्आसे़ःप्ते़रो॥ कङ्ग आनिॽ आजोगुम्बा नुःब्नुःबा साम्योनिबा याःम्बक्किल्ले़ पोःक्खे़बा मे़ःन्लो, कर खुने़ॽ आप्फेःक् लुङ्माॽ आदुक्ते़बाल्ले़ चोगुल्ले़ ताङ्आसे़ःप्ते़बारो, हे़क्क्याङ् सेसेमाङ्लाम्बा निङ्वाॽफुमाङ्ङिल्ले़ कुसङ् मना चोःक्से़ आनिॽ लायोःन् वाहप्तुआङ् कुसङ् हिङ्मन् आबिरे़रो॥
Hebrews 2:4 in Limbu 4 निङ्वाॽफुमाङ्ङिल्ले़आङ् खुने़ॽ चोगुबा मिक्सेःन्हाॽ नु निङ्वाॽ के़माबा याःम्बक्हाॽलाम्बा हे़क्क्याङ् आबाङे कुनिङ्वाॽ कुइसिःक् नसानिबाहाॽ हाःत्तुसिबा सेसेमाङ्ङिल्ले़न् पर्धाःम्हाॽलाम्बा कन् पाःन्निन् निःन्धो चोगुरो॥
Hebrews 3:7 in Limbu 7 खे़ल्ले़ चोगुल्ले़ सेसेमाङ्ङिल्ले़ अक्खेलॽरिक् पाःत्तुबा हे़क्के, “आइन् खुने़ॽ कुइक्लाःन् के़घे़प्सुम्मिल्ले़
Hebrews 9:8 in Limbu 8 सेसेमाङ्ङिल्ले़ कन् काक् पाःन्लाम्बा लाःक्कात्पा सेसेबा ते़न्निन् ने़र थारिक् सिगाङ्स्मा काक्नुःल्ले़ सेसेबा ते़न्नो लाःप्मा लाम्मिन् मे़हरे़न् फाॽआङ् मनाहाॽ ओसेःन्धाक्तुसिरो॥
Hebrews 10:15 in Limbu 15 हे़क्क्याङ् सेसेमाङ्ङिल्ले़आङ् कल्ले़ कुयाःम्बेओ आनिॽ अक्खे आमे़त्लो,
1 Peter 1:12 in Limbu 12 खुनिॽ माङ्सेवाःन् आबाङे खे़ङ्हाॽरे़ लागि मे़ःन्, कर खिनिॽ लागि फाॽआङ् निङ्वाॽफुमाङ्ङिल्ले़ ओसेःन्धाक्तुसिरो॥ हे़क्क्याङ् आल्ल कन् ये़म्मोबा मनाहाॽरे़ साङ्ग्राम्पेदाङ्लाम् के़युःबा सेसेमाङ्ङिल्ले़ कुमुक्साम्लाम्बा सुनाइङ्ङिन् इङ्गे़म्भोःसिरो॥ माङ्लाइङ्बाहाॽरे़आङ् कन् पाःन्हाॽ ओमे़प्मा साॽरिक् निङ्वाॽ मे़जोगुआङ् मे़वये़॥
2 Peter 1:21 in Limbu 21 थेआङ्भे़ल्ले़ माङ्निङ्वाॽपाःन्निङ्ग मे़न्छाम् निङ्वाॽलाम् त्ये़बा मे़ःन्लो, कर सेसेमाङ्ङिल्ले़ थुक्तुसिआङ् निङ्वाॽफुमाङ्लाम् माङ्निङ्वाॽपाःन् के़बाःप्पाहाॽ मे़बारे़बारो॥
1 John 2:20 in Limbu 20 कर खिनिॽग सेसेबा ख्रिस्तरे़ सेसेमाङ् के़बिरिआङ् वाॽ, हे़क्क्याङ् खिनिॽ के़रे़क्ले़ से़क्खाःन् कुसिङ् के़निःत्तुम्लो॥
1 John 2:27 in Limbu 27 कर खिनिॽओग ख्रिस्तरे़ के़बिरिबा सेसेमाङ्ङिल्ले़न् माङ्धुक्नाःन् वाॽ याःक्लो॥ हे़क्क्याङ् खिनिॽ के़हुॽबा हाःत्ताङ् चाहाबा के़न्जोगिन्, कर सेसेमाङ्ङिल्ले़ के़रे़क् पाःन्निल्ले़ कुयाःम्बेओ के़हुॽरिॽ॥ खे़न् के़हुॽरिबा पाःन्निङ्ग इङ्ले़क् मे़ःन्लो, कर से़क्खाएरो॥ हे़क्केःल्ले़ सेसेमाङ्ङिल्ले़ के़हुॽरिबा निसाम्मिन् इःत्ते़म् नाःत्ते़म्मे़ॽआङ् ख्रिस्ते़न्मे़ल्ले़त्ते वये़म्मे़ॽओ॥
1 John 5:7 in Limbu 7 हे़क्केःल्ले़ सुम्सि तोःन्दिहाॽ मे़वाॽरो–
Jude 1:20 in Limbu 20 कर आमिःम् आन्जुम्से, खिनिॽ सेसे नसाःन्नो के़धुम्बा पोःक्खे़म्मे़ॽआङ् सेसेमाङ्ङो तुवा चोगे़म्मे़ॽर वये़म्मे़ॽओ॥
Revelation 2:11 in Limbu 11 सेसेमाङ्ङिल्ले़ सेसेहुप्लक्हाॽ मे़त्तुसिबा पाःन्निन् नुःरिक्काङ् खे़प्से़म्मे़ॽआङ् कुसिङ्निःत्ते़म्मे़ॽओ! के़नाःम्बान् निसिगेःक्पा सिःमे़ल्ले़आङ् थेआङ् मे़प्मा मे़सुक्तुन्लो॥’”