James 3:17 in Limbu 17 कर थाःङ् साङ्ग्राम्पेदाङ्लाम् के़युःबा सिक्कुम्दिङ् निङ्वाॽइन्काक्नुःल्ले़ तगिग सेसेबा चोःक्, हे़क्क्याङ् सनारुङ्बा, लुम्लुम्बा, वेॽहाॽनु के़दङ्बा, लुङ्दुक्कुधिम्, नुःबा याःम्बक्हाॽरे़ कुधिम्, मना मे़न्छे़म्मनाबा नु नसाःन्साबा चोःक्लो॥
Other Translations King James Version (KJV) But the wisdom that is from above is first pure, then peaceable, gentle, and easy to be intreated, full of mercy and good fruits, without partiality, and without hypocrisy.
American Standard Version (ASV) But the wisdom that is from above is first pure, then peaceable, gentle, easy to be entreated, full of mercy and good fruits, without variance, without hypocrisy.
Bible in Basic English (BBE) But the wisdom which is from heaven is first holy, then gentle, readily giving way in argument, full of peace and mercy and good works, not doubting, not seeming other than it is.
Darby English Bible (DBY) But the wisdom from above first is pure, then peaceful, gentle, yielding, full of mercy and good fruits, unquestioning, unfeigned.
World English Bible (WEB) But the wisdom that is from above is first pure, then peaceful, gentle, reasonable, full of mercy and good fruits, without partiality, and without hypocrisy.
Young's Literal Translation (YLT) and the wisdom from above, first, indeed, is pure, then peaceable, gentle, easily entreated, full of kindness and good fruits, uncontentious, and unhypocritical: --
Cross Reference Matthew 5:8 in Limbu 8 सिक्लुङ्मो सेसे के़वाॽबाहाॽ मुॽइसाबासिरो, थेआङ्भे़ल्ले़ खे़ङ्हाॽरे़ निङ्वाॽफुमाङ्ङिन् मे़निःसुॽरो॥
Matthew 23:28 in Limbu 28 हे़क्केलॽरिक् खिनिॽ मनाहाॽनु लाःक्कात्लाम् साम्योनिबा के़धाबिसाङ् सिगाङ्ग निङ्वाॽ के़जिःप्पा नु ताप्फे़ःम्बा के़जोगिॽरो॥
Luke 6:36 in Limbu 36 खिनिॽ पानुदिङ् पाः निङ्वाॽफुमाङ्ङिन् याप्मि लुङ्माॽ के़दुक्पा चोःक्, खे़ल्ले़ चोगुल्ले़ खिनिॽआङ् मनाहाॽ लुङ्माॽ तुक्ते़म्सिम्मे़ॽओ॥”
Luke 12:1 in Limbu 1 खे़प्मो निःत्मे़न्दे़त्ते हे़न्छिङ्ङाङ्धो मनाहाॽ चिए़त्चिए़त्मे़ए़त्छिङ्ल मे़जुप्से़॥ हे़क्क्याङ् ये़सुरे़ कुहुॽसाम्बाहाॽ अक्खेलॽरिक् मे़त्तुसि, “फरिसिहाॽरे़ खुनिॽ खरे़ःङ् के़भङ्बा सिदाॽलाम् सिङ्सिङ् लॽरे़म्मे़ॽओ! खे़न् सिदाॽ फाॽइन् खुनिॽ निङ्वाॽ चिःप्मान्लो॥
Luke 21:15 in Limbu 15 थेआङ्भे़ल्ले़ इङ्गाॽ खिनिॽ पाःप्मा के़बोःङ्बा सुत्लाहाॽ नु सिक्कुम्दिङ् निङ्वाॽ पिनिङ्लो॥ हे़क्केःल्ले़ आत्तिन्नाङ् खिनिॽ बिफ्युङ्हाॽरे़ अप्मा नु पाःन्धक्मा मे़न्छुक्तुन्लो॥
John 1:14 in Limbu 14 निङ्वाॽफु पाःन्जाक्किन् नासिङ्गे़न् थक्लादिङ् पोःक्खे़आङ् इक्सादिङ् खाम्बेःक्मो आनिॽ लुम्मो वये़रो॥ खुने़ॽग लुङ्गुम् नु से़क्खाःल्ले़ कुधिम् चोगे़आङ् कुमिमिदिङ्ङिन् आनिःसुम्माङ् आवाॽरो॥ खे़न् मिमिदिङ्ङिन् पानुदिङ् पाः निङ्वाॽफुमाङ्लाम् के़दाःबा थिक्लक् कुस्साःल्ले़न् हे़क्तङ्बा चोगे़रो॥
John 1:47 in Limbu 47 ये़सुरे़ नाथाने़ल्ले़न् निःत्ताङ् फे़रे़र पत्छे़बा निःसुआङ् मे़त्तु, “ओमे़त्ते़म्मे़ॽओ, से़क्खाबा इस्राइलिःन् फे़न्ल पत्लो॥ खुने़ॽ कुनिङ्वाॽबो थेआङ् ताप्फे़ःम्बा होःप्लो॥”
Acts 9:36 in Limbu 36 हे़क्क्याङ् जोप्पा ये़क्यक्को तबिता मिङ् के़वाःप्मा हुॽसाम्मा थिक् वये़॥ (खे़ल्ले़ कुमिङ् ग्रिक्को दोरकास वये़–खे़न् फाॽइन् पे़ःङ्वा पोःङ्लो॥) खे़न् सदादिङ् वेॽहाॽरे़ लागि नुःबा याःम्बक् के़जोःक्मा नु याङ्गे़साॽबाहाॽ के़भाॽमा वये़रो॥
Acts 11:24 in Limbu 24 बरनाबासे़न् मिङ्सो इङ्धाःङ्साबा हे़क्क्याङ् सेसेमाङ्ङिल्ले़ थुक्तुबा नु नसाःन्निल्ले़ कुधिम् चोगे़रो॥ हे़क्क्याङ् यरिक् मनाहाॽ खुने़ॽ कुयाःम्बक्कोलाम् दाङ्बाओ मे़द्ये़रो॥
Romans 12:9 in Limbu 9 कुजे़क्काङ् लुङ्माॽ तुक्कासिम्मे़ॽ, ताप्फे़ःम्बा पाःन्हाॽ नाॽरे़म्मे़ॽ, आत्तिन् पाःन्निन् नुःबा चोःक्, बा खे़न् पाःन्नो पत्छे़म्मे़ॽओ॥
Romans 12:18 in Limbu 18 के़रे़क् मनाहाॽनु खिनिॽ सुक्सुक् सनारुङ्ङो वये़म्मे़ॽओ॥
Romans 15:14 in Limbu 14 आमिःम् फुॽनुसाॽ नु ने़ॽनुसाॽसे, खिनिॽग वेॽहाॽ नुःरिक् के़मे़प्पा के़बोःक्खिआङ् के़वयिॽ, हे़क्क्याङ् यरिक् ने़हिनिङ्वाॽ के़गप्पा के़बोःक्खिआङ् वेॽहाॽ हुॽमा के़सुक्पा के़बोःक्खिआङ् के़वयिॽ के़लॽबा पाःन्नो इङ्गाॽ निस्से पोःक्खाङ्ङाङ् वाॽआरो॥
1 Corinthians 2:6 in Limbu 6 हे़क्केसाङ् आनिगे़ग नसाःन्नो कुनिङ्वाॽ के़दुम्बा नसानिबाहाॽनु सिक्कुम्दिङ् निङ्वाॽरे़ पाःन्हाॽ पारिगे़ॽ, कर कन् इक्सादिङ् खाम्बेःक्मोबा नु खे़प्मो हाङ्गे़जोःक्पाहाॽरे़ खुनिॽ सिक्कुम् निङ्वाॽ पाःन् मे़बारिगे़न्लो॥ खे़ङ्हाॽग मे़मे़क् मे़बेःक्लो॥
1 Corinthians 12:8 in Limbu 8 आल्ल सेसेमाङ्ङिल्ले़ थिक्किन् सिक्कुम्ले़न्पाःन्जाक् पिरुॽ, वेॽस्मान् हाबा खे़न् सेसेमाङ्ङिल्ले़ निङ्वाॽरे़न् पाःन्जाक् पिरुॽ॥
1 Corinthians 13:4 in Limbu 4 मिःम्जिःल्ले़ नासि थःत्तुॽ हे़क्क्याङ् लुङ्माॽ तुक्तुसिॽ॥ मिःम्जिःल्ले़ कुना मे़हे़न्ने़न्लो, इङ्गाॽएःक् नु आङ्दिङ्ङाङ् मे़लॽने़न्लो॥
2 Corinthians 9:10 in Limbu 10 आल्ल निङ्वाॽफुमाङ्ङिल्ले़ याःन्के़मःबाहाॽ याॽरिःम्बा पिरुसि हे़क्क्याङ् चामा कुजा पिरुसिॽरो॥ हे़क्केलॽरिक् खुने़ॽए खिनिॽ के़गत्तुम्बान्नाङ् फोःसुॽ के़बिरिॽ, हे़क्क्याङ् खिनिॽ नुःबा याःम्बक्किन् फोःसुॽ के़बिरिॽरो॥
2 Corinthians 10:1 in Limbu 1 इङ्गाॽ पावले़न् खिनिॽनु वाॽआल्ले़ नःम्नःम् लॽआमु, कर माःङ्घा वाॽआल्ले़ के़आःम्बा चोःक्कामु लॽरिक् खिनिॽ लुम्मो कुभारे़ के़बाःत्तुम्मु॥ आल्ल के़नुॽबा नु लुम्लुम्बा ख्रिस्तरे़ कुयुक्कोलाम् इङ्गाॽ खिनिॽओ ताआल्ले़ के़आःम्बा पाःन् पाःप्मा याप्मि मे़बाङ्घे़म्मिन्ने़ॽ फाॽआङ् पेलि फाक्निङ्, थेआङ्भे़ल्ले़ से़क्खाःल्ले़ इक्सादिङ् खाम्बेःक्मोबा मनाहाॽ हे़क्तङ्बा के़जोगिॽ लॽरिक् याप्मि के़मे़प्पाहाॽनु इङ्गाॽ के़आःम्बाए पोःङ्मा सुक्कारो॥
Galatians 5:22 in Limbu 22 कर सेसेमाङ्ङिल्ले़ लाम्लोसुसिबा मनाहाॽरे़ वेॽहाॽ लुङ्माॽ मे़दुक्तुसिॽ, खे़ङ्हाॽ मे़सःत्, सनारुङ्ङो मे़वाॽ, नासि मे़धःत्, खे़ङ्हाॽरे़ वेॽहाॽ नुःरिक् मे़मे़त्तुसिॽ, खे़ङ्हाॽ नुःबा याःम्बक् मे़जोःक्, निङ्वाॽइरे़ खोःप्तुसिबा मे़जोःक्,
Ephesians 5:9 in Limbu 9 थेआङ्भे़ल्ले़ ओःत्तिओ के़वाॽबाहाॽरे़ के़रे़क् नुःबा, साम्योनिबा नु से़क्खाबा याःम्बक्हाॽ मे़जोगुॽ॥
Philippians 1:11 in Limbu 11 हे़क्क्याङ् खिनिॽ ये़सु ख्रिस्तरे़ कुभाॽलाम् यरिक् साम्योनिबा याःम्बक् के़जोगुम्ल फाॽआङ् तुवा चोगुङ्लो, हे़क्केःल्ले़ निङ्वाॽफुमाङ्ङो मिमिदिङ् नु नारा फोःमान् पोःङ्लो॥
Philippians 4:8 in Limbu 8 आल्ल कुनुप्मो, आमिःम् फुॽनुसाॽ नु ने़ॽनुसाॽसे, आत्तिन् पाःन्निन् से़क्खाबा, सुम्बोधाबा, कुदोःप्मा, सेसेबा, सिराॽ के़धाङ्बा, इङ्धाःङ् पिमा लाॽरुबा, आत्तिन् पाःन्निन् साॽरिक् नुःबा नु ने़म्भोःमा लाॽरुबा चोःक्, खे़न् पाःन्हाॽए निङ्वाॽ पिरे़म्मे़ॽओ॥
Colossians 1:10 in Limbu 10 हे़क्क्याङ् दाङ्बा ये़सुःन् लाॽरुबा हिङ्मन्नो सुम्बोधासाबा के़बोःक्खिर, हे़क्केलॽरिक् काक् परिक्ले़ खुने़ॽ कुनिङ्वाॽ के़दाःसुम्ल हे़क्क्याङ् निङ्वाॽफुमाङ्ङिन् आल्लसाङ् नुःरिक्काङ् कुसिङ्निःप्मा के़सुक्तुम्माङ् काक् नुःबा याःम्बक्किल्ले़ निङ्वाॽफुमाङ्ङिल्ले़ कुनिङ्वाॽ के़दाःसुम्ल फाॽआङ् आनिगे़ तुवा चोगुम्बे़रो॥
1 Thessalonians 2:7 in Limbu 7 कर खिनिॽ लुम्मो अङे़ःक्वाःन् कुम्मारे़ कम्ब्राङ् मे़त्तुबा कुइसिःक्के नःम्नःम्माङ् कम्ब्राङ् मे़त्तासिगे़आङ् वाॽरो॥
1 Timothy 5:21 in Limbu 21 निङ्वाॽफुमाङ् नु ख्रिस्त ये़सुरे़ खुन्छिॽ तगि हे़क्क्याङ् मे़सेगे़बा माङ्लाइङ्बाहाॽरे़ खुनिॽ तगि, मनाहाॽ एःक्पएःक् चोःक्मासि नु मना से़म्मासि मे़ःन्, हे़क्क्याङ् काक् थिम्हाॽ इःत्ते़ नाःत्ते़ॽ लॽरिक् इङ्जाःङ् पिने़रो॥
2 Timothy 2:24 in Limbu 24 दाङ्बाल्ले़ कुसेवारोबान् खेमा मे़नुॽने़न्लो॥ खुने़ॽग काक् मे़न्छाम् याप्मिहाॽ लुङ्माॽ के़दुक्पा, हुॽमा के़सुक्पा, हे़क्क्याङ् निङ्वाॽ हाङ्गे़गे़म्सिङ्बा पोःङ्मा पोःङ्लो॥
Titus 1:15 in Limbu 15 सेसे निङ्वाॽ के़गप्पा मनाहाॽनु काक् पाःन्हाॽ सेसेए चोःक्लो, कर चिःन्जिःम्बा नु नसाःन् मे़ङ्गप्मनाबाहाॽरे़ लागि थेःन्नाङ् सेसे मे़जोःक्किन्लो॥ थेआङ्भे़ल्ले़ खे़ङ्हाॽरे़ खुनिॽ निङ्वाॽ नु खासिङ्ङिन्फे़त्लाॽरे़आङ् वाॽरो॥
Titus 3:2 in Limbu 2 हे़क्क्याङ् वेॽ आत्तिन् मनाहाॽरे़आङ् चे़ॽया पङ्मा मे़नुॽने़न्, खेमा थक्मा मे़नुॽने़न्, कर वेॽहाॽ लुङ्माॽ तुक्मासि पोःङ् हे़क्क्याङ् काक् मनाहाॽनु नःम्नःम्माङ् वाॽमा पोःङ् लॽरिक् खे़ङ्हाॽ मे़त्ते़से़ॽओ॥
Hebrews 12:11 in Limbu 11 आत्तिन् हे़न्थिम्मिन्नाङ् खोःमा ये़म्मो खे़न् सिराॽ के़धाङ्बा मे़जोःक्ने़न्लो कर कङ्ग साक्लो, हे़क्केसाङ् याङ्सि खे़न् हे़न्थिम्लाम् सगे़धासिङ्बाहाॽ साम्योनिबा हिङ्मन्नो मे़हिङ्ङाङ् सनारुङ् मे़घोःसुॽरो॥
Hebrews 12:14 in Limbu 14 काक् मनाहाॽनु सनारुङ्ङो वाॽमा नु सेसे पोःङ्मा काक् परिक्ले़ तम्सिन् चोगे़म्मे़ॽओ॥ सेसे मे़म्बोःङ्ङेग आत्तिन् मनाःल्ले़आङ् यहवे दाङ्बान् मे़निःसुन्लो॥
James 1:5 in Limbu 5 कर खिनिॽ सिक्कुम्दिङ् निङ्वाॽ चाहाबा के़जोगिने़ फाॽग्र निङ्वाॽफुमाङ्ङिन् नाःक्ते़म्मे़ॽ हे़क्क्याङ् खुने़ॽ के़बिरिॽरो, थेआङ्भे़ल्ले़ कुयाःक् मे़ल्ले़ॽए कुनिङ्वाॽ हन्दुआङ् के़नाःक्पाहाॽ के़रे़क् पिरुसिॽरो॥
James 1:17 in Limbu 17 काक् नुःबा नु कुलिङ्धो के़गे़प्पा पर्धाःम्मिङ्ग थाःङ् ताङ्साक्पो के़ओःप्पा ओःत्तिहाॽ के़जोःक्पा पानुदिङ् पाः निङ्वाॽफुमाङ्लाम् युःरो॥ खे़न् ओःत्तिहाॽग साम्ब्रिःप्पा कुइसिःक् ले़ङ्बेःक्, कर खुने़ॽ आप्फाल्ले़आङ् मे़ले़ङ्ने़न्लो॥
James 2:4 in Limbu 4 खिनिॽग आबाङे लुम्मो मना के़से़म्बा नु फे़न् निङ्वाॽलाम् खासे़न्लोःम्बा के़म्बोःक्खिन्बि?
James 3:15 in Limbu 15 अक्तङ्बा “सिक्कुम्दिङ् निङ्वाॽइङ्ग” थाःङ् साङ्ग्राम्पेदाङ्लाम् मे़ःन्, कर इक्साबा नु याम्निङ्वाॽबा चोःक्, हे़क्क्याङ् खे़ङ्ग माफे़न्साम्लाम् ताःरो॥
James 4:8 in Limbu 8 निङ्वाॽफुमाङ्ङिल्ले़ कुबेसाङ् त्ये़म्मे़ॽ, हे़क्क्याङ् खुने़ॽआङ् खिनिॽ पेसाङ् ताःरो॥ खिनिॽ लायोबासे, लायो चोःक्मा ले़रे़म्मे़ॽओ, हे़क्क्याङ् हिल्लिक्लिक्पा निङ्वाॽ के़गप्पासे, खिनिॽ सिक्लुङ्मान् सेसे चोगे़म्मे़ॽओ
1 Peter 1:22 in Limbu 22 आल्ल से़क्खा पाःन्निन् खे़म्मा के़दे़न्दिआङ् आबाङे सुत्थो के़जोःक्कासिआङ् के़वयिबाल्ले़ चोगुल्ले़ फुॽनुसाॽ नु ने़ॽनुसाॽहाॽ नुःरिक् लुङ्माॽ के़दुक्तुम्सिम्, हे़क्केःल्ले़ सिक्लुङ्मोलाम्मे साॽरिक् लुङ्माॽ तुक्ते़म्सिम्मे़ॽओ॥
1 Peter 2:1 in Limbu 1 खे़ल्ले़ चोगुल्ले़ खिनिॽग मना तुक्खे के़जाःप्पा काक् फे़न् याःम्बक्हाॽ ले़रे़म्देःसे़म्मे़ॽओ॥ इङ्ले़क् थेआङ् मे़बाःत्ते़म्मिन्ने़ॽ, साम्योनिबा मे़ले़ङ्ङासिम्मे़न्ने़ॽ, नाहे़म्मा याःम्बक् मे़जोगे़म्मिन्ने़ॽ हे़क्क्याङ् काक् परिक्पा चे़ॽया पाःन् मे़बारे़म्मिन्ने़ॽओ॥
1 John 3:3 in Limbu 3 हे़क्केःल्ले़ ख्रिस्तओ खे़न् हे़क्तङ्बा निङ्साङ् के़जोःक्पा काक्ले़ ख्रिस्ते़न्सेसे चोःक्पा कुइसिःक् आबाङे सेसे मे़जोःक्सिङ्लो॥
1 John 3:18 in Limbu 18 आमिःम् आस्साःसे, आनिॽग पाःन्नो नु मुराःल्ले़रक् लुङ्माॽ तुक्कासि मे़ःन्लो॥ आनिॽ से़क्खा लुङ्माॽ तुक्सिङ्मा पोःङ्लो॥ हे़क्तङ्बा लुङ्माॽ तुक्सिङ्मान् याःम्बक्कोलाम् निःदे़त्लो॥