James 2:5 in Limbu 5 आमिःम् फुॽनुसाॽ नु ने़ॽनुसाॽसे, खे़प्से़म्मे़ॽओ! निङ्वाॽफुमाङ्ङिल्ले़ इक्सादिङ् खाम्बेःक्मोबा याङ्गे़साॽबाहाॽ नसाःन्नो याङ्साकुन्धेसाबा चोःक्से़ नु कुहाङ्जुम् लक् खोःसे़ सेगुसिआङ् वाॽ॥ खे़न् हाङ्जुम्मिङ्ग खुने़ॽ काक् मिःम्जि के़मे़प्पाहाॽ पिमासि माङ्हे़क् चोगुआङ् वाॽरो॥
Other Translations King James Version (KJV) Hearken, my beloved brethren, Hath not God chosen the poor of this world rich in faith, and heirs of the kingdom which he hath promised to them that love him?
American Standard Version (ASV) Hearken, my beloved brethren; did not God choose them that are poor as to the world `to be' rich in faith, and heirs of the kingdom which he promised to them that love him?
Bible in Basic English (BBE) Give ear, my dear brothers; are not those who are poor in the things of this world marked out by God to have faith as their wealth, and for their heritage the kingdom which he has said he will give to those who have love for him?
Darby English Bible (DBY) Hear, my beloved brethren: Has not God chosen the poor as to the world, rich in faith, and heirs of the kingdom, which he has promised to them that love him?
World English Bible (WEB) Listen, my beloved brothers. Didn't God choose those who are poor in this world to be rich in faith, and heirs of the Kingdom which he promised to those who love him?
Young's Literal Translation (YLT) Hearken, my brethren beloved, did not God choose the poor of this world, rich in faith, and heirs of the reign that He promised to those loving Him?
Cross Reference Matthew 5:3 in Limbu 3 “के़रे़क् पाःन्नो निङ्वाॽफुमाङ्ङिन् चाहाबा के़जोःक्पाहाॽ मुॽइसाबासिरो, थेआङ्भे़ल्ले़ साङ्ग्राम्पेदाङ्बा हाङ्जुम्मिन् खे़ङ्हाॽरे़न्नेरो॥
Matthew 11:5 in Limbu 5 मिक्फःम्बाहाॽरे़ निःमा मे़सुक्तुॽ, लाङ्सक्पाहाॽ लाङ्मे़घेःक्, लोगेॽ तुक्माल्ले़ तरुसिबाहाॽ मे़नुॽ, नाधाक्पाहाॽरे़ खे़म्मा मे़सुक्तुॽ, के़सिःबाहाॽ कुहिङ्वे़त् मे़बोःङ्, हे़क्क्याङ् याङ्गे़साॽबाहाॽरे़ सुनाइङ् मे़घे़प्सुॽरो॥
Matthew 25:34 in Limbu 34 हे़क्क्याङ् हाङ्ङिल्ले़ कुजुप्साङ् ले़प्माङ्बाहाॽ मे़त्तुसि, ‘पानुदिङ् आम्बारे़ मुॽइसाम् पिरुसिबासे, त्ये़म्मे़ॽओ, नावागे़न्चइःत् ने़स्से़आङ्धो खिनिॽ लागि यारिप् चोःक्मनाबा हाङ्जुम्मिन् युक्ते़म्मे़ॽओ॥
Mark 7:14 in Limbu 14 ये़सुरे़ मनाहाॽ याम्मो उःत्तुसिआङ् मे़त्तुसि, “खिनिॽ के़रे़क्ले़ इङ्गाॽ आबाःन्निन् खे़प्से़म्मे़ॽआङ् कुसिङ् निःत्ते़म्मे़ॽओ॥
Luke 6:20 in Limbu 20 ये़सुरे़ कुहुॽसाम्बाहाॽ ओमे़त्तुसिर मे़त्तुसि, “याङ्के़साॽबासे, खिनिॽ मुॽइसाबानिङ्लो, थेआङ्भे़ल्ले़ निङ्वाॽफुहाङ्जुम्मिन् खिनिॽइन्ने़रो॥
Luke 9:57 in Limbu 57 हे़क्क्याङ् लाम्मो लाङ्मे़घेगे़र मे़बत्छे़ल्ले़ मनाधिक् त्ये़आङ् मे़त्तु, “सिक्साम्बे, खे़ने़ॽ आत्ति के़बेःक्साङ् खे़ने़ॽनु पेःक्कारो॥”
Luke 12:21 in Limbu 21 हे़क्क्याङ् ये़सुरे़ मे़त्तु, “आबाङे लागिरक् याङ्साकुन्धेहाॽ के़लुम्बाआङ् निङ्वाॽफुमाङ् ले़प्माङ् याङ्साकुन्धेसाबा मे़म्बोःङ्मनाबे़न्नाङ् बा हे़क्केए पोःङ्लो॥”
Luke 12:32 in Limbu 32 “चुक्सा मे़ल्लुक् सुम्से, मे़गिसे़म्मिन्ने़ॽओ, थेआङ्भे़ल्ले़ साङ्ग्राम्पेदाङ्बा खिनिॽ पाःल्ले़ कुहाङ्जुम्मिन् पिमा कुसिराॽ थाङे़आङ् वाॽरो॥
Luke 16:22 in Limbu 22 खे़न् याङ्के़साॽबा लाजरसे़न् स्ये़आङ् माङ्लाइङ्बाहाॽरे़ खुने़ॽ मे़बक्खु मे़देॽरुआङ् अब्राहामरे़ कुबेसाङ् मे़युक्खु॥ खे़न् याङ्साकुन्धेसाबे़न्नाङ् स्ये़आङ् मे़लुप्तु,
Luke 16:25 in Limbu 25 कर अब्राहाम्मिल्ले़ खुने़ॽ मे़त्तु, ‘आस्साःए, निङ्वाॽ इःत्ते़ साॽरे़, खे़ने़ॽ इक्सादिङ् खाम्बेःक्मो के़वये़ल्ले़ सुक्खेवाओ के़वये़, हे़क्क्याङ् कन् लाजरसे़न् तुक्खेवाओए वये़, कर आल्लो खुने़ॽ सुक्खेवाओ वाॽ, खे़ने़ॽ तुक्खे के़जर के़याक्लो॥
Luke 22:29 in Limbu 29 पानुदिङ् आम्बारे़ इङ्गाॽ हाङ् चोःक्मा युक् पिराङ्बा हे़क्केए खिनिॽआङ् पिनिङ्लो॥
John 7:48 in Limbu 48 आनिॽ लाम्लोःबा नु फरिसिहाॽरे़ खुने़ॽओ नसाःन् मे़जोगुआङ् वाॽबि?
Acts 7:2 in Limbu 2 हे़क्केःल्ले़ खुने़ॽ नोगप् पिरुसि, “पाःसे, फुॽनुसाॽसे, आघे़प्से़म्मे़ॽओ! आनिॽ सुधे़बा अब्राहाम्मिन् हारान ये़क्यक्को पेःक्माआङ् युङ्मानुःल्ले़ तगि खुने़ॽ मे़सोपोतामिया ते़ङ्गप्पो वये़ल्ले़ए मिमिदिङ्बा निङ्वाॽफुमाङ्ङिल्ले़ कुमिमिदिङ्ङिन् खुने़ॽओ ओसेःन्धाक्सिङ्ङाङ्
Romans 8:17 in Limbu 17 हे़क्क्याङ् कुस्साः आबोःक्खे़बाल्ले़ चोगुल्ले़ आनिॽ निङ्वाॽफुमाङ्ङिल्ले़ कुलक् के़घोःबासिरो॥ से़क्खाए खुने़ॽनु सोरिक् इङ्धाःङ् आघोःसुम्ल फाॽआङ् खुने़ॽनु सोरिक् इनोगे़न् तुक्खेआङ् आजाने़ फाॽग्र आनिॽग ये़सु ख्रिस्ते़न्नु सोरिक् लक् के़घोःबासिआङ्लो॥
1 Corinthians 1:26 in Limbu 26 आमिःम् फुॽनुसाॽ नु ने़ॽनुसाॽसे, निङ्वाॽफुमाङ्ङिल्ले़ खिनिॽ के़उःत्तिल्ले़ आक्तङ्बा के़जोगि के़लॽबा पाःन्निन् निङ्वाॽ इःत्ते़म्मे़ॽओ॥ मे़न्छाम् याप्मिहाॽरे़ के़म्निःसिल्ले़ खिनिॽ यरिक्तङ्बा सिक्कुम् निङ्वाॽसाबा के़होःप्तिरो॥ खिनिॽ यरिक्तङ्बा मुक्साम्साबा नु के़गप्पा हिम्सयङ्ङोबा के़होःप्तिरो॥
1 Corinthians 2:9 in Limbu 9 कर साम्योसाप्लाओ अक्खेलॽरिक् साप्ते़आङ् पत्, “आत्तिन्हाॽरे़आङ् मे़न्निए, मे़ङ्घे़म्मे हे़क्क्याङ् निङ्वाॽ मे़न्इःत्तेबा पाःन्हाॽ निङ्वाॽफुमाङ्ङिल्ले़ खुने़ॽ मिःम्जि के़मे़प्पाहाॽरे़ लागि यारिप् चोगुआङ् वाॽरो॥”
1 Corinthians 3:21 in Limbu 21 खे़ल्ले़ चोगुल्ले़ मनाहाॽरे़ खुनिॽ याःम्बेओ आत्तिन्हाॽआङ्आङ्दिङ् मे़न्लॽने़न्लरो॥ थेआङ्भे़ल्ले़ के़रे़क् पाःन्हाॽग खिनिॽइन्ने़रो॥
2 Corinthians 4:15 in Limbu 15 आनिगे़ तुक्खे च्ये़ॽइगे़बा के़रे़क् पाःन्हाॽग खिनिॽ लागिए पोःक्खे़बारो, हे़क्केःल्ले़ मनाहाॽरे़ आक्खे़म्म्याक् निङ्वाॽफुमाङ्ङिल्ले़ कुलुङ्गुम्मिन् मे़घोःसुॽ, खे़म्म्याक् यरिक्के निङ्वाॽफुमाङ्ङिल्ले़ कुमिङ्सो इङ्धाःङ्ङिन् पोःङ्ल फाॽआङ् खे़ङ्हाॽरे़ खुनिॽ नोगे़न्निन् मे़भोःसुॽरो॥
2 Corinthians 6:10 in Limbu 10 मेरिङ्ङो थ्ये़ॽइगे़साङ् सदादिङ् सःत्तिगे़रो॥ याङ्गे़साॽबा चोगिगे़साङ् यरिक् मनाहाॽ नसाःन्नो याङ्साकुन्धेसाबा चोगुम्सिम्बे़रो॥ थेआङ् मे़गत्तुम्बे़न्छाङ् काक् पाःन् के़गप्पा कुइसिःक् चोगिगे़रो॥
2 Corinthians 8:9 in Limbu 9 थेआङ्भे़ल्ले़ खिनिॽग आनिॽ दाङ्बा ये़सु ख्रिस्तरे़ कुलुङ्गुम्मिन् के़निःसुम्माङ् के़वयिॽरो॥ खुने़ॽ याङ्साकुन्धेसाबा चोगे़साङ्, कुयाङ्साॽमान्लाम्बा खिनिॽ याङ्साकुन्धेसाबा के़बोःक्खिर फाॽआङ् खिनिॽ लागि खुने़ॽ याङ्गे़साॽबा पोःक्खे़रो॥
Ephesians 1:18 in Limbu 18 खिनिॽ खासिङ् निःप्मा के़सुक्पा के़बोःक्खिर फाॽआङ् इङ्गाॽ तुवा चोःक्कारो॥ हे़क्क्याङ् खिनिॽ के़उःत्तिआङ् खोःमा के़बोःङ्बा लक्किन् कुसिङ् के़निःत्तुम्लो॥ खे़न् साॽरिक् इमे़ल्लुङ्बा मिमिदिङ्गे़न् लक्किन् निङ्वाॽफुमाङ्ङिल्ले़ सेसे कुमनाहाॽनु माङ्हे़क् चोगुआङ् वाॽरो॥
Ephesians 3:8 in Limbu 8 निङ्वाॽफुमाङ्ङिल्ले़ के़रे़क् सेसे कुमनाहाॽनुःल्ले़ इङ्गाॽ योःयोःक्पा चोःक्कासाङ् कुसिङ् निःप्माए सुक्मे़न्दे़प्मनाबा ख्रिस्तरे़ आबिरे़बा हाङ्वा मुॽइसाम्मिल्ले़ कुयाःम्बेओ थिम्मे़न्दङ् सुवाङ्हाॽ इङ्भोःमासि फाॽआङ् कन् लुङ्गुम्मिन् इङ्गाॽ पिराङ्लो॥
1 Thessalonians 2:12 in Limbu 12 खिनिॽ निङ्वाॽफुमाङ्ङिल्ले़ कुसिराॽ के़धाङ्बा हिङ्मन्नो वये़म्मे़ॽ फाॽआङ् आःन्छिङ्मा पिआसिगे़ हाङ्हाङ् मे़त्तासिगे़र चक्मे़ल्लॽए पेलि फाक्कासिगे़रो॥ खुने़ॽए आबाङे मिमिदिङ्गे़न् कुहाङ्जुम्मो लक् खोःसे़ खिनिॽ के़उःत्तिआङ् के़वयिॽरो॥
2 Thessalonians 1:5 in Limbu 5 कल्ले़ग निङ्वाॽफुमाङ्ङिल्ले़ साम्योनिबा खासे़न् चोगु के़लॽबा पाःन्निन् ओसेःन्दाङ्चोगुरो॥ खे़ल्ले़ चोगुल्ले़ खिनिॽ तुक्खे के़धःरुम्ल के़वयिबाल्ले़ चोगुल्ले़ निङ्वाॽफुहाङ्जुम्ले़न् सुम्बोधासाबा के़बोःक्खिॽरो॥
1 Timothy 6:18 in Limbu 18 हे़क्क्याङ् खे़ङ्हाॽ हाराॽ नुःबा याःम्बक् के़जोःक्पा मे़बोःङ्ल हे़क्केलॽरिक् वेॽहाॽनु हाःमा चामा खुनिॽ निङ्वाॽ मे़हन्दुर, सुयाःम्बक् मे़जोगुर लॽरिक् इङ्जाःङ् पिरे़से़ॽओ॥
2 Timothy 4:8 in Limbu 8 आनिॽ कुदोःप्मा खासे़न् के़जोःक्पा दाङ्बाल्ले़ खे़न् ये़न्नो साम्योनिबा तिचःन्हाङ्से़म् कुइसिःक् पिआरो॥ इङ्गाॽरक् मे़ःन्, कर खुने़ॽ कुधाःन्छिङ्मान् निङ्वाॽ इगेःक्काङ् के़हाङ्बा काक्ले़ मे़घोःसुॽरो॥
2 Timothy 4:18 in Limbu 18 दाङ्बाल्ले़ इङ्गाॽ काक् फे़न् पाःन्नोलाम् से़ःप्पाआङ् साङ्ग्राम्पेदाङ्बा कुहाङ्जुम्मो कम्ब्राङ् मे़त्तार तेॽआरो॥ दाङ्बाल्ले़ कुमिमिदिङ्ङिन् सदादिङ् नु सदादिङ् पोःङ्निरो॥ आमे़न्॥
Hebrews 11:26 in Limbu 26 मिस्र लाजेॽस्मा याङ्साकुन्धेःन्नुःल्ले़ग ख्रिस्तरे़ कुलागि निङ्घुम्मो थामाए नुःबा इःत्तुरो, थेआङ्भे़ल्ले़ खुने़ॽ कुनिङ्वाॽइन्ताःन्दि खोगे़दे़प्पा थुम्घोओ पत्छे़रो॥
James 1:9 in Limbu 9 याङ्गे़साॽबा नसानिबान् हाराॽ निङ्वाॽफुमाङ्लाम् मिङ्सो इङ्धाःङ् खोःसुल्ले़ सःत्ल पोःङ्लो॥
James 1:12 in Limbu 12 इनोगे़न् तुक्खेःन् नासि के़धःप्पे़ङ्ग मुॽइसाबारो, थेआङ्भे़ल्ले़ खे़न् निङ्वाॽ साॽमाओ थाःल्ले़ कुलिङ्धो के़गे़प्पा पोःक्खे़आङ् निङ्वाॽफुमाङ्ङिल्ले़ खुने़ॽ मिःम्जि के़मे़प्पाहाॽ पिमासि फाॽआङ् माङ्हे़क् चोगुबा मे़न्नुप्मनाबा हिङ्मन्ले़न् तिचःन् खे़ल्ले़ खोःसुॽरो॥
James 1:16 in Limbu 16 आमिःम् फुॽनुसाॽ नु ने़ॽनुसाॽसे, खिनिॽ इङ्ले़क्को मे़ध्ये़म्मिन्ने़ॽओ॥
1 Peter 1:4 in Limbu 4 हे़क्क्याङ् निङ्वाॽफुमाङ्ङिल्ले़ साङ्ग्राम्पेदाङ्ङो आप्फाल्ले़आङ् आसुत्थो मे़म्बोःङ्मना, इमे़ल्ले़म्मना मे़म्बेःक्मनाबा नु मे़न्यःप्मना मे़न्गिःमना इमे़ल्लुङ्बा लक् आनिॽ लागि युक्खुआङ् वाॽरो॥
2 Peter 1:11 in Limbu 11 अक्खेलॽरिक् आनिॽ दाङ्बा नु से़न्लप्दाङ्बा ये़सु ख्रिस्तरे़ मे़न्नुप्मनाबा कुहाङ्जुम्मो लाःप्मारे़ लागि लाङ्दाःक्मा के़बिरिरो॥
Revelation 2:9 in Limbu 9 ‘के़दुमुबा निङ्घुम्हाॽ नु के़याङ्साॽमान् इङ्गाॽ निःसुङ्लो, कर से़क्खाःल्ले़ निङ्वाॽफुमाङ्ङिल्ले़ कुनिःमाओ खे़ने़ॽ याङ्साकुन्धेसाबा के़जोःक्लो॥ आनिगे़ यहुदिसिगे़ के़लॽबाहाॽरे़ खे़ने़ॽ के़दक्ले़ङ्वाओ चे़ॽया के़मे़प्पे़न्इङ्गाॽ निःसुङ्ङाङ् वाॽआरो॥ खे़ङ्हाॽग यहुदिसि मे़ःन्, कर माफे़न्साम्मिल्ले़ कुमनासिरो॥
Revelation 3:18 in Limbu 18 हे़क्केःल्ले़ खे़ने़ॽ याङ्साकुन्धेसाबा पोःङ्मा के़सुक्ल फाॽआङ् मिओ योःम्मनाबा इसेःङ्बा साम्म्याङ्ङिन् इङ्गाॽओलाम् इङे़ॽओ लॽरिक् सुजा पिने़, ले़क्चाबे़धिःक्पा के़धक्किन् ते़प्ते़ॽआङ् नुःम्मा मे़बोःङ्ने़न्ल फाॽआङ् फःगे़लॽबा तेःत्तिन् इङे़ॽओ, हे़क्क्याङ् निःमा के़सुक्पा पोःङ्मा फाॽआङ् मिक् सिदाॽइन् इङे़ॽओ॥
Revelation 21:7 in Limbu 7 हाःत्ले़ नाःन्दुॽ, खे़ल्ले़ कन् काक् मुॽइसाम्हाॽ खोःसुॽरो॥ इङ्गाॽ खे़ल्ले़ कुनिङ्वाॽफुमाङ् पोःङ्ङाआङ् खे़न् इङ्गाॽ आबुगे़न् आस्साः पोःङ्लो॥