Hebrews 7:26 in Limbu 26 खुने़ॽग आनिॽ चाहाबा के़जोःक्पा मानिङ्वाॽफुसाम्बारो, थेआङ्भे़ल्ले़ खुने़ॽग सेसे नु फोत्या मे़ःन्ने, लायोःल्ले़ मे़दे़त्तुम्बा चोःक्लो॥ खुने़ॽग लायोबाहाॽलाम् से़न्दे़आङ् वाॽ हे़क्क्याङ् साङ्ग्राम्पेदाङ्ङो काक्नुःल्ले़ यम्बा मिङ्सो इङ्धाःङ्ले़ युक्नाःन् खोःसुआङ् वाॽरो॥
Other Translations King James Version (KJV) For such an high priest became us, who is holy, harmless, undefiled, separate from sinners, and made higher than the heavens;
American Standard Version (ASV) For such a high priest became us, holy, guileless, undefiled, separated from sinners, and made higher than the heavens;
Bible in Basic English (BBE) It was right for us to have such a high priest, one who is holy and without evil, doing no wrong, having no part with sinners, and made higher than the heavens:
Darby English Bible (DBY) For such a high priest became us, holy, harmless, undefiled, separated from sinners, and become higher than the heavens:
World English Bible (WEB) For such a high priest was fitting for us: holy, guiltless, undefiled, separated from sinners, and made higher than the heavens;
Young's Literal Translation (YLT) For such a chief priest did become us -- kind, harmless, undefiled, separate from the sinners, and become higher than the heavens,
Cross Reference Matthew 27:18 in Limbu 18 थेआङ्भे़ल्ले़ यहुदि लाम्लोःबाहाॽरे़ ये़सुःन् नामे़हे़त्तुआङ् खुने़ॽओ हुक्मे़सुप्तुबा पाःन्निन् कुसिङ्निःत्तुआङ् वये़॥
Mark 16:19 in Limbu 19 हे़क्क्याङ् दाङ्बा ये़सुरे़ हे़क्के पाःत्तु सुरुआङ् खुने़ॽ थाःङ्धाःङ् साङ्ग्राम्पेदाङ् ले़प्माङ् थो पक्खे़र पेआङ् निङ्वाॽफुमाङ्ङिल्ले़ कुजुप्साङ् ले़प्माङ् युङ्सिङ्लो॥
Luke 1:35 in Limbu 35 माङ्लाइङ्बाल्ले़ नोगप् पिरु, “सेसेमाङ्ङिन् के़सम्दाङ् ताआङ् के़रे़क्नुःल्ले़ पयम् यम्बा निङ्वाॽफुमाङ्ङिल्ले़ कुमुक्साम्मिल्ले़ के़घुःक्लो, हे़क्केलॽरिक् खे़ने़ॽओलाम् सागे़वाःन्छिङ्बाङ्ग निङ्वाॽफुसाः मे़मे़त्तुॽरो॥
Luke 23:22 in Limbu 22 हे़क्क्याङ् सुम्ले़ङ्ङो पिलातसरे़ खे़ङ्हाॽ याम्मो मे़त्तुसि, “थेआङ्बे? खे़ल्ले़ थे याःम्बक् फेःन्दुआङ् वाॽबे? खुने़ॽ सिःमे़ल्ले़ खुम्दिङ् खोःमा याःम्बक् चोगुबा इङ्गाॽ मे़ङ्घोःबान्लो, हे़क्केःल्ले़ खुने़ॽ ते़ःम्भुक् याक्पाङ्घुङ्सिङ्ङाङ् ले़रुङ्देःसुङ्लो॥”
Luke 23:41 in Limbu 41 च्यासाङ् आन्छिॽग आजोगे़त्छुबा याःम्बक् कुइसिःक् सिःमे़ल्ले़ खुम्दिङ् आघोःसे़त्छुबारो, कर खुने़ॽग थेआङ् फे़न् याःम्बक् मे़न्जोःक्के वाॽरो॥”
Luke 23:47 in Limbu 47 हे़क्क्याङ् खे़प्मो के़ये़प्पा रोमि थक्तुम्बाल्ले़ कन् हिन्दोःक्हाॽ निःसुआङ् निङ्वाॽफुमाङ्ङिल्ले़ कुनारा फोःसुर अक्खे पाःत्तु, “से़क्खासाङ् कन् मनाःन् साम्योनिबा वये़रो॥”
Luke 24:26 in Limbu 26 निङ्वाॽफुमाङ्ङिल्ले़ सेःन्दुबा ख्रिस्ते़न्तुक्खे चामाआङ् कुमिमिदिङ्ङो पेःक्मा के़बोःङ्बा वये़ बि मे़ःम्बि?”
Luke 24:46 in Limbu 46 खे़ङ्हाॽ अक्खे मे़त्तुसि, “निङ्वाॽफुमाङ्ङिल्ले़ सेःन्दुबा ख्रिस्ते़ङ्ग तुक्खे चामाए पोःङ्, हे़क्क्याङ् सिःमाआङ् सुम् ये़न्नो याम्मो हिङ्माए पोःङ् फाॽआङ् साप्ते़आङ् पत्लो॥
John 8:29 in Limbu 29 इङ्गाॽ याप्मि के़बाङ्बाङ्ग सदादिङ् इङ्गाॽनु वाॽरो॥ खुने़ॽग आप्फाल्ले़आङ् इङ्गाॽ एःक् मे़ल्ले़त्ते वाॽरो, थेआङ्भे़ल्ले़ इङ्गाॽ सदादिङ् कुनिङ्वाॽ के़दाःबा याःम्बक् चोगुङ्लो॥
John 14:30 in Limbu 30 आल्ल खिनिॽनु यरिक् मे़बाःत्तान्, थेआङ्भे़ल्ले़ इक्सादिङ् खाम्बेःक्मोबा हाङ्युक् के़जोःक्पान् फे़न्ल पत्लो॥ आसम्दाङ् खे़ल्ले़ थेआङ् मुक्साम् मे़गत्तुन्लो,
Acts 3:14 in Limbu 14 खिनिॽ सेसे नु साम्योनिबा मनाःल्ले़ कुले़क्वा मना के़से़प्पे़न् ले़रे़म्आबिरे़म्मे़ॽ फाॽआङ् के़नाःक्तुम्लो॥
Acts 4:27 in Limbu 27 से़क्खाए बा खे़न् पाःन्निन् कन् ये़क्यक्को के़रे़आङ् वाॽ, थेआङ्भे़ल्ले़ हे़रोद हाङ्ङिन्, सुहाङ्गे़म्बा पन्तियस पिलातस, थिम्मे़न्दङ् सुवाङ्हाॽ नु इस्राइलिहाॽरे़ खे़ने़ॽ के़निङ्सेःक्को के़सेगुबा सेसे के़सेवारोबा ये़सुरे़ कुदक्ले़ङ्वाओ कन् ये़क्यक्को मे़जुप्से़आङ् मे़वाॽरो॥
2 Corinthians 5:21 in Limbu 21 थेआङ्भे़ल्ले़ आनिॽग ख्रिस्तलाम् निङ्वाॽफुमाङ्ङिल्ले़ कुनिःमाओ साम्योनिबा आबोःङ्ल फाॽआङ् निङ्वाॽफुमाङ्ङिल्ले़ लायो मे़न्जोःक्के के़वाॽबान् आनिॽ लागि लायो कुःत्तुरो॥
Ephesians 1:20 in Limbu 20 ओगप् चोगुल्ले़ खुने़ॽ के़सिःबा ख्रिस्ते़न्कुहिङ्वे़त्चोगु हे़क्क्याङ् साङ्ग्राम्पेदाङ्बा ते़न्नो मिङ्सो इङ्धाःङ् पिरुर कुजुप्साङ् ले़प्माङ् युक्खुआङ् युङ्लो॥
Ephesians 4:8 in Limbu 8 खे़ल्ले़ चोगुल्ले़ साम्योसाप्लाओ अक्खे साप्ते़आङ् पत्, “खुने़ॽ थाःङ् पेःल्ले़ नाःन्दुसिबाहाॽ खुने़ॽनु तेॽरुसि, हे़क्क्याङ् कुमनाहाॽ पर्धाःम्हाॽ पिरुसि॥”
Philippians 2:9 in Limbu 9 खे़ल्ले़ चोगुल्ले़ निङ्वाॽफुमाङ्ङिल्ले़ खुने़ॽ काक्नुःल्ले़ थोःसुगे़न् युङ्दे़न्नो युक्खुआङ् वेॽ मिङ्हाॽनुःल्ले़आङ् यम्बा मिङ्सो इङ्धाःङ्बा मिङ् पिरुरो॥
Hebrews 1:3 in Limbu 3 कन् आबुगे़न् कुस्साःल्लो निङ्वाॽफुमाङ्ङिल्ले़ कुमिमिदिङ्ङिन् ले़क्लो हे़क्क्याङ् आबुगे़न् कुस्साःन् निङ्वाॽफुमाङ्ङिल्ले़ कुसुत्नाःल्ले़ कुइत्छाप्लो॥ हे़क्क्याङ् खुने़ॽए मुक्साम्गे़न् कुबाःन्जाक्लाम्बा इक्सादिङ् खाम्बेःक्मोबा काक् पाःन्हाॽ वाॽर याःन्दुॽरो॥ खुने़ॽ मे़न्छाम् याप्मिहाॽ लायोलाम् सेसेसाङ्साङ् पोःङ्मा तङ्गाम् चोगुआङ् साङ्ग्राम्पेदाङ्ङो मिमिदिङ्गे़न् निङ्वाॽफुमाङ्ङिल्ले़ कुजुप्साङ् ले़प्माङ् युङ्सिङ्लो॥
Hebrews 2:10 in Limbu 10 काक् पाःन्हाॽग निङ्वाॽफुमाङ्ङिल्ले़न्लो, हे़क्क्याङ् काक् पाःन्हाॽग कुमुक्साम्लाम्बा नावागे़न् चइःत्तिन् ने़स्से़बारो॥ खे़ल्ले़ चोगुल्ले़ निङ्वाॽफुमाङ्ङिल्ले़ ये़सुःन् इनोगे़न् तुक्खेलाम्बा कुलिङ्धो के़त्तुल्ले़ नुःबा नु कुदङ्बा पाःन् चोगुरो॥ हे़क्केलॽरिक् ये़सुरे़ यरिक् मुॽइदाङ्साहाॽ से़न्लप्पो लाम्लोसुसिॽआङ् कुमिमिदिङ्ङिल्ले़न् लक् के़घोःबा मे़बोःक्खे़रो॥
Hebrews 4:14 in Limbu 14 आल्ल, आनिॽ ते़न्दिङ् आजोगुम्बा नसाःन्निन् थरुम्लो, थेआङ्भे़ल्ले़ साङ्ग्राम्पेदाङ्ङो के़बेःक्पाआङ् के़वाॽबा निङ्वाॽफुसाः ये़सु पयम् मानिङ्वाॽफुसाम्बान् आनिॽ आगत्तुम्लो॥
Hebrews 7:11 in Limbu 11 हारुनरे़ कुधाःक् ले़बिहाॽरे़ निङ्वाॽफुसाम्बा याःम्बक् चोःक्मा युक् मे़घोःसु, हे़क्क्याङ् खे़ङ्हाॽलाम् मनाहाॽरे़ साम्योथिम् मे़घोःसुआङ् मे़वये़॥ आल्ल हारुनरे़ कुधाःक्लाम्बाबा निङ्वाॽफुसाम्बाहाॽरे़ खुनिॽ याःम्बक्किल्ले़ मनाहाॽ कुलिङ्धो के़प्मा सुक्तुसिआङ् वये़ल्ले़ग मल्किसे़दे़क कुइसिःक्पा वेॽस्मा निङ्वाॽफुसाम्बा चाहाबा मे़जोगे़म्बामे़न्लो॥
Hebrews 8:1 in Limbu 1 आनिगे़ पाःत्तुम्बे़बा पाःन्निन् बा कन्लो–आनिॽनु अक्तङ्बा मानिङ्वाॽफुसाम्बान् वाॽ हे़क्क्याङ् खुने़ॽग साङ्ग्राम्पेदाङ्ङो मिमिदिङ्गे़न् निङ्वाॽफुमाङ्ङिल्ले़ कुहाङ्युक्नाःल्ले़ कुजुप्साङ् ले़प्माङ् युङ्लो॥
Hebrews 9:14 in Limbu 14 खे़न्नुःल्ले़ग ख्रिस्तरे़ कुमाक्खिॽइल्ले़ आक्ख्याक् यरिक्सुत्थो आजोःक्! खुने़ॽ मे़न्नुप्मनाबा सेसेमाङ्लाम् कुसाङ् के़लःबा सिदुङ्जभा पोःङ्से़ निङ्वाॽफुमाङ्ङो आबाङे तोःन्छिङ्लो॥ आजुनि निङ्वाॽफुमाङ्ङिन् सेवा चोःक्मा आसुक्तुम्ल फाॽआङ् कुमाक्खिॽइल्ले़ सिःमे़न्नो के़देॽबा याःम्बक्लाम् आनिॽ खासिङ्ङिन्सुत्थो चोगुॽरो॥
Hebrews 9:23 in Limbu 23 खे़ल्ले़ चोगुल्ले़ खे़न् हे़क्तङ्बा सिदुङ्जभाःल्ले़ साङ्ग्राम्पेदाङ्ङोबा पाःन्हाॽरे़ कुबिहाॽ सेसे सुत्थो चोःक्मा पोःक्खे़, कर साङ्ग्राम्पेदाङ्ङोबा पाःन्हाॽए सुत्थो चोःक्मा फाॽआङ् खे़न्नुःल्ले़ नुःबा सिदुङ्जभाःन् चाहाबा चोगे़॥
Hebrews 10:11 in Limbu 11 तगिबा माङ्हुप्पोग निङ्वाॽफुसाम्बा के़रे़क्ले़ थिक्याःन्धक् साम्योबा याःम्बक् मे़जोगुर लत्छा परिक्पा सिदुङ्जभाःन्ए़त्ले़ङ् मे़दोःन्दुरो, कर खे़ल्ले़ग आप्फाल्ले़आङ् लायोःन् तेॽमा मे़सुक्तुन्लो॥
Hebrews 12:2 in Limbu 2 आनिॽ नसाःन्निन् के़हेःक्पा नु कुलिङ्धो के़गे़प्पा ये़सुःन् ओमे़त्तुम्लो॥ ताःन्दि के़दाःबा ओमु लॽमाल्ले़ लागि सिलाम्साक्मा सिङ्सम्दाङ्बा इनोगे़न् तुक्खेःन् नु नाधामान् खुने़ॽ थेआङ् मे़न्इःत्ते थरुआङ् निङ्वाॽफुमाङ्ङिल्ले़ कुहाङ्युक्नाःल्ले़ कुजुप्साङ्ले़प्माङ् युङ्सिङ्लो॥
1 Peter 1:19 in Limbu 19 कर मे़ङ्गाःन्नेबा नुःबा मे़ल्लुक्सा कुइसिःक्पा ख्रिस्त ये़सुरे़ इमे़ल्लुङ्बा कुमाक्खिॽइल्ले़ खिनिॽ के़धे़ॽरिबारो॥
1 Peter 2:22 in Limbu 22 “खुने़ॽग थेआङ् लायो लासोःत् मे़जोगुन्, हे़क्क्याङ् थेआङ् इङ्ले़क् पाःन्नाङ् मे़बारे़न्लो॥”
1 Peter 3:22 in Limbu 22 आल्ल ये़सु ख्रिस्ते़न्साङ्ग्राम्पेदाङ्ङो पेआङ् निङ्वाॽफुमाङ्ङिल्ले़ कुजुप्साङ् ले़प्माङ् युङ्, हे़क्क्याङ् माङ्लाइङ्बाहाॽ, युक्साबाहाॽ नु मुक्साम्हाॽ कुयुक्को कत्तुसिरो॥
1 John 2:2 in Limbu 2 आनिॽ लायोःन् ले़प्मि पिमारे़ लागि खुने़ॽ सिदुङ्जभा पोःक्खे़, हे़क्क्याङ् आनिॽ लायोरे़ लागिरक्ग मे़ःन्, कर इक्सादिङ् खाम्बेःक्मो के़वाॽबा के़रे़क् मे़न्छाम्गे़न् याप्मिहाॽरे़ खुनिॽ लायोरे़ लागिआङ् खुने़ॽ स्ये़बारो॥
1 John 3:5 in Limbu 5 आनिॽ लायोःन् खे़प्मारे़ लागि ख्रिस्ते़न्ये़बाङ्ग खिनिॽ कुसिङ् के़निःत्तुम्लो॥ हे़क्क्याङ् खुने़ॽओ लायो होःप्लो॥
Revelation 1:17 in Limbu 17 हे़क्क्याङ् खुने़ॽ निःसुङ्ङाङ् इङ्गाॽग सिःमालिङ्धोओ के़राङ्ङाङ् कुलाङ्जक्पो हर्गुप्सा चोःन्दाङ्लो॥ खुने़ॽ कुजुप्साङ् हुक्किन् आसम्दाङ् ने़स्सुआङ् अक्खे मे़त्ताङ्लो, “मे़गिसे़न्ने़ॽओ इङ्गाॽ तोलिङ्सोमु नु कुनुप्माआरो॥
Revelation 3:7 in Limbu 7 “हे़क्क्याङ् फिलादेल्फियाबा सेसेहुप्लक्कोबा माङ्लाइङ्बान् कन् इङ्घङ्ङिन् साप्ते़ॽओ॥ कन् इङ्घङ्ङिन् सेसे नु से़क्खाबा हे़क्क्याङ् दाउद हाङ्ङिल्ले़ कुदिमिक् के़गप्पे़ल्ले़ पाःत्तुबारो॥ खुने़ॽ हन्दुबान् हाःत्ले़आङ् सुप्मा मे़सुक्तुन्, हे़क्क्याङ् खुने़ॽ सुबुबान् हाःत्ले़आङ् हम्मा मे़सुक्तुन्लो॥