Hebrews 5:7 in Limbu 7 ये़सुःन् इक्सादिङ् खाम्बेःक्मो नासिङ्गे़न् थक्को वये़ल्ले़ खुने़ॽ मिक्वानु चक्चक् साॽरिक् हाबे़र सिःमे़न्लाम् ताङ्से़ःप्मा के़सुक्पे़न्पेलि फाक्तुर तुवा चोगुरो॥ खुने़ॽ निङ्वाॽफुमाङ्ङिन् मिङ्सो इङ्धाःङ् पिरुर सेवा चोगुबाल्ले़ खुने़ॽ चोगुबा तुवाःन् निङ्वाॽफुमाङ्ङिल्ले़ ताःक्तुरो॥
Other Translations King James Version (KJV) Who in the days of his flesh, when he had offered up prayers and supplications with strong crying and tears unto him that was able to save him from death, and was heard in that he feared;
American Standard Version (ASV) Who in the days of his flesh, having offered up prayers and supplications with strong crying and tears unto him that was able to save him from death, and having been heard for his godly fear,
Bible in Basic English (BBE) Who in the days of his flesh, having sent up prayers and requests with strong crying and weeping to him who was able to give him salvation from death, had his prayer answered because of his fear of God.
Darby English Bible (DBY) Who in the days of his flesh, having offered up both supplications and entreaties to him who was able to save him out of death, with strong crying and tears; (and having been heard because of his piety;)
World English Bible (WEB) He, in the days of his flesh, having offered up prayers and petitions with strong crying and tears to him who was able to save him from death, and having been heard for his godly fear,
Young's Literal Translation (YLT) who in the days of his flesh both prayers and supplications unto Him who was able to save him from death -- with strong crying and tears -- having offered up, and having been heard in respect to that which he feared,
Cross Reference Matthew 26:28 in Limbu 28 कन् निङ्वाॽफुमाङ्ङिन्नु चोःक्मनाबा कुसङ् माङ्हुप्ले़न्आमाक्खिॽरो॥ कन् यरिक् मनाहाॽरे़ खुनिॽ लायोःन् ले़प्मि पोःङ्ल फाॽआङ् वादेःन्लो॥
Matthew 26:52 in Limbu 52 ये़सुरे़ खे़न् मे़त्तु, “के़दाभेःन् फे़सिःप्पो याक्ते़ॽ, थेआङ्भे़ल्ले़ आत्तिल्ले़ ताभेःन् ओगप् चोगुॽ, खे़न् ताभेलाम्मे सिःॽ॥
Matthew 27:46 in Limbu 46 कुमुक् सुम्सि मुक्ते़र पत्छे़ल्ले़ ये़सुःन् अक्खेलॽरिक् यम्बा इक्लाओ अःक्ते़, “एलि, एलि लामा सबखथानि?” (खे़न् फाॽइङ्ग “आनिङ्वाॽफुमाङ्ङे, आनिङ्वाॽफुमाङ्ङे, थेआङ् के़ले़राङ् के़देःसाङ्बे?” पोःङ्लो॥)
Matthew 27:50 in Limbu 50 हे़क्क्याङ् ये़सुःन् याम्मो यम्बा इक्लाओ अःक्ते़, हे़क्क्याङ् कुसक्मा पेआङ् स्ये़रो॥
Mark 14:32 in Limbu 32 हे़क्क्याङ् खे़ङ्हाॽ गे़तसमनि मे़प्मनाबा जैतुन सिङ्लाओ मे़बे॥ ये़सुरे़ कुहुॽसाम्बाहाॽ अक्खे मे़त्तुसि, “तुवा चोगुङ्ङिल्ले़ खिनिॽ कप्मो युङे़म्मे़ॽओ॥”
Mark 15:34 in Limbu 34 कुमुक् सुम्सि मुक्ते़र पत्छे़ल्ले़ ये़सुःन् अक्खेलॽरिक् यम्बा इक्लाओ अःक्ते़, “एलोइ, एलोइ, लामा सबखथानि?” खे़न् फाॽइङ्ग “आनिङ्वाॽफुमाङ्ङे, आनिङ्वाॽफुमाङ्ङे, थेआङ् के़ले़राङ् के़देःसाङ्बे?” पोःङ्लो॥
Mark 15:37 in Limbu 37 हे़क्क्याङ् ये़सुःन् याम्मो यम्बा इक्लाओ अःक्ते़आङ्कुसक्मा पेरो॥
Luke 22:41 in Limbu 41 हे़क्क्याङ् खुने़ॽ मिसाक् नानाक् पेआङ् थुङ्बोहजॽ युङ्सिङ्ङाङ् अक्खेलॽरिक् तुवा चोगु,
Luke 23:46 in Limbu 46 ये़सुःन् यम्बा इक्लाओ अःक्ते़र अक्खे पाःत्तु, “पानुदिङ् आम्बे, इङ्गाॽ आयाम्साम्मिन् हुक्सुप्ने़ॽरो॥” हे़क्क्याङ् खुने़ॽ कुसक्मा पेरो॥
John 1:14 in Limbu 14 निङ्वाॽफु पाःन्जाक्किन् नासिङ्गे़न् थक्लादिङ् पोःक्खे़आङ् इक्सादिङ् खाम्बेःक्मो आनिॽ लुम्मो वये़रो॥ खुने़ॽग लुङ्गुम् नु से़क्खाःल्ले़ कुधिम् चोगे़आङ् कुमिमिदिङ्ङिन् आनिःसुम्माङ् आवाॽरो॥ खे़न् मिमिदिङ्ङिन् पानुदिङ् पाः निङ्वाॽफुमाङ्लाम् के़दाःबा थिक्लक् कुस्साःल्ले़न् हे़क्तङ्बा चोगे़रो॥
John 11:35 in Limbu 35 ये़सुःन् हाबे़॥
John 11:42 in Limbu 42 खे़ने़ॽग सदादिङ् आबेलिःन् के़घे़प्सुॽ के़लॽबा इङ्गाॽ निःसुङ्लो, कर इङ्गाॽ कप्मो आघिरि के़ये़प्पा मनाहाॽरे़ खे़ने़ॽ याप्मि के़बाङ्घे़बा पाःन्निन् नसाःन् मे़जोगुर फाॽआङ् कन् पाःन्निन् पाःत्तुङ्बारो॥”
John 12:27 in Limbu 27 “इङ्गाॽ आनिङ्वाॽइन्साॽरिक् तुक्खे च्ये़आङ् वाॽ, हे़क्केःल्ले़ इङ्गाॽ थे पाःत्तुङ्बाबे? पानुदिङ् आम्बौ, कन् इनोगे़न् तुक्खेलाम् ताङ्से़ःप्ताङ्ङे़ॽ फाॽआङ् पेलि फाक्ने़ॽबि लॽआ, करसाङ् पेलि मे़भाक्ने़न्लो, थेआङ्भे़ल्ले़ इङ्गाॽग इक्सादिङ् खाम्बेःक्मो तुक्खे चासे़ए त्याङ्बारो॥
John 17:1 in Limbu 1 ये़सुरे़ कन् पाःन्हाॽ पाःत्तु सुरुआङ् साङ्ग्राम्पेदाङ् ले़प्माङ् ओमये़र तुवा चोगु, “पानुदिङ् आम्बे, आल्ल ये़म् पोःक्खे़रो, के़स्साःल्ले़ खे़ने़ॽ के़मिमिदिङ् चोगुर फाॽआङ् खुने़ॽ कुमिमिदिङ् चोगे़ॽओ॥
John 17:4 in Limbu 4 खे़ने़ॽ चोःक्मा के़बाङ्घाङ्बा काक् पाःन्हाॽ चोगुङ्सुरुङ्, हे़क्क्याङ् इङ्गाॽ इक्सादिङ् खाम्बेःक्मो के़मिमिदिङ् चोगुङ्ङाङ् वाॽआरो॥
Romans 8:3 in Limbu 3 लायोबा सुत्नाःल्ले़ चोगुल्ले़ साम्योथिम्मिल्ले़ चोःक्मा मे़सुक्तुम्बा पाःन्निन् निङ्वाॽफुमाङ्ङिल्ले़ चोगुरो॥ खुने़ॽ आबुगे़न् कुस्साःन् मे़न्छाम् याप्मिहाॽरे़ मे़जोगुबा लायोःल्ले़ लागि सिदुङ्जभा पोःङ्से़ लायोबा मना कुइसिःक्पा नासिङ्गे़न् थक्को पाङ्घु युःसुआङ् नासिङ्गे़न् कुधक्किल्ले़ आनिॽ लायोःन् मे़क्खुरो॥
Galatians 4:4 in Limbu 4 कर निङ्वाॽफुमाङ्ङिल्ले़ युक्तिङ् चोगुबा ये़म्मिन् के़रे़ल्ले़ आबुगे़न् कुस्साःन् पाङ्घु युःसुरो॥ खुने़ॽ सिसादिङ् मे़न्छुमाॽओलाम् साम्योथिम्मिल्ले़ कुयुक्को सावाःन्छिङ्ङाङ् वये़रो॥
1 Timothy 3:16 in Limbu 16 आनिॽ साम्योरे़ सिगाङ् पाःन्निङ्ग पयम् यम्बा चोःक् फाॽआङ् आनिॽ ते़न्दिङ् आजोगुम्लो– निङ्वाॽफुमाङ्ङिन् आप्फेःक् नासिङ्गे़न् थक्को थाःम्सिङ्लो, सेसेमाङ्लाम् खुने़ॽ साम्योनिबा फाॽआङ् ओसेःन्दाङ्पोःक्खे़रो, माङ्लाइङ्बाहाॽरे़ खुने़ॽ मे़निःसुरो, मे़न्छाम् सुवाङ्हाॽरे़ खुनिॽ लुम्मो खुने़ॽ इङ्भोःसे़रो, इक्सादिङ् खाम्बेःक्मो खुने़ॽ नसाःन् मे़जोगुरो, मिमिदिङ्ङो खुने़ॽ थाःङ् पङ्सिङ् पेरो!
Hebrews 2:14 in Limbu 14 खे़न् मनाहाॽरे़ग नासिङ्गे़न् थक् मे़गत्तुबाल्ले़ चोगुल्ले़ ये़सुःन्नाङ् खे़ङ्हाॽ हे़क्केए पोःक्खे़रो॥ हे़क्केलॽरिक् आबाङे कुसिःमे़न्लाम्बा सिःमे़ल्ले़न् मुक्साम् के़गप्पा माफे़न्साम्मिन् मे़म्भै चोगु॥
Hebrews 12:28 in Limbu 28 खे़ल्ले़ चोगुल्ले़ आनिॽ यङ्मा सुक्मे़न्दे़प्मनाबा हाङ्जुम्मिन् आघोःसुम्ल आवाॽबाल्ले़ चोगुल्ले़ नोगे़न्साबा पोःक्खिरो, हे़क्क्याङ् निङ्वाॽफुमाङ्ङिन् कुनिङ्वाॽ ताःमा फाॽआङ् मिङ्सो इङ्धाःङ् पिइ किरुम्ल सेवा चोगुम्लो॥
Hebrews 13:20 in Limbu 20 आल्ल पयम् यम्बा मे़ल्लुक्कम्बा आनिॽ दाङ्बा ये़सुःल्ले़ मे़न्नुप्मनाबा माङ्हुप्पिल्ले़ कुमाक्खिॽइन् वागे़देःम्बाआङ् सिःमे़न्लाम् याम्मो कुहिङ्वे़त् के़जोःक्पा सनारुङ्दाङ्बा निङ्वाॽफुमाङ्ङिल्ले़
1 John 4:3 in Limbu 3 कर हाःत्ले़ ये़सु ख्रिस्ते़न्नासिङ्गे़न् थक्को त्ये़ लॽरिक् ते़न्दिङ् मे़जोगुन्, खे़न् निङ्वाॽफुमाङ्लाम् मे़ःन्, कर ख्रिस्तरे़ कुबिफ्युङ्बाल्ले़ कुसाम्लाम्बा त्ये़बारो॥ खे़ङ्ग ताः के़लॽबान् के़घे़प्सुम्माङ् के़वयिॽ, हे़क्क्याङ् इक्सादिङ् खाम्बेःक्मो तगिसा खे़ङ्ग त्ये़ चुरे़आङ् वाॽरो॥
2 John 1:7 in Limbu 7 यरिक् इङ्ले़क् के़बाःप्पाहाॽ इक्सादिङ् खाम्बेःक्मो मे़से़ःरे़आङ् मे़वाॽरो॥ खे़ङ्हाॽरे़ग ये़सु ख्रिस्ते़न्मे़न्छाम्गे़न् याप्मि पोःक्खे़आङ् नासिङ्गे़न् थक्को त्ये़बा फाॽआङ् नसाःन् मे़न्जोगुन्लो॥ अक्तङ्बा मनाःङ्ग इङ्ले़क्पा नु ख्रिस्तरे़ कुबिफ्युङ्बारो॥