Hebrews 13:21 in Limbu 21 खुने़ॽ कुनिङ्वाॽ कुइसिःक् चोःक्मा चाहाबा के़जोगिबा काक् पाःन्हाॽरे़ के़गाप्तिररो॥ निङ्वाॽफुमाङ्ङिल्ले़ कुनिङ्वाॽ के़दाःबा काक् पाःन्हाॽ ये़सु ख्रिस्तलाम्बा खिनिॽओ चोगुनिरो॥ हे़क्क्याङ् सदादिङ् सदादिङ् ख्रिस्तरे़ कुमिमिदिङ् पोःङ्निरो॥ आमे़न्॥
Other Translations King James Version (KJV) Make you perfect in every good work to do his will, working in you that which is wellpleasing in his sight, through Jesus Christ; to whom be glory for ever and ever. Amen.
American Standard Version (ASV) make you perfect in every good thing to do his will, working in us that which is well-pleasing in his sight, through Jesus Christ; to whom `be' the glory for ever and ever. Amen.
Bible in Basic English (BBE) Make you full of every good work and ready to do all his desires, working in us whatever is pleasing in his eyes through Jesus Christ; and may the glory be given to him for ever and ever. So be it.
Darby English Bible (DBY) perfect you in every good work to the doing of his will, doing in you what is pleasing before him through Jesus Christ; to whom [be] glory for the ages of ages. Amen.
World English Bible (WEB) make you complete in every good work to do his will, working in you that which is well pleasing in his sight, through Jesus Christ, to whom be the glory forever and ever. Amen.
Young's Literal Translation (YLT) make you perfect in every good work to do His will, doing in you that which is well-pleasing before Him, through Jesus Christ, to whom `is' the glory -- to the ages of the ages! Amen.
Cross Reference Matthew 6:13 in Limbu 13 हङ्साॽमो आन्धाःसे़न्ने़ॽओ, कर माफे़न्साम्लाम् आसे़ःप्ते़ॽओ॥ ((थेआङ्भे़ल्ले़ हाङ्जुम्, मुक्साम् नु मिमिदिङ्ङिन् सदादिङ् खे़ने़ॽइन्नेरो॥))’
Matthew 7:21 in Limbu 21 आल्ल “‘आदाङ्बे, आदाङ्बे’, लॽरिक् याप्मि के़मे़प्पाहाॽ के़रे़क् साङ्ग्राम्पेदाङ्बा हाङ्जुम्मो मे़न्लाःत्ने़न्लो, कर साङ्ग्राम्पेदाङ्ङो के़वाॽबा पानुदिङ् आम्बारे़ कुनिङ्वाॽ हे़क्के के़जोःक्पाहाॽरक् मे़लाःत्लो॥
Matthew 12:50 in Limbu 50 थेआङ्भे़ल्ले़ आत्तिन्हाॽरे़ साङ्ग्राम्पेदाङ्बा आम्बारे़ कुनिङ्वाॽ हे़क्के मे़जोगुॽ, खे़ङ्हाॽए आम्मा नु आन्साॽसिरो॥”
Matthew 21:31 in Limbu 31 आल्ल खे़न् ने़प्फुओ आत्तिल्ले़ खुन्छिॽ पाःल्ले़ कुनिङ्वाॽ हे़क्के चोगे़त्छुबे?” खे़ङ्हाॽरे़ नोगप् मे़बिरु, “तुम्बाल्ले़रो॥” ये़सुरे़ खे़ङ्हाॽ मे़त्तुसि, “इङ्गाॽ से़क्खाए मे़त्निङ्, निङ्वाॽफुहाङ्जुम्मो एःङ्याङ् के़भोःङ्बाहाॽ नु के़त्निमाहाॽ खिनिॽनुःल्ले़आङ् तगि मे़लाःत्लो॥
Matthew 28:20 in Limbu 20 इङ्गाॽ इङ्जाःङ् पिनिङ्बा के़रे़क् पाःन्हाॽ इःप्मा नाःप्मा हुॽरे़म्सिम्मे़ॽओ॥ ओमे़त्ते़म्मे़ॽओ, इङ्गाॽग इक्सादिङ् खाम्बेःक्माल्ले़ कुनुप्मो थारिक्के खिनिॽनु सदादिङ् वाॽआरो॥”
John 7:17 in Limbu 17 आत्तिन् मनाःल्ले़ निङ्वाॽफुमाङ्ङिल्ले़ कुनिङ्वाॽ हे़क्के चोःक्मा निङ्वाॽ चोगुॽ, खे़ल्ले़ इङ्गाॽ आनिसाम्मिन् निङ्वाॽफुमाङ्लाम्बा त्ये़बाबि इङ्गाॽ आबाङे पाःत्तुङ्बाबि फाॽआङ् कुसिङ् निःत्तुॽरो॥
John 16:23 in Limbu 23 खे़न् ये़न्नो खिनिॽ थेआङ् याप्मि सेःन्गे़न्दोःसिन्लो॥ इङ्गाॽ से़क्खाए मे़त्निङ्, आमिङ्ङो थे के़नाःक्तुम्साङ् पानुदिङ् आम्बारे़ के़बिरिॽरो॥
John 17:23 in Limbu 23 इङ्गाॽ खे़ङ्हाॽनु थिक्हुप् वाॽआबा कुइसिःक् हे़क्क्याङ् खे़ने़ॽ इङ्गाॽनु थिक्हुप् के़वाॽबा कुइसिःक् खे़ङ्हाॽ कुजे़क् थिक्हुप्पो मे़दाररो॥ हे़क्क्याङ् इक्सादिङ् खाम्बेःक्मोबा मनाहाॽरे़ इङ्गाॽ के़बाङ्घाङ्बा नु लुङ्माॽ के़दुक्ताङ्बा कुइसिःक्के खे़ङ्हाॽ लुङ्माॽ के़दुक्तुसिबान् कुसिङ् मे़निःत्तुररो॥
Romans 11:36 in Limbu 36 थेआङ्भे़ल्ले़ खुने़ॽलाम्बा काक् पाःन्हाॽग ताः, खुने़ॽ कुमुक्साम्मिल्ले़ काक् पाःन्हाॽ पोःक्खे़आङ् वाॽ, हे़क्क्याङ् काक् पोःक्खे़बा पाःन्हाॽ खुने़ॽ कुलागिए पोःक्खे़आङ् वाॽरो॥ सदादिङ् सदादिङ् खुने़ॽ कुमिमिदिङ् पोःङ्लरो! आमे़न्॥
Romans 14:17 in Limbu 17 थेआङ्भे़ल्ले़ निङ्वाॽफुहाङ्जुम्मिन् चामा नु थुङ्मारे़ कुयाःम्बेओ मे़ःन्, कर साम्योनिमा, सनारुङ् नु सेसेमाङ्ङिल्ले़ आबिबा सःप्माल्ले़ कुयाःम्बेओने़रो॥
Romans 16:27 in Limbu 27 हे़क्केलॽरिक् सिक्कुम्दाङ्बा निङ्वाॽफुमाङ्ङिल्ले़ कुमिमिदिङ् ये़सु ख्रिस्तलाम् सदादिङ् सदादिङ् पोःङ्लरो! आमे़न्॥
2 Corinthians 9:8 in Limbu 8 निङ्वाॽफुमाङ्ङिल्ले़ कुनिङ्वाॽ हन्दुआङ् खिनिॽ चाहाबा के़जोगिबानुःल्ले़आङ् यरिक् के़बिरिॽरो॥ हे़क्केःल्ले़ खिनिॽ चाहाबा के़जोःक्पा पाःन्हाॽ सदादिङ् के़गत्तुम्माङ् काक् नुःबा याःम्बक्को यरिक् पिमा के़सुक्तुम्लो॥
Galatians 1:5 in Limbu 5 सदादिङ् निङ्वाॽफुमाङ्ङिल्ले़ कुमिमिदिङ् पोःङ्लरो॥ आमे़न्!
Ephesians 2:10 in Limbu 10 थेआङ्भे़ल्ले़ नुःबा याःम्बक्हाॽ चोःक्मा फाॽआङ् ख्रिस्त ये़सुलाम् निङ्वाॽफुमाङ्ङिल्ले़ आनिॽ आजोगे़बारो॥ निङ्वाॽफुमाङ्ङिल्ले़ खे़न् नुःबा याःम्बक्हाॽ आनिॽ आजोगुम्ल फाॽआङ् तगिसा यारिप् चोगुआङ् वये़बारो॥
Ephesians 2:18 in Limbu 18 खुने़ॽलाम्मे आनिॽ के़रे़क्ले़ थिक् सेसेमाङ् आघोःसुम्माङ् पानुदिङ् पाः निङ्वाॽफुमाङ्ङो पेःक्मा आघोःसुम्माङ् आवाॽरो॥
Ephesians 3:16 in Limbu 16 खुने़ॽ मुल्लुक् मिमिदिङ्गे़न् कुमुक्साम्लाम् कुसेसेमाङ्ङिल्ले़ खिनिॽ याम्साम्मो के़धुम्बा के़जोगिर फाॽआङ् तुवा चोःक्कारो॥
Philippians 1:11 in Limbu 11 हे़क्क्याङ् खिनिॽ ये़सु ख्रिस्तरे़ कुभाॽलाम् यरिक् साम्योनिबा याःम्बक् के़जोगुम्ल फाॽआङ् तुवा चोगुङ्लो, हे़क्केःल्ले़ निङ्वाॽफुमाङ्ङो मिमिदिङ् नु नारा फोःमान् पोःङ्लो॥
Philippians 2:11 in Limbu 11 ये़सु ख्रिस्ते़न्ने दाङ्बा लॽरिक् के़रे़क्ले़ मे़बाःत्तुॽरो॥ हे़क्केलॽरिक् पानुदिङ् पाः निङ्वाॽफुमाङ्ङिल्ले़ मिङ्सो इङ्धाःङ् खोःसुॽरो॥
Philippians 2:13 in Limbu 13 थेआङ्भे़ल्ले़ खिनिॽ इङ्जाःङ्गे़म्बा के़बोःक्खिर हे़क्क्याङ् निङ्वाॽफुमाङ्ङिल्ले़ कुनिङ्वाॽ के़दाःबा याःम्बक् के़जोःक्पा के़बोःक्खिर फाॽआङ् खुने़ॽए खिनिॽओ याःम्बक् चोगुर वाॽरो॥
Philippians 4:13 in Limbu 13 इङ्गाॽग दाङ्बाल्ले़ के़धुम्बा चोःक्काबाल्ले़ चोगुल्ले़ काक् पाःन्हाॽ चोःक्मा सुक्तुङ्लो॥
Philippians 4:18 in Limbu 18 कन् ये़म्मो इङ्गाॽ चाहाबा चोगाङ्बान्नुःल्ले़आङ् यरिक् पाःन्हाॽ खोःसुङ्ङाङ् वाॽआरो॥ इपाफ्रोदितसरे़ कुहुक्कोलाम् के़हाङुम्बान्निङ्वाॽफुमाङ्ङिल्ले़ ताःक्तुबा नु कुनिङ्वाॽ तासुबा कुनाम् के़नुॽबा सिदुङ्जभा कुइसिःक्पा कुभाॽ याङ्ङिन् इङ्गाॽ खोःसुङ्ङाङ् वाॽआरो॥
Colossians 1:9 in Limbu 9 खे़ल्ले़ चोगुल्ले़ खिनिॽ याःम्बेओ आनिगे़ खे़प्सुम्बे़आङ्धोए खिनिॽ लागि चक्मे़ल्लॽए तुवा चोगुम्बे़रो॥ सिक्कुम्दिङ् निङ्वाॽ नु इःत्छिङ्साम्लाम् निङ्वाॽफुमाङ्ङिल्ले़ साम्जिक्गे़न् कुनिङ्वाॽइल्ले़ खिनिॽ के़धिम्सिर फाॽआङ् तुवा चोगुम्बे़रो॥
Colossians 3:17 in Limbu 17 खिनिॽ च्या के़बाःत्तुम्साङ् च्या के़जोगुम्साङ् दाङ्बा ये़सुरे़ कुमिङ्ङो चोगे़म्मे़ॽओ, हे़क्क्याङ् खुने़ॽलाम्बाए पानुदिङ् पाः निङ्वाॽफुमाङ्ङिन् नोगे़न् पिरे़म्मे़ॽओ॥
Colossians 3:20 in Limbu 20 हिन्जाॽबित्छासे, खिनिॽ पाः माहाॽरे़ मुरा के़म्मे़त्तिबा पाःन्निन् आप्फाल्ले़साङ् खे़प्से़म्मे़ॽ, थेआङ्भे़ल्ले़ कन् पाःन्निल्ले़ दाङ्बाल्ले़ कुनिङ्वाॽ तासुॽरो॥
Colossians 4:12 in Limbu 12 खिनिॽनुएबा थिक्पा ख्रिस्त ये़सुरे़ कुसेवारोबा इपाफ्रासरे़ खिनिॽ सेवा के़हाक्तिरो॥ खुने़ॽग खिनिॽलागि निङ्वाॽफुमाङ्ङिल्ले़ के़धुम्बा नु कुलिङ्धो के़गे़प्पा हे़क्क्याङ् काक् निङ्वाॽफु निङ्वाॽओ ताःक्पोगे़म्बा के़जोगिर फाॽआङ् सदादिङ् साॽरिक् तुवा चोगुॽरो॥
1 Thessalonians 3:13 in Limbu 13 खिनिॽ निङ्वाॽबान् हाङ्हाङ् मे़त्तुनिरो, अक्खेलॽरिक् आनिॽ दाङ्बा ये़सुःन् काक् सेसे कुमनाहाॽनु याम्मो युःल्ले़ आनिॽ पानुदिङ् पाः निङ्वाॽफुमाङ्ङिल्ले़ कुनिःमाओ सेसे नु फोत्या मे़ःन्ने के़जोगिररो॥
1 Thessalonians 4:3 in Limbu 3 खिनिॽ सेसे के़वयिनि के़लॽबा निङ्वाॽफुमाङ्ङिल्ले़ कुनिङ्वाॽ वाॽरो॥ खे़ल्ले़ चोगुल्ले़ खिनिॽ काक् वेॽ मे़न्छुमाॽ ये़म्बित्छाॽ चाराम्मोलाम् के़बोःङ्बा चिःन्जिःम्बाओनु लाःत्लाःत् वये़म्मे़ॽओ॥
1 Thessalonians 5:23 in Limbu 23 आल्ल याप्मि सनारुङ् के़बिबा निङ्वाॽफुमाङ्ङिल्ले़ खिनिॽ सेसे के़जोगिररो॥ हे़क्क्याङ् खुने़ॽए आनिॽ दाङ्बा ये़सु ख्रिस्तरे़ कुयुःमा ये़न् थारिक् खिनिॽ के़रे़क् हिङ्मन्निन्–याम्साम्, सक्मासाम्, हे़क्क्याङ् नासिङ्गे़न् थक्किन्–फोत्या मे़ःन्ने सेसे कत्तुनिरो॥
2 Thessalonians 2:17 in Limbu 17 खुने़ॽए खिनिॽ हाङ्हाङ् के़मे़त्तिर हे़क्क्याङ् काक् के़जोगुम्बा नुःबा याःम्बक्को नु के़बाःत्तुम्बा पाःन्नो के़धुम्बा के़जोगिररो॥
1 Timothy 1:17 in Limbu 17 हे़क्क्याङ् मे़न्नुप्मनाबा हाङ्ङिन्, आजुनि नु आले़क्खा थिक्लक् निङ्वाॽफुमाङ्ङिन् मिङ्सो इङ्धाःङ् नु मिमिदिङ् सदादिङ् पोःङ्लरो॥ आमे़न्॥
1 Timothy 5:10 in Limbu 10 हे़क्क्याङ् नुःबा याःम्बक्को मिङ्सो इङ्धाःङ् के़घोःमा पोःङ्मा पोःङ्लो॥ खे़ङ्ग हिन्जाॽबित्छाहाॽ नुःरिक्काङ् कम्ब्राङ् के़मे़प्मा, लाम्दिःक्पाहाॽ तरे के़दोमा, नसानिबाहाॽरे़ खुनिॽ लाङ् वागे़हप्मा, इनोगे़न् तुक्खेओ के़वाॽबाहाॽ कुभाॽ के़बिमा, हे़क्क्याङ् नुःब्नुःबा याःम्बक्को निङ्वाॽ के़बिमा पोःङ्मा पोःङ्लो॥
1 Timothy 6:16 in Limbu 16 खुने़ॽओरक् आजुनि वाॽरो, खुने़ॽ सुःमा नु के़प्मा सुक्मे़न्दे़प्मना ओःत्तिओ युङ्लो॥ खुने़ॽग आत्तिल्ले़आङ् मे़न्निए वाॽरो, हे़क्क्याङ् निःमाआङ् मे़न्छुक्तुन्लो॥ खुने़ॽइन्ने सदादिङ् मुक्साम् नु मिङ्सो इङ्धाःङ् पोःङ्लरो॥ आमे़न्॥
2 Timothy 4:18 in Limbu 18 दाङ्बाल्ले़ इङ्गाॽ काक् फे़न् पाःन्नोलाम् से़ःप्पाआङ् साङ्ग्राम्पेदाङ्बा कुहाङ्जुम्मो कम्ब्राङ् मे़त्तार तेॽआरो॥ दाङ्बाल्ले़ कुमिमिदिङ्ङिन् सदादिङ् नु सदादिङ् पोःङ्निरो॥ आमे़न्॥
Hebrews 10:36 in Limbu 36 खिनिॽ नासिके़धःत्तुम्ल पोःङ्लो, हे़क्क्याङ् निङ्वाॽफुमाङ्ङिल्ले़ कुनिङ्वाॽ कुइसिःक् के़जोगुम्मिल्ले़ खुने़ॽ चोगुबा माङ्हे़क्किन्के़घोःसुम्लो॥
Hebrews 12:23 in Limbu 23 खिनिॽग साङ्ग्राम्पेदाङ्ङो खुनिॽ मिङ्हाॽ साप्ते़आङ् के़वाॽबा तुम्बा लक् के़घोःबाहाॽरे़ खुनिॽ चुम्लुङ्ङो के़द्ये़ॽइआङ् के़वयिॽरो॥ खिनिॽग काक् मनाहाॽरे़ खुनिॽ खासे़न्दाङ्बा निङ्वाॽफुमाङ्ङिल्लो, हे़क्क्याङ् कुलिङ्धो के़गे़प्पा मे़जोगे़बा साम्योनिबाहाॽरे़ खुनिॽ याम्साम्लुम्मो के़द्ये़ॽइआङ् के़वयिॽरो॥
Hebrews 13:16 in Limbu 16 आल्ल नुःबा याःम्बक् चोःक्मा नु कम्ब्राङ् मे़त्छिङ्मा कुभाॽ पिसिङ्मा निङ्वाॽ मे़भेःत्छे़म्मिन्ने़ॽओ, थेआङ्भे़ल्ले़ अक्तङ्बा सिदुङ्जभाःल्ले़ निङ्वाॽफुमाङ्ङिल्ले़ कुनिङ्वाॽ तासुरो॥
1 Peter 2:5 in Limbu 5 खिनिॽआङ् कुहिङ्वे़त्लुङ् कुइसिःक् निङ्वाॽफुमाङ्ङिल्ले़ याम्साम्गे़न् माङ्हिम् के़जोगिॽरो॥ खिनिॽग ये़सु ख्रिस्तलाम्बा निङ्वाॽफुमाङ्ङिल्ले़ कुनिङ्वाॽ के़दाःबा याम्साम्गे़न् सिदुङ्जभा के़दोःम्बा सेसे निङ्वाॽफुसाम्बानिङ्लो॥
1 Peter 4:2 in Limbu 2 हे़क्केःल्ले़ खे़न् हिङ्ल थारिक् मनाहाॽरे़ मे़इःत्तुबा फे़न् निङ्वाॽ कुइसिःक् मे़ःन्, कर निङ्वाॽफुमाङ्ङिल्ले़ कुनिङ्वाॽ कुइसिःक् हिङ्लो॥
1 Peter 5:10 in Limbu 10 काक् लुङ्गुम् के़गप्पा निङ्वाॽफुमाङ्ङिल्ले़ ख्रिस्ते़न्नु सोरिक् मे़न्नुप्मनाबा कुमिमिदिङ्ङिन् लक् के़घोःसुम्ल फाॽआङ् के़उःत्तिआङ् के़वयिॽरो॥ कर सप्फाधिक् इनोगे़न् तुक्खे के़ज्ये़ॽइआङ्खुने़ॽए खिनिॽ कुलिङ्धो के़गे़त्तिॽ हे़क्क्याङ् थधप्मे़ल्लॽमनाबा नु के़धुम्बा के़जोगिआङ् मे़म्मुम्मना ने़म्भोओ के़युक्खिॽरो॥
2 Peter 3:18 in Limbu 18 कर आनिॽ दाङ्बा नु से़न्लप्दाङ्बा ये़सु ख्रिस्तरे़ आबिबा ने़हिनिङ्वाॽओ नु कुलुङ्गुम्मो पोःरे़म्मे़ॽओ॥ आल्लो नु सदादिङ् दाङ्बाल्ले़ कुमिमिदिङ् पोःङ्लरो! आमे़न्॥
1 John 2:17 in Limbu 17 इक्सादिङ् खाम्बेःक्मान् ले़क्काङ् पेःक्, हे़क्क्याङ् खे़ल्ले़ चोगुङ् फाॽआङ् इःत्तु सोःक्तुबा पाःन्हाॽआङ् ले़क्काङ् पेःक्, कर निङ्वाॽफुमाङ्ङिल्ले़ कुनिङ्वाॽ कुइसिःक् के़जोःक्पाङ्ग सदादिङ् वाॽरो॥
1 John 3:22 in Limbu 22 हे़क्क्याङ् आनिॽग निङ्वाॽफुमाङ्ङिल्ले़ कुइङ्जाःङ्ङिन् आइःत्तुम् आनाःत्तुम्बा नु खुने़ॽ कुसिराॽ के़धाङ्बा याःम्बक् आजोगुम्बाल्ले़ चोगुल्ले़ आनिॽ आनाःक्तुम्बा पाःन्निन्खुने़ॽ आबिॽरो॥
Jude 1:25 in Limbu 25 ये़सु ख्रिस्तलाम्आनिॽ से़न्लप् के़बिबा थिक्लक् निङ्वाॽफुमाङ्ङिन् मिमिदिङ्, हाङ्युक्, मुक्साम् हे़क्क्याङ्युक्किन् तोलिङ्सोमुआङ्धो सदादिङ् सदादिङ् खोःमा लाॽरुरो! आमे़न्!
Revelation 4:6 in Limbu 6 हाङ्युक्नाःल्ले़ कुदगाङ् सिसा हे़क्तङ्बा वहःङ् ने़स्से़रो॥ खे़ङ्ग माङ्लुङ् हे़क्के से़ल्ले़ङ् के़ले़क्पा चोगे़॥ हे़क्क्याङ् कुलुम्मो, हाङ्युक्नाःल्ले़ कुघिरि, एगाङ् तगाङ् काक् पिसाङ् मिक् इस्सेःङ् के़बप्पा लिसि कुहिङ्वे़त् पाथुङ्साहाॽ मे़ये़बे़रो॥
Revelation 5:9 in Limbu 9 हे़क्क्याङ् खे़ङ्हाॽरे़ अक्खेलॽरिक् कुसङ् साम्लोधिक् साम्मे़मे़त्तुरो, “खे़ने़ॽग साप्कित्तिन् पङ्माआङ् खे़प्मो के़बप्पा कुएःप्साप्हाॽ अङ्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग के़म्से़रे़ हे़क्क्याङ् निङ्वाॽफुमाङ्ङिल्ले़ कुलागि के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेहाॽलाम् मनाहाॽ खे़ने़ॽ के़माक्खिॽइल्ले़ के़धे़ॽरुसिरो,
Revelation 5:13 in Limbu 13 हे़क्क्याङ् इङ्गाॽ साङ्ग्राम्पेदाङ्बा, इक्सादिङ् खाम्बेःक्मोबा नु इक्सादिङ् खाम्बेःक् सिगाङ्बा, हे़क्क्याङ् वाहङ्ङोबा के़रे़क् पाथुङ्साहाॽ अक्खेलॽरिक् साम्मे़लोरे़बा खे़प्सुङ्लो, “हाङ्युक्नाओ के़युङ्बान् नु मे़ल्लुक्साःल्ले़ कुनारा फोःमान्, मिङ्सो इङ्धाःङ्, मिमिदिङ् नु मुक्साम् सदादिङ् सदादिङ् पोःङ्लरो!”