Cross Reference Matthew 16:21 in Limbu 21 खे़न् ये़म्माङ्धो ये़सुरे़ कुहुॽसाम्बाहाॽ खुने़ॽ यरुसले़म्मो पेःक्माए पोःङ्, हे़क्क्याङ् खे़प्मो यहुदि तुम्लाम्लोःबाहाॽ, तुम्निङ्वाॽफुसाम्बाहाॽ नु साम्योथिम्साम्बाहाॽओलाम् यरिक् पाःन्नो तुक्खे चामाए पोःङ् हे़क्क्याङ् खुने़ॽ सिःमाए पोःङ्ङाङ् याम्मो सुम् ये़न् एगाङ् सिःमे़न्लाम् याम्मो हिङ्मा पोःङ् के़लॽबा पाःन्निन् चे़क्मा हेःक्तुसिरो॥
Matthew 20:18 in Limbu 18 “ओमे़त्ते़म्मे़ॽ, आनिॽ यरुसले़म थो आबेःक्ल आबत्लो॥ खे़प्मो तुम्निङ्वाॽफुसाम्बाहाॽ नु साम्योथिम्साम्बाहाॽरे़ खुनिॽ हुक्को मे़न्छाम्साःन् इङ्मे़ले़क्तुआङ् हुक्मे़सुप्तुॽरो॥ खे़ङ्हाॽरे़ खुने़ॽ सिःमे़ल्ले़न् खुम्दिङ् मे़बिरुआङ्
Matthew 20:28 in Limbu 28 हे़क्केलॽरिक् इङ्गाॽ मे़न्छाम्साःन् सेवा मे़जोःक्कार फाॽआङ् मे़ःन्, कर सेवा चोःक्से़ त्याङ्बारो॥ हे़क्क्याङ् यरिक् मनाहाॽ लायोलाम् थे़ॽमासिआङ्ताङ्से़ःप्मासि फाॽआङ् इङ्गाॽ आहिङ्मन्निन् पिसे़ त्याङ्बारो॥”
Matthew 26:67 in Limbu 67 हे़क्क्याङ् खे़ङ्हाॽरे़ ये़सुःन् कुनाराओ थे़त् मे़धोःक्तुर हुक्पुत्तिल्ले़ मे़लक्तु॥ हे़क्क्याङ् कुभारे़ग कुने़दे़ङ्बान् मे़ले़क्खुआङ्
Matthew 27:27 in Limbu 27 हे़क्क्याङ् सुहाङ्गे़म्बाल्ले़ कुधक्सुबाहाॽरे़ ये़सुःन् खुनिॽ तुरा यक्को मे़देॽरुआङ् खे़प्मो तुराबा के़रे़क् थक्सुबाहाॽ कुघिरि मे़जुप्से़॥
Mark 9:12 in Limbu 12 हे़क्केःल्ले़ ये़सुरे़ अक्खे मे़त्तुसि, “से़क्खाएरो, एलियाःङ्ग युःॽआङ् निङ्वाॽफुमाङ्ङिल्ले़ सेःन्दुबा ख्रिस्तरे़ कुदाःमान् के़रे़क् यारिप् चोगुॽरो॥ आक्खेलॽरिक् मे़न्छाम्साःन् तुक्खे चामाए पोःङ्, हे़क्क्याङ् खुने़ॽ मनाहाॽरे़ मे़नाॽरु के़लॽबा साप्ते़आङ् मे़बत्ने़न्बि?
Mark 9:24 in Limbu 24 हे़क्केःल्ले़ खे़न् चुक्पे़ल्ले़ कुम्बारे़ खिमो यम्बा इक्लाओ मे़त्तु, “आदाङ्बे, इङ्गाॽ नसाःन् चोगुङ्, कर आल्लसाङ् यरिक् नसाःन् चोःक्मा फाॽराङ्ङे़ॽओ!”
Mark 14:36 in Limbu 36 पानुदिङ् आम्बौ, खे़ने़ॽ के़लागिग काक् पोःङ्मा सुक्॥ कन् इनोगे़न् तुक्खेरे़न् खोर्याःन् इङ्गाॽओलाम् खे़त्ते़देःसे़ॽओ, कर हे़क्केसाङ् आनिङ्वाॽ हे़क्केग मे़ःन्, कर के़निङ्वाॽ हे़क्केए पोःङ्लरो॥”
Luke 17:5 in Limbu 5 सेःक्युक्मिबाहाॽरे़ दाङ्बा ये़सुःन् मे़मे़त्तु, “आदाङ्बे, आनिगे़ नसाःन्निन् फोःसे़ आबिरे़ॽओ॥”
Luke 23:11 in Limbu 11 हे़रोदे़न नु कुधक्सुबाहाॽरे़ ये़सुःन् किनाःन्दि मे़बिरुर कुजाःत्थि मे़देःसु, हे़क्क्याङ् परान्ला हाङ्तेःत्तिन् मे़जाक्तु मे़बिरुआङ् याङ्ना पिलातसरो मे़बाङ्घु मे़देःसुरो॥
Luke 23:35 in Limbu 35 माःङ्घालाम् मनाहाॽ ओमे़मये़र मे़ये़बे़, कर यहुदि लाम्लोःबाहाॽरे़ खुने़ॽ किनाःन्दि मे़बिरुर अक्खे मे़मे़त्तु, “खे़ल्ले़ वेॽ मनाहाॽग से़ःप्तुसि, आल्ल निङ्वाॽफुमाङ्ङिल्ले़ सेःन्दुबा ख्रिस्तने़ फाॽग्र आबाङे से़ःप्सिङ्ल!”
Luke 24:26 in Limbu 26 निङ्वाॽफुमाङ्ङिल्ले़ सेःन्दुबा ख्रिस्ते़न्तुक्खे चामाआङ् कुमिमिदिङ्ङो पेःक्मा के़बोःङ्बा वये़ बि मे़ःम्बि?”
John 1:29 in Limbu 29 कुदाःन्दिक्मा युहुन्नाःल्ले़ ये़सुःन् खुने़ॽ ले़प्माङ् फे़रे़र पत्छे़बा निःसुआङ् अक्खे पाःत्तु, “ओमे़त्ते़म्मे़ॽ, इक्सादिङ् खाम्बेःक्मोबा लायो लासोःत्हाॽ के़गुबाआङ् के़देॽबा निङ्वाॽफुमाङ्ङिल्ले़ कुमे़ल्लुक्साःन् खा फे़न्ल पत्लो!
John 6:40 in Limbu 40 थेआङ्भे़ल्ले़ कुस्साःन् के़निःबाआङ् नसाःन् के़जोःक्पा के़रे़क्ले़ मे़न्नुप्मनाबा हिङ्मन् मे़घोःसुर के़लॽबा पानुदिङ् आम्बारे़ कुनिङ्वाॽ वाॽरो॥ हे़क्क्याङ् कुनुप्मा ये़न्नो खे़ङ्हाॽ कुहिङ्वे़त् चोगुङ्सिङ्लो॥”
John 8:56 in Limbu 56 खिनिॽ सुधे़बा ताक्थे़बा अब्राहामरे़आङ् कन् आदाःमा ये़म्मिन् ओमे़प्मा फाॽआङ् साॽरिक् कुसिक् समे़आङ् वये़॥ हे़क्क्याङ् खे़न् ये़न्निन् निःसुआङ् सःत्ते़रो॥”
John 12:24 in Limbu 24 इङ्गाॽ से़क्खाए मे़त्निङ्, याॽरिःम्बान् खाम्मो मक्थाआङ् मे़न्छिःए थारिक् खे़ङ्ग थिक्लक् ने़रो॥ कर खे़न् सिःने़ फाॽग्र खे़न्लाम् यरिक् पोगुगे़न् कुजाॽ थोःक्लो॥
John 12:27 in Limbu 27 “इङ्गाॽ आनिङ्वाॽइन्साॽरिक् तुक्खे च्ये़आङ् वाॽ, हे़क्केःल्ले़ इङ्गाॽ थे पाःत्तुङ्बाबे? पानुदिङ् आम्बौ, कन् इनोगे़न् तुक्खेलाम् ताङ्से़ःप्ताङ्ङे़ॽ फाॽआङ् पेलि फाक्ने़ॽबि लॽआ, करसाङ् पेलि मे़भाक्ने़न्लो, थेआङ्भे़ल्ले़ इङ्गाॽग इक्सादिङ् खाम्बेःक्मो तुक्खे चासे़ए त्याङ्बारो॥
John 12:32 in Limbu 32 कर इङ्गाॽग इक्सादिङ् खाम्बेःक्मोलाम् थाःङ् पङ्सिङ्ङाल्ले़ काक् मे़न्छाम्गे़न् याप्मिहाॽ इङ्गाॽ ले़प्माङ् उःक्खुङ्सिङ्लो॥”
John 13:3 in Limbu 3 पानुदिङ् पाःल्ले़ खुने़ॽ काक् सम्दाङ् युक् पिरुआङ् वाॽ हे़क्क्याङ् खुने़ॽ निङ्वाॽफुमाङ्लाम्मे त्ये़बा नु खुने़ॽओए नुःङ्ल पत् के़लॽबान् ये़सुरे़ कुसिङ् निःत्तुआङ् वये़॥
John 13:31 in Limbu 31 यहुदाःन् लाःक्कात् लःन्दे़ पेआङ् ये़सुरे़ खे़ङ्हाॽ मे़त्तुसि, “आल्ल इङ्गाॽ मे़न्छाम्साःल्ले़ आमिमिदिङ् पोःङ्मा ये़म्मिन् त्ये़आङ् वाॽरो हे़क्क्याङ् निङ्वाॽफुमाङ्ङिन् खुने़ॽओ मिमिदिङ् पोःङ्लो॥
John 17:1 in Limbu 1 ये़सुरे़ कन् पाःन्हाॽ पाःत्तु सुरुआङ् साङ्ग्राम्पेदाङ् ले़प्माङ् ओमये़र तुवा चोगु, “पानुदिङ् आम्बे, आल्ल ये़म् पोःक्खे़रो, के़स्साःल्ले़ खे़ने़ॽ के़मिमिदिङ् चोगुर फाॽआङ् खुने़ॽ कुमिमिदिङ् चोगे़ॽओ॥
Acts 2:25 in Limbu 25 दाउद हाङ्ङिल्ले़ खुने़ॽ कुयाःम्बेओ अक्खेलॽरिक् साप्तुआङ् पत्, ‘सदादिङ् इङ्गाॽ आन्दाङ्बे़ङ्ग आदगाङ् निःसुङ्लो॥ खुने़ॽ आजुप्साङ् ले़प्माङ् वाॽबाल्ले़ चोगुल्ले़ इङ्गाॽ मे़गिआन्लो॥
Acts 2:36 in Limbu 36 हे़क्केःल्ले़ खिनिॽ नु काक्इस्राइलस्मा हिम्सयङ्हाॽरे़ सिलाम्साक्मा सिङ्सम्दाङ् के़भोःन्दुम्बा ये़सुःन् निङ्वाॽफुमाङ्ङिल्ले़ कन् दाङ्बा नु सेःन्दुबा ख्रिस्त चोगुआङ् वाॽ के़लॽबान् कुसिङ् निःप्माए पोःङ्॥”
Acts 5:31 in Limbu 31 निङ्वाॽफुमाङ्ङिल्ले़ खुने़ॽग लाम्लोःबा नु से़न्लप्दाङ्बा पोःङ्से़ कुजुप्साङ् ले़प्माङ् युक्खुरो॥ हे़क्केलॽरिक् इस्राइलस्मा मनाहाॽरे़ खुनिॽ लायोलाम् हिम्मा नु लायोलाम् ले़प्मि खोःमा सुये़म् मे़घोःसुआङ् मे़वाॽरो॥
Acts 5:41 in Limbu 41 हे़क्क्याङ् सेःक्युक्मिबाहाॽ ये़जुम्भोलाम् मे़लःन्दे़ मे़बेआङ् आनिगे़ग ये़सुरे़ कुमना पोःक्खिगे़बाल्ले़ चोगुल्ले़ तुक्खे चामा लाॽरिगे़ फाॽआङ् साॽरिक् मे़सःत्ते़रो॥
1 Corinthians 1:7 in Limbu 7 खे़ल्ले़ चोगुल्ले़ आनिॽ दाङ्बा ये़सु ख्रिस्तरे़ कुनुःङ्मा युःमा ये़म्मिन् के़हाङ्घुम्मिल्ले़ चाहाबा के़जोगिबा के़रे़क् याम्साम्गे़न् पर्धाःम्मिन् खिनिॽ के़गत्तुम्लो॥
Ephesians 2:16 in Limbu 16 हे़क्केःल्ले़ खुने़ॽ सिलाम्साक्मा सिङ्ङो स्ये़आङ् आनिॽ ने़त्छि सुवाङ्बा मनाहाॽ थिक्हुप्पो आदारे़ हे़क्क्याङ् निङ्वाॽफुमाङ्ङिन्नु नादङ् आजोगे़, हे़क्केलॽरिक् आनिॽ लुम्मोबा चिःत्छिङ्मान् खे़त्तुदेःसुरो॥
Ephesians 5:2 in Limbu 2 ख्रिस्तरे़ आनिॽ लुङ्माॽ आदुक्ते़आङ् आनिॽ लागि स्ये़बा कुइसिःक् खिनिॽआङ् लुङ्माॽ तुक्कासिम्मे़ॽओ॥ खुने़ॽए निङ्वाॽफुमाङ्ङो तोःम्मनाबा कुनाम् के़नुॽबा नु कुनिङ्वाॽ के़दाःबा सिदुङ्जभा पोःङ्से़ आबाङे पिसिङ्लो॥
Philippians 1:6 in Limbu 6 निङ्वाॽफुमाङ्ङिल्ले़ खिनिॽओ नुःबा याःम्बक् हेःक्तुआङ् वाॽ, हे़क्क्याङ् खुने़ॽए ख्रिस्त ये़सुरे़ याम्मो कुनुःङ्मा युःमा ये़न् थारिक्ले़ खे़न् याःम्बक्किन् चोगु सुरुॽ के़लॽबा पाःन्नो निङ्वाॽ निःन्धोओ वाॽआरो॥
Philippians 2:8 in Limbu 8 हे़क्क्याङ् मे़न्छाम् याप्मि कुइसिःक् वये़ल्ले़ खुने़ॽ चुङ्जिगे़न् नःम्नःम् पोःक्खे़, हे़क्क्याङ् निङ्वाॽफुमाङ्ङिल्ले़ कुइङ्जागे़म्बा पोःक्खे़आङ् कुभाङ्के़भेःम्बा कुइसिःक् सिलाम्साक्मा सिङ्सम्दाङ् स्ये़रो॥
Philippians 3:20 in Limbu 20 कर आनिॽग साङ्ग्राम्पेदाङ्ङोबा यक्युङ्बासिरो, हे़क्क्याङ् आनिॽग खे़प्मोलाम् के़युःबा से़न्लप्दाङ्बा आनिॽ दाङ्बा ये़सु ख्रिस्ते़न्सिक् सम्माङ् आहाङ्घुम्लो॥
2 Timothy 4:8 in Limbu 8 आनिॽ कुदोःप्मा खासे़न् के़जोःक्पा दाङ्बाल्ले़ खे़न् ये़न्नो साम्योनिबा तिचःन्हाङ्से़म् कुइसिःक् पिआरो॥ इङ्गाॽरक् मे़ःन्, कर खुने़ॽ कुधाःन्छिङ्मान् निङ्वाॽ इगेःक्काङ् के़हाङ्बा काक्ले़ मे़घोःसुॽरो॥
Titus 2:13 in Limbu 13 हे़क्केलॽरिक् आनिॽ पयम् निङ्वाॽफुमाङ्ङिन् नु से़न्लप्दाङ्बा ये़सु ख्रिस्तरे़ मिमिदिङ्नु कुयुःमे़न् आहाङ्घुम्ल आवाॽइल्ले़ आनिॽ हाङ्हाङ्बा निङ्साङ्ङिल्ले़ कुधिम् आवाॽरो॥
Hebrews 1:3 in Limbu 3 कन् आबुगे़न् कुस्साःल्लो निङ्वाॽफुमाङ्ङिल्ले़ कुमिमिदिङ्ङिन् ले़क्लो हे़क्क्याङ् आबुगे़न् कुस्साःन् निङ्वाॽफुमाङ्ङिल्ले़ कुसुत्नाःल्ले़ कुइत्छाप्लो॥ हे़क्क्याङ् खुने़ॽए मुक्साम्गे़न् कुबाःन्जाक्लाम्बा इक्सादिङ् खाम्बेःक्मोबा काक् पाःन्हाॽ वाॽर याःन्दुॽरो॥ खुने़ॽ मे़न्छाम् याप्मिहाॽ लायोलाम् सेसेसाङ्साङ् पोःङ्मा तङ्गाम् चोगुआङ् साङ्ग्राम्पेदाङ्ङो मिमिदिङ्गे़न् निङ्वाॽफुमाङ्ङिल्ले़ कुजुप्साङ् ले़प्माङ् युङ्सिङ्लो॥
Hebrews 1:13 in Limbu 13 निङ्वाॽफुमाङ्ङिल्ले़ आबुगे़न् कुस्साःन् कुइसिःक् आत्तिन् माङ्लाइङ्बाहाॽआङ् अक्खेलॽरिक् मे़मे़त्तुन्छिन्लो, “खे़ने़ॽ के़निङ्मिहाॽ के़युक्को मे़न्दाःत्छिङ्ङे थारिक् आजुप्साङ् ले़प्माङ् युङे़ॽओ॥”
Hebrews 2:7 in Limbu 7 खे़ङ्हाॽग माङ्लाइङ्बाहाॽनुःल्ले़ च्यॽरक् योयोक् के़जोगुसि, खे़ङ्हाॽ मिमिदिङ् नु मिङ्सो इङ्धाःङ्ले़ तिचःन् के़घुःक्तुसिरो॥
Hebrews 5:9 in Limbu 9 हे़क्क्याङ् कुसाङ् लस्सुआङ् कुइङ्जाःङ्के़इःप्पा के़नाःप्पा के़रे़क्ले़ लागि खुने़ॽ मे़न्नुप्मनाबा से़न्लप्रे़ कुबुन् पोःक्खे़रो॥
Hebrews 7:19 in Limbu 19 साम्योथिम्मिल्ले़ थेआङ् कुलिङ्धो के़प्मा मे़सुक्तुन्, कर निङ्साङ् आजोगुम्बा पाःन्निन् खे़न्नुःल्ले़आङ् नुःबा चोःक्, हे़क्क्याङ् खे़ल्ले़ए निङ्वाॽफुमाङ्ङिल्ले़ कुबेसाङ् आदेॽरो॥
Hebrews 8:1 in Limbu 1 आनिगे़ पाःत्तुम्बे़बा पाःन्निन् बा कन्लो–आनिॽनु अक्तङ्बा मानिङ्वाॽफुसाम्बान् वाॽ हे़क्क्याङ् खुने़ॽग साङ्ग्राम्पेदाङ्ङो मिमिदिङ्गे़न् निङ्वाॽफुमाङ्ङिल्ले़ कुहाङ्युक्नाःल्ले़ कुजुप्साङ् ले़प्माङ् युङ्लो॥
Hebrews 9:28 in Limbu 28 ख्रिस्ते़न्काक् मनाहाॽरे़ खुनिॽ लायोहाॽ कुःसे़ थिक्ले़ङ्मो सिदुङ्जभा पोःक्खे़, हे़क्क्याङ् याम्मो युःल्ले़ आनिॽ लायोहाॽ कुःसे़ग मे़ःन्, कर खुने़ॽ कुयुःमान् निङ्वाॽ इगेःक्काङ् के़हाङ्बाहाॽ से़न्लप् पिसे़ने़ युःरो॥
Hebrews 10:5 in Limbu 5 खे़ल्ले़ चोगुल्ले़ ख्रिस्ते़न्इक्सादिङ् खाम्बेःक्मो ये़ःल्ले़ निङ्वाॽफुमाङ्ङिन् अक्खे मे़त्तु, “सिदुङ्जभा नु चोभाॽहाॽ खे़ने़ॽ निङ्वाॽ के़न्जोगुन्लो, कर नासिङ्गे़न् थक्किन् तोःम्मा फाॽआङ् के़बिराङ्लो॥
Hebrews 10:14 in Limbu 14 थेआङ्भे़ल्ले़ कन् लत्थिक् सिदुङ्जभाःल्ले़ लायोलाम् सेसे के़बोःङ्बार के़बप्पाहाॽ सदादिङ्ले़ लागि कुलिङ्धो के़गे़प्पा चोगुसिआङ् वाॽरो॥
Hebrews 10:33 in Limbu 33 कुभा ये़म्मोग खिनिॽ मनाहाॽरे़ खुनिॽ तगि हिनाःम् के़म्मे़त्तिआङ् तुक्खे के़म्जाःत्तिॽ॥ हे़क्क्याङ् कुभा ये़म्मोग हे़क्तङ्बा पाःन्नो के़धाःबाहाॽनु सोरिक् के़वयिआङ् कुभाॽ के़बिरुम्सिम्लो॥
Hebrews 11:36 in Limbu 36 कुभाग हिनाःम् मे़मे़त्तुसिआङ् ते़ःम्भुक् मे़याक्तुसि, कुभाग इमे़घेःक्खुसिआङ् पुङ्लाहिम्मो मे़साक्तुसिरो॥
Hebrews 12:3 in Limbu 3 लायोबा मनाहाॽरे़ खुने़ॽ कुदक्ले़ङ्ङो मे़दारुबा अक्तङ्बा पाःन्हाॽ के़धम्बा ये़सुःन् निङ्वाॽ इःत्ते़म्मे़ॽओ, हे़क्केःल्ले़ खिनिॽ निङ्वाॽबो नायो के़म्बोःक्खिन्लो, हे़क्क्याङ् खिनिॽ सक्माआङ् मे़बुॽने़न्लो॥
Hebrews 13:13 in Limbu 13 हे़क्केलॽरिक् आनिॽआङ् खुने़ॽओ पोःक्खिआङ्लाःक्कात् पिगि, हे़क्क्याङ्खुने़ॽ ताःक्तुबा हिनाःम्मिन् ताःक्तुम्लो॥
1 Peter 1:11 in Limbu 11 खे़ङ्हाॽओ के़वाॽबा ख्रिस्तरे़ कुसेसेमाङ्ङिल्ले़ ख्रिस्तरे़ नासि थःप्मा के़बोःङ्बा इनोगे़न् तुक्खेःन् नु याङ्सि के़बोःङ्बा मिमिदिङ्ङिल्ले़ कुयाःम्बेओ तगिसा खे़ङ्हाॽ मे़त्तुसिरो॥ कन् पाःन्हाॽ आक्खेलॽरिक् पोःङ् हे़क्क्याङ् आप्फाल्ले़ पोःङ् फाॽआङ् खे़ङ्हाॽरे़ कुसिङ्निःप्मा निङ्वाॽ मे़जोगुरो॥
1 Peter 2:23 in Limbu 23 खुने़ॽ मनाहाॽरे़ कुजाःत्थि मे़देःसुल्ले़ खे़ङ्हाॽओ याङ्ना पाःन् मे़नुःक्तुन्लो॥ खुने़ॽ तुक्खे चे़ःल्ले़ मना मे़भे़ःक्तुन्छिन्लो॥ कर नुःबा खासे़न्दाङ्बा निङ्वाॽफुमाङ्ङोए आबाङे हुक्सुप्सिङ्लो॥
1 Peter 3:18 in Limbu 18 थेआङ्भे़ल्ले़ ख्रिस्तरे़आङ् निङ्वाॽफुमाङ्ङो ताःत्छे़ आनिॽ लायोहाॽ सदादिङ् ले़प्मि पिमा फाॽआङ् थिक्ले़ङ् स्ये़रो॥ साम्योनिबा ख्रिस्ते़न्लायोबारे़ कुले़क्वा स्ये़रो॥ खुने़ॽ नासिङ्गे़न् थक्को स्ये़, कर सेसेमाङ्ङोलाम् याम्मो हिङे़रो॥
1 Peter 3:22 in Limbu 22 आल्ल ये़सु ख्रिस्ते़न्साङ्ग्राम्पेदाङ्ङो पेआङ् निङ्वाॽफुमाङ्ङिल्ले़ कुजुप्साङ् ले़प्माङ् युङ्, हे़क्क्याङ् माङ्लाइङ्बाहाॽ, युक्साबाहाॽ नु मुक्साम्हाॽ कुयुक्को कत्तुसिरो॥
1 Peter 4:14 in Limbu 14 ख्रिस्ते़न्नसाःन् के़जोगुम्बाल्ले़ चोगुल्ले़ खिनिॽ नागे़म्धासि के़म्बिरिने़ फाॽग्र मुॽइसाबानिङ्लो, थेआङ्भे़ल्ले़ निङ्वाॽफुमाङ्ङिल्ले़ कुमिमिदिङ्गे़न् सेसेमाङ्ङिन् खिनिॽनु वाॽरो॥
1 John 1:1 in Limbu 1 तोलिङ्सोमुआङ्धोए वये़बा, आनिगे़ खे़प्सुम्बे़आङ् वयिगे़बा, हे़क्क्याङ् आबाङे मिक्किल्ले़ निःसुम्बे़आङ् वयिगे़बा, नुःरिक्काङ् ओमे़त्तुम्बे़आङ् वयिगे़बा, हे़क्क्याङ् आबाङे हुक्किल्ले़ सुःसुम्बे़आङ् वयिगे़बा हिङ्मन् के़बिबा पाःन्जाक्किल्ले़ कुयाःम्बेओ खिनिॽ सक्इङ्घङ्हाक्कासिगे़रो॥
Jude 1:21 in Limbu 21 आनिॽ दाङ्बा ये़सु ख्रिस्तरे़ लुङ्माॽ के़दुक्तिआङ् के़बिरिबा मे़न्नुप्मनाबा हिङ्मन् के़हाङ्घुम्मिल्ले़ निङ्वाॽफुमाङ्ङिन् चक्मे़ल्लॽए मिःम्जि मे़त्ते़म्मे़ॽओ॥
Revelation 1:8 in Limbu 8 दाङ्बा निङ्वाॽफुमाङ्ङिल्ले़, अल्फा नु ओमेगा इङ्गाॽएरो, आल्लो के़वाॽबा, उनाहुरिओआङ् वयाङ् हे़क्क्याङ् ताःन्दिआङ् के़दाःबा मुक्साम्दाङ्बाआरो लॽरिक् पाःत्तुॽ॥
Revelation 1:11 in Limbu 11 खे़न् इक्लाःल्ले़ इङ्गाॽ अक्खे मे़त्ताङ्, “खे़ने़ॽ के़निःसुबा पाःन्हाॽ साप्ते़ॽआङ् एफिसस, इस्मर्ना, पर्गामम, थियातिरा, सार्दिस, फिलादेल्फिया नु लाओदिकिया ये़क्यक्हाॽओबा नुसि सेसेहुप्लक्हाॽ हाक्ते़से़ॽओ॥”
Revelation 1:17 in Limbu 17 हे़क्क्याङ् खुने़ॽ निःसुङ्ङाङ् इङ्गाॽग सिःमालिङ्धोओ के़राङ्ङाङ् कुलाङ्जक्पो हर्गुप्सा चोःन्दाङ्लो॥ खुने़ॽ कुजुप्साङ् हुक्किन् आसम्दाङ् ने़स्सुआङ् अक्खे मे़त्ताङ्लो, “मे़गिसे़न्ने़ॽओ इङ्गाॽ तोलिङ्सोमु नु कुनुप्माआरो॥
Revelation 2:8 in Limbu 8 “इस्मर्नाबा सेसेहुप्लक्कोबा माङ्लाइङ्बान् कन् इङ्घङ्ङिन् साप्ते़ॽओ॥ कन् इङ्घङ्ङिन् कुहेःक्सिङ्मा नु कुनुप्मा, के़सिःबाआङ् याम्मो कुहिङ्वे़त् के़बोःङ्बाल्ले़ पाःत्तुॽरो–