Galatians 6:12 in Limbu 12 खे़न् हर्दो हे़क्मा के़बाङ्बाहाॽरे़ वेॽहाॽरे़ नुःबा मे़निःसिगे़र फाॽआङ् हे़क्के मे़जोगुबारो॥ ख्रिस्तरे़ कुसिलाम्साक्मा सिङ्ङिन् इङ्भोःमाल्ले़ के़दाःबा तुक्खेःन् मे़गिरुबाल्ले़ चोगुल्ले़ खे़ङ्हाॽरे़ खिनिॽ हर्दो हे़क्मा के़म्बाङ्घिबारो॥
Other Translations King James Version (KJV) As many as desire to make a fair shew in the flesh, they constrain you to be circumcised; only lest they should suffer persecution for the cross of Christ.
American Standard Version (ASV) As many as desire to make a fair show in the flesh, they compel you to be circumcised; only that they may not be persecuted for the cross of Christ.
Bible in Basic English (BBE) Those who have the desire to seem important in the flesh, put force on you to undergo circumcision; only that they may not be attacked because of the cross of Christ.
Darby English Bible (DBY) As many as desire to have a fair appearance in [the] flesh, these compel you to be circumcised, only that they may not be persecuted because of the cross of Christ.
World English Bible (WEB) As many as desire to look good in the flesh, they compel you to be circumcised; only that they may not be persecuted for the cross of Christ.
Young's Literal Translation (YLT) as many as are willing to make a good appearance in the flesh, these constrain you to be circumcised -- only that for the cross of the Christ they may not be persecuted,
Cross Reference Matthew 6:2 in Limbu 2 हे़क्केलॽरिक् मे़ङ्गप्मनाबाहाॽ कुजा के़बिरुसिल्ले़ वेॽहाॽरे़ मे़घे़प्सुर मे़निःसुर फाॽआङ् मुक्ला मे़मुक्खे़न्ने़ॽओ॥ कुनिङ्वाॽ के़जिःप्पाहाॽरे़ यहुदि चुम्लुङ्हिम्मो नु लाम्लाम्मो मनाहाॽरे़ मे़निःसुआङ् खुनिॽ नारा मे़भोःसुर फाॽआङ् हे़क्के मे़जोगुॽ॥ इङ्गाॽ से़क्खाए मे़त्ने़ॽ, खे़ङ्हाॽरे़ खुनिॽ हाङ्से़म्मिङ्ग तगिसा मे़घोःसु मे़सुरुआङ् मे़वाॽ॥
Matthew 6:5 in Limbu 5 “हे़क्क्याङ् खिनिॽ तुवा के़जोगुम्मिल्ले़ कुनिङ्वाॽ के़जिःप्पाहाॽ कुइसिःक् मे़जोगे़म्मिन्ने़ॽओ॥ खे़ङ्हाॽरे़ग मनाहाॽरे़ मे़निःसुर फाॽआङ् यहुदि चुम्लुङ्हिम्मो नु लाम्लाम्मो ये़प्माआङ् तुवा चोःक्मा खुनिॽ सिराॽ थाङ्लो॥ इङ्गाॽ से़क्खाए मे़त्निङ्, खे़ङ्हाॽरे़ खुनिॽ याःम्बक्किल्ले़न् हाङ्से़म्मिन् तगिए मे़घोःसु मे़सुरुआङ् मे़वाॽरो॥
Matthew 6:16 in Limbu 16 “हे़क्क्याङ् खिनिॽ चाःने़त् के़युङ्ङिल्ले़ निङ्वाॽ के़जिःप्पाहाॽ कुइसिःक् खिनिॽ ना मे़माक्ते़म्मिन्ने़ॽओ, थेआङ्भे़ल्ले़ खे़ङ्हाॽ चाःने़त् मे़युङ्ङिल्ले़ वेॽ मनाहाॽरे़ निङ्वाॽ मे़घोःसुर फाॽआङ् खुनिॽ नाराःन् मे़गिःन्दुर मे़युङ्लो॥ इङ्गाॽ से़क्खाए मे़त्निङ्, खे़ङ्हाॽरे़ग खुनिॽ हाङ्से़म्मिन् के़रे़क् मे़घोःसु मे़सुरुआङ् मे़वाॽरो॥
Matthew 23:5 in Limbu 5 खे़ङ्हाॽरे़ग नुःबा पाःन्हाॽ मनाहाॽ ओसेःन्धाक्मासि फाॽआङ्लक् मे़जोगुरो–खे़ङ्हाॽरे़ साम्योथिम् इङ्जाःङ् साप्मा याक्मनाबा माक्पे़न्छाप्हाॽ यम्ब्यम्बा मे़जोगुआङ् हुक्को नु तोवाबो मे़भत्छुॽ, हे़क्क्याङ् चाङ् तेःत्तो केःम्ब्केःम्बा पोरोःक्वाहाॽ मे़भत्छुॽ॥
Matthew 23:28 in Limbu 28 हे़क्केलॽरिक् खिनिॽ मनाहाॽनु लाःक्कात्लाम् साम्योनिबा के़धाबिसाङ् सिगाङ्ग निङ्वाॽ के़जिःप्पा नु ताप्फे़ःम्बा के़जोगिॽरो॥
Luke 16:15 in Limbu 15 ये़सुरे़ खे़ङ्हाॽ मे़त्तुसि, “खिनिॽग सदादिङ् लाःक्कात्लक् नुःबा थाःम्सिङ्मा निङ्वाॽ के़जोगुम्, कर निङ्वाॽफुमाङ्ङिल्ले़ खिनिॽ सिक्लुङ्मोबा पाःन्निन् निःसुॽरो॥ आत्तिन् पाःन्निन् मे़न्छाम्गे़न् याप्मिरे़ खुनिॽ निःमाओ यम्लाबा चोःक्, खे़न् निङ्वाॽफुमाङ्ङिल्ले़ कुनिःमाओ सिक्के़ले़ःङ्बा चोःक्लो॥
Luke 20:47 in Limbu 47 खे़ङ्हाॽरे़ मेमेदुमाहाॽ इङ्मे़ले़क्तुसिआङ्खुनिॽ हिम्धाःङ्हाॽ मे़लरुरो, कर नुःबा ओसेःन्धाक्सिङ्मारे़ लागि केःम्ब्केःम्बा तुवा मे़जोगुॽ॥ खे़ङ्हाॽरे़ग से़क्खाए साक्ल खुम्दिङ् मे़घोःसुॽरो॥”
John 7:18 in Limbu 18 आबाङे युक्कोलाम्के़बाःप्पाहाॽरे़ग आबाङे मिङ्सो इङ्धाःङ् मे़गोःत्तुॽरो, कर आत्तिल्ले़ खुने़ॽ के़बाङ्बान् मिङ्सो इङ्धाःङ् पिमा निङ्वाॽ चोगुॽ, खे़ल्ले़ से़क्खा पाःन् पाःत्तुॽरो॥ हे़क्क्याङ् खुने़ॽओ थेआङ् इङ्ले़क्पा पाःन् होःप्लो॥
Acts 15:1 in Limbu 1 कुभा ये़म् एगाङ् यहुदियालाम् एन्तिओक्को कुभा यहुदि नसानिबाहाॽ मे़द्ये़आङ् नसानिबा फुॽनुसाॽहाॽ अक्खे मे़मे़त्तुसिर निसाम् मे़हुॽरुसि, “मोसारे़ साप्तुबा साम्योथिम् साप्लाओबा साक्थिम् कुइसिःक् हर्दो के़न्हे़गुम्मिन्ने़ फाॽग्र से़न्लप् खोःमा के़न्छुक्तुम्मिल्लो॥”
Acts 15:5 in Limbu 5 हे़क्क्याङ् खे़प्मो के़वाॽबा फरिसि लक्कोबा नसानिबाहाॽरे़ मे़बोगे़आङ् खे़ङ्हाॽ अक्खे मे़मे़त्तुसि, “थिम्मे़न्दङ् नसानिबाहाॽरे़ मोसारे़ साप्तुबा साम्योथिम् साप्लाओबा साक्थिम् इःप्मा नाःप्मार हर्दोआङ् हे़क्माए पोःङ्लो॥”
2 Corinthians 10:12 in Limbu 12 आबाङे इङ्गाॽएःक् के़लॽबाहाॽनु आनिगे़ तङ्सिङ्मा मे़आःन्नासिगे़न्लो॥ खे़ङ्हाॽ आबाङे के़दम्बा मे़ले़ङ्सिङ्ङाङ् मे़हे़न्छिङ्लो, कर खे़ङ्हाॽरे़ थेआङ् खासिङ् मे़न्निःत्तुन्लो!
2 Corinthians 11:13 in Limbu 13 थेआङ्भे़ल्ले़ हे़क्तङ्बा मनाहाॽग फोत्याबा सेःक्युक्मिबासि नु इङ्ले़क् याःम्बक् के़जोःक्पासिरो, हे़क्क्याङ् खे़ङ्हाॽ ख्रिस्तरे़ कुसेःक्युक्मिबा मे़ले़ङ्सिङ्लो॥
Galatians 2:3 in Limbu 3 कर आन्देःङ्बा तितसे़न् थिम्मे़न्दङ् सुवाङ् वये़साङ् खे़ल्ले़ हर्दो हे़क्मा पोःङ् फाॽआङ् मे़म्बाःत्तुन्लो॥
Galatians 2:14 in Limbu 14 हे़क्केःल्ले़ खे़ङ्हाॽ सुनाइङ्ङिल्ले़न् से़क्खाबा पाःन्नो मे़म्बत्छे़म्बा निःसुङ्सिङ्ङाङ् खे़ङ्हाॽरे़ खुनिॽ तगिए पत्रुसे़न् अक्खे मे़त्तुङ्ल फे़ःक्तुङ्, “खे़ने़ॽग यहुदिने़साङ् यहुदि हे़क्के के़न्वाॽने़न्, कर थिम्मे़न्दङ् सुवाङ् कुइसिःक् के़वाॽ॥ हे़क्केःल्ले़ खे़ने़ॽ इःप्मा नाःप्मा के़ले़रु के़देःसुबा यहुदि साम्योथिम्मिन् आक्खेलॽरिक् थिम्मे़न्दङ् सुवाङ्हाॽ इःप्मा नाःप्मा पोःङ् लॽरिक् के़मे़त्तुसिबाबे?”
Galatians 5:11 in Limbu 11 आमिःम् फुॽनुसाॽ नु ने़ॽनुसाॽसे, कुभारे़ मे़बाःत्तुबा कुइसिःक् इङ्गाॽ आल्लसाङ् हर्दो हे़क्माए पोःङ् लॽरिक् इङ्भन् चोगुङ्ङिल्ले़ थेआङ् मनाहाॽरे़ इङ्गाॽ तुक्खे मे़जाःत्ताबाबे? इङ्गाॽ ख्रिस्तरे़ सिलाम्साक्मा सिङ्सम्दाङ् चोगुबा कुयाःम्बक्कोलाम् से़न्लप् खोःदे़त्लो लॽरिक् इङ्भन् मे़जोगुङ्ङिन्ने़ फाॽग्र आत्तिल्ले़आङ् कुसिक् मे़घे़ङे़न्बामे़न्॥
Galatians 6:13 in Limbu 13 कर खे़न् हर्दो के़हे़क्पाहाॽरे़ आबाङेआङ् साम्योथिम्मिन् मे़न्नाःत्तुन्लो॥ हे़क्केसाङ् खे़ङ्हाॽ आङ्दिङ् लॽमा मे़घोःर फाॽआङ् हर्दो हे़क्मा थिम्मिन् इःप्मा नाःप्मा के़म्बाङ्घिॽरो॥
Philippians 1:15 in Limbu 15 कुभारे़ग नामे़हे़त्ताआङ् खेमा थक्मा निङ्वाॽलाम् ख्रिस्तरे़ कुयाःम्बेओ इङ्मे़भोःसुॽ, कर कुभारे़ग नोनिङ्वाॽनु हे़क्के मे़जोगुॽरो॥
Philippians 2:4 in Limbu 4 खिनिॽ आबाङे नुॽमा तामान्लक् मे़ःन्, कर वेॽहाॽरे़ खुनिॽ नुॽमा ताःमान्नाङ् निङ्वाॽ इःत्ते़म्मे़ॽओ॥
Philippians 3:18 in Limbu 18 थेआङ्भे़ल्ले़ इङ्गाॽ यरिक्ले़ङ् मे़त्निङ्ङाङ् वाॽआ, हे़क्क्याङ् याम्मोआङ् आमिक्वा थाःसुङ्ल मे़त्निङ्, यरिक् मनाहाॽरे़ खुनिॽ ये़प्ले़क्किल्ले़ए खे़ङ्हाॽ ख्रिस्तरे़ कुसिलाम्साक्मा सिङ्ङिल्ले़ कुनिङ्मिसि फाॽआङ् ओसेःन्धाक्तुसिॽरो॥
Colossians 2:23 in Limbu 23 खे़न् हे़क्तङ्बा थिम्हाॽग साम्योबा याःम्बक् चोःक्मा, चुङ्जिगे़न् नःम्नःम्बा ले़ङ्सिङ्मा नु नासिङ्गे़न् थक्को तुक्खे चाःत्छिङ्मा सिक्कुम्दिङ् निङ्वाॽ हे़क्के लॽ, कर कल्ले़ नासिङ्गे़न् थक्कोबा नोस्रङ्ङिल्ले़न् फे़न् निङ्वाॽइन्युक्मा मे़सुक्तुन्लो॥