Galatians 3:22 in Limbu 22 कर लायोःल्ले़ काक् मनाहाॽ साक्पा के़धाःबा कुइसिःक् चोगुसिआङ् वाॽ फाॽआङ् साम्योसाप्लाःल्ले़ इङ्भन् चोगुआङ् वाॽ॥ खे़ल्ले़ चोगुल्ले़ निङ्वाॽफुमाङ्ङिल्ले़ कुमाङ्हुप्पिङ्ग ये़सु ख्रिस्ते़न्नसाःन् चोःक्माआङ्लक् खोःमा आसुक्तुम्लो॥
Other Translations King James Version (KJV) But the scripture hath concluded all under sin, that the promise by faith of Jesus Christ might be given to them that believe.
American Standard Version (ASV) But the scriptures shut up all things under sin, that the promise by faith in Jesus Christ might be given to them that believe.
Bible in Basic English (BBE) However, the holy Writings have put all things under sin, so that that for which God gave the undertaking, based on faith in Jesus Christ, might be given to those who have such faith.
Darby English Bible (DBY) but the scripture has shut up all things under sin, that the promise, on the principle of faith of Jesus Christ, should be given to those that believe.
World English Bible (WEB) But the Scriptures shut up all things under sin, that the promise by faith in Jesus Christ might be given to those who believe.
Young's Literal Translation (YLT) but the Writing did shut up the whole under sin, that the promise by faith of Jesus Christ may be given to those believing.
Cross Reference Mark 16:16 in Limbu 16 हे़क्क्याङ् नसाःन् के़जोःक्पा नु बप्तिस्मा के़बोःङ्बाल्ले़ से़न्लप् खोःसुॽ, कर नसाःन् मे़न्जोःक्मनाबाल्ले़ खासे़न्नो थाआङ् खुम्दिङ् खोःसुॽरो॥
John 3:15 in Limbu 15 हे़क्केलॽरिक् खुने़ॽओ नसाःन् के़जोःक्पा के़रे़क्ले़ मे़न्नुप्मनाबा हिङ्मन् मे़घोःसुॽरो॥
John 3:36 in Limbu 36 निङ्वाॽफुसाःन् नसाःन् के़जोःक्पा के़रे़क्ले़ मे़न्नुप्मनाबा हिङ्मन् मे़घोःसुॽरो॥ आबुगे़न् कुस्साःन् नसाःन् मे़न्जोःक्मनाबाहाॽरे़ मे़न्नुप्मनाबा हिङ्मन् आप्फाल्ले़आङ् मे़ङ्घोःसुन्लो, कर निङ्वाॽफुमाङ्ङिल्ले़ कुसाक्के़न्निन् खे़ङ्हाॽ सम्दाङ् चुक्लो॥
John 5:24 in Limbu 24 इङ्गाॽ से़क्खाए मे़त्निङ्, आत्तिल्ले़ पेलिगे़न् आबाःन्जाक्किन् खे़प्सुआङ् इङ्गाॽ याप्मि के़बाङ्बान् नसाःन् चोगुॽ, खे़ल्ले़ मे़न्नुप्मनाबा हिङ्मन् खोःसुआङ् वाॽ, हे़क्क्याङ् खे़ल्ले़ खुम्दिङ् मे़घोःसुन्, कर खे़ङ्ग तगिसा सिःमे़न्लाम् मे़न्नुप्मनाबा हिङ्मन्नो चत्छिङ् पेआङ् वाॽरो॥
John 6:40 in Limbu 40 थेआङ्भे़ल्ले़ कुस्साःन् के़निःबाआङ् नसाःन् के़जोःक्पा के़रे़क्ले़ मे़न्नुप्मनाबा हिङ्मन् मे़घोःसुर के़लॽबा पानुदिङ् आम्बारे़ कुनिङ्वाॽ वाॽरो॥ हे़क्क्याङ् कुनुप्मा ये़न्नो खे़ङ्हाॽ कुहिङ्वे़त् चोगुङ्सिङ्लो॥”
John 11:25 in Limbu 25 ये़सुरे़ खे़न् मे़त्तु, “इङ्गाॽग के़सिःबाहाॽ याम्मो हिङ्मन् के़बिबा नु मे़न्नुप्मनाबा हिङ्मन् के़बिबाआरो॥ आत्तिल्ले़ इङ्गाॽ नसाःन् चोःक्का खे़ङ्ग सिःसाङ् याम्मो हिङ्लो॥
John 12:46 in Limbu 46 इङ्गाॽग इक्सादिङ् खाम्बेःक्मो ओःत्ति हे़क्के त्याङ्ङाङ् वाॽआरो, हे़क्केःल्ले़ इङ्गाॽ नसाःन् के़जोःक्पाहाॽ आत्तिन्नाङ् खादाम्मो वाॽमा मे़बोःङ्ने़ल्लो॥
John 20:31 in Limbu 31 कर कप्मोग ये़सुःन्ने निङ्वाॽफुसाः, निङ्वाॽफुमाङ्ङिल्ले़ सेःन्दुबा ख्रिस्तरो लॽरिक् नसाःन् के़जोगुम्ल फाॽआङ् साप्ते़आङ् पप्पारो॥ हे़क्केलॽरिक् नसाःन् के़जोःक्पाहाॽरे़ मे़न्नुप्मनाबा हिङ्मन् मे़घोःसुॽरो॥
Acts 16:31 in Limbu 31 खे़ङ्हाॽरे़ नोगप् पिरे़त्छु, “दाङ्बा ये़सुःन् नसाःन् चोगे़ॽ, हे़क्क्याङ् खे़ने़ॽ से़न्लप् के़घोःसुॽ, हे़क्केलॽरिक्के के़हिम्सयङ्हाॽरे़आङ् नसाःन् मे़जोगुने़ फाॽग्र से़न्लप् मे़घोःसुॽरो॥”
Romans 3:9 in Limbu 9 हे़क्केःल्ले़ आनिॽ यहुदिहाॽ थिम्मे़न्दङ् सुवाङ्हाॽनुःल्ले़ नुःबा आजोःक्पि? से़क्खासाङ् आन्जोःक्ने़न्लो! यहुदिहाॽ नु थिम्मे़न्दङ् सुवाङ्हाॽआङ् लायोःल्ले़ ते़त्तुसिआङ् वाॽ फाॽआङ् मे़त्तुङ् सुरुङ्सिङ्ङाङ् वाॽरो॥
Romans 3:23 in Limbu 23 थेआङ्भे़ल्ले़ के़रे़क् मनाहाॽरे़ लायो मे़जोगुआङ् मे़वाॽ हे़क्क्याङ् निङ्वाॽफुमाङ्ङिल्ले़ कुमिमिदिङ्गे़न् कुलिङ्धो मे़ङ्गे़त्ने़न्लो॥
Romans 4:11 in Limbu 11 अब्राहामरे़ खोःसुबा कन् हर्दो हे़क्मा थिम्मिङ्ग निङ्वाॽफुमाङ्ङिन् नसाःन् चोगुआङ् वये़ल्ले़ हर्दो मे़न्हे़क्केए निङ्वाॽफुमाङ्ङिल्ले़ खुने़ॽ साम्योनिबा लेःत्तुबा पाःन्निल्ले़न् मिक्सेःन्लो॥ हे़क्केलॽरिक् अब्राहाम्मिन् हर्दो मे़न्हे़क्केसाङ् निङ्वाॽफुमाङ्ङिन् नसाःन् के़जोःक्पाहाॽरे़ खुनिॽ पाःरो॥ खे़ङ्हाॽरे़ नसाःन् मे़जोगुबाल्ले़ चोगुल्ले़ निङ्वाॽफुमाङ्ङिल्ले़ खे़ङ्हाॽ साम्योनिबा लेःत्तुसिॽरो॥
Romans 5:12 in Limbu 12 काक्नुःल्ले़ तगिबा मे़न्छाम् याप्मि आदमलाम् इक्सादिङ् खाम्बेःक्मो लायोःन् पोगे़, हे़क्क्याङ् खे़न् लायोःल्ले़ चोगुल्ले़ सिःमे़न् पोगे़रो॥ अक्खेलॽरिक् काक् मे़न्छाम् याप्मिहाॽओ सिःमे़न् त्ये़रो, थेआङ्भे़ल्ले़ के़रे़क्ले़ लायो मे़जोगुरो॥
Romans 5:20 in Limbu 20 के़रे़क् मनाहाॽ आक्खे़न् लायोबा मे़जोगे़ के़लॽबा पाःन्निन् खे़ङ्हाॽरे़ मे़निःसुर फाॽआङ् साम्योथिम्मिन् त्ये़रो, कर लायोःन् पोःरे़ल्ले़ लुङ्गुम्मिन् खे़न्नुःल्ले़आङ् यरिक् पोःरे़रो॥
Romans 10:9 in Limbu 9 खे़ने़ॽ के़मुराःल्ले़ ये़सुःन्ने दाङ्बारो फाॽआङ् ते़न्दिङ् के़जोगुआङ् के़सिक्लुङ्मोलाम् निङ्वाॽफुमाङ्ङिल्ले़ खुने़ॽ सिःमे़न्लाम् कुहिङ्वे़त् चोगु लॽरिक् नसाःन् के़जोगुने़ फाॽग्र ताङ्गे़से़ःप्लो॥
Romans 11:32 in Limbu 32 काक् मनाहाॽ निङ्वाॽफुमाङ्ङिल्ले़ कुइङ्जाःङ् मे़न्इःप्मनाबा मे़न्नाःप्मनाबा मे़बोःक्खे़आङ् मे़वाॽबाल्ले़ चोगुल्ले़ खुने़ॽ खे़ङ्हाॽ साक्पा के़धाःबाहाॽ हे़क्के मे़त्तुसिरो॥ कर खे़ङ्हाॽ लुङ्माॽ तुक्मासि फाॽआङ् हे़क्के चोगुबारो॥
Galatians 3:8 in Limbu 8 निङ्वाॽफुमाङ्ङिल्ले़ थिम्मे़न्दङ् सुवाङ्हाॽ खुनिॽ नसाःन्लाम् आप्तिक् मे़ःन्नेबा चोगुसिॽ के़लॽबा ताःन्दिबा पाःन्निन् साम्योसाप्लाओ साप्ते़आङ् पत्, हे़क्क्याङ् अब्राहाम्मिन् तगिसा अक्खेलॽरिक् सुनाइङ्ङिन् इङ्भन् चोगु, “काक् मे़न्छाम् सुवाङ्हाॽरे़ खे़ने़ॽलाम्बाए मुॽइसाम् मे़घोःसुॽरो॥”
Galatians 3:14 in Limbu 14 ख्रिस्तरे़ आनिॽ आधे़ॽरे़, हे़क्केःल्ले़ निङ्वाॽफुमाङ्ङिल्ले़ अब्राहाम्मिन् पिरुबा मुॽइसाम्मिन् ख्रिस्त ये़सुलाम् थिम्मे़न्दङ् सुवाङ्हाॽ पिरुसिआङ् वाॽ, हे़क्क्याङ् निङ्वाॽफुमाङ्ङिल्ले़ माङ्हे़क् चोगुबा सेसेमाङ्ङिन् नसाःन्लाम् आघोःसुम्लो॥
Galatians 3:17 in Limbu 17 कप्मो इङ्गाॽ थे पाःप्मा निङ्वाॽ चोगुङ्बा फाॽले़ निङ्वाॽफुमाङ्ङिल्ले़ अब्राहाम्मिन् माङ्हुप् चोगुबान् कुगिप् लिसिआङ् सुम्बोःङ् (४३०) तङ्बे एगाङ् निङ्वाॽफुमाङ्ङिल्ले़ मोसाःन् साम्योथिम् पिरुल्ले़ खे़न् माङ्हुप्पिन् मे़घक्तुन्लो, मे़ःन्ने़ फाॽग्र निङ्वाॽफुमाङ्ङिल्ले़ खे़न् चोगुबा माङ्हे़क्किन्खक्तुमे़न्॥
Galatians 3:23 in Limbu 23 ख्रिस्ते़न्ताःमानुःल्ले़ तगि, निङ्वाॽफुमाङ्ङिल्ले़ कन् नसाःन्निन् आनिॽ ओसेःन्मे़न्धाक्के थारिक् साम्योथिम्मिल्ले़ कुयुक्को आवये़आङ् आनिॽ के़रे़क् साक्पा के़धाःबा हे़क्के आजोगे़आङ् आवये़॥
Galatians 3:29 in Limbu 29 खिनिॽ ख्रिस्तरे़ कुमना के़बोःक्खिआङ् के़वयिॽने़ फाॽग्र खिनिॽग अब्राहामरे़ से़क्खा कुमुॽइदाङ्सानिङ्लो, हे़क्क्याङ् निङ्वाॽफुमाङ्ङिल्ले़ अब्राहाम्मिन् पिरुबा माङ्हे़क्किल्ले़न् लक् के़घोःबानिङ्लो॥
2 Timothy 1:1 in Limbu 1 आमिःम् आस्साः तिमोथिए, ख्रिस्त ये़सुओ के़वाॽबा मे़न्नुप्मनाबा हिङ्मन्निल्ले़न् माङ्हे़क् कुइसिःक् निङ्वाॽफुमाङ्ङिल्ले़ कुनिङ्वाॽओलाम् दाङ्बा ये़सु ख्रिस्तरे़ सेगाङ्बा कुसेःक्युक्मिबा इङ्गाॽ पावललाम् कन् सक्इङ्ङिन् हाक्ने़ॽरो॥ पानुदिङ् पाः निङ्वाॽफुमाङ्ङिन् नु आनिॽ दाङ्बा ख्रिस्त ये़सुरे़ कुलुङ्गुम्, लुङ्माॽ तुक्मा नु सनारुङ्ङिन् खे़ने़ॽनु वाॽररो॥
Hebrews 6:13 in Limbu 13 निङ्वाॽफुमाङ्ङिल्ले़ अब्राहाम्मिन्नु माङ्हे़क् चोगुल्ले़ खुने़ॽ आबाङे कुमिङ्ङिन्नुःल्ले़ वेॽ यम्बा मिङ् होःप्ते़बाल्ले़ आबाङे कुमिङ्ङो अक्खेलॽरिक् माङ्हे़क्सिङ्लो,
Hebrews 9:15 in Limbu 15 बा खे़ल्ले़ चोगुल्ले़ निङ्वाॽफुमाङ्ङिल्ले़ माङ्हे़क् चोगुबा मे़न्नुप्मनाबा लक्किन् उःत्तुसिबाहाॽरे़ मे़घोःसुर फाॽआङ् ख्रिस्ते़न्कुसङ् माङ्हुप्ले़न्पाःन्दङ्साबारो, थेआङ्भे़ल्ले़ खे़ङ्हाॽरे़ थिक्सिगेःक्समा माङ्हुप्पिल्ले़ कुदक्ले़ङ्वाओ मे़जोगुबा लायोलाम् खे़ङ्हाॽ थे़ॽमासि फाॽआङ् खुने़ॽ स्ये़बारो॥
2 Peter 1:4 in Limbu 4 बा खे़न् कुमिमिदिङ् नु कुनो-कुदाओलाम् आनिॽ यम्बा नु इमे़ल्लुङ्बा माङ्हे़क्हाॽ आघोःसुम्माङ् आवाॽ॥ खुने़ॽ फे़न् निङ्वाॽलाम् के़दाःबा फे़न् पाःन्हाॽलाम् ताङ्से़ःप्मा नु निङ्वाॽफु नोस्रङ् खोःमा माङ्हे़क् आजोगे़आङ् आवाॽरो॥
2 Peter 3:13 in Limbu 13 कर आनिॽग निङ्वाॽफुमाङ्ङिल्ले़ माङ्हे़क् चोगुबा कुसङ् इक्सादिङ् खाम्बेःक्मान् नु कुसङ् तरःङ्दिङ्ताङ्साक्पे़न्निङ्साङ् आजोगुम्माङ् आहाङ्घुम्ल आवाॽरो॥ खे़प्मो साम्योनिबा मनाहाॽरक् मे़वाॽरो॥
1 John 2:25 in Limbu 25 हे़क्क्याङ् आबुगे़न् कुस्साःल्ले़ पिनिङ् फाॽआङ् चोगुबा माङ्हे़क्किङ्ग मे़न्नुप्मनाबा हिङ्मन्लो॥
1 John 3:23 in Limbu 23 खुने़ॽ कुइङ्जाःङ्ङिङ्ग बा कन्लो–आबुगे़न् कुस्साः ये़सु ख्रिस्ते़न्आनिॽ नसाःन् चोःक्मा पोःङ्, हे़क्क्याङ् खुने़ॽ आबिरे़बा इङ्जाःङ् कुइसिःक् लुङ्माॽ तुक्सिङ्मा पोःङ्लो॥
1 John 5:11 in Limbu 11 तोःन्दिःङ्ग आम्भा कन्लो–निङ्वाॽफुमाङ्ङिल्ले़ आनिॽ मे़न्नुप्मनाबा हिङ्मन् आबिरे़आङ् आवाॽ, हे़क्क्याङ् कन् हिङ्मन्निङ्ग आबुगे़न् कुस्साःलाम् ताःरो॥