Ephesians 4:17 in Limbu 17 खे़ल्ले़ चोगुल्ले़ इङ्गाॽ दाङ्बाल्ले़ कुयुक्किल्ले़ अक्खे मे़त्निङ्, खिनिॽ निङ्वाॽफुमाङ् कुसिङ् मे़न्निःप्मनाबाहाॽ मे़वाॽबा कुइसिःक् मे़वये़म्मिन्ने़ॽओ, थेआङ्भे़ल्ले़ खे़ङ्हाॽरे़ खुनिॽ निङ्वाॽइन्कुसुम्मे़न्दम्मनाबा चोःक्लो॥
Other Translations King James Version (KJV) This I say therefore, and testify in the Lord, that ye henceforth walk not as other Gentiles walk, in the vanity of their mind,
American Standard Version (ASV) This I say therefore, and testify in the Lord, that ye no longer walk as the Gentiles also walk, in the vanity of their mind,
Bible in Basic English (BBE) This I say, then, and give witness in the Lord, that you are to go no longer in the way of the Gentiles whose minds are turned to that which has no profit,
Darby English Bible (DBY) This I say therefore, and testify in [the] Lord, that ye should no longer walk as [the rest of] the nations walk in [the] vanity of their mind,
World English Bible (WEB) This I say therefore, and testify in the Lord, that you no longer walk as the rest of the Gentiles also walk, in the futility of their mind,
Young's Literal Translation (YLT) This, then, I say, and I testify in the Lord; ye are no more to walk, as also the other nations walk, in the vanity of their mind,
Cross Reference Acts 2:40 in Limbu 40 हे़क्क्याङ् खुने़ॽ यरिक् पाःन् पाःत्तुर साम्दिङ् पिरुसिआङ् “कन् फे़न् याप्मिहाॽरे़ मे़घोःसुबा खुम्दिङ्लाम् से़ःप्पासिम्मे़ॽओ” मे़त्तुसिर खाहुन् पिरुसिरो॥
Acts 14:15 in Limbu 15 “आदाङ्बासे, कन् थे चोःक्मा के़इःत्तुम्बाबे? आन्छिगे़ग बा खिनिॽ हे़क्के मे़न्छाम्गे़न् याप्मिसिगे़रो! खिनिॽ कन् हने़बा नावाइत्लाःन् सेवा चोःक्मा ले़रे़म्मे़ॽआङ् ताङ्साक्पे़न्, इक्सादिङ् खाम्बेःक्मान्, वाहङ्हाॽ हे़क्क्याङ् खे़प्मो के़वाॽबा के़रे़क् पाःन्हाॽ नावागे़न् चइःत् के़ने़बा आजुनि निङ्वाॽफुमाङ्ङिल्लो नुःक्खे़म्मे़ॽ फाॽआङ् सुनाइङ् इङ्भन् चोःक्से़ आन्छिगे़ कप्मो त्ये़त्छिगे़बारो॥
Acts 18:5 in Limbu 5 सिलास नु तिमोथिःन् मे़सेदोनियालाम् खे़प्मो के़रे़त्छिआङ् पावले़न् काक् ये़म्मो सुनाइङ् से़ःमा नु यहुदिहाॽ खिनिॽ के़गोःत्तुम्बा निङ्वाॽफुमाङ्ङिल्ले़ सेःन्दुबा ख्रिस्ते़न्ये़सुःन्नेरो फाॽआङ् ओसेःन्धाक्मा याःम्बक्को आल्लसाङ् साॽरिक् फन्छिङ्लो॥
Acts 20:21 in Limbu 21 यहुदिहाॽ नु थिम्मे़न्दङ् सुवाङ्हाॽ लायोलाम् हिन्दे़म्मे़ॽआङ् निङ्वाॽफुमाङ् ले़प्माङ् नुःक्खे़म्मे़ॽ मे़प्मासि नु आनिॽ दाङ्बा ये़सु ख्रिस्त सम्दाङ् नसाःन् चोःक् पाङ्मासि फाॽआङ् इङ्गाॽ साम्दिङ् पिरुङ्सिङ्ङाङ् वाॽआरो॥
Romans 1:21 in Limbu 21 खे़ङ्हाॽरे़ निङ्वाॽफुमाङ्ङिन् कुसिङ् मे़निःत्तुसाङ् खुने़ॽ पिमा के़बोःङ्बा मिङ्सो इङ्धाःङ् मे़म्बिरुन् हे़क्क्याङ् नोगे़न्नाङ् मे़म्बिरुन्लो॥ कर खे़ङ्हाॽरे़ खुनिॽ इःत्छिङ्साम्मिन् फे़ःत्लाॽरे़ पेरो, हे़क्क्याङ् खुनिॽ अदङ् निङ्वाॽइन्खादाप्तुआङ् वाॽरो॥
Romans 1:23 in Limbu 23 खे़ङ्हाॽरे़ आजुनिबा मिमिदिङ्गे़न् निङ्वाॽफुमाङ्ङिन् सेवा चोःक्माल्ले़ कुले़क्वा के़सिःबा के़बेःक्पा मे़न्छाम् याप्मि, थक्सा, पुसा नु के़सःन्छिङ्बा थक्साहाॽ हे़क्तङ्बा नावाइत्लाःन् सेवा मे़जोगुरो॥
1 Corinthians 1:12 in Limbu 12 आल्ल इङ्गाॽ आबाःप्मा पाःन्निन् अक्तङ्बा वाॽ–खिनिॽ लुम्मो कुभारे़ पावले़न् इङ्गाॽ तिम्दुङ्, कुभारे़ अप्पोलोसे़न् तिम्दुङ्, वेॽइल्ले़ पत्रुसे़न् तिम्दुङ्, आल्लसाङ् वेॽस्माल्ले़ ख्रिस्ते़न्तिम्दुङ् लॽरिक् खिनिॽ के़बाःत्तुम्मु!
1 Corinthians 6:9 in Limbu 9 ताप्फे़ःम्बा याःम्बक् के़जोःक्पाहाॽरे़ निङ्वाॽफुहाङ्जुम्मिल्ले़न् लाघो मे़ङ्घोःसुन् के़लॽबा पाःन्निन् निङ्वाॽ मे़ङ्घोए के़वयिॽबि? इङ्ले़क्को मे़ध्ये़म्मिन्ने़ॽओ॥ फे़न् याःम्बक् के़जोःक्पाहाॽ, नावाइत्ला माङ्गे़घःबाहाॽ, चाराम्मा याःम्बक् के़जोःक्पा के़जोःक्माहाॽ, के़त्निबा के़त्निमाहाॽ, मे़न्छुमाॽ मे़न्छुमाॽइन्नु हे़क्क्याङ् ये़म्बित्छाॽ ये़म्बित्छाॽइन्नु चागे़राम्बाहाॽ,
1 Corinthians 15:50 in Limbu 50 आल्ल आमिःम् फुॽनुसाॽ नु ने़ॽनुसाॽसे, इङ्गाॽ पाःप्मा कोःत्तुङ्बान् कन्लो, ने़क्सा नु माक्खिॽइल्ले़ निङ्वाॽफुहाङ्जुम्मिल्ले़न् लक् खोःमा मे़सुक्तुन्लो, हे़क्केलॽरिक्के के़मे़क्पा के़बेःक्पाल्ले़ आप्फाल्ले़आङ् मे़म्मे़क्मनाबाल्ले़न् लक् खोःमा मे़सुक्तुन्लो॥
2 Corinthians 9:6 in Limbu 6 कन् पाःन्निन् निङ्वाॽ इःत्ते़म्मे़ॽओ, आत्तिल्ले़ च्यॽरक् याॽरिःम्बे़न् हेॽरु, खे़ल्ले़ च्यॽरक् चा सुप्सुॽरो॥ आत्तिल्ले़ यरिक् याॽरिःम्बा हेॽरु, खे़ल्ले़ यरिक्के चा सुप्सुॽरो॥
Galatians 3:17 in Limbu 17 कप्मो इङ्गाॽ थे पाःप्मा निङ्वाॽ चोगुङ्बा फाॽले़ निङ्वाॽफुमाङ्ङिल्ले़ अब्राहाम्मिन् माङ्हुप् चोगुबान् कुगिप् लिसिआङ् सुम्बोःङ् (४३०) तङ्बे एगाङ् निङ्वाॽफुमाङ्ङिल्ले़ मोसाःन् साम्योथिम् पिरुल्ले़ खे़न् माङ्हुप्पिन् मे़घक्तुन्लो, मे़ःन्ने़ फाॽग्र निङ्वाॽफुमाङ्ङिल्ले़ खे़न् चोगुबा माङ्हे़क्किन्खक्तुमे़न्॥
Galatians 5:3 in Limbu 3 इङ्गाॽ याम्मो मे़त्निङ्, हर्दो हे़क्मालाम् निङ्वाॽफुमाङ्ङिल्ले़ कुनिःमाओ खिनिॽ आप्तिक् मे़ःन्नेबा पोःङ्मा निङ्वाॽ के़जोगुम्ने़ फाॽग्र साम्योथिम्मो के़बप्पा के़रे़क् पाःन्हाॽ खिनिॽ के़इःत्तुम् के़नाःत्तुम्लए पोःङ्लो॥
Galatians 5:19 in Limbu 19 लायोबा निङ्वाॽलाम् याःम्बक् के़जोःक्पाहाॽरे़ खुनिॽ याःम्बक्हाॽ निधाःप्लो॥ खे़ङ्हाॽरे़ याम्बोःप्मा याःम्बक् मे़जोगुॽ, ताप्फे़ःम्बा पाःन्हाॽ मे़जोगुॽ, सिरिङ् आममबा याःम्बक् मे़जोगुॽ,
Ephesians 1:22 in Limbu 22 हे़क्क्याङ् निङ्वाॽफुमाङ्ङिल्ले़ ख्रिस्तरे़ कुयुक् सिगाङ् के़रे़क् युक्खुआङ् वाॽ, हे़क्क्याङ् सेसेहुप्लक्ले़ लागि खुने़ॽए के़रे़क् सम्दाङ् कुधे़गेःक् चोगुरो॥
Ephesians 2:1 in Limbu 1 के़बेःक्पा ये़म्मो खिनिॽ के़जोगुम्बा लायोबा याःम्बक्किल्ले़ चोगुल्ले़ के़स्ये़ॽइआङ् के़वयि॥
Ephesians 4:22 in Limbu 22 खे़ल्ले़ चोगुल्ले़ ख्रिस्ते़न्नसाःन् मे़न्जोःक्के के़वयिल्ले़ इङ्ले़क्के फे़न् निङ्वाॽइल्ले़ फे़त्लाःन्दुबा खिनिॽ तगिबा ये़प्ले़क्किन् लाप्फुसे़म्मे़ॽआङ्
Colossians 2:4 in Limbu 4 आत्तिन्हाॽरे़आङ् कुघे़म्गे़नुॽबा पाःन्हाॽलाम् इङ्गे़मे़ल्ले़क्तिन्ल फाॽआङ् अक्खे मे़त्निङ्बारो॥
Colossians 2:18 in Limbu 18 आनिगे़ सुफो निःम्मना लॽरिक् के़बाःप्पार, निगे़दे़प्पा पाःन्नोरक् चुङ्जिगे़न् नःम्नःम्बा ओसेःन्धाक्सिङ्मा कुसिराॽ के़धाङ्बा हे़क्क्याङ् माङ्लाइङ्बाहाॽ सेवा के़जोःक्पाहाॽआङ् मे़वाॽरो॥ खे़ङ्हाॽरे़ हाङ्से़म् मे़ङ्घोःमनाबा के़मे़न्जोगिन्लरो॥ कङ्हाॽग थेनाधे लायोबा निङ्वाॽओ आङ्दिङ् मे़लॽरो॥
Colossians 3:5 in Limbu 5 खे़ल्ले़ चोगुल्ले़ मे़न्छुमाॽ नु ये़म्बित्छाॽहाॽ चाराम्मा पाःन्निन्, चिःन्जिन्बा के़जोःक्पा याःम्बक्, चाराम्मा निङ्वाॽ चोःक्मान्, फे़न् याःम्बक् चोःक्मान् नु खिःम्यक् चोःक्मान् हे़क्तङ्बा नासिङ्गे़न् थक्कोबा नोस्रङ्गे़न् ये़प्ले़क्हाॽग नावाइत्लाःन् माङ्घःमनाबारो॥ खिनिॽ खे़न् काक् युक्ते़म्मे़ॽओ॥
1 Thessalonians 4:1 in Limbu 1 आल्ल कुनुप्मो फुॽनुसाॽ नु ने़ॽनुसाॽसे, खिनिॽ निङ्वाॽफुमाङ्ङिल्ले़ कुनिङ्वाॽ तामार हिङ्मा पोःङ् लॽरिक् आनिगे़लाम् के़हुॽआसिबा हे़क्केए के़जोगुम्ल के़वयिॽ॥ कर आल्लसाङ् यरिक् नुःरिक्काङ् कन् पाःन्हाॽ के़जोगुम्लए पोःङ् फाॽआङ् दाङ्बा ये़सुरे़ कुमिङ्ङो पेलि फाक्कासिगे़रो॥
1 Thessalonians 4:6 in Limbu 6 अक्खेलॽरिक् कन् पाःन्नो आत्तिल्ले़आङ् नसानिबा फुॽनुसाॽहाॽरे़ खुन्छिॽ मेःत्हाॽनु लाम्सिङ्मा मे़नुॽने़न्लो॥ काक् हे़क्तङ्बा फे़न् याःम्बक् के़जोःक्पाहाॽग निङ्वाॽफुमाङ्ङिल्ले़ खुम्दिङ् पिरुसि फाॽआङ् तगिसा आनिगे़ साम्दिङ् पिआसिगे़आङ् वयिगे़रो॥
1 Timothy 5:21 in Limbu 21 निङ्वाॽफुमाङ् नु ख्रिस्त ये़सुरे़ खुन्छिॽ तगि हे़क्क्याङ् मे़सेगे़बा माङ्लाइङ्बाहाॽरे़ खुनिॽ तगि, मनाहाॽ एःक्पएःक् चोःक्मासि नु मना से़म्मासि मे़ःन्, हे़क्क्याङ् काक् थिम्हाॽ इःत्ते़ नाःत्ते़ॽ लॽरिक् इङ्जाःङ् पिने़रो॥
1 Timothy 6:13 in Limbu 13 काक् पाःन्हाॽ हिङ्मन् के़बिबा निङ्वाॽफुमाङ् नु पन्तियस पिलातसरे़ कुदगि नुःबा तोःन्दि के़बिबा ख्रिस्त ये़सुरे़ कुदगि कन् इङ्जाःङ्ङिन् पिने़रो,
2 Timothy 4:1 in Limbu 1 ख्रिस्त ये़सुःन् हाङ् चोःक्से़ युःल्ले़ काक् कुहिङ्वे़त् नु कुसिवे़त् मनाहाॽ खासे़न् चोगुसिॽरो॥ खे़ल्ले़ चोगुल्ले़ निङ्वाॽफुमाङ्ङिल्ले़ नु ये़सु ख्रिस्तरे़ खुन्छिॽ तगि इङ्जाःङ् पिने़रो–
1 Peter 1:18 in Limbu 18 निङ्वाॽफुमाङ्ङिल्ले़ खिनिॽ पाधे़बालाम्बा के़नाःत्तुम् के़इःत्तुम्ल के़युःरुम्बा हने़बा थिम्हाॽलाम् के़मे़क्पा के़बेःक्पा साम्म्याङ् युप्पा हे़क्तङ्बा पाःन्हाॽरे़ के़धे़ॽरिआङ् ताङ्गे़से़ःप्तिबा मे़ःन् फाॽआङ् खिनिॽ के़निःसुम्लो॥
1 Peter 4:3 in Limbu 3 थेआङ्भे़ल्ले़ के़बेःक्पा ये़म्मो नसाःन् मे़न्जोःक्मनाबाहाॽ हे़क्के याम्बोःप्मा याःम्बक् चोःक्मा, फे़न् निङ्वाॽ चोःक्मा, थिःल्ले़ मःसिङ्मा, यरिक् चामा थुङ्माआङ् याम्बोःत्छे़ चुम्मा, याम्दादाबा चामुक् थिमुक् चोःक्मा नु सिक्के़ले़ःङ्बा नावाइत्लाहाॽ सेवा चोःक्माओ यरिक् ये़म् के़देःसुम्लो॥
2 Peter 2:18 in Limbu 18 खे़ङ्हाॽग कुसुम् मे़न्दम्मना आङ्दिङ् इसेःङ्बा पाःन् मे़बाःत्, हे़क्क्याङ् खारक् फे़न् याःम्बक् चोःक्मा के़ले़प्पाआङ् दाङ्बाओ के़दाःबाहाॽ फे़न् याःम्बक् चोःक्माल्ले़ थेआङ् मे़लॽने़न् लॽरिक् मे़हुसुसिर याम्मो लायोओ मे़धासुसिरो॥